سافر (Suffer) يا دكتور

الجامعات الخاصة المصرية المعتمدة في المانيا
دي قايمة بكل الجامعات الخاصة الموجودة في مصر و اللي بتظهر على موقع Anabin و هو الموقع اللي بنشوف فيه ان كانت الجامعة معتمدة مبدئيا في المانيا و بالتالي ممكن الطبيب يعمل المعادلة الألمانية و ياخد بعدها ترخيص مزاولة المهنة (الأبروباتسيون) في المانيا...
عدد الجامعات الأهلية المعتمدة حاليا بحسب موقع Anabin هو 29 جامعة خاصة.. و منهم جامعات مفيش فيها كليات طبية.
و كل الجامعات الاهلية و الخاصة المصرية اللي موجودة على الموقع واخدة تقييم H+/- و لا يوجد اي جامعة خاصة او اهلية لها تقييم H+ لان التقييم ده مش بتاخده غير بس الجامعات الحكومية و كل الجامعات الحكومية في مصر بتاخد نفس التقييم H+ و كلها معتمدة في المانيا...
و بالنسبة لتقييم H+/- فمعناه ان الجامعة معتمدة في المانيا طالما انها معتمدة في مصر من المجلس الأعلى للجامعات ... و الاعتماد ده بيتجدد بشكل دوري للجامعات الخاصة و الأهلية في مصر.
و المفترض ان اي جامعة طالما تقييمها مش بالسالب على موقع Anabin فالخريجين منها ممكن يعملوا معادلة في المانيا طالما انهوا الدراسة بشكل كامل و خلصوا الامتياز و حصلوا على ترخيص مزاولة المهنة و اتسجلوا في نقابة الأطباء...
اما الجامعات الأهلية اللي لسه لم تظهر على الموقع فهي حاليا غير معترف بيها في المانيا و ان كان ربما مع الوقت تعتمد و تظهر على الموقع و خاصة لو كانت الجامعة لسه حديثة و لا يوجد دفعات بالفعل اتخرجت منها فالموضوع ممكن ياخد شوية وقت لحد ما يتم الاعتراف بيها في المانيا...
و بصفة عامة ... كل اجراءات تجهيز الاوراق و ارسالها الى المانيا بتتعمل بعد انهاء الامتياز و الحصول على ترخيص مزاولة المهنة و التسجيل في نقابة الأطباء و ده معناه ان اي حد لسه في الكلية فهو مش هتفرق معاه في اي حاجة ان كانت جامعته اعتمدت او لسه ... و المهم بس انها تكون اعتمدت قبل ما يخلص الامتياز ... عشان لو الطبيب ناوي يسافر المانيا على طول بعد الامتياز... تكون الدنيا واضحة و يكون متاح ليه تقديم ورقه و دخول امتحانات المعادلة في المانيا..
و دي القايمة الكاملة بحسب الموقع...
الجامعات الخاصة المصرية على موقع Anabin من الأقدم إلى الأحدث
الجامعة الأمريكية بالقاهرة (1919)
الأكاديمية العربية للعلوم والتكنولوجيا والنقل البحري (1972)
أكاديمية السادات للعلوم الإدارية (1981)
الأكاديمية العربية للعلوم الإدارية والمصرفية والمالية (1988)
جامعة سنغور بالإسكندرية (1990)
جامعة مصر الدولية (1996)
جامعة مصر للعلوم والتكنولوجيا (1996)
جامعة 6 أكتوبر (1996)
جامعة أكتوبر للعلوم الحديثة والآداب – MSA (1996)
الجامعة العربية المفتوحة – مصر (2002)
الجامعة الألمانية بالقاهرة (2002)
جامعة الأهرام الكندية (2004)
الجامعة الحديثة للتكنولوجيا والمعلومات – MTI (2004)
الجامعة البريطانية في مصر (2005)
جامعة المستقبل في مصر (2006)
الجامعة المصرية الروسية (2006)
جامعة فاروس بالإسكندرية (2006)
جامعة النهضة (2006)
جامعة سيناء (2006)
جامعة الدلتا للعلوم والتكنولوجيا (2007)
جامعة هليوبوليس (2009)
جامعة دراية (2010)
مدينة زويل للعلوم والتكنولوجيا والابتكار (2011)
حرم جامعة برلين التقنية بالجونة (2012)
جامعة بدر بالقاهرة (2013)
الجامعة المصرية الصينية (2013)
جامعة حورس في مصر (2013)
جامعة نيو جيزة (2016)
جامعة إسلسكا مصر (2016)
#################################################
لو عايز تبحث عن جامعتك ... فده اللينك بناع موقع Anabin ...
https://anabin.kmk.org/db/institutionen
و شوف البوست ده لو كنت في جامعة اهلية...
https://t.me/Suffer_ya_doctor/1082
د وسام جمال .
جروبنا لكل مايخص المانيا:
https://t.me/arabian_doctors_in_germany
قناة الداتا:
https://t.me/deutsch20021

الجامعات الأهلية المصرية المعتمدة في المانيا
دي قايمة بكل الجامعات الأهلية الموجودة في مصر و اللي بتظهر على موقع Anabin و هو الموقع اللي بنشوف فيه ان كانت الجامعة معتمدة مبدئيا في المانيا و بالتالي ممكن الطبيب يعمل المعادلة الألمانية و ياخد بعدها ترخيص مزاولة المهنة (الأبروباتسيون) في المانيا...
عدد الجامعات الأهلية المعتمدة حاليا بحسب موقع Anabin هو 20 جامعة اهلية.. و منهم جامعات مفيش فيها كليات طبية.
و كل الجامعات الاهلية و الخاصة المصرية اللي موجودة على الموقع واخدة تقييم H+/- و لا يوجد اي جامعة خاصة او اهلية لها تقييم H+ لان التقييم ده مش بتاخده غير بس الجامعات الحكومية و كل الجامعات الحكومية في مصر بتاخد نفس التقييم H+ و كلها معتمدة في المانيا...
و بالنسبة لتقييم H+/- فمعناه ان الجامعة معتمدة في المانيا طالما انها معتمدة في مصر من المجلس الأعلى للجامعات ...
و المفترض ان اي جامعة طالما تقييمها مش بالسالب على موقع Anabin فالخريجين منها ممكن يعملوا معادلة في المانيا طالما انهوا الدراسة بشكل كامل و خلصوا الامتياز و حصلوا على ترخيص مزاولة المهنة و اتسجلوا في نقابة الأطباء...
اما الجامعات الأهلية اللي لسه لم تظهر على الموقع فهي حاليا غير معترف بيها في المانيا و ان كان ربما مع الوقت تعتمد و تظهر على الموقع و خاصة لو كانت الجامعة لسه حديثة و لا يوجد دفعات بالفعل اتخرجت منها فالموضوع ممكن ياخد شوية وقت لحد ما يتم الاعتراف بيها في المانيا...
و بصفة عامة ... كل اجراءات تجهيز الاوراق و ارسالها الى المانيا بتتعمل بعد انهاء الامتياز و الحصول على ترخيص مزاولة المهنة و التسجيل في نقابة الأطباء و ده معناه ان اي حد لسه في الكلية فهو مش هتفرق معاه في اي حاجة ان كانت جامعته اعتمدت او لسه ... و المهم بس انها تكون اعتمدت قبل ما يخلص الامتياز ... عشان لو الطبيب ناوي يسافر المانيا على طول بعد الامتياز... تكون الدنيا واضحة و يكون متاح ليه تقديم ورقه و دخول امتحانات المعادلة في المانيا..
و دي القايمة الكاملة بحسب الموقع...
الجامعات الأهلية المصرية في Anabin من الأقدم إلى الأحدث
الجامعة الفرنسية في مصر (2002)
جامعة النيل الأهلية (2006)
الجامعة المصرية للتعلم الإلكتروني الأهلية (2018)
جامعة مصر للمعلوماتية (2021)
جامعة الملك سلمان الدولية (2020)
جامعة العلمين الدولية (2020)
جامعة الجلالة الأهلية (2020)
جامعة المنصورة الجديدة (المنصورة الدولية) (2020/2021)
جامعة الإسكندرية الأهلية (2022)
جامعة حلوان الأهلية (2022)
جامعة المنصورة الأهلية (2022)
جامعة بنها الأهلية (2022)
جامعة بني سويف الأهلية (2022)
جامعة المنوفية الأهلية (2022)
جامعة أسيوط الأهلية (2022)
جامعة المنيا الأهلية (2022)
جامعة شرق بورسعيد الأهلية (2022)
جامعة الإسماعيلية الجديدة الأهلية (2022)
جامعة جنوب الوادي الأهلية (قنا الأهلية) (2022)
جامعة الزقازيق الأهلية (2022)
#################################################
لو عايز تبحث عن جامعتك ... فده اللينك بناع موقع Anabin ...
https://anabin.kmk.org/db/institutionen
..............................................................
جروبنا لكل مايخص ألمانيا:
https://t.me/arabian_doctors_in_germany
قناة الداتا:
https://t.me/deutsch20021
.........................
.......
....
د. وسام جمال.

It is even better than what I got for interviews in my two cycles although I got 5 university interviews among them.
ككل العوامل من الطقس والاجتماعيات وفسح NYC والخ فهو افضل مما انا كنت باتمني الحمد لله بكتير كحاجة متكاملة رغم سحلة التدريب ف NYC ولاني لو كنت متشت بدري مكنتش هعرف اخد موافقة لل Green card بتاعتي لو اشتغلت علي j visa وده كان هيبقي ليه توابع اجماعية تقيلة في حياتي
اللي بحاول اوصله هو: السعي والرزق مش نفس الحاجة. السعي عليك، لكن توقيت الرزق مش بتاعك. ممكن تجري بكل قوتك ومتوصلش، وممكن تقف في آخر الطريق، خلاص هتلف وترجع، فتلاقي الباب اللي كنت مستنيه بيتفتح لوحده.
أنا بحكي القصة دي مش عشان أقول: “بصوا أنا عملت إيه.” بالعكس. بحكيها لأن في ناس كتير جدًا على السوشيال ميديا شايفة الـsuccess وبتقارن نفسها بيه. شايفين الـMatch، مش شايفين الأربع سنين اللي قبله. شايفين الـoffer، مش شايفين الـrejections. شايفين الصورة، مش شايفين الديون، والوحدة، والـuncertainty، والليالي اللي الواحد كان بيسأل فيها نفسه: “هو أنا فعلًا بضيع عمري؟”
أنا عشت ده كله. وعشان كده، لو أنت دلوقتي في مرحلة بتجري فيها ومش شايف نتيجة، لو حاسس إن كل الناس بتوصل إلا أنت، لو بدأت تصدق إن تأخر رزقك معناه إن رزقك مش جاي، متحكمش على قصتك من الفصل اللي أنت واقف فيه دلوقتي. أنا كنت في آخر أيامي في أمريكا، مجهز شنطي، مقرر أرجع، وبعدها بكام يوم كان عندي عرضين في نفس اليوم، والحمد لله ربنا خيرلي الأنسب فيهم.
يمكن كل اللي أقدر أقوله من الرحلة دي إنك تعمل اللي عليك، وتسعى بكل قوتك، وتتعب، وتحاول، وتخبط على كل باب تقدر تخبط عليه. ولو الباب مقفول، خبط على غيره. لكن متخليش تأخر النتيجة يخليك تفتكر إن تعبك ملوش قيمة. أنا لا أقدر أقول إن كل واحد هيتعب لازم هيوصل لنفس المكان اللي أنا وصلتله، لأن الحياة مش بالبساطة دي، لكن أقدر أقول لك حاجة أنا مؤمن بيها جدًا بعد كل اللي شوفته: ربنا مش بيسيب تعب حد.
يمكن يؤخر، ويمكن يختبر، ويمكن يقفلك أبواب كنت متأكد إنها أبوابك، ويمكن يخليك تجري جري الوحوش في الغابة، وبعدين يرزقك من باب أنت أصلًا مكنتش شايفه. فلو أنت لسه بتجري، كمل. يمكن أنت مش متأخر، يمكن أنت بس لسه موصلتش للفصل اللي فيه الحكاية هتتغير.
"You gotta a dream, you gotta protect it"
اكبر جروب المهتمين بالمعادلة الأمريكية :
@usmle_for_arab
-قناة النصايح والتسجيلات :
@usmlers_club
جروب الفيميلز :
https://t.me/+_FUof95ru7w3OGE0

بعد امتيازي بشهرين وصلت أمريكا اشتغل research وصاحب عمري جاي ورايا كمان كام شهر في معمل تحتي كنت رشحته ييجي علي المكان الفاضي فيه (كنت طماع في الدنيا ومصمم يبقي فيه ونس معايا بردوه) ، وصلت امريكا معايا في جيبي $1,000 بس بعد ما دفعت الطيارة ، لما شفت الدولار ب٢٤ وقريت التحليلات الغربية عرفت ان اي مبلغ هجمعه بالجنيه هخسره كل ٦ شهور فلازم انط من المركب لامريكا والا عمري مهسافر بالوضع ده ، وفي أول أسبوع سفر، طلعت نتيجة Step 2: 228. النتيجة كانت عكس كل توقعاتي وامتحاناتي تقريبًا
زادت معضلة الscore ، والوقتي الطريق اللي كان صعب أصلًا عن باقي زمايلك بقى ضلمة
بس كملت ، يا روح ما بعدك روح انا حرقت مراكبي في مصر ومفيش حاجة ارجعلها ، دخلت المعمل اللي جيت عليه كـvolunteer حوالي ست شهور، بصفر خبرة ، أتعلم وأشتغل وأحاول أثبت نفسي، لحد آخر يوم ، مع بعض الحلول الجانبية للفلوس بالمرمطة وقلة القيمة لحاجات محدش يتخيلها ، كنت شايل شنطتي وماشي وبقول للPI انا مدتي خلصت وهشوف هاروح فين ، فوقفني وقال لي: “أنا عايزك تكمل معانا ، شغلك كويس" وبالفعل اتعينت ، كنا جروب صغير من المصريين ، ثم دخلت أول Match cycle ومتوفقتش، وبعدها جه Trump و الـfunding بتاع المعمل اتقطع ، والـmentor اضطر يمشيني في نفس شهر الunmatched وفجأة شقتي غرقت وصاحب المكان بدأ يهددني بالطرد وفسخ العقد ، كان ربنا بيزيح رجلي بالكامل من Minnesota لا ماتش ولا فيزا ولا سكن ولا فلوس ولا شغل ، خرجت أدور على شغل تاني شهور وأنا بدور ومفيش، ما البلد كلها موقفة تعيينات ومفيش fund for research ، لحد ما أخيرًا جالي مكانين واخترت اروح اشتغل في جامعة تانية في Boston ، وبدأت من جديد في مكان طلع منتهي الmalignancy في الدنيا ، اساءات عنصرية تجاه لوني وديني واصولي وتربيتي وتهديدات صريحة بهنرجعك بلدك واصل انت مرتبتش وانت مخك غبي والخ ، بل وصلت لان اتقطع من مرتبي شهر في التصعيد ده ، الحمد لله واخد المعمل والجامعة كلها للمحكمة الوقتي في ٣ قواضي مختلفة
كل ده حاصل وسط الـMatch cycle الثانية، ومتوفقتش برضه فيها ، تراكمت عليّ ديون بحوالي $30,000 عشان أقدر أواكب كل الخبطات اللي حصلت من ساعة ما وصلت أمريكا ومكنتش هقدر اقدم لتالت مرة وقررت اني هلغي رحلتي وهستسلم و هنزل مصر ، ووسط كل ده جالي email اني اتفصلت من الشغل وصلني في notification نزلت عالشاشة فوق راس الPD بتاع البرنامج اللي انا فيه حاليا واحنا كنا في الinterview للمكان اللي فضي عندهم فجاة اللي صدفة اصلا كنت مكلمهم قبلها بشهر اطلب انزل rotation هناك
رحلة الماتش كانت طويلة جدًا؛ 18 interview تقريبًا بين الـtwo Match cycles، والـSOAP، والـspots اللي كانت بتفتح فجأة في الربيع والصيف ، قدمت، وبعت، وسافرت للبرامج بنفسي، وقفت قدام برامج وطلبت interviews، وعملت كل حاجة أعرف أعملها ، جريت جري الوحوش في الغابة، وبرضه مكنتش بوصل ، وده يمكن أكتر جزء مؤلم في القصة؛ إنك تكون بتعمل كل اللي عليك، وبرضه النتيجة مش بتيجي ، كنت ساعات ابص للسما واقول "يارب انت سامعني؟ شايف حاصل ايه؟ ساعدني ولا انا مستاهلش لسة؟" ومع الوقت تبدأ تسمع: “غير التخصص لاطفال وفاميلي”، “جرب حاجة تانية”، “الباطنة مش ليك يا مرزوق”، “أربع سنين research كتير”، “ارجع مصر”.
والأصعب إن الكلام ده مش كله كان من ناس بتكرهك. بعضه كان من أهلك اللي ٤ سنين مشوفتهمش ، من ناس بتحبك فعلًا، بس شايفينك بقالك سنين في أمريكا، والعمر بيعدي، ومفيش نتيجة. انا كنت مستعد اقدم ٢٠ مرة عالباطنة لاني مبحبش غيرها بس امكاناتي وظروف حياتي بدات تخوني ومتسمحش باني اقدم اصلا لتالت مرة ده انا معييش فلوس اكل وشرب الشهر الجاي اصلا ، وفي الأيام الأخيرة قبل ما ييجي الـMatch offer، كنت خلاص قررت أرجع مصر.
وهنا بقى حصل الجزء اللي علّمني أكتر حاجة عن الرزق. أنا عملت كل حاجة ممكنة، لدرجة إني كنت بسافر للبرامج بنفسي عشان أطلب interview، وبرضه مكنتش بتوفق. لكن لما ربنا شاء إن الرزق ييجي، الرزق جه لحد عندي.
أول برنامج بعتلي offer، في البداية كانوا أصلًا بعتولي email عشان نعمل interview، ومشفتش الإيميل. بعد أسبوع بعتوا reminder، وقالولي إن الناس اللي كتبتلي letters خليهم تبعتهم ، كنت قرفان من مشاكل حياتي ومتشائم فرديت عليهم: أنا مش هكلم حد يبعت letters، ولو عايزين نعمل interview الاول فأنا موجود غير كده لا ، وكنت وقتها في حالة نفسية سيئة جدًا، لدرجة إني كنت مستغرب من نفسي وبقول: “أنا عمري ما عملت الهطل ده قبل كده.” البرنامج وافق، عملت الـinterview، وبعتولي offer، ونص الـletters اللي كانوا طالبينها أصلًا كانت لسه موصلتش.
وفي نفس اليوم جالي offer تاني عرضين في يوم واحد استخدمت واحد منهم عشان ازق التاني اللي كان متردد انه يبعتلي الoffer اللي في الاخر اخدته في واحدة من اكبر الاماكن في امريكا Montefiore ، ممكن اقول انه

من أكتر القصص الملهمة اللي هتقرأها بجد هي قصة زميلنا د احمد المهدي ، والأجمل انها حصلت قدام عينينا واختتمت فصل منها بفرح 2026 ومازالت ، تعالو نعرف :
“أنا كنت مجهز شنطي عشان أرجع مصر بعد two unmatched cycles ، وبعدها بكام يوم جالي عرضين Match في نفس اليوم."
يمكن دي أكتر جملة تختصر رحلة الأربع سنين اللي فاتوا، لكن قبل ما حد يشوف الـMatch ويقول: “ما شاء الله، الحمد لله تعب ووصل”، خليني أحكي الجزء اللي عادة محدش بيحكيه. عندي إحساس إن السوشيال ميديا عملت حاجة غريبة جدًا في حكايات الmatch؛ بتوريك آخر صفحة في القصة، وتخليك تتخيل إن الرحلة كلها كان بالصعوبة المتوقعة اللي بتتصدرلك عالميديا لكن كل الناس مش بتحكي اللي هقوله هنا وهي قصة استثنائية جدا
للامانة احلامي كانت اكبر من امكاناتي وامكانات اهلي وكليتي وإمكانات علاقاتي حتي باللي اعرفهم برا دايرتي عشان يساعدوني
أنا جيت من كلية طب جديدة، طب بورسعيد ، كنت تالت دفعة فيها ، مفيش مستشفى جامعة ، مفيش خريجين سابقين لا جوا ولا برا مصر ، ومفيش حد سبقنا للطريق ده ولا اي طرق تانية ، مفيش حتي template عند الكلية تعملك بيه بيان درجات او شهادة امتياز ، ده حتي نسوا يبعتوا اسم أول دفعة للتكليف يا راجل.
في الوقت ده قالك لازم الكلية تاخد الجودة عشان تعرف تمتحن اي معادلة ، الكلية طبعا مكانش عندها الجودة ، فبدل ما أركز بس على مذاكرة المعادلة ، لقيت نفسي بسعى في موضوع الجودة للكلية كلها عشان أعرف أصلًا أمتحن ، مفيش حد قادر يرشدني ، محدش من الكلية كان سافر قبل كده، محدش امتحن قبلي، ومحدش دخل Match قبلي، انا اول من امتحن وسافر ومتش ، وده مش “جمدان” قد ما هو معناه إن مفيش حد أقدر أسأله: “عملت إيه؟ سافرت إزاي؟ أقدم فين؟ إيه الغلط اللي متعملوش؟” مفيش road map. كنت أول واحد يجرب ويتجرب فيه
قولت لا هم بنفسك يا ولد ، عملت فريق للجودة في الكلية من ١٢٠ طالب متطوع ، كنت مقسمهم ل١٣ مجموعة عمل بنشتغل يوميا بال٨ ساعات في عز الكورونا ٢٠٢٠ ل٨ شهور ، الكلية مكنش فيها اي وثيقة حرفيا ، حتي المحتوي العلمي مكنش موجود كمنهج ، سافرت كليات تانية جبت الملفات بتاعتها وقعدت اشكل كل أوراق الكلية من محتوي علمي لشهادات تخرج لبيان الدرجات لكل مستندات شئون الطلاب والخريجين بل وكل مستندات كيفية ادارة الامتحانات والتصحيح ، حتي لوجو الكلية الرسمي نفسه يا راجل غيرته عشان مكانش عاجبنا ، طبعا تقديري الامتياز السنوي نزل سنتها لجيد لاني مكنتش باذاكر ، كنت كل يوم بنام وانا باعيط اني لا ليا مستقبل حلو جوا مصر ولا حتي عارف اخرج براها لحد ما انجزنا المهمة وطلبة الكلية بقي ليها حق الدخول في المعادلات
تأني المعضلة التانية ، انا اول طبيب بشري في العيلة الممتدة ، مفيش علاقات ولا خبرات تنصحني ولا طريق متمهدلي لا جوا ولا برا مصر ، مفيش حد ارجعله اقوله "اعمل ايه؟" ملهاش حل للاسف غير اني فهمت ان علاقات الكلية عندي مش هتوديني بعيد فبدأت اركز علي استثمار وقتي في تكوين علاقات مع اللي بيسافروا من الكليات المجاورة
ثم تأتي المعضلة التالتة وهي الماديات في طبقة كانت يوما ما متوسطة واتخسف بكل ولادها الارض وبقت يدوب surviving
المعضلة دي اتحلت بطرق مختلفة ، اشتغلت تاجر شنطة باروح القاهرة اجيب كتب وارجع اقف بيها علي رصيف الكلية وابيعها الطلبة عشان اجيب فلوس لامتحاناتي ، البيزنس ده كبر وبعدها بقينا جروب كبير شغال وبقي لينا مطبعة واتوسعنا بعدها في كليات ومحافظات مجاورة ، البيزنس ده بعدها راح لأصدقاء ليا فتحوا مكتبة قذام الكلية وكملوا نفس النهج بل وطوروا فيه كتير ، كنت في الوقت ده بارتب عالدفعة دايما قبل ما المذاكرة للمعادلة تشد وكنت دايما بحاول مع الشغل اني اقدم حاجة تفيد الطلبة بدون فلوس
دخلت امتياز ومكنش فيه وقت للشغل مع الامتياز ابو ٢٥٠٠ مليم وانا باذاكر لسة step 2 ، اشتغلت online freelancing جمعت منه كام مليم مش وحشين يسندوا بس اني اعرف اركب طيارة لامريكا
اتخرجت، فملقتش قدامي نيابات جامعة حقيقية، ومعظم الـspots كانت شبه وهمية لأن مفيش مستشفى شغالة أصلًا زي نص الكليات المفتوحة الوقتي ، يعني plan b في مصر مش موجودة اصلت ، وأنا اساسا كنت بشتغل جنب الدراسة من الكلية، مش عشان كنت بحب أشتغل زيادة، لكن عشان أهلي ببساطة ميقدروش يشيلوني ماديًا لاحلامي ، فمن أول لحظة حلمت فيها بأمريكا، لحد ما وصلت للmatch ، الطريق ده كان تقريبًا 100% على حسابي

خدمة جديدة مجانية لزملائنا الساعين في طريق البحث العلمي Research
🔹️
زي ما قدمنا قبل كدا خدمة تعليم مجاني ودورات من الصفر لتعلم اساسيات الريسيرش ، ولان فيه كتير منكم بالفعل اتعلم الأساسيات ولكنه بحاجة لابتكار الأفكار وايجادها ؛ أو الدعم والإرشاد في دراساته البحثية علشان يطبع بافضل صورة ممكنة ...
فالمرادي احنا بنعلن ان الخدمة دي هتكون متاحة ومجانية تماماً إهداء من تيم Next Gen Research وبرعاية سافر يا دكتور...
هيكون فيه لقاء أسبوعي دائم مع حضراتكم لمناقشة ابحاثكم ومساعدتكم فيها ..
طيب اللي لسه معندهوش افكار بحثية او مش لاقي تيم يدخل معاه ومش عارف ينشر ؟
كمان هيكون فيه سحب شهري على فرص بحثية ليكم بإذن الله...
طيب اللي متأخر ومبدأش في الطريق ولسه ميعرفش حاجة فبرضو هنحاول بقدر الامكان نوفرله فرص في المتناول ونساعده...
التيم من شباب الأطباء وموجه ليكم تحديدا ومعمول علشانكم...
طيب تقدروا تستفيدوا من كل دا ازاي؟
من خلال دخول جروبنا هنا :-
@next_gen_research_hub
ومتابعة الميتينج الأسبوعي على جروب الفيس بوك هنا :-
عيادة الأبحاث الطبية | The Research Clinic

للمهتمين بمجال الصحة العامة… فيه فرصة internship ببدل شهري يعادل ٢٠٠٠ دولار في سويسرا في المقر الرئيسي لمنظمة الصحة العالمية (WHO) في جينيف… لمدة ٦ شهور
.
الـinternship للخريجين الجدد خلال سنة ونصف من تاريخ تخرجهم، أو الطلاب في السنوات الأخيرة… حديث تخرج من أي درجة علمية رسمية سواء بكالريوس أو ماجيستير أو دكتوراة.
.
مش مقتصرة فقط على الأطباء، ولكن الصيادلة وعلوم وأسنان وتمريض وبيطري أو أي تخصص مناسب له علاقة بالعلوم الصحية والطبية يقدر يقدم.
.
موضوع شغل التدريب ده هو التدخين أو الـTobacco cobtrol .. هتلاقوا تفاصيل أكتر في إعلان الفرصة نفسه في الكومنتات الرابط له.
.
شخصيا أعرف مصريين وجنسيات عربية أخرى كتيرررررر أخدوا فرص internship مماثلة… فقدموا لو مناسبين وماتقلقوش من مواضيع الفيزا والإقامات وكده، المواضيع دي هم بيساعدوك فيها.
.
البدل الشهري ده بسيط أكيد بالنسبة لتكلفة المعيشة هناك ولكن يكفيك لوحدك كإقامة… وهي فرصة بداية هتفرق معك كتيرررررررر لو مهتم بالمجال وهتفتحلك فرص كتير جدا ان شاء الله.
.
الرابط للإعلان من موقعهم الرسمي في الكومنتات (هحاول أرد على الكومنتات بالرابط لو الكومنت تاه يعني وماعرفتوش توصلوا للرابط).
.
أخر ميعاد للتقديم هو ٢٨ سبتمبر
شخصيا ماليش اي علاقة بالشغل ده مباشرة ولا ليا أي استفادة أو تدخل في فرصة التدريب دي أو الإختيار لها… أنا فقط عملتلها شير للإفادة
.
بالتوفيق للجميع
🤲🏻
د احمد نجيب
قناتنا
@suffer_ya_doctor
رابط الفرصة
👇
في الكومنتات وجروب
@Arab_Med_Nexus