СОЛИҲА АЁЛЛАРГА🧕🧕🧕

Қалбингиз чарчаган бўлса, бу сўзларни охиригача ўқинг
Эҳтимол, ҳозир дилингизда ҳеч ким билмайдиган бир дард бор.
Кечикаётган бир дуо...
Унута олмаётган бир инсон...
Ўтмишда қолган, аммо қалбингиздан кетмаган бир гуноҳ...
Ёки ҳаётингизга қараб:
«Ҳамма ўз йўлидан кетяпти, мен эса қачон ўзгараман?» деб ўйлаётгандирсиз.
Одамлар олдида эса кулиб, «Ҳаммаси яхши», дейсиз.
Аммо эшик ёпилиб, ёлғиз қолганингизда қалбингиздаги ҳақиқатни ўзингиз биласиз.
Шундай пайтда сизга бир гапни айтаман:
Қалбингиз оғриётган пайтда ҳаётингиз ҳақида охирги қарорни қабул қилманг.
Чунки оғриқ инсонга вақтинчалик ҳолатни абадийдек кўрсатади.
Бугунги оғирлик сизга:
«Бу ҳолат ҳеч қачон тугамайди», дейди.
Лекин ҳаётингизга бир назар ташланг.
Сиз бир вақтлар «бундан қандай чиқаман?» деган синовлардан ҳам ўтгансиз.
Ёпилган эшиклар бўлган. Кейин эса унинг ёпилгани сиз учун яхшилик эканини тушунгансиз.
Йўқотган инсонларингиз учун йиғлагансиз. Кейин эса баъзи йўқотишлар аслида Аллоҳнинг сизга берган ҳимояси эканини англагансиз.
Шунинг учун бугун тушунмаётган нарсангиз учун эртанги ҳикоянгизга ҳукм чиқарманг.
Дуонгиз кечикаётган бўлса...
Баъзан биз Аллоҳ бизга бермагани учун эмас, биз хоҳлаган нарсани биз истаган вақтда бермагани учун хафа бўламиз.
Дуо қиласиз. Ижобат кечикади.
Ва қалбингиздан:
«Аллоҳ мени эшитяптимикин?» деган савол ўтади.
Ҳа, Аллоҳ сизни эшитади.
Лекин Аллоҳнинг раҳматини фақат дуоингиз айнан сиз хоҳлаган шаклда амалга ошиши билан ўлчаманг.
Сиз бир эшик очилишини хоҳлаётгандирсиз.
Аллоҳ эса унинг ортида сиз билмаган зарар борлигини билади.
Сиз бир инсонни ҳаётингизда қолдиришни хоҳлаётгандирсиз.
Аллоҳ эса у инсон ҳақида сиз билмаган ҳақиқатни билади.
Шунинг учун:
Дуо кечикса — дуодан тўхтаманг.
Эшик очилмаса — Раббингиздан умид узманг.
Баъзан кечикиш — рад жавоби эмас.
Баъзан кечикиш — тайёргарликдир
.
Қалбингизни бировнинг муносабатига топширманг
Кимдир сизни ташлаб кетган бўлиши мумкин.
Бу сизни қадрсиз қилмайди.
Кимдир сизга хиёнат қилган бўлиши мумкин.
Бу сиз вафога лойиқ эмаслигингизни билдирмайди.
Кимдир сизни қадрламаган бўлиши мумкин.
Бу сизнинг қадрингизни камайтирмайди.
Инсонлар сизнинг қийматингизни белгиламайди.
Сизни яратган Зотнинг наздидаги ҳолатингиз муҳим.
Шунинг учун бировнинг кетиши билан ўзингизни йўқотиб қўйманг.
Ўзингизни бошқалар билан солиштирманг
Телефонни очасиз:
Кимдир уй олган.
Кимдир тўй қилган.
Кимдир иш бошлаган.
Кимдир саёҳат қилган.
Кимдир сиз орзу қилган ҳаётни яшаётгандек кўринади.
Телефонни ёпасиз ва:
«Мен-чи?» дейсиз.
Аммо бир нарсани унутманг:
Сиз ўз ҳаётингизнинг қийин томонларини бошқаларнинг ҳаётидаги энг чиройли суратлар билан солиштиряпсиз.
Сиз уларнинг ортидаги ташвишни кўрмайсиз.
Шунинг учун «мен кеч қолдим» деманг.
Ҳар бир инсоннинг ўз вақти, ўз синови ва ўз йўли бор.
Сизнинг йўлингиз бошқаларникидан кечроқ бошланган бўлиши мумкин. Бу унинг ёмон йўл эканини билдирмайди.
Ўтмишингиз учун ўзингизни жазолаб яшаманг
Агар ўтмишингизда хатолар бўлса, улардан сабоқ олинг.
Гуноҳ қилдингизми — тавба қилинг.
Бировга ноҳақлик қилдингизми — тўғриланг.
Имкониятни бой бердингизми — ундан дарс олинг.
Лекин ўтмишингизни кўтариб, келажагингизни ҳам ўлдирманг.
Ўтмишни ўзгартира олмайсиз. Аммо ўтмишдан кейинги инсонни ўзгартира оласиз.
«Шунча гуноҳдан кейин Аллоҳга қандай юз билан қайтаман?» деманг.
Аксинча:
Шунча гуноҳдан кейин ҳам Аллоҳга қайтинг.
Тавба қилиш учун аввал мукаммал инсон бўлиш шарт эмас.
Аллоҳга қайтишнинг ўзи — ўзгаришнинг бошланишидир.
Яна қоқилсангиз — яна туринг.
Яна хато қилсангиз — яна тавба қилинг.
Шайтон сизга:
«Сендан энди яхши инсон чиқмайди», деган фикрни сингдиришига йўл қўйманг.
https://t.me/soliha_ayollarga

Оиша разияллоҳу анҳо айтади: “Расулуллоҳ саллаллоҳу алайҳи ва салламнинг кайфиятлари яхши эканини кўриб: “Ë Расулуллоҳ, мени дуо қилинг”, дедим.
Расулуллоҳ саллаллоҳу алайҳи ва саллам: “Аллоҳим, Оишанинг аввалги ва кейинги, яширин ва ошкора қилган гуноҳларини мағфират қил”, деб дуо қилдилар.
Бу дуони эшитгач шунчалик хурсанд бўлиб кулдимки, ҳатто бошим тиззамга тегди.
Расулуллоҳ саллаллоҳу алайҳи ва саллам: “Менинг дуоим сени хурсанд қилдими?” дедилар.
“Мени ҳаққимга Аллоҳнинг элчиси шундай дуо қиладилару, нега хурсанд қилмасин?!” дедим.
Шунда Расулуллоҳ саллаллоҳу алайҳи ва саллам: “Аллоҳга қасамки, бу менинг ҳар бир намозда умматим учун қиладиган дуоимдир”, дедилар.
Умматларига бу қадар меҳрибон Ҳабимимиз Расулуллоҳ саллаллоҳу алайҳи ва салламга салавот ва саломлар бўлсин.
Биз ҳам шунга лойиқ уммат бўлиб, суннатларига амал қилайлик!
@soliha_ayollarga

Мен сукут сақлаганимдан ҳеч қачон афсусланмадим, лекин гапириб қўйиб, кўп марта афсусландим.
Умар ибн Ҳаттоб р.а.
@soliha_ayollarga

🎙
Muzdalifa
Bandadan umidvorlik xorlik keltiradi, Allohdan umidvorlik insonni ruhan yuksaltiradi...
Ehtiyojingiz faqat va faqat Robbingizga bo‘lsin.
@soliha_ayollarga

Rosululloh sollallohu alayhi va sallam shunday dedilar:
“Kim juma kuni Kahf surasini o‘qisa kelasi jumagacha undan nur taralib turadi”.
(Bayhaqiy “Sunanul kubro”da (5996) rivoyat qilgan, bu hadisni shayx Alboniy rohimahulloh sahih degan).
Do'stlaringizga ham ulashing!
@soliha_ayollarga

Бир куни англаб етасиз…
Намоз уйқудан яхшироқ эди… аммо сиз ухладингиз!
Қуръондан ҳар кунги вирдингиз қалбингизга хотиржамлик бағишларди… аммо уни тарк этдингиз!
Зикрлар кунингизга барака қўшарди… аммо дангасалик қилдингиз!
Таҳажжуд намози қалбингизга осойишталик олиб кирарди… аммо уни ташлаб қўйдингиз!
Истиғфор ризқингизни кенгайтиришга сабаб бўларди… аммо бунга бепарво бўлдингиз!
Тавба эшиги ҳар вақт очиқ эди… аммо сиз уни кечиктирдингиз!
Буни эртароқ англанг ва Аллоҳ сари қайтинг!
Чунки сизнинг Ғафур ва Раҳим бўлган Роббингиз бор. У сизга яқин, дуоларингизни ижобат қилувчидир. У сиздан тавба қилишингизни яхши кўради.
Ҳар бир кунингизда Унинг лутфи ва раҳмати сизни ўраб турган бир пайтда, нега ҳали ҳам Унга қайтишни кечиктиряпсиз?
Кеч бўлишидан олдин қайтинг.
Балки бугунги тавбангиз ҳаётингиздаги энг гўзал бурилиш бўлар.
Балким…
#жума

Nasiba nima ekanligini bilasizmi?
Agar chumoli filning nasibasini yesa , yorilib oʻladi, agar fil chumolining nasibasini yesa , ochdan oʻladi. Ikkisining nasibasini adashtirmagan Zot sizning qismatingizni ham chalkashtirmaydi.
Sizniki sizga keladi..!
@soliha_ayollarga