Siyrat.uz
Siyrat.uz
| Пайғамбаримиз сийратлари, саҳобалар ҳаёти ва Ислом тарихига бағишланган
Шиоримиз:
Аҳли сунна вал-жамоа мазҳаби асосида пок ақийда ва мусаффо Исломга интилиш, Қуръон ва суннатни ўрганиб, амал қилиш, исломий маърифат таратиш.
#Сийрат
Пайғамбар соллаллоҳу алайҳи васалламнинг муборак сийратлари
Саҳобаи киромлар Пайғамбар соллаллоҳу алайҳи васалламнинг ҳаётларининг ҳар бир лаҳзаси ҳақидаги ўзлари билган ишончли маълумотларни тобеъинларга омонат ила ўргатганлар. Ўз навбатида, тобеъинлар бу маълумотларни ўзларидан кейинги мусулмонлар авлоди – табаъа тобеъинларга қолдирганлар.
Аста-секин Пайғамбар соллаллоҳу алайҳи васалламнинг ҳаётларини ўрганадиган илм ва бу илмнинг кўзга кўринган уламоси юзага чиқа бошлаган.
Пайғамбар соллаллоҳу алайҳи васалламнинг ҳаётларини ўрганишга бағишланган илмга «ас-Сийра ан-Набавийя», бу илмда мутахассис бўлган олимларга «Сийрат уламолари» номи берилди.
«Сийрат» сўзини араб тилидан таржима қиладиган бўлсак, «таржимаи ҳол» иборасига тўғри келади. Бинобарин, истилоҳда Сийрат – Пайғамбар соллаллоҳу алайҳи васалламнинг таржимаи ҳоллари, дея оламиз.
Бу борада сўз юритар эканмиз, Пайғамбаримиз соллаллоҳу алайҳи васалламнинг сийратлари бу дунёда ўтган барча пайғамбар алайҳиссаломларнинг сийратларига нисбатан энг тўғриси, энг мукаммали ва энг ишончлисидир. Инсоният тарихидаги ҳеч бир пайғамбарнинг ҳаёти илоҳий Китобда Пайғамбаримиз соллаллоҳу алайҳи васалламнинг ҳаётларичалик ёритилмаган. Ҳеч бир пайғамбар ҳақида у зотнинг ҳаётлари ҳақида саҳобалар қилган ривоятларчалик узлуксиз ривоятлар келмаган. Бошқа пайғамбарларнинг сийратларида аниқланмаган, узилиб қолган ҳалқалар жуда кўп.
Аллоҳ таолонинг инояти ва ёрдами билан мусулмон уммати Пайғамбаримиз соллаллоҳу алайҳи васалламнинг муборак ҳаётларининг ҳар бир лаҳзасини катта аниқлик ва эҳтимом билан ўрганиб, авлоддан-авлодга нақл қилиб келди. Муҳаддис уламоларимиз бу ривоятларни аниқ илмий йўл билан тадқиқ қилиб, китобларга
битдилар.
Telegram
|
Facebook
|
Instagram
|
Youtube
#Кун_дуоси
Малавон салавоти
Кимки ушбу салавоти шарифни ҳар тонг ва кеч кирганда уч мартадан ўқиса, ҳазрати Расулуллоҳ соллаллоҳу алайҳи вaсалламга ўттиз минг (жами 60.000) caлaвот йўллаган бўлади ва унга Аллоҳнинг изни билан, олтмиш минг салавот айтганнинг савоби ато этилади.
بِسْمِ اللهِ الرَّحْمٰنِ الرَّحِيمِ
اَللهُمَّ صَلِّ عَلَى سَيِّدِنَا مُحَمَّدٍ وَعَلَى أَلِهِ كُلَّمَا اخْتَلَفَ الْمَلَوَانِ وَتَعَاقَبَ الْعَصْرَانِ وَ كَرَّرَ الْجَدِيدَانِ وَ اسْتَقْبَلَ الْفَرْقَدَانِ وَ بَلِّغْ رُوحَهُ وَ أَرْوَاحَ أَهْلِ بَيْتِهِ مِنَّا التَّحِيَّةَ وَ السَّلَامَ وَ ارْحَمْ وَبَاركْ وَ سَلِّمْ عَلَيْهِ كَثِيرًا كَثِيرًا إِلَى يَوْمِ الْحَشْرِ وَ الْقَرَارِ
Бисмиллаҳир Роҳманир Роҳийм
Аллоҳумма солли ъала саййидина Муҳаммадин ва ъала алиҳи кулламахталафал малавани ва таъақобал ъасрони ва карророл жадийдани вастақ балал-фарқодани. ва баллиғ руҳаҳу ва арваҳа аҳли байтиҳи миннат таҳиййата вас салама варҳам ва барик ва саллам ъалайҳи касирон касирон ила йавмил ҳашри вал қорори. («Ал-адъийатул ворида,», 174-с).
Маъноси: Аллоҳим, Саййидимиз ҳазрати Муҳаммадга ва ул зотнинг аҳли байтларига икки кеча билан кундуз ўрин алмашиниши давом этгунича, икки аср (замонлар) бир-бирининг изидан келадиган муддатча, янгиланадиган икки хилқат (қуёш ва ой) такрорланиб турадиган вақтча, (жанубий ва шимолий) икки қутб юлдузлари кўринаверадиган муддатча узлуксиз салоту салом ёғдир. Биздан ул зотта ва ул зотнинг аҳли байтларига тахиййат ва саломларни етказ! То (қиёматдаги) тўпланиш ва қарор топиш кунигача ул зотга кўпдан-кўп раҳмат, баракот ва саломларни бардавом ёғдир!
🔗
Тўлиқ ўқиш
Telegram
|
Facebook
|
Instagram
|
Youtube
#Сийрат
Сийрат – етакловчи нурли йўл
Бизни Ўзининг охирги пайғамбари бўлмиш Муҳаммад алайҳиссаломнинг умматларидан қилган ва «Батаҳқиқ, сизлар учун – Аллоҳдан ва охират кунидан умидвор бўлган ва Аллоҳни кўп зикр қилганлар учун Расулуллоҳда гўзал ўрнак бор», деган Аллоҳ таолога чексиз ҳамду санолар бўлсин.
Ҳаётларининг ҳар бир лаҳзаси биз учун ибрат манбаи бўлган ҳабибимиз ва шафоатчимиз Муҳаммад мустафо соллаллоҳу алайҳи васалламга батамом ва мукаммал саловоту дурудлар бўлсин.
Пайғамбаримизнинг улкан ва ибратли ҳаётларининг ҳар бир лаҳзасини диққат билан ўрганиб, келажак авлодларга ўта аниқлик ила ривоят қилиб, қолдириб кетган саҳобаи киромларга Аллоҳ таолонинг розилиги бўлсин.
Тунларни кунларга улаб, омонат ила Пайғамбар соллаллоҳу алайҳи васалламнинг ҳаёт йўллари – сийратлари ҳақида тайёр китоблар қолдириб кетган сийрат илми уламоларига Аллоҳ таолонинг раҳмати бўлсин.
⛓️
Давоми
Telegram
|
Facebook
|
Instagram
|
Youtube
#Салавотлар
Тафрижия салавоти (салоти нория)
اللّهُمَّ صَل صَلَوةً كَامِلَةً وَ سَلَّمْ سَلَاماً تَامَّا عَلَى سَيِّدِنَا مُحَمَّدِهِ الَّذِى تَنْحَلُ بِهِ الْعُقَدُ وَ تَنْفَرِجُ بِهِ الْكُرَبُ وَ تُقْضَى بِهِ الْحَوَائِجُ وَ تُنَالُ بِهِ الرَّغَائِبُ وَ حُسْنُ الْخَوَاتِمِ وَ يُسْتَسْقَى الْغَمَامُ بِوَجْهِهِ الْكَرِيمِ وَ عَلى آلِهِ وَصَحْبِهِ فِي كُلِّ لَمْحَةٍ وَ نَفَسٍ بِعَدَدِ كُلِّ مَعْلُومٍ لَكَ
Аллоҳумма солли солатан камилатан, васаллим саламан тамман ъала саййидина Муҳаммадиниллазий танҳаллу биҳил ъуқоду ва танфарижу биҳил куробу ва туқзо биҳил ҳаваижу ва туналу биҳир- роғоибу ва ҳуснул-хавотими ва йустасқол-ғамому би- важҳиҳил карийми, ва ъала алиҳи ва соҳбиҳи фи кулли ламҳатин ва нафасин би ъадади кулли маълумин лак.
Маъноси: Аллоҳим, ҳазрати Муҳаммадга ва ул зотнинг оилалари (аҳли)га ҳар нафас ва ҳар лаҳзада Ўзингга маълум бўлган саноқлар миқдорича комил салавот ва мукаммал салом юборгин, чунки ул зотнинг воситасида (ҳар қандай) тугунлар ечилади, қийинчиликлар кетади, машаққатлар бартараф бўлади, ҳожатлар раво бўлади, орзуларга ва яхши-гўзал оқибатларга эришилади ҳамда ул зотнинг гўзал-карамли юзлари ҳурматидан ёмғирлар сўралади. («Ал-адъийатул-воридату фил-аятил каримати вал аҳодисиш шарифах», 64-с).
Бу салавотни ҳар бир намоз ортидан ўн бир марта ўқилади. Бирор ҳожат ёки мушкулотнинг ҳал бўлиши учун аввал 114 марта Фотиҳа сураси ўқилиб, кейин бу салавот мукаммал 4444 (тўрт минг тўрт юз қирқ тўрт) марта ўқилса, ортидан Анфол сурасининг 60-64-оятлари тиловат қилинса, муродга эришилиши тажрибаларда синалган. Ушбу салавот «Ас-сиятул комила» ёки тез ижобат бўлгани учун «Ан-нория» деб номланган.
Бир ривоятга кўра, Саййид Аҳмад ат-Тозийга нисбатан «Ат-Тозия» ёки «Ат-Тафрижийя» деб ҳам аталади.
Имом Қуртубий айтадилар: «Кимки бу салавотни ҳар куни қирқ бир марта ёки юз марта ёки ундан зиёда ўқиса, Аллоҳ таоло унинг ғам-ташвишларини аритади ва қийинчиликларини кетказади, ишларини енгиллаштиради, қалбини нурга тўлдиради, мартабасини кўтаради, ҳолатини чиройли қилади, ризқини кенг қилади, унга яхшилик эшикларини очиб қўяди, сўзини ўтадиган қилиб қўяди, замоннинг турли ҳодисаларидан ва оч-фақирлик фалокатларидан омонда сақлайди ва бундан бошқа фазилатлар билан
сийлайди».
Telegram
|
Facebook
|
Instagram
|
Youtube
#тарихда_бугун
Сафар ойининг ўн тўртинчи куни содир бўлган воқеалар
Ҳижрий 16 йил 14 сафар куни (милодий 637 йил 18 март) Саъд ибн Абу Ваққос розияллоҳу анҳу бошчилик мусулмонлар аскарлари «Мадоин» жангида форслар устидан ғалаба қозондилар ва пойтахтни қўлга олиб, форс давлати ҳукумронлигига чек қўйдилар.
Ҳижрий 656 йил 14 сафар куни (милоди 1258 йил 26 февраль) Аббосийлар давлатининг охирги халифаси Мустаъсим биллаҳ Бағдод қулаганидан сўнг Ҳулакунинг буйруғи билан қатл қилинди.
Ҳижрий 1198-йил 14 сафар куни (милодий 1784 йил 8 январь) Усмонлилар давлати Қирмни Россияга қарашли минтақа эканини эътироф қилишга мажбур бўлди. Қирм бундан аввал Усмонлилар давлатига 296 йил қарам бўлган.
Ҳижрий 973 йил (милодий 1565 йил) Усмонлилар Малта оролини қамал қилишдан воз кечди. Қамал пайтида 8000 усмонли ҳалок бўлди, бунга жавобан 8500 испан аскари йўқ қилинди.
Ҳижрий 1094 йил(милодий 1683 йил) Усмонли давлати Венеция билан Истанбул шартномасини имзолади. Шартномага кўра, Венеция 250,000 олтин танга жарима тўлашга мажбур бўлди.
Ҳижрий 1220 йил (милодий 1805 йил) Умумхалқ ҳаракати етакчиси Умар Макрам Усмонли ҳокими Хуршид Пошога қарши исён бошлаб, уни ҳокимиятдан четлатди ва Муҳаммад Алий Пошони Миср ҳокими қилиб тайинлади.
🔗
Давоми:
https://siyrat.uz/maqola/10978
Telegram
|
Facebook
|
Instagram
|
Youtube
Набиййи малиҳ салавоти
اَللّهُمَّ صَلِّ عَلَى سَيِّدِنَا مُحَمَّدِ النَبِيِّ الْمَلِيحِ صَاحِبِ الْمَقَامِ الْأَعْلَى وَالِّسَانِ الْفَصِيحِ
Аллоҳумма солли ъала саййидина Муҳаммадинин Набиййил малийҳи, соҳибил мақомил аъла валлисанил фасийҳ
(«Ал-адъийатул воридаҳ», 61-с).
Маъноси: Аллоҳим! Энг юксак мақом, фасоҳатли тил соҳиби бўлмиш малоҳатли – кўркам юзли саййидимиз ҳазрати Муҳаммадга салоту салом ёғдир!
🔗
https://siyrat.uz/maqola/10977
Telegram
|
Facebook
|
Instagram
|
Youtube
#Салавотлар
Малаул аъло ва васийла салавоти
اللَّهُمَّ صَلِّ عَلَى مُحَمَّدٍ فِي الْأَوَّلِينَ وَ صَلِّ عَلَى مُحَمَّدٍ فِي الآَخرينَ وَصَلِّ عَلَى مُحَمَّدٍ في النَّبِيِّينَ وَ صَلِّ عَلَى مُحَمَّدٍ فِي الْمُرْسَلِينَ وَ صَلِّ عَلَى مُحَمَّدٍ فِي الْمَلَاءِ الْأَعْلَىٰ إِلَى يَوْمِ الدِّينِ اَللّهُمَ أَعْطِ مُحَمَّدًا الوَسِيلَةَ وَالْفَضيلَةَ وَ الشَّرَفَ وَ الدَّرَجَةَ الْكَبِيرَةَ
Аллоҳумма солли ъала Муҳаммадин фил аввалийна ва солли ъала Муҳаммадин фил ахирийна ва солли ъала Муҳаммадин фин набиййийна ва солли ъала Муҳаммадин фил мурсалийна ва солли ъала Муҳаммадин фил малаил аъла ила явмиддийн. Аллоҳумма аъти Муҳаммаданил васийлата вал фазийлата вaш шapoфa вaд дapожатал кабийрота!
Маъноси: Аллоҳим! Аввалгилар орасида ҳазрати Муҳаммадга раҳмат ёғдир, кейингилар орасида ҳазрати Муҳаммадга раҳмат ёғдир, набий (пайғамбар)лар орасида ҳазрати Муҳаммадга раҳмат ёғдир, мурсал элчи расуллар орасида ҳазрати Муҳаммадга раҳмат ёғдир, малаул аълода энг олий, шарафли зотлар орасида то қиёмат кунигача ҳазрати Муҳаммадга раҳмат ёғдир! Аллоҳим! Ҳазрати Муҳаммадга васийла (жаннатдаги энг олий мақом), фазилат, шараф ва улуғ даража ато қил! («Ал-адъийатул-воридаҳ», 64-с).
Фақиҳ Абу Лайс Самарқандий айтадилар:
«Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам айтдилар: «Васийла жан-натдаги энг юксак бир мақомдирки, унга фақат бир киши эришади. Умид қиламанки, ўша киши мен бўламан».
Севикли Пайғамбаримиз соллаллоҳу алайҳи васалламнинг ўз амрларига мувофиқ ул зотга васийла тилангани учун бу салавот ҳам жуда
савоблидир
.
Telegram
|
Facebook
|
Instagram
|
Youtube
Енглар ва Аллоҳнинг исмини зикр қилинглар
«Абу Талҳа ва Умму Сулаймлар Расулуллоҳ соллаллоҳу алайҳи васалламни овқатга таклиф этишди. Расулуллоҳ соллаллоҳу алайҳи васаллам улардан яна ўн киши бирга келишига изн сўрадилар. Икковлари ўша ўн кишига ҳам изн беришди. Расулуллоҳ ушбу ўн киши овқат тановул қилгани киришганда «Енглар ва Аллоҳнинг исмини зикр қилинглар», дедилар. Улар овқатдан ейишди. Бундан ташқари яна саксон киши ҳам тановул қилди. Бу Расулуллоҳнинг зоҳирий мўъжизаларидан бири
эди.
Имом Муслим ривояти.
Telegram
|
Facebook
|
Instagram
|
Youtube
Сафар ойининг бешинчи куни содир бўлган воқеалар
Ҳижрий 1226 йил (милодий 1811 йил) – Миср волийси Муҳаммад Али Пошо мамлукларни йўқ қилиш учун ҳийла билан уларни Қоҳира қалъасига чақириб, оммавий қатлиом уюштирди. Бу воқеа мамлакат ичидаги тартибсизликларни бостириш мақсадида амалга оширилди.
Ҳижрий 1327 йил (милодий 1909 йил) – Усмонийлар давлати Австрия-Венгриянинг Босния ва Герцеговинани ўзига қўшиб олишини расман тан олди. Бунинг эвазига 2,5 миллион олтин лира товон олди. Шу билан Усмонийлар Боснияни бой берди.
Батафсил
-
https://siyrat.uz/maqola/10973
Telegram
|
Facebook
|
Instagram
|
Youtube
#тарихда_бугун
Сафар ойининг саккизинчи куни содир бўлган воқеалар
Ҳижрий 180 йил сафар ойининг саккизинчи куни (милодий 796 йил 23 апрель) Ҳакам ибн Ҳишом отаси Ҳишом ибн Абдулҳамид вафотидан сўнг 26 ёшида Андалус тахтига ўтирди. Ҳакам ибн Ҳишом ҳижрий 154 йил (милодий 771 йил) таваллуд топиб, ҳижрий 206 йил (милодий 822 йил) вафот этган. Унинг 19та ўғил ва 32та қиз фарзанди бўлган.
Ҳижрий 918 йил сафар ойининг саккизинчи куни (милодий 1512 йил 25 апрель) Султон Салим I отаси Боязид II дан сўнг Усмонлилар давлати тахтини эгаллади. Султон Салим I даврида давлат шарқ томондан кўплаб ерларни фатҳ қилишга муваффақ бўлган.
Ҳижрий 1099 йил (милодий 1688 йил) Маҗор қўмондони Карфа Усмонлилардан Агар вилояти марказини эгаллаб, масжидларни вайрон қилди. Бу билан Маҗористон шимоли Усмонли ҳукмронлигидан чиқди.
Ҳижрий 1405 йил (милодий 1984 йил) Саудия Арабистони подшоҳи Фаҳд ибн Абдулазиз Қубо масжидини кенгайтириш лойиҳасига тамал тоши қўйди.
Ҳижрий 656 йил (милодий 1258 йил) Усмонли сулоласига асос солган султон, Усмонли давлати асосчиси Усмон I таваллуд топди.
Ҳижрий 1257 йил (милодий 1841 йил) Мисрда мустамлакачиликка қарши курашнинг йирик етакчиларидан бири Аҳмад Аробий дунёга келди.
Ҳижрий 35 йил (милодий 656 йил) Расулуллоҳ соллаллоҳу алайҳи васалламнинг саҳобаларидан, форслар ичида биринчи бўлиб Исломни қабул қилган улуғ зот Салмон Форсий розияллоҳу анҳу вафот қилдилар.
⛓️
https://siyrat.uz/maqola/10972
Telegram
|
Facebook
|
Instagram
|
Youtube