Tutor Bekhruz
Bizdan keyingi avlodda imkoniyatlar haqiqatda juda ulkan
Endigina
14 yoshga to’lgan
, hali
8-sinfda
o’qiydigan o’quvchimiz, Durdona imtihonda shunaqa natija ko’rsatib chiqdilar.
Shu natija bilan Al-Beruniy maktabidagi ingliz tili imtihonlarida maksimum ballni yig’ib bo’ldilar.
THE HUB
o’quv markazimizda
Al-Beruniy maktabiga
tayyorlanayotgan yana 3-4ta shunaqa yoshlarimiz bor. Ulardan biri Harvardda o’qiyotgan Azizbekni ukalari Lazizbek.
Bu yoshlarni kelajakda yetisha olishi mumkin bo’lgan yutuqlarni o’ylasam, hozirdan juda hayajonlanib ketaman.
Yoshlarga omad.
😊
ing
Tutor Bekhruz
03.03.2026
Buxoro
Maktabimiz ilk mehmonlarini qarshi olishda davom etmoqda.
Ilk mehmonlarimizdan biri -
Hasanxon Yahyo Abdulmajid
maktabimizda yaratilayotgan zamonaviy infratuzilma, ta’lim konsepsiyasi va kelajak avlodni tarbiyalashga qaratilgan yondashuv bilan yaqindan tanishdilar va o’z tavsiyalari bilan bo’lishdilar.
Bizning yondashuvimiz oddiy ta’limdan ustun — biz liderlar, fikrlovchi va mas’uliyatli shaxslarni tarbiyalaymiz.
Maktabimiz yaqin kunlarda o‘z eshiklarini ochadi.
@bukharainternational
Kirib kelayotgan Ramazon oyi muborak bo’lsin
Kitob tanlash haqida
Oxirgi paytlarda sotib olayotgan va o'qiyotgan kitoblarim faqatgina (exclusively) aniq bir tor sohaning akademik mutaxassislariniki bo'lyapti.
Kitob tanlayotganda iloji boricha hype bo'lmaganlaridan boshlayapman va birinchi o'rinda yozuvchisini tekshiryapman. Agar yozuvchi PhD, MD yoki top universitet professori bo'lsa, keyin kitobga qiziqib sotib olyapman.
Hozircha shunaqa yozuvchilar bilan yaxshi til topishyapmiz)
Bu tanlovim tabiiy rivojlanib keldimi yoki pul uchun yozilgan kitoblarni o'qib hafsalam pir bo'lganidanmi, aniq bilmayman.
Ha aytgancha, badiiy kitoblarga umuman hafsalam yo'q. Bu yaxshimi, yomonmi izohlarda fikringizni qoldiring. Badiiy adabiyot o'qimaganimga yillar bo'lib ketibdi.
Kiosaki yoki Karnegilarga o'xshagan yozuvchilarni kitobiga ketkazgan vaqtimga esa haligacha rozimasman(
02 Feb 2026
Toshkent
@tutorbekhruz
Bugun shu kitobni o’qishni boshladim
Birinchi o’n betdan olgan xulosam:
Yaxshi o’qimaydigan, yaxshi o’qiy olmayotgan, qancha o’qisa ham samaradorligi past o’quvchilarni uyqu rejimini ham tekshirib ko’rish kerak ekan.
@tutorbekhruz
Uyga vazifa qildirish haqida
(2-qism)
Uyga vazifa qila olmaslikning eng katta sabablaridan biri -
procrastination
, ya'ni odam o'ziga yoqimsizroq, qiyinroq tuyulgan ishlarni kechga suraverish odati.
Bunday turdagi o'quvchilar (hamma o'quvchilar desak ham bo'laveradi) orasida ham uyga vazifa qilish darajasini oshirish usullari bor:
1-qadam.
O'quvchilarga berilayotgan vazifa aslida qancha vaqt olishini oldindan bildirib qo'yish. Misol uchun, sanga 3 kun uchun 6 soatli vazifa beryapman. Xuddi ba'zi saytlar to'liq maqolani o'qish qancha vaqt olishini
yozib qo'yganidek.
2-qadam.
Vazifalarni birdaniga bajarish imkonsizligi, samarasi pastligini aytish. 2 soatdan oshiq qilingan to'xtovsiz dars
teskari ta'sir
berib, bilim yuqmasligini aytish.
3-qadam.
To'liq vazifani keyingi darsgacha 2 yoki 3 blokka bo'lib berish va har bir blok uchun alohida, kichik
deadline
'lar begilash. Misol uchun, bugun 22:00gacha Readingdan 2ta passage qilib manga tashlab berasan, so'zlarni 20tasini yod olasan. Ertaga 22:00gacha essayni yozib tashlaysan, indin kuni darsgacha yana qolganlarini bajarib qo'yasan. Bu o'quvchini davomiylik —
consistency
'ga o'rgatadi.
09 Jan 2026
Toshkent
@tutorbekhruz
Ustoz otangdek ulug‘
Bu iborani ko'p tavsiflarini eshitganmiz. Lekin, shaxsiy tajribamdan o'zim uchun uni yangi versiyasini tushunib yetyapman.
Ota
- barchamiz uchun hayotimizdagi role model. Hayotiz davomida ulardan taqvoliroq, ilmliroq, boyroq yoki hayotda muvaffaqiyatliroq boshqa insonlarni ko'rsak ham, bu haqiqat o'zgarmaydi. Baribir, otalarimiz - hamma yaxshiliklar balansda yig'ilgan ideal inson.
Ustoz ham xuddi shunday ekan
— hayotingizni qaysidir davrida ustozim xato qilgan ekanlar, shu joyini manga o'rgatmagan ekanlar, ustozimdan ham aqllirog'i, boyrog'i, yaxshirog'i bor ekanku deb o'ylaganday bo'lar ekansiz. Lekin, ozgina vaqt o'tgandan keyin ustoziz eng yaxshiligini tushunib yetaverar ekansiz.
O'sha gap:
qaysidir jabhada otangizdan, ustozizdan kuchlirog'ini ko'rib qolganda shu eng zo'r odamdir deb o'ylaysiz. Lekin ozgina vaqt o'tgandan keyin oltin balans o'zizni otayiz va ustozizda bo'lib chiqaveradi.
Bekorga ustozni duosini ol deyilmas ekan, bekorga ustoz roziligi ota-onanikiga tenglashtirilmas ekan, bekorga duolarda ular bilan bir qatorda eslanmas ekan.
Ustozlarni qadrlaylik, ularni eslab turaylik*
05 Jan 2026
Toshkent
@tutorbekhruz
Uyga vazifa qildirish haqida
Bilamiz, har bir o'quvchida uyga vazifa qilmaslikning turli sabablari bor, lekin ommatan butun guruhga yoki aksar o'quvchilarga vazifani qildira olish - ustozning mahoratidan.
Man tajribamda ko'rgan va o'zimda o'zgartira olgan usullardan biri - aniqlikni oshirish. O'quvchiga shunchaki uyga vazifa nimaligini aytish o'rniga har bir detallarigacha vazifa berish. Uni siz qay tartibda so'rab olishingiz, aynan nima jihatiga urg'u berish kerakligi, agar topshira olmasa nima bo'lishi, qay tartibda qilsa qulayligini tushuntirasiz. Misol uchun:
❌
- ELS kitobidan 3 ta passage'ga tayyorlanib kelasiz;
✔️
- ELS kitobining falonchi passage'dan boshlab falonchi passage'gacha vazifangiz. Shu betlarda chiqadigan barcha
so'zlarni yodlaysiz
. Passage'ni manga
retell
qilishga tayyorlanasiz (retell qilayotganda textni ichidan
beshtadan o'ntagacha
yangi so'zlarni ishlatib berishiz shart).
Passage'dan keyin keladigan
birinchi va ikkinchi
mashqlarni bajarasiz. (Birinchi marta bo'lsa mashqlardan namuna ishlab ko'rsatiladi). Mashqlarni ichidagi so'zlar ham barchasi yodlangan bo'lishi shart. Ularni
og'zaki
ingliz yoki o'zbekcha
tarjimasini so'rab
qabul qilib olaman. Passage'dagi so'zlar
active
, mashqlardagilar
passive
vocabulary
darajasida yodlanishi yetarli. Agar chala bajarilgan bo'lsa darsdan chiqib turib, bajarib keyin qayta kirasiz.
Ikkinchi usul
- 'procrastinators' uchun, ya'ni o'ziga yoqimsiz bo'lgan ishlarni kechga suradigan o'quvchilar uchun. Bu usulni keyingi postda tushuntirib o'taman.
04 Jan 2026
Toshkent
@tutorbekhruz
Ustozlarga
Hozirgi kunda yosh ingliz tili sohasidagi ustozlar yoki ustozlik yo’lidan borayotgan talabalar uchun eng yuqori prioritet — xususiy sektorga o’tish.
Ta’lim sohasida davlat hech qachon yaxshi ish beruvchi bo’lmagan, ayniqsa raqobat bo’lmagan va o’qituvchilar past nazarga ilinadigan O’zbekistonda.
Bilaman, xususiy maktab yoki o’quv markazlarida talab va konkurensiya yuqoriroq.
Lekin shu muhit sog’lomligidan darak emasmi?
Raqobat bo’lmagan har qanday sohani oxiri yaxshilik bilan tugamaydi.
Siz ish izlaydigan emas, izlanadigan ustoz bo’lishiz uchun hozir ideal vaqt. Bozor ochiq, talablar yengil. Har yili minglab o’smirlar (!) olayotgan C1 sertifikat va o’z sohangiz va unga yaqin sohalar bo’yicha 5-10 ta kitob. Yoki shu sohani bosib o’tgan yaxshi bir ustoz topish.
Qarabsizki, bir yil deganda siz minglab ustozlar ichida izlanadigan kadrsiz. Lekin, davlat ta’lim muassasalarida na shaxsiy, na moliyaviy va na professional o’sishga yoki yaxshi sharoitlarga guvoh bo’lasiz.
Fikrlar o’ta subyektiv va shaxsiy kuzatuvlarimga tayangan.
01 Jan 2026
Toshkent viloyati
@tutorbekhruz