IQRO📖

Ҳаётда шундай инсонлар борки, унинг исмига ўхшаш исмли барчани у каби яхши инсон бўлса керак, деб ўйлаб қоласиз.
У ўтган кўчалардан юргингиз, ўқиган китобларини ўқигингиз келади...

#ҚАРЗ
❗️
Касалхонадан тузалиб чиққан 93 ёшли одамдан индустриал сунъий нафас бериш жиҳозининг бадалини талаб қилишганида у йиғлай бошлади. Доктор ҳисоб варағи туфайли йиғламаслигини тавсия этди. Имкони етмаса хомий топишга ёрдам бериши мумкинлигини билдирди.
Кекса эса шундай жавоб берди:
“Тўлашим лозим бўлган пул туфайли йиғламаяпман, бу тўловларнинг ҳаммасини тўлашга кучим - имконим бор. Менга алам қилаётгани – 93 йилдан буён Аллоҳнинг ҳавосидан нафас олмоқдаман ва бунинг бадали (ҳақи)ни ҳеч тўламадим.
Ваҳоланки, биргина нафас берувчи жиҳоз учун бугун ҳар кунига 500 евро тўлаб турибман. Аллоҳдан қанчалар қарздорман, биласизми?! Бу (неъмат) учун бир бор бўлса ҳам ташаккур айтмабман (шукр қилмабман)”.
https://t.me/odamlar_orasida2

#дуо
{ رَّبِّ ٱغۡفِرۡ لِی وَلِوَ ٰ⁠لِدَیَّ وَلِمَن دَخَلَ بَیۡتِیَ مُؤۡمِنࣰا وَلِلۡمُؤۡمِنِینَ وَٱلۡمُؤۡمِنَـٰتِۖ وَلَا تَزِدِ ٱلظَّـٰلِمِینَ إِلَّا تَبَارَۢا }
[Сура Нух: 28]
Роббим, мени мағфират қилгин, менинг ота-онамни ҳам ва уйимга мўмин бўлиб кирганларни ва мўминлару мўминаларни ҳам. Ва золимларга ҳалокатдан ўзга нарсани зиёда қилмагин», деди. (Нуҳ алайҳиссаломнинг дуолари қабул бўлди. Аллоҳ таоло кофирларни битта ҳам қўймай ҳалок қилди. Чунки улар инсоният баданига тушган қорасон касалидек эдилар. Уларни кесиб ташламаса бўлмас эди.)

Набий соллаллоҳу алайҳи васаллам бир ҳадисида шуни хабар берганки: Йилда бир кеча бўлади, ўша кечада бир вабо тушади, у вабо – ёпилмаган ҳар қандай идишга тушса, ўша идишга зарар етади.
(Бу ҳадис саҳиҳи Муслимда келган).
Ибн Қаййим раҳимаҳуллоҳ “Ал-ҳадю ан-ҳабавий” асарида шундай деган: ажамлар (араб бўлмаган қадимий халқларнинг) айтишича, бу кеча "Канун ал-аввал" (декабрь ойи)дадир.
• Шунинг учун баъзи одамларда:
“Нима сабабдан? қаердан бундай вабо, касаллик келди?” — деган гапларни учратасиз.
Балки, сабаби — усти ёпилмаган идишга шу вабо тушган бўлиши сабабидандир.
• Шу боис уйдагиларни огоҳлантириш керакки:
Идиш-товоқлар очиқ қолмасин. Ҳар бир идиш ёпиб қўйилсин.
Агар сиз очиқ идишни кўриб қолсангиз:
Ундан ичманг, унда овқат еманг, аввал ювилсин, сўнг фойдаланилсин.
• Шунингдек, шайтонлар ҳам қопланмаган идишларга ўйнашиб, уларни булғаши мумкин, лекин Аллоҳнинг исми айтиб ёпилган идишга улар яқинлаша олмайди.
Шайх Саъд Хослан ҳафизаҳуллоҳ

Имом Термизий Абу Дардо розияллоҳу анҳудан ривоят қилган ҳадисда шундай марҳамат қилинади:
«Мен Расулуллоҳ соллаллоҳу алайҳи васалламнинг шундай деяётганларини эшитдим:
«Ким илм талаб қилиш йўлига юрса, Аллоҳ унга жаннат йўлини осон қилиб қўяди.
Албатта фаришталар толиби илмни рози қилиш учун қанотларини қўяди. Олим учун осмондаги зотлар, ердаги зотлар, ҳатто сувдаги балиқлар ҳам истиғфор айтади. Олимнинг обиддан фазли худди тўлин ойнинг бошқа юлдузларга нисбатан фазлига ўхшайди.
Олимлар пайғамбарларнинг меросхўрларидир.
Пайғамбарлар динорни ҳам, дирҳамни ҳам мерос қолдирмаганлар. Улар илмни мерос қолдирганлар. Ким ўшани олса улуғ насибани олибди
».

🌧
Ёмғирнинг сири нимада?
Осмонга боққанимизда, кўзимиз оғир карвон булутларга тушиши биланоқ: “Ёмғир ёғса керак”, деб ўйлаймиз. Гўё булут — ёмғирнинг ягона сабаби каби туюлади. Аммо аслида ёмғир ҳосил бўлиши — ниҳоятда мураккаб ва ҳикматли жараёндир.
Бу жараён Қуёш Ерни қиздиришидан бошланади. Ер юзасидаги денгиз, кўл, дарё ва ҳатто ўсимликлардаги сувлар буғланиб осмонга кўтарилади. Бу жараён “буғланиш” деб аталади.
Буғ ҳавога аралашади ва юқорига кўтарилганида совиб, булутларга айланади — бу эса конденсация дейилади. Булут ичидаги увоққина томчилар аста-секин катталашиб, ҳаво оқимлари уларни тутиб тура олмайдиган даражага етади. Ана шунда томчилар ерга ёмғир бўлиб ёғади.
Шу жараён ҳақида Аллоҳ таоло “Нур” сурасида шундай дейди:
«Аллоҳ булутларни ҳайдашини, сўнгра бирга тўплашини, сўнгра уйиб қўйишини кўрмаяпсанми?! Бас, унинг орасидан ёмғир чиқаётганини кўрурсан. У Зот осмондан, ундаги тоғлардан дўл тушириб, у билан Ўзи хоҳлаган кишиларга мусибат етказур ва уни Ўзи хоҳлаган кишилардан буриб юборур. Унинг чақмоғининг ярқираши кўзларни кетказгудек бўлур.»
(Нур сураси, 43-оят)
Ҳар бир ёмғир томчисининг ортида Қуёш, Ер ва атмосфера ўртасидаги мувозанат ётади. Бир ёмғир томчиси ҳосил бўлиши учун миллионлаб майда сув заррачалари бирлашади. Бу эса инсон ақли учун буюк ибратдир.
Ёмғир — оддий табиат ҳодисаси эмас. У — илоҳий тартиб ва илмий ҳикмат уйғунлигидир. Ҳар бир томчи Аллоҳнинг қудратини эслатади.
Шу боис, азиз талаба опа-сингиллар, биз ҳодисалардан ҳам сабоқ олишимиз керак. Ёмғир қандай сабр билан жараёнлардан ўтиб, ниҳоят ерга ҳаёт бахш этаётган бўлса, илм ҳам сабр ва босқичма-босқич эгалланади.
Аллоҳ таоло табиатдаги бу ҳикматлар орқали бандаларини тафаккурга чорлайди:
«Албатта, осмонлар ва ернинг яратилишида, кеча ва кундузнинг алмашувида, ақл эгаларига аломатлар бордир.»
(Оли Имрон сураси, 190-оят)
Илмли мусулма аёл ҳар бир ҳодисада Аллоҳнинг ҳикматини кўради ва ундан ибрат олади.
🌸
Яқинларга улашинг!
@mezana_ayollar

Ҳасан Басрий роҳимаҳуллоҳ шундай деди:
«Бизга етиб келишича, фаришталар қиш келиши билан мўмин учун хурсанд бўлишади. У (мўмин) қиёмуллайл қилиши учун қишнинг туни узун, рўза тутиши учун куни қисқа».
🤲
Аллоҳим, бизни мағфират қил, бизга раҳм қил, бизни бу фаслнинг баракотидан баҳраманд қил!

#Istig
'far
أَسْتَغْفِرُ اللهَ الَّذِي لاَ إلَهَ إلاَّ هُوَ الحَيُّ القَيُومُ وَأتُوبُ إلَيهِ
“Астағфируллоҳаллазий лаа илаҳа илла Ҳувал Ҳаййул Қаййум ва атубу илайҳи”.
Маъноси: “Ўзидан бошқа илоҳ бўлмаган, тирик ва қоим бўлган буюк Аллоҳга истиғфор айтаман. Унга тавба қиламан”.

Аёл жамиятнинг ярми дейишади. Йўқ, у жамиятнинг ҳаммасидир. У жамиятнинг ярми бўлиб қолган ярмини тарбиялайди. Аёлнинг диний, ватаний ва ижтимоий аҳамияти жудаям буюк. У она ва бувидир. У хотин, сингил ва қиздир. У мураббия, зиёкор ва эзгулик куйчисидир. Агар уларни ҳаётга тайёрлашни эплай олсак, умумий уйимиз биносига ҳисса қўшолган бўламиз. Қуйидаги сатрларни айтган Аҳмад Шавқийга Аллоҳнинг раҳмати бўлсин: "Она мадрасадир. Агар уни муносиб тайёрлай олсанг, қони тоза халқни тарбиялайсан!"
✍️
Доктор Салоҳиддин Кофтару
@tadabbur_bilan

Дунё иссиғидан, совуғидан сақланиш учун вентилятор ва кондиционерларни тайёрлаб олдик...
Энди, (шиддати ва оғирлигидан) ҳатто болаларнинг ҳам сочи оқариб кетадиган у (қиёмат) Куннинг иссиғидан, баданларни тешиб ўтадиган совуғидан сақланиш учун-чи, нима тайёрладик?!