@SizdanTelegram© | Yangi O'zbekiston
САМАРҚАНД ТУРИЗМ ПОЛИЦИЯСИ ХОДИМЛАРИ: «КУЧАЙТИРИЛГАН ТАРТИБДА ИШЛАЯПМИЗ, ЛЕКИН ҚЎШИМЧА ҲАҚ ТЎЛАНМАЯПТИ»
@ozodnews
Самарқанд вилояти ИИБ Туризм полицияси бошқармаси ходимлари номидан таҳририятга мурожаат келиб тушди.
Мурожаатда айтилишича, вилоятда халқаро тадбирлар ва туристлар сони ортиши муносабати билан ходимлар тез-тез кучайтирилган тартибда хизмат қилишга жалб этилмоқда. Муаллифларнинг таъкидлашича, ҳолатларда ходимлар бир неча кун давомида уйига жавоб берилмасдан хизматда ушлаб турилади.
Ходимлар оғзаки топшириқлар асосида дам олиш кунлари ва иш вақтидан ташқари ишлаётганини, аммо бунинг учун қўшимча ҳақ тўланмаётганини билдирмоқда. Улар меҳнат қонунчилиги ва ички ишлар органлари фаолиятини тартибга солувчи ҳужжатларга мувофиқ, кучайтирилган хизмат тартиби тегишли ёзма буйруқ асосида жорий этилиши кераклигини таъкидламоқда.
Мурожаатда Самарқанд вилояти ИИБ Туризм полицияси бошқармаси раҳбарияти, жумладан бошқарма бошлиғи Элдор Алкаров номи ҳам тилга олинган.
Ходимлар мазкур ҳолат юзасидан хизмат текшируви ўтказилишини ва меҳнат ҳуқуқларига риоя этилишини таъминлашни сўрамоқда.
ОНКОЛОГИЯ МАРКАЗИ ХОДИМИ: «ТУРК МЕНЕЖМЕНТИ ОСТИДА ВАЪДА ҚИЛИНГАН ИСЛОҲОТЛАР АМАЛГА ОШМАДИ»
@ozodnews
Республика ихтисослаштирилган онкология ва радиология илмий-амалий маркази ходими таҳририятга мурожаат қилиб, муассасадаги молиявий ва бошқарув жараёнлари юзасидан саволлар кўтарди.
Мурожаат муаллифининг айтишича, марказ қарийб бир йилдан бери Туркиянинг Health Management компанияси иштирокида бошқарилмоқда. Ходимларга маошлар оширилиши ва KPI тизими орқали қўшимча рағбатлантириш ваъда қилинган бўлса-да, кутилган натижа кузатилмагани айтилмоқда.
Мурожаатда, шунингдек, марказнинг молиявий ҳолати, тиббий хизматлардан тушаётган маблағлар тақсимоти, хорижлик мутахассислар маошлари ҳамда мазкур компания билан тузилган шартномалар юзасидан саволлар ўртага ташланган.
Муаллиф ушбу ҳолатлар юзасидан Соғлиқни сақлаш вазирлиги ва бошқа масъул идоралар томонидан очиқ тушунтириш берилишини ҳамда молиявий фаолиятнинг холис текширилишини сўрамоқда.
БУЛУНҒУРДА 20–30 ЙИЛЛИК ДАРАХТЛАР КЕСИЛМОҚДАМИ?
@ozodnews
Самарқанд вилояти Булунғур тумани аҳолиси таҳририятга мурожаат қилди.
Уларнинг айтишича, Оқтепа ариғини реконструкция қилиш ишлари доирасида 20–30 йиллик дарахтлар кесиб ташланмоқда. Аҳоли бу ҳолат юзасидан экология идораларига мурожаат қилганида, ишлар Президент қарори асосида амалга оширилаётгани айтилган.
Мурожаат муаллифлари дарахтларни кесишнинг ҳуқуқий асослари ва экологик хулосалар бўйича расмий тушунтириш берилишини сўрамоқда.
ТОШКЕНТ–МОСКВА РЕЙСИ БЕКОР ҚИЛИНДИМИ? ЙЎЛОВЧИЛАР ИЗОҲ КУТМОҚДА
@ozodnews
Таҳририятга келиб тушган мурожаатда айтилишича, 2026 йил 21 май куни Тошкент халқаро аэропортидан Москва шаҳрининг Домодедово аэропортига парвоз қилиши керак бўлган Қанот Шарқ HH715 (Тошкент–Москва) рейси бекор қилинган.
Мурожаат муаллифи рейснинг бекор қилиниши сабаблари йўловчиларга етарлича тушунтирилмаганини билдирмоқда.
#ЭКСКЛЮЗИВ
#EXCLUSIVE
🔴
ЭФИРДА СИЗ КУТГАН АЗИЗ НУР
🔥
Озодлик суриштируви: Humans ортидаги одамлар
🔥
Озодликнинг янги эксклюзив суриштирувини ўтказиб юборманг!
🔺
https://youtu.be/PLLy99wiQYk
✅
20 мингдан ортиқ жабрланувчи.
✅
Йўқолган миллионлар.
✅
Сингапурдаги махфий ҳужжатлар.
✅
Ва Humans ортидаги жамоатчилик билмаган исм.
❗️
Нега 15 фоиз акция эгаси компания даромадининг 60 фоизига шерик бўлган?
❗️
Энг асосийси —
“Investor D”
ким?
Беш ой давом этган
Озодлик суриштируви
да бу бизнес империясида иштирок этган асосий фигуралардан бири Ўзбекистоннинг биринчи оиласига яқин шахс экани аниқ бўлди.
Унинг кимлигини билмоқчи бўлсангиз — ҳозироқ
YouTube
каналимизга киринг!
🎬
YouTube
|
📷
Instagram
|
🚀
Telegram
🐤
Twitter
|
📞
WhatsApp
|
🔵
Facebook
Bizga xabar yo'llash uchun
👉
🚀
Telegram
“Отнинг ўлими - итнинг байрами”
Нақд пул рад этилиши оддий
халқнинг
мана шундай
таланишига
олиб келмоқда. Давлатчилик учун бундан ортиқ
шармандалик
йўқ!
👉
@r_kusherbayev
ТЕРМИЗДАГИ ЯНГИ УЙЛАРДА ГАЗ ЙЎҚ, ЕРТЎЛАНИ СУВ БОСГАНИ АЙТИЛМОҚДА
@ozodnews
Термиз шаҳри Мангузар ҳудудидан квартира сотиб олган фуқаролар таҳририятга мурожаат қилди.
Мурожаатда айтилишича, уй сотиб олинганига бир ярим йилдан ошган бўлса-да, шартномада кўрсатилган газ таъминоти ҳалигача улаб берилмаган.
Шунингдек, аҳолининг таъкидлашича, кўп қаватли уй ертўласига сув тўпланиб, антисанитар ҳолат юзага келган. Бу эса чивин ва ноқулайликларнинг кўпайишига сабаб бўлаётгани айтилмоқда.
Мурожаат муаллифларига кўра, қурувчи ташкилот масъулларини топиш қийин бўлиб қолган.
Фуқаролар ушбу муаммоларни бартараф этиш ва масъул ташкилотлардан расмий изоҳ беришни сўрамоқда.
ЭЛЛИКҚАЛЪАДА БОҒ БУЗИЛГАНИ АЙТИЛМОҚДА: АҲОЛИ ҲОКИМИЯТДАН ИЗОҲ КУТМОҚДА
@ozodnews
Қорақалпоғистон Республикаси Элликқалъа тумани Амиробод овули ҳудудидан таҳририятга мурожаат келиб тушди.
Мурожаат муаллифининг айтишича, захира ер майдонида жойлашган боғ ҳокимият ташаббуси билан бузилган. Унинг таъкидлашича, мазкур ҳудудда маҳалла идораси қурилиши режалаштирилган бўлиб, боғдаги дарахтлар ва қилинган меҳнатлар пайҳон бўлган.
Мурожаатда Элликқалъа тумани ҳокими Валижон Ниязимбетов номи тилга олинган. Фуқаро ушбу ҳолат юзасидан қонунийликни текшириш ва масъуллардан расмий изоҳ беришни сўрамоқда.
ҚИБРАЙДА ҚОНУНИЙ ОБЪЕКТЛАР БУЗИЛАЁТГАНИ АЙТИЛМОҚДА: ЗОЙИР МИРЗАЕВ НОМИ ТИЛГА ОЛИНМОҚДА
@ozodnews
Тошкент вилояти Қибрай туманидаги тадбиркорлар номидан таҳририятга мурожаат келиб тушди.
Мурожаатда айтилишича, айрим қонуний объектлар бузилаётгани ва бу ҳолат тадбиркорлар ўртасида норозиликка сабаб бўлаётгани билдирилган. Муаллифларга кўра, бузиш учун вилоят ҳокими Зойир Мирзаев топшириқ берган.
Тадбиркорлар мазкур ҳолат сабаб сарсон бўлаётганини айтиб, масалага аниқлик киритиш ва қонунийликни текширишни сўрамоқда.
АСАКАДА КРЕДИТ ҚАРЗДОРЛАРИГА БОСИМ ЎТКАЗИЛАЁТГАНИ ВА КОРРУПЦИЯ ҲАҚИДА ДАЪВОЛАР ЯНГРАМОҚДА
@ozodnews
Андижон вилояти Асака туманидаги ҳолат юзасидан таҳририятга кенг қамровли мурожаат келиб тушди.
Мурожаат муаллифларининг айтишича, туманда кредитдан муддати ўтган қарздорлиги бор фуқароларга нисбатан ташкилот раҳбарлари, маҳалла фаоллари ва бошқа мутасаддилар орқали босим ўтказилаётгани айтилмоқда. Уларга кўра, айрим ҳолатларда фуқаролар оммавий йиғилишларда танқид қилиниб, қарзларни қисқа муддатда тўлаш талаб этилмоқда.
Мурожаатда таъкидланишича, қарздорлик миқдори нисбатан кичик бўлса-да, иш ҳақидан босқичма-босқич тўлаб борилаётган ҳолатлар ҳам инобатга олинмаяпти. Шу билан бирга, фуқароларнинг кредит масалаларига ташкилот раҳбарлари ёки маҳалла фаолларининг аралашиш ваколати бор-йўқлиги ҳақида савол қўйилган.
Шунингдек, мурожаатда туман ҳокимлиги тизимида ишга қабул қилишда шаффофлик етишмаслиги, кадрлар тез-тез алмашиши ва коррупцияга оид даъволар ҳам билдирилган. Муаллифлар ушбу ҳолатлар юзасидан мустақил текширув ўтказилишини сўрамоқда.
Масала юзасидан тегишли давлат идораларидан расмий изоҳ олиш учун сўров юборилади.