SIRDARYO

​
#Tayinlov
Xovos tumanida hokim almashdi
Xovos tumanida Xalq deputatlari tuman kengashining navbatdan tashqari sessiyasi o'tkazildi. Tahliliy-tanqidiy ruhda o'tgan sessiya ishida viloyat hokimi Erkinjon Turdimov ishtirok etdi.
Erkinjon Turdimov o‘z nutqida tumanda bir qator muhim yo‘nalishlarda jiddiy qoloqlik va sustkashlik holatlari mavjudligini keskin tanqid qildi.
Kambag‘allikni qisqartirish, aholi bandligini oshirish, investitsion loyihalarni ishlab chiqish va amalda yo‘lga qo‘yish, eksport hajmini ko‘paytirish kabi ustuvor masalalarda tuman birinchi rahbarining tashabbusi, mas’uliyati va talabchanligi yetarli darajada emasligini bildirdi.
Tumanni yanada rivojlantirish borasida ishga solinmagan imkoniyatlar haqida deputatlar ham o'z fikrlarini bildirishdi. Sessiyada tashkiliy masala ko'rildi.
Shu kunga qadar tuman hokimi lavozimida ishlab kelgan Yo‘ldoshev Ulug‘bek Xasanovich egallab turgan lavozimidan ozod etildi.
Deputatlar tomonidan Raqobatni rivojlantirish va iste’molchilar huquqlarini himoya qilish qo‘mitasi Sirdaryo viloyati hududiy boshqarmasi boshlig‘i lavozimida faoliyat olib borgan Yuldashev Qomus Mirovich nomzodi Xovos tumani hokimi lavozimiga tasdiqlandi.
Ma`lumot uchun, Qomus Yuldashev 1983-yilda Sirdaryo viloyatining Shirin shahrida tug‘ilgan. 2004-yilda Toshkent to‘qimachilik va yengil sanoat institutini tamomlagan.
📍
Sirdaryo

💼
#
Tayinlov
▪️
Otabek
Mavlonberdiyev -
Sirdaryo viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tayinlandi.
O.Mavlonberdiyev mazkur tayinlovga qadar O‘zbekiston Respublikasi Prezidenti huzuridagi Davlat xizmatini rivojlantirish agentligining Sirdaryo viloyati filiali rahbari lavozimida faoliyat olib borgan.
📍
Sirdaryo

📹
Qamchiq dovonida qor yog‘moqda
Sirpanchiq bo‘lmasligi uchun yo‘llarga qum-tuz aralashmasi sepilib, transport harakati uzluksiz ta’minlanmoqda.
📍
Sirdaryo

Rasman: O‘zbekiston endi shaharlashgan davlat
BMTning yangi hisobotiga ko‘ra, (World Urbanization Prospects, 2025) O‘zbekiston 2025-yilda rasman aholisining yarmidan ko‘p qismi (51 foiz) shaharlarda yashaydigan mamlakatga aylangan.
2050-yilga borib esa 31 million aholi (60,6 foiz) shaharlarda yashashi prognoz qilinmoqda.
O‘z navbatida aholini sig‘dirish uchun shaharlarimiz kengaymoqda. Tadqiqotga ko‘ra, shaharlardagi yo‘llar va binolar bilan egallangan maydon hajmi 2000-yilga nisbatan ikki barobar oshgan.
📍
Sirdaryo

❗️
615 nafar shaxs afv etildi
Prezident Shavkat Mirziyoyev Konstitutsiya qabul qilinganining 33 yilligi munosabati bilan jazo muddatini o‘tayotgan, qilmishiga chin ko‘ngildan pushaymon bo‘lgan va tuzalish yo‘liga qadam qo‘ygan 615 nafar shaxsni afv etish to‘g‘risidagi Farmonni imzoladi.
📍
Sirdaryo

☀️
Quyosh bor, vitamin yo‘q: Nega o‘zbekistonliklarda D vitamin yetishmaydi?
Bugungi kunda dunyo bo‘yicha 1 milliardga yaqin odam D vitamini yetishmovchiligi bilan yashamoqda. Hatto quyoshli mamlakat bo‘lgan O‘zbekistonda ham o‘smirlar va bolalarning katta qismi D vitamin tanqisligidan aziyat chekadi. Qizig‘i, quyosh — D vitaminining tabiiy va eng kuchli manbai hisoblanadi.
Shu o‘rinda bir qancha savollar tug‘iladi: Quyosh ko‘p bo‘lgan yurtda odamlar qanday qilib D vitaminiga muhtoj bo‘lib qolmoqda? D vitamin yetishmasligi nimalarga sabab bo‘ladi? Buni qanday davolash mumkin?
👉
Batafsil o‘qing
📍
Sirdaryo

🗣
Hurmatli fuqarolar!
🔐
Obyekt va xonadoningiz xavfsizligini bizga ishoning!
📞
1131 raqamiga qo‘ng‘iroq qiling va batafsil ma’lumotga ega bo‘ling.
📍
Sirdaryo

Gulistonda «Konstitutsiya ko‘chasi» tashkil etildi
O‘zbekiston Respublikasi Konstitutsiyasi qabul qilinganining 33 yilligi munosabati bilan Guliston shahrida «Konstitutsiya ko‘chasi» tashkil etildi.
Tadbir davomida adliya boshqarmasi, prokuratura, ichki ishlar, bojxona va boshqa huquqni muhofaza qiluvchi idoralar tomonidan «Huquqiy maslahat burchaklari» faoliyati yo'lga qo'yilib, aholi va yoshlarga Konstitutsiyada mustahkamlangan huquq va erkinliklar, shuningdek, kundalik hayotda uchraydigan huquqiy masalalar yuzasidan bepul maslahatlar berildi.
«Konstitutsiya ko‘chasi» doirasida konstitutsiyaviy taraqqiyot bosqichlarini yorituvchi tarixiy hujjatlar, statistik ma’lumotlar, shaxsiy huquqlarni aks ettiruvchi ko‘rgazmalar namoyish etildi.
Shuningdek, Sirdaryo yuridik texnikumi o‘quvchilari tomonidan  Konstitutsiya bo‘yicha kuiz va chellenjlar, viktorinalar
o‘tkazildi
.
📍
Sirdaryo

❗️
#Diqqat
Hurmatli elektr energiyasi iste'molchilari!
«Sirdaryo magistral elektr tarmoqlari» filiali tomonidan Guliston shahridagi 110/35/10 kVli «Markaz» podstansiyasida rekonstruksiya ishlari olib boriladi.
Shu sababli, joriy yilning
6-dekabr kuni soat 2:00
dan 4:00 gacha
bo'lgan vaqt oralig'ida quyidagi hududlarda elektr energiyasi ta'minotida vaqtincha uzilishlar kuzatiladi.
▪️
Guliston shahrining
Buyuk kelajak, Madaniyat, Ma'naviyat, Ahillik, Yangi hayot, Navbahor, Taraqqiyot, Shodlik, Do'stlik, Ibratli, Bahor, Ulug' yo'l, Nihol va Sohil mahallalarida;
▪️
Boyovut tumanining
Yangi avlod va Qaropchi mahallalarida;
▪️
Guliston tumanining
Mevazor, Zarbdor va Yulduz mahallalarida;
▪️
Mirzaobod tumanining
M.Ulug'bek, Toshkent, Bog'iston, Yangi hayot va Dehqonobod mahallalarida.
«
Keltirilgan noqulayliklar uchun iste’molchilardan uzr so’raymiz
», - «Hududiy elektr tarmoqlari» AJ Sirdaryo hududiy filiali Matbuot xizmati.
📍
Sirdaryo

📹
9-dekabr — «Korrupsiyaga qarshi kurashish kuni»
📍
Sirdaryo