TATU Registrator ofis / TUIT Registrar's office

❓
Davlat grantida o‘qiyotgan talabalar yana qayta o‘qishga topshirsa, kontrakt bo‘ladimi?
#abituriyent
❗️
JAVOB:
O‘tgan yili ilk marta ayrim abituriyentlarning shaxsiy kabinetida quyidagicha yozuv paydo bo‘lgan edi:
Siz avvalgi yillarda davlat granti asosida talabalikka tavsiya etilganingiz sababli joriy yilda davlat granti uchun tanlovda ishtirok eta olmaysiz.
Shu bo‘yicha izoh bermoqchiman. 2024-yil 25-maydagi Prezident farmoniga asosan yangi tartib belgilandi. Unga ko‘ra:
ikkinchi va undan keyingi oliy ta’lim to‘lov-kontrakt asosida amalga oshiriladi, shuningdek, oliy ta’limning tegishli bosqichiga davlat granti asosida o‘qishga qabul qilingan talabaga ikkinchi marta ta’limning ushbu bosqichi uchun davlat granti ajratilmaydi.
Farmonning mazkur bandidagi ikkinchi va undan keyingi oliy ta’lim haqidagi qoida yangilik emas, bu “Ta’lim to‘g‘risida”gi qonunda ham bor edi. Ya’ni
ikkinchi mutaxassislik doim to‘lov-kontrakt asosida bo‘ladi,
unga davlat granti ajratilmaydi.
Farmon bandidagi yangi qoida
ayni vaqtda talaba bo‘lib turganlarga
taalluqli edi. Ya’ni endilikda oliy ta’limning tegishli bosqichiga davlat granti asosida o‘qishga qabul qilingan talabaga ikkinchi marta ta’limning ushbu bosqichi uchun davlat granti ajratilmaydi.
❓
Bu nima degani?
Eng avvalo, bu yerda to‘liq kontraktda o‘qish haqida gap ketmayotganini ta’kidlash kerak. Faqat talaba
grantda o‘qigan bosqichi uchungina grant ajratilmaydi.
Masalan, 1-bosqichga grantga kirgan talaba, kelasi yili yana qayta topshirsa, u 1-bosqichda albatta kontraktda o‘qiydi, lekin o‘zlashtirishi yuqori bo‘lsa,
2-bosqichdan davlat grantiga o‘tishi mumkin.
Agar talaba 2 yil davomida davlat grantida o‘qib, keyin fikri o‘zgarib, boshqa yo‘nalishga qayta topshirsa va talabalikka yana grant asosida qabul qilinsa, unda unga
2 yil davomida grant ajratilmaydi,
kontraktda o‘qishga majbur bo‘ladi. Lekin 3 va 4-kursda davlat grantiga o‘tishi mumkin.
Joriy yilda ham xuddi shu tartib amal qilishda davom etadi. Ya’ni:
1) hozir talaba bo‘lib turganlar ham abituriyent sifatida qayta hujjat topshira oladi;
2) mabodo davlat grantida o‘qiyotgan talaba topshirsa, u o‘zi o‘qigan kursigacha grant ololmaydi.
👉
@xushnudbek
👈

❓
Abituriyentning telefon raqami o‘zgargan bo‘lsa, nima qilish kerak?
#abituriyent
✅
JAVOB:
bunday vaziyat xavotirli emas. Shaxsiy kabinetga kirganda
"Telefon raqamini o‘zgartirish"
sahifasi orqali telefon raqamni yangisiga almashtirish mumkin. Buning uchun eng avvalo shaxsiy kabinetga kirib olish kerak.
Xo‘p, unda eski telefon raqami yo‘qlar shaxsiy kabinetga qanday kira oladi? Buning bir qancha yo‘llari bor. O‘zim biladigan ayrim yo‘llarini tushuntiraman:
1)
eng avvalo
my.uzbmb.uz
saytiga kirishda
o‘tgan yilgi parol yodingizda bo‘lsa,
eski telefon raqamingizni va parolingizni yozsangiz, shaxsiy kabinetga kira olasiz. Ya’ni parol yodida bo‘lganlar uchun telefon raqamga SMS-kod bormaydi, to‘g‘ridan to‘g‘ri parolni terib kirib ketaveradi.
Agar parolni unutgan bo‘lsangiz, unda parolni tiklash ham qila olmaysiz, chunki parolni tiklashda eski telefon raqamingizga SMS-kod keladi. Bu degani parolni tiklash imkonsiz bo‘ladi;
2)
Kirish qismida OneID orqali kirish imkoni ham bor. Agar siz OneID profilingiz orqali kira olsangiz, unda
my.uzbmb.uz
saytidagi shaxsiy kabinetdan telefon raqamingizni yangilab olaverasiz;
3)
Agar siz OneID uchun ham login-parolni eslay olmasangiz, unda OneID degan
mobil ilovani
AppStore yoki Google Market'dan yuklab olib,
MyID orqali
shaxsiy kabinetingizga kira olasiz. Bunda FaceID texnologiyasi orqali
yuzingizdan foydalanib OneID tizimiga kirasiz.
Shunda telefon raqam shart bo‘lmaydi. OneID profilingizga kirganingizdan so‘ng,
"Aloqa ma’lumotlari"
bo‘limida sizning nomingizdagi barcha telefon raqamlar chiqib turadi va ular orasidan
hozir ishlatayotgan raqamingizni
tanlaysiz.
Ana shundan keyin OneID parolingizni yangilab olishingiz va yuqoridagi 2-usulda aytilgan yo‘l orqali
my.uzbmb.uz
saytiga kirishingiz mumkin;
4)
Agar yuqoridagi 3-usul ham sizga murakkab tuyilsa, unda Davlat xizmatlari markaziga borib, mutaxassislardan maslahat olishingiz va OneID ga kirish imkoningizni osongina tiklashingiz mumkin.
👉
@xushnudbek
👈

#qabul
#KOOKMIN
TATU va Kookmin University bilan Xalqaro ta’lim dasturiga qabul boshlandi!
Muhammad al-Xorazmiy nomidagi Toshkent axborot texnologiyalari universiteti hamda Janubiy Koreyaning
Kookmin University
hamkorligida tashkil etilgan
“Biznes IT” 3+1 (4+0) Double Degree
xalqaro ta’lim dasturiga hujjatlar qabuli boshlandi!
📌
Yo‘nalish:
Axborot tizimlari va texnologiyalari
(TATUdan)
+ Business IT
(Kookmin tomonidan)
🎓
Dastur doirasida talabalar:
—
3 yil TATUda + 1 yil Kookmin University’da
tahsil olishlari;
— yoki
4+0 formati
asosida 4 yil davomida TATUda o‘qishlari mumkin.
✅
Dastur yakunida bitiruvchilarga
ikki tomonlama, ikkita diplom
beriladi.
📄
Talab qilinadigan hujjatlar:
— Pasport / ID karta nusxasi;
— Diplom / shahodatnoma va baholar ilovasi;
📝
Dastlabki kirish imtihonlari:
25-iyun kuni bo‘lib o‘tadi
📲
Batafsil ma’lumot uchun:
+998 55 055 42 42
🔗
Ro‘yxatdan o‘tish va hujjat topshirish:
https://apply.tuit.uz/#apply
Kelajagingizni xalqaro ta’lim bilan boshlang!
Bizni kuzating:
🚀
Telegram
📷
Instagram
🎬
You Tube
🔵
Facebook

SAT sertifikat imtiyozi bo’yicha ma’lumotlar
➖
SAT imtihonida maksimal ballning kamida 75 foizini, ya’ni
1200 ball va undan yuqori
natijani qayd etgan abituriyentlar
imtihonsiz qo’shimcha davlat grantiga
qabul qilinadi;
➖
SAT sertifikati faqat
matematika va chet tili
mutaxassislik fani hisoblanadigan bakalavriat yo‘nalishiga imtiyoz beradi, boshqa yo’nalishlar uchun imtiyoz yo’q;
➖
matematika va chet tili fanlar majmuasiga mos
yo’nalishlar ro’yxati yuqoridagi videoda
ko’rsatilgan;
➖
SAT’dan 1200 balldan yuqori olganlar “College Board”ning rasmiy platformasi orqali
35787 DI kodi
bilan Bilim va malakalarni baholash agentligiga natijasini yuborishi kerak;
➖
Natijalar elektron shaklda DI kodi orqali Agentlikka quyidagi tartibda yetkaziladi:
1️⃣
Standart tartib (Score Report):
Natijalar odatda buyurtma rasmiylashtirilgan kundan boshlab
10 ish kuni ichida
yetkaziladi.
2️⃣
Tezkor xizmat (Rush):
Natijalar dam olish va bayram kunlari hisobga olinmagan holda
4 ish kuni ichida
Agentlikka taqdim etiladi.
➖
sertifikat natijalari
25-iyunga qadar
yetib kelishi kerak;
➖
sertifikatni qo‘lda yuklash yoki skrinshotlar qabul jarayonida
mutlaqo hisobga olinmaydi
.
👉
@xushnudbek
👈

⚡️
Abituriyentlar va ularning ota-onalari diqqatiga! ID-karta olishni unutmang
#abituriyent
Joriy yilda maktabni tamomlab, oliy ta’lim muassasalariga hujjat topshirishni rejalashtirgan
16 yoshga
to‘lgan maktab bitiruvchilari o‘z vaqtida fuqarolik pasporti, ya’ni
ID-karta olishlari shart.
OTMlarga abituriyentlarning hujjatlari
onlayn
qabul qilinadi. Onlayn hujjat topshirishda abituriyentlar yoki biometrik pasport, yoki ID-karta ma’lumotlarini kiritish talab etiladi.
❗️
Shu bois, 16 yoshga to‘lgan maktab bitiruvchilari o‘z vaqtida, yana ham aniqrog‘i
OTMga qabul jarayonlari tugagunga qadar
ID-karta olish harakatida
(hozir biometrik pasport bermayapti, faqat ID-karta beriladi
) bo‘lishlarini tavsiya etamiz.
👉
@xushnudbek
👈

❗️
Давлат ОТМларига қабул бошланди
5 июндан бошлаб давлат олий таълим муассасаларига ҳужжат қабул қилиш жараёни старт олди.
🖥
Абитуриентлар
my.uzbmb.uz
платформаси орқали 25 июнгача (шу куни ҳам) рўйхатдан ўтишлари мумкин.
📚
Ҳозирча фақат тест топшириладиган фанлар мажмуаси танланади. Олийгоҳ ва таълим йўналишини танлаш эса тест натижалари эълон қилинганидан кейин амалга оширилади

‼️
Qabul boshlandi
#abituriyent
Bugundan boshlab abituriyentlar
my.uzbmb.uz
hamda
my.gov.uz
saytlari orqali onlayn ro'yxatdan o'tishlari mumkin.
Muhim joylari:
➖
abituriyentlar
5-iyundan 25-iyunga qadar
(25-iyun kuni ham)
test sinovi topshirish uchun ro‘yxatdan o‘tadi. Bunda abituriyentlar faqat test sinovi topshiriladigan
fanlar majmuasi, ta’lim tili
va
test topshirish hududini
tanlaydi xolos;
➖
fanlar majmuasini tanlaganda
qaysi yo‘nalishlarga mos kelishi
haqida ma’lumot chiqadigan bo‘libdi, bu ancha qulay;
➖
agar kirish imtihonlari tarkibida kasbiy (ijodiy) imtihon bo‘lsa,
ushbu imtihonni topshiradigan
davlat oliy ta’lim muassasasini tanlaydi. Bunda aynan o'zi kirmoqchi bo'lgan OTMda ijodiy imtihon topshirish shart emas. Masalan, kimdir O'zbekiston jurnalistika va ommaviy kommunikatsiya universitetiga kirmoqchi bo'lsa, unda ijodiy imtihonni istalgan hududda, aytaylik
Buxoro
yoki
Andijonda
topshirsa ham bo'ladi;
➖
Test topshirish hududi qismida
So'x
va
Denov
tumani ham bor. Ya'ni So'x tumanidagilar Farg'ona shahriga, Denov hamda uning atrofidagi tumanlar Termiz shahriga kelishi shart emas;
➖
Avvalgi yillarda bitirganlar testga kirish uchun
206 ming so’m
miqdorida to'lov qilishi kerak bo'ladi. To'lovni
25-iyungacha
bo'lib to'lash ham mumkin, undan kechiksa, testga kiritilmaydi;
➖
fikri o’zgarib qolgan abituriyent
25-iyungacha qayta ariza topshirsa (arizani tahrirlasa) bo’ladi.
25-iyundan keyin arizani o’zgartirishga
ruxsat berilmaydi
;
✅
Imtihonlar
iyul–avgust
oylarida o‘tkaziladi.
👉
@xushnudbek
👈

#Qabul
#Abituriyent2026
✴️
5-iyundan oliy va kasbiy taʼlim tashkilotlariga oʻqishga kirish uchun qabul boshlanadi
Prezidentning PF-81-son
Farmoniga
muvofiq, oliygohlar bakalavriatiga qabul jarayoni
ikki bosqichda — “avval test, so‘ng tanlov”
tamoyiliga muvofiq amalga oshiriladi.
🔹
1-bosqichda abituriyentlar har yili 5-iyundan 25-iyunga qadar
(shu kuni ham)
test sinovi topshirish uchun
my.uzbmb.uz
saytida onlayn roʻyxatdan oʻtadi hamda quyidagilarni tanlaydi:
🟢
Faqat test sinovida ishtirok etsa:
✅
fanlar majmuasi;
✅
taʼlim tili;
✅
test topshirish hududi.
🟢
Alohida iqtidor talab etiladigan taʼlim yoʻnalishlari boʻyicha
kasbiy/ijodiy imtihonlar
da ishtirok etsa:
➡️
taʼlim tili;
➡️
test topshirish hududi;
➡️
alohida iqtidor talab etiladigan taʼlim yoʻnalishi;
➡️
kasbiy (ijodiy) imtihon topshiriladigan oliygoh.
Oliygohlarga kirish imtihonlari
iyul-avgust
oylarida oʻtkaziladi.
🔸
2-bosqichda
abituriyentlar kirish imtihonlari toʻliq yakunlanganidan soʻng
15 kun davomida
my.uzbmb.uz
sayti orqali
quyidagilarni tanlaydi:
➡️
oliy taʼlim muassasasi;
➡️
bakalavriat taʼlim yoʻnalishi;
➡️
taʼlim shakli;
➡️
tanlov ustuvorligi.
Abituriyent test sinovida
toʻplagan ballarini imtihon oʻtkazilgan kunning ertasiga
bilishi mumkin. Uning
talabalikka tavsiya etilgan yoki etilmagani
qabul jarayonining
2-bosqichi toʻliq yakunlangandan keyin bir hafta muddatda Bilimni baholash agentligining rasmiy veb-saytida
eʼlon qilinadi.
✔️
Texnikumlarda oʻqish istagini bildirgan abituriyentlar
oliygohlarga qabulning yakuniy natijasi
eʼlon qilinganidan soʻng 10 kun muddatda
quyidagilarni tanlaydi:
🟢
texnikum;
🟢
kasb va mutaxassislik;
🟢
taʼlim shakli.
🗣
Natija bir hafta muddatda
Bilimni baholash agentligining rasmiy veb-saytida eʼlon qilinadi.
Abituriyentlar va ularning ota-onalariga qulayliklar yaratish maqsadida
Oliy ta’lim, fan va innovatsiyalar vazirligi hamda barcha oliy ta’lim tashkilotlarida “Qabul-2026” shtabi
faoliyati yo‘lga qo‘yildi.
Bundan tashqari, fuqarolarimiz
vazirlikning 1006, Agentlikning 1195 ishonch telefoni yoki
@EduuzUniversalBot
’ga
murojaat qilgan holda o‘zlarini qiziqtirgan savollariga javob olishlari mumkin.
Bizni kuzating
Facebook
|
Instagram
|
YouTube
|
Telegram

#eslatma
#qayta_6qish_uchun_ariza
🔔
Hurmatli talabalar! 2026-yil 1-iyun sanasidan boshlab qayta o‘qish jarayonlari boshlandi.
👆
Qayta o‘qish uchun quyidagi qadamlarni bajarishingizni so‘raymiz:
1-qadam.
kontrakt.edu.uz
saytiga kiring va menyular bolimidan kredit modul bo‘limini tanlang;
2-qadam. "Kredit modul" bo‘limidan "Ariza" menyusini tanlang;
3-qadam. Arizalar bo‘limidan "Ariza yaratish" va o‘qimoqchi bo‘lgan fanlarni tanlang hamda saqlash tugmasini bosing.
4-qadam.
lms.tuit.uz
shaxsiy kabinetidan qayta o‘qish bolimi tanlanadi.
5-qadam.
lms.tuit.uz
saytidan o‘qimoqchi bo‘lgan faningizni belgilang va saqlashni bosing.
6-qadam. Qulaylik va tezkorlik maqsadida Payme, Zoomrad, Click va shunga o‘xshagan ixtiyoriy mobil ilovalar orqali Kredit modul uchun to'lovni belgilab, PNFL/JShShIR ni kiriting, shartnomada ko'rsatilgan summani to'lang.
✅
MUHIM: Ushbu ketma-ketlikda qilingan to'lovni "Talaba ofisi"ga borib tasdiqlatish shart emas. Avtomatik muayyan vaqtda tasdiqlanadi.
❌
Hisob raqamiga "ОПЛАТА БЮДЖЕТ" orqali to'lov qilmang. Bu xato
‼️
📌
🧑‍🎓
Avvalgi yil qarzdor bitiruvchilari qayta o'qish uchun avval fakultet dekanatiga uchrashishi shart! Barcha muammolar shu yerda hal qilinadi.