Toyyiba | Расмий канал
Росулуллоҳ соллаллоҳу алайҳи васаллам айтдилар: "Умматимниннг ЭНГ афзал ибодати Куръон ўқишдир" (Абу Нуъайм ривояти).
Яна у зот дедилар: "Агар Куръон бир тери ичида бўлганида унга олов тегмас эди" (Табароний ва Ибн Ҳиббон ривояти).
Яна у зот айтдилар: "Қиёмат куни Аллоҳ таоло ҳузурида Қуръондан афзал шафоатчи йўқдир: пайғамбар ҳам, фаришта ҳам, бошқаси ҳам" (Абдумалик Ибн Ҳабиб ривояти).
У зот айтдилар: "Аллоҳ таоло: "Куръон ўқиш кимни менга дуо қилиш ва Мендан сўрашдан машғул қилса, унга шукр қилувчиларнинг энг афзал жавобини бераман", дейди" (Имом Термизий шунга ўхшаш лафз билан ривоят қилган).
("Иҳёу улумид дин" китобининг мухтасаридан.
МУАЗЗИННИНГ ОВОЗИ
Овози ниҳоятда ёқимсиз бир муаззин ғайримуслим ўлкадаги бир масжидда азон айта бошлади. Мусулмонлар энди ён-атрофдагилар қарши чиқмаса, деб андиша қилиб туришганида, бир киши қимматбаҳо совға кўтариб келди.
- Азон айтган одам қаерда? Уни менга кўрсатинглар, унинг овози мени хотиржам қилди, унга қарзимни тўлашим, бу ҳадяларни беришим керак, - деди у.
Мусулмонлар ҳайрон қолишди:
- Ажабо, қандай қилиб бу нохуш овоз уни хотиржам қилибди?
Ғайримуслим тушунтирибди:
- Менинг жуда чиройли қизим бор, анчадан бери мусулмон бўлиш орзусида эди. Уни бу ниятидан ҳеч қайтара олмадим. Бир куни қизим бу одамнинг азон айтганидаги овозини эшитгач, мендан сўради:
- Ота бу нима? Умрим бино бўлиб бунақа ёқимсиз овозни эшитмаганман?
- Бу азон, мусулмонларни ибодатга чақираяпди, - дедим мен.
Менга ишонмай, бошқа одамлардан ҳам сўради. Ҳамма айнан шу жавобни бергач, мусулмон бўлишдан воз кечди. Мен хотиржам бўлдим. Шунинг учун унга бу ҳадяларни келтирдим.
(“Маснавий”, V жилд, 3368 – 3386-байтлар)
ШАРҲ
Азон ислом шиорларидандир. Уни гўзал, чиройли овозда айтиш лозим. Дин туйғуси каби гўзаллик туйғуси ҳам инсоннинг фитратида (яратилишида) бордир.
Қуръони каримда хунук овоз ҳақида бундай дейилган: “Овозларнинг энг ёмони маркаб (эшак) овозидир” (Луқмон, 19). Ҳадисларда Қуръонни чиройли овозда ўқиш тавсия этилган. Пайғамбаримиз соллаллоҳу алайҳи васаллам чиройли овозда Қуръон ўқиганларни тақдирлаганлар, Билол Ҳабашийни айнан овози чиройли бўлгани учун ҳам азон айтувчи қилганлар. Ул зот: “Қуръонга овозларингиз ила безак беринг, гўзаллаштиринг”, дея марҳамат қилганлар (Бухорий, Тавҳид, 53)
Ҳазрати Пайғамбаримиз соллаллоҳу алайҳи васаллам нинг амрлари ва таълимлари билан илк бор азон айтган одам Билол Ҳабашийдир. Ҳабашистонлик занжи, бир озод этилган қул бўлган Билол ҳаёти давомида – ҳазар(муқимлик)да ва сафарда Ҳазрати Пайғамбаримиз соллаллоҳу алайҳи васалламга муаззинлик қилдилар. Билолга бундай шарафли вазифанинг берилишидаги энг асосий омил самимий мусулмонлиги ва пайғамбаримиз соллаллоҳу алайҳи васалламни яхши кўргани ва айниқса, овозининг ёқимли ва таъсирчан бўлганидир.
Ҳазрат Навоий айтганларидек:
Киши айбинг деса, дам урмагил, ул эрур кўзгу,
Чу кўзгу тийра бўлди, ўзга айбинг зоҳир айларму?
(Айбингни айтган кишига эътироз билдирма, қулоқ тут, чунки у ойнага ўхшайди. Ойна нафас тегиб, хиралашгач, айбингни кўрсатолмай қолади).
t.me/toyyibaf
Имом Зоҳид Фахрийнинг айтишларича, ҳадисда шундай дейилган: "Ҳар ким азон айтилмасдан илгари масжидга келса, у кишининг номаи аъмолига 325000 қабул бўлган намознинг савоби ёзилади. Агар азон айтар вақтда келса, у кишининг номаи аъмолига 25000 қабул бўлган намознинг савоби ёзилади. Агар такбир айтилаётган вақтда келса, 1 намознинг савобини топади. Агар намозда Имомдан аввал бош кўтарса, ҳеч қандай савоб битмайдилар".
Хожа Имом Абулқосим Ҳакимнинг айтишларича, намоз вақти - мўминларнинг башорати, намознинг азони - мўминларнинг огоҳ қиладигани, такбир вақтида келмоқ - дангасаликнинг нишонасидир. ...
t.me/toyyibaF
Масжиднинг ичида азон айтилмайди. “
Фатавои
Қозихон
”да шундай дейилган. Азонни масжид ҳовлисида, баланд жойда, иқомани эса ерда айтиш суннат. “
Шарҳ
ул
-
иршодда
” шундай.
Мазкур масжид одобларига риоя қилиш билан муъмин банда Аллоҳ таолонинг розилигини топиб, ибодатлари қабул даражасига етса ажаб эмас. Аллоҳ таолонинг уйини эҳтиром ва эъзозлаш, ундаги мулкни асраб-авайлаш, бу улуғ даргоҳнинг ходимлари-ю, меҳмонларини ҳурмат қилиш ҳар бир муъмин-мсусулмонга хос амаллардандир. Дарҳақиқат, бу кўрсатмалар асрлар оша халқимизнинг миллий қадриятларига айланиб улгурган одоблар сирасига киради.
Масжид ҳурматига нолойиқ бўлган ишлардан, масжидда шовқин қилиш ҳар хил нарсаларни ташлаш, эътиборсиз ҳаракат қилиш, ёши улуғларга нисбатан эътиборсиз бўлиш, мавъизаларга бепарво бўлиш, ибодатга нисбатан лоқайд бўлиш, масжид имоми рухсатисиз жамоатга гапириш энг катта одобсизликлардан саналади.
Масжидга кирганда дунё ишларини иложи борича масжидда сўзлашмаслиги лозим,
чунки Абдуллоҳ ибн Аббос розияллоҳу анҳудан ривоят қилинган ҳадисда Росулуллоҳ соллаллоҳу алайҳи васаллам:
“Масжидда гапирилган дунёвий гап
(қадам босиб келган
) савоб амалларини барчасини ейди, олов ўтинни егани каби”
деб масжидда дунё ишлари билан заруратсиз ҳолда машғул бўлмасликка буюрдилар.
Савол:
Масжидларда ёки жойнамоз устида овқат еса бўладими?
Жавоб:
Масжидларда дунёвий гапларни гапириш, ибодатга тегишли бўлмаган ишлар қилиш, жумладан, овқатланиш макруҳ бўлади. Аммо эътикофда ўтирган кишининг масжидда таомланиши жоиз. Шунингдек, масжиднинг хонақоҳдан бошқа идоравий хоналарида овқатланишнинг ҳам зарари йўқ. Валлоҳу аълам
Масжидимизда Ромазон суҳбатлари
Лазизбек домла Суярқулов
🗓
14.03.26 uchun
🕋
#namoz_vaqtlari
🕗
Farg’ona vaqti bilan
“Namozni to’kis ado etinglar.
Albatta namoz mo’minlarga vaqtida farz qilingandir”
Niso surasi, 103-oyat
@toyyibaf