Tutor Bekhruz

Bugun shu kitobni o’qishni boshladim
Birinchi o’n betdan olgan xulosam:
Yaxshi o’qimaydigan, yaxshi o’qiy olmayotgan, qancha o’qisa ham samaradorligi past o’quvchilarni uyqu rejimini ham tekshirib ko’rish kerak ekan.
@tutorbekhruz

Uyga vazifa qildirish haqida
(2-qism)
Uyga vazifa qila olmaslikning eng katta sabablaridan biri -
procrastination
, ya'ni odam o'ziga yoqimsizroq, qiyinroq tuyulgan ishlarni kechga suraverish odati.
Bunday turdagi o'quvchilar (hamma o'quvchilar desak ham bo'laveradi) orasida ham uyga vazifa qilish darajasini oshirish usullari bor:
1-qadam.
O'quvchilarga berilayotgan vazifa aslida qancha vaqt olishini oldindan bildirib qo'yish. Misol uchun, sanga 3 kun uchun 6 soatli vazifa beryapman. Xuddi ba'zi saytlar to'liq maqolani o'qish qancha vaqt olishini
yozib qo'yganidek.
2-qadam.
Vazifalarni birdaniga bajarish imkonsizligi, samarasi pastligini aytish. 2 soatdan oshiq qilingan to'xtovsiz dars
teskari ta'sir
berib, bilim yuqmasligini aytish.
3-qadam.
To'liq vazifani keyingi darsgacha 2 yoki 3 blokka bo'lib berish va har bir blok uchun alohida, kichik
deadline
'lar begilash. Misol uchun, bugun 22:00gacha Readingdan 2ta passage qilib manga tashlab berasan, so'zlarni 20tasini yod olasan. Ertaga 22:00gacha essayni yozib tashlaysan, indin kuni darsgacha yana qolganlarini bajarib qo'yasan. Bu o'quvchini davomiylik —
consistency
'ga o'rgatadi.
09 Jan 2026
Tashkent
@tutorbekhruz

Ustoz otangdek ulug‘
Bu iborani ko'p tavsiflarini eshitganmiz. Lekin, shaxsiy tajribamdan o'zim uchun uni yangi versiyasini tushunib yetyapman.
Ota
- barchamiz uchun hayotimizdagi role model. Hayotiz davomida ulardan taqvoliroq, ilmliroq, boyroq yoki hayotda muvaffaqiyatliroq boshqa insonlarni ko'rsak ham, bu haqiqat o'zgarmaydi. Baribir, otalarimiz - hamma yaxshiliklar balansda yig'ilgan ideal inson.
Ustoz ham xuddi shunday ekan
— hayotingizni qaysidir davrida ustozim xato qilgan ekanlar, shu joyini manga o'rgatmagan ekanlar, ustozimdan ham aqllirog'i, boyrog'i, yaxshirog'i bor ekanku deb o'ylaganday bo'lar ekansiz. Lekin, ozgina vaqt o'tgandan keyin ustoziz eng yaxshiligini tushunib yetaverar ekansiz.
O'sha gap:
qaysidir jabhada otangizdan, ustozizdan kuchlirog'ini ko'rib qolganda shu eng zo'r odamdir deb o'ylaysiz. Lekin ozgina vaqt o'tgandan keyin oltin balans o'zizni otayiz va ustozizda bo'lib chiqaveradi.
Bekorga ustozni duosini ol deyilmas ekan, bekorga ustoz roziligi ota-onanikiga tenglashtirilmas ekan, bekorga duolarda ular bilan bir qatorda eslanmas ekan.
Ustozlarni qadrlaylik, ularni eslab turaylik*
05 Jan 2026
Tashkent
@tutorbekhruz

Uyga vazifa qildirish haqida
Bilamiz, har bir o'quvchida uyga vazifa qilmaslikning turli sabablari bor, lekin ommatan butun guruhga yoki aksar o'quvchilarga vazifani qildira olish - ustozning mahoratidan.
Man tajribamda ko'rgan va o'zimda o'zgartira olgan usullardan biri - aniqlikni oshirish. O'quvchiga shunchaki uyga vazifa nimaligini aytish o'rniga har bir detallarigacha vazifa berish. Uni siz qay tartibda so'rab olishingiz, aynan nima jihatiga urg'u berish kerakligi, agar topshira olmasa nima bo'lishi, qay tartibda qilsa qulayligini tushuntirasiz. Misol uchun:
❌
- ELS kitobidan 3 ta passage'ga tayyorlanib kelasiz;
✔️
- ELS kitobining falonchi passage'dan boshlab falonchi passage'gacha vazifangiz. Shu betlarda chiqadigan barcha
so'zlarni yodlaysiz
. Passage'ni manga
retell
qilishga tayyorlanasiz (retell qilayotganda textni ichidan
beshtadan o'ntagacha
yangi so'zlarni ishlatib berishiz shart).
Passage'dan keyin keladigan
birinchi va ikkinchi
mashqlarni bajarasiz. (Birinchi marta bo'lsa mashqlardan namuna ishlab ko'rsatiladi). Mashqlarni ichidagi so'zlar ham barchasi yodlangan bo'lishi shart. Ularni
og'zaki
ingliz yoki o'zbekcha
tarjimasini so'rab
qabul qilib olaman. Passage'dagi so'zlar
active
, mashqlardagilar
passive
vocabulary
darajasida yodlanishi yetarli. Agar chala bajarilgan bo'lsa darsdan chiqib turib, bajarib keyin qayta kirasiz.
Ikkinchi usul
- 'procrastinators' uchun, ya'ni o'ziga yoqimsiz bo'lgan ishlarni kechga suradigan o'quvchilar uchun. Bu usulni keyingi postda tushuntirib o'taman.
04 Jan 2026
Tashkent
@tutorbekhruz

Ustozlarga
Hozirgi kunda yosh ingliz tili sohasidagi ustozlar yoki ustozlik yo’lidan borayotgan talabalar uchun eng yuqori prioritet — xususiy sektorga o’tish.
Ta’lim sohasida davlat hech qachon yaxshi ish beruvchi bo’lmagan, ayniqsa raqobat bo’lmagan va o’qituvchilar past nazarga ilinadigan O’zbekistonda.
Bilaman, xususiy maktab yoki o’quv markazlarida talab va konkurensiya yuqoriroq.
Lekin shu muhit sog’lomligidan darak emasmi?
Raqobat bo’lmagan har qanday sohani oxiri yaxshilik bilan tugamaydi.
Siz ish izlaydigan emas, izlanadigan ustoz bo’lishiz uchun hozir ideal vaqt. Bozor ochiq, talablar yengil. Har yili minglab o’smirlar (!) olayotgan C1 sertifikat va o’z sohangiz va unga yaqin sohalar bo’yicha 5-10 ta kitob. Yoki shu sohani bosib o’tgan yaxshi bir ustoz topish.
Qarabsizki, bir yil deganda siz minglab ustozlar ichida izlanadigan kadrsiz. Lekin, davlat ta’lim muassasalarida na shaxsiy, na moliyaviy va na professional o’sishga yoki yaxshi sharoitlarga guvoh bo’lasiz.
Fikrlar o’ta subyektiv va shaxsiy kuzatuvlarimga tayangan.
01 Jan 2026
Tashkent region
@tutorbekhruz

Confession
Hammaga ma'lumki, anchadan beri kanalim passiv bo'lib qolgan. Bir necha marotaba o'zim va atrofimdagilar bosimi ostida kanalni qayta aktiv yuritishga urindim. Lekin baribir qo'limdan kelmadi.
Aniq bir azm-u qaror qilguncha ancha vaqt kutdim, emotsiyalar joyiga tushgandan keyin esa bir savolni oldimga qo'ydim:
Kanalim asliyatimni ko'rsatyapdimi yoki boshqalar belgilab berayotgan trendlarnimi?
Bilasiz, o'z sohamdagilar yoki boshqa "influencer"larga solishtirganda ijtimoiy tarmoqlarda faoliyatimni ancha oldin boshlaganman.
Lekin, telegram blogi masalasida juda ko'pchilikdan maslahatlar olganman yoki boshqa ingliz tili ustozlari kanallarini barchasini kuzatib boshlaganman. Shu eng katta xatoyim bo'lgan ekan.
O'zim sezmagan holatda asli xarkaterimga, iste'mol qiladigan kontentlarimga, o'qiydigan kitoblarimga, atrofimdagi yaqinlarim, tanishlarim qarashlariga zid bo'lgan usulda kanal yuritishga harakat qilgan ekanman.
Nega?
Chunki manga yaxshi Telegram kanallari shunaqa bo'lishi kerakligini uqtirishgan:
- kundalik kamida 5-8 ta post qilish;
- auditoriyaga yoqadigan postlar yozish;
- hamma narsaning oson, tez, qisqa yo'lini ko'rsatish;
- uzun postlar yozmaslik;
- reaksiyalar, kommentlar yig'ish;
- sodiqlikni paydo qilish uchun shaxsiy hayot bilan bo'lishish;
- kulguli postlar tayyorlash;
- auditoriya emotsiyalari bilan o'ynashish;
- qimor elementlari bo'lgan konkurslar qilish ...
Shaxsiyatimdan juda uzoq bo'lgan bunday kontent yuritish bosimi esa oxiri barcha kanallarni arxivga tiqib, o'zim ham kanal yurg'izmay qoyishimga sabab bo'ldi.
Endi buyog'iga kanalim boshqacha yuritliadi. O'zim qayta o'qib uyalmaydigan, tanishlarim o'qib o'zimni aksimni ko'radigan jiddiyroq, uzunroq, og'irroq va asosiysi manfaatliroq postlar yoziladi.
Reaksiyalarni o'chirib qo'yaman.
P.S. Instagram app telefonimdan o'chirib yuborilganiga bir necha oylar bo'lgan. Bu haqida ham hali alohida post bo'ladi.
29 Dec 2025
Tashkent
@tutorbekhruz

Bilinib turibdi
Man ham kecha Toshkentga qaytib bildim.
@tutorbekhruz

Ba’zi online kurs reklamalari esimga tushib ketdi eshitib.
Uzr, lekin
@tutorbekhruz

Buxoro
Umrimni ilk 18 yilini Buxoroda yashagan bo’lsamda, hozirgi kunga kelib bu shaharga musofir nazari bilan qarab o’zim uchun uni qayta kashf qilyapman.
To’g’ri, Buxorodagi ko’p ilm ko’tarilgan, lekin uni barakasi haligacha sezilib turibdi.
Toshkentga solishtirganda vaqt keng, juda barakali. Bejizga oldin ko’p olimlar aynan shu shahardan chiqmagan.
Kecha safarimiz davomida ustozim, Hasanxon Yahyo Abdulmajid aytganlaridek,
“Kimki dinda faqih bo’lmoqchi bo’lsa Buxoro olimlari yozgan kitoblarsiz bunga erisholmaydi. Hanafiy ilmlari Arab o’lkalarida boshlab berildi, lekin Buxoro hududlarida o’z cho’qqisiga yetdi. Bu diyorda Chingizlar bosqinidan oldin o’n minglab mashoyixlar bo’lgan deyishadi. Shayx Muhammad Avvoma aytganlaridek, bu yerda hech bir qarich yer yo’qki, unga biror olim-u ulamo qadam
bosmagan bo’lsa”.
Bu barakaning yana bir mevasi, isbotini DTM yoki IELTS imtihonlari natijalari statistikalaridan ham ko’rib olsa bo’ladi.
24
Nov
2025
Buxorom
@tutorbekhruz

Ustozlar norozi bo’lgan attestatsiya haqida
Ikki haftacha oldin
yangiliklarda
ingliz tili ustozlari Vazirlik va testga ommaviy norozilik ko’rsatayotganini ko’rib, bu mavzuga juda qiziqib qoldim.
Garchan bu attestatsiya va ularning natijasini ishimga bevosita aloqasi bo’lmasada, markazga va vazirlikka borib, testning barcha variantlari va savollarini birma-bir ko’rib chiqdim. Mutasaddilar bilan gaplashdim.
Bundan tashqari, deyarli 18.000 norozi ustozlar yig’ilgan Telegram guruhga qo’shilib, ustozlar o’zi nimadan noroziligini o’rganib chiqdim.
Lekin, uzr-u, bu holatda asosiy aybdor — attestatsiyadan o’ta olmagan ustozlarning o’zida.
Keling endi argumentlarimni birin-ketin asoslab bersam:
1) Avvalambor, ingliz tilini yaxshi biladigan inson sifatida (IELTS 8.5 bo’lgan inson o’zini shunday nomlay olsa) testlarni ko’zdan kechirarkanman, ularning yarmi filologiyaga, qolgan yarmi esa kuchli B2 yoki C1 til biluvchisi bemalol bajaradigan reading savollari ekanligini tushundim. To’g’ri, test davomida C2 so’zlar qatnashgan bo’lishi mumkin. Lekin ularning hech biri to’g’ri javob yashiringan kalit so’zlar emas. Demak, testning ikkinchi yarmini ingliz tilini C1 darajada bilgan aksariyat bajara oladi. Ayniqsa, oliy ta’lim muassasini C1 daraja bilan bitirishi shart bo’lgan filolog va pedagoglar.
2) Man sakkiz yildan beri IELTS instruktorlik qilib kelayotgan bo’lsamda, o’zimni hali ingliz tili pedagogi deb atay olmayman. Chunki til filologiyasi va uni qanday o’qitish bo’yicha bilimlarim faqatgina IELTS imtihoni va umumiy ingliz tiliga cheklangan. Lekin, attestatsiya topshirganlar avval grammatikani, keyin oliy ta’limda 4 yil uni filologiyasini o’rganishgan (deb umid qilaman);
3) Test markazida manga testning birinchi qismi, ya’ni filologiyaga taaluqli qismidagi barcha savollar fan spesifikatsiyasidan olinganligini isbotlab berishdi. Savollarda ishlatilgan barcha materiallar manbasi aniq ekan;
4)
Test o’tgan safargidan qiyinlashganmi?
Ha, lekin uni qiyinlashgan emas, balki endi standartga tushirilgan degan bo’lar edim. Ammo, izlanishlarim shuni ko’rsatdiki, ko’p ustozlar til ko’nikmalarini yoki Teacher’s Bookdagi ma’lumotlarni o’rganish o’rniga Telegramdagi “
Attestatsiyaga tayyorlaymiz
” kurslarini sotib olishgan va faqat eski test formatiga tayyorlanishgan;
5)
Attestasiyadan o’ta olmaslik sizni yomon ustoz qilib qo’yadimi?
Yo’q. Hech kim bunday demayapti ham. Muhimi - ham ingliz tili ko’nikmalarimiz, ham pedagogik bilimlarimizni yetarli darajaga chiqarib olish. Yetarli darajaga!
6)
Vazirlik yoki qandaydir mutasaddilar sizni attestatsiyadan yiqilishizdan manfaatdormi?
Nega bunday bo’lishi kerak? Ko’p ustozlar guruhlarda fitna nazariyasini ko’tarib yuborishgan. Aslida xorijiy til ustozlariga qo’shimcha ustamalarni, hammadan ko’p oylik olish imkoniyatini kim tatbiq etganini eslab ko’raylik!
7) Eng muhimi, O’zbekiston YAIMi dunyo iqtisodiyotining 0.1-0.2%ni tashkil etadi va bu narsani oshirish, davlatni rivojlantirish aynan shu ingliz tili ustozlarining qo’lida.
Ajdodlarimiz, tariximizni chuqur o’rganish, kelajakka qarab ishonchli qadam bosish barchasi ingliz tilini bilib, dunyodagi 80% ma’lumotlarga ega bo’lishga kelib taqalib turibdi. Qisqasi, kalit ingliz tili ustozlari qo’lida.
Bu qiyinchiliklardan qancha qochsak, shuncha vaqt yo’qotamiz.
Shunday ekan, o’zimizni isloh qilaylik. Imtihonga tayyorgarlik ko’ravermasdan, asl ko’nikmalarni egallaylik. Bizga o’xshagan IELTS instruktorlar va pedagoglar orasida yaqqol farq bo’lishi shart. Davlatni ayblayvermaylik.
Peace
🕊
21.11.2025
Samarqand
@tutorbekhruz