"Oʻzbekkoʻmir" aksiyadorlik jamiyati

📖
Angren ko‘mir koni qurilishi tarixi
⚡️
1941-yil 9-sentabrda O‘zSSR Ministrlar Sovetining “Angren ko‘mir havzasini qurish to‘g‘risida”gi qarori qabul qilingan. Ushbu yirik loyihaga rahbarlik qilish O‘zbekiston SSR Oliy Soveti Prezidiumi raisi Yo‘ldosh Oxunboboyev zimmasiga yuklatilgan.
Uning rahbarligida 1942-yil yanvar oyida izg‘irin sovuqqa qaramasdan 3 229 690 kub metr tuproq va shag‘al ko‘chirib chiqilgan. Biroq Ikkinchi jahon urushi sababli qurilish 1942-yil martdan 1945-yil yanvargacha to‘xtab qolgan.
⛏️
Urushdan keyin Angren ochiq koni qurilishi yana davom ettirildi. Mamlakat iqtisodiyoti uchun muhim ahamiyatga ega bo‘lgan ushbu loyihaga katta kuch va mablag‘ safarbar etildi.
⚡️
1948-yil yanvar oyida “Angren” ko‘mir konining yillik 1,5 million tonna quvvatga ega bo‘lgan birinchi navbati foydalanishga topshirildi. Bu voqea Angren ko‘mir sanoati tarixida yangi davrni boshlab berdi.
🏭
Aynan shu yillardan boshlab Angren ko‘mir havzasi O‘zbekistonning eng yirik yoqilg‘i bazalaridan biriga aylandi. Keyingi o‘n yilliklarda konning ishlab chiqarish quvvatlari kengayib, ko‘mir qazib olish hajmi bir necha barobar ortdi.
Bugungi Angren sanoat salohiyati ortida urush va urushdan keyingi og‘ir yillarda mehnat qilgan quruvchilar, muhandislar va konchilarning fidokorona mehnati mujassam.
#Angren80
#TarixSahifalari
#AngrenTarixi
Veb-sayt
|
Facebook
|
Matbuot kotibi
|
Youtube
|
Instagram

📖
Angrenning shahar maqomini olishi va rivoji
⚡️
1946-yilda “Angrenshaxstroy” posyolkasining aholisi 20 540 kishiga yetgach, u O‘zbekiston SSR Oliy Soveti qarori bilan viloyatga bo‘ysunuvchi Angren shahriga aylantirildi.
1948-yilda Socgorodda bolalar bog‘chalari, yaslilar, o‘t o‘chirish deposi, omborlar, garaj, klub, do‘konlar va 125 ta turar joy binolari qurildi. 1950-yilga kelib aholi soni 30 500 kishiga yetdi.
1956-yilda “Yangi Angren” shahri komsomol qurilishi deb e’lon qilinib, sobiq ittifoqning turli hududlaridan 3 mingdan ortiq yoshlar jalb etildi.
O‘sha yilning 6-dekabrida hozirgi Angrendagi Ohangaron ko‘chasi bo‘yida birinchi turar joy poydevori qo‘yildi.
#Angren80
#TarixSahifalari
#AngrenTarixi
Veb-sayt
|
Facebook
|
Matbuot kotibi
|
Youtube
|
Instagram

📖
Kaolin va Angren sanoat salohiyati
“Angren” ko‘mir havzasida maishiy sanoat uchun muhim xomashyo hisoblangan kaolin zahirasi 400–430 million tonnadan ortiq. Shundan 200 million tonnasi kulrang kaolin hisoblanadi.
⚡️
Ko‘mir qazib olish jarayonida har yili 5–6 million tonna kaolin ajralib chiqqan. Uzoq yillar davomida Toshkent va Samarqand chinni zavodlariga yiliga 600–700 ming tonna kaolin yetkazib berilgan, shuningdek tashqi omborlarda 75 million tonna kaolin to‘plangan.
Angren qo‘ng‘ir ko‘miri tarkibida natriy, magniy, kalsiy, temir, alyuminiy, titan oksidlari va boshqa moddalar mavjud bo‘lib, ular turli sohalarda qo‘llanilishi ilmiy asosda o‘rganilgan.
Bugungi kunda ushbu resurslar dori-darmonlar, plastik mahsulotlar, portlovchi moddalar, bo‘yoqlar, o‘g‘itlar, asfalt va boshqa ko‘plab mahsulotlar ishlab chiqarishda qo‘llanilmoqda.
2008-yilda “O‘zbekko‘mir” AJ boshqaruv apparati Toshkentdan Angrenga ko‘chirib kelingan.
#Angren80
#TarixSahifalari
#AngrenTarixi
Veb-sayt
|
Facebook
|
Matbuot kotibi
|
Youtube
|
Instagram

📖
Angren ko‘mir sanoati — shahar taraqqiyotining asosi
Angren shahrining paydo bo‘lishiga zamin hozirlagan ko‘mir sanoati so‘nggi sakson yil ichida sifat va hajm jihatidan sezilarli darajada kengaydi.
⚡️
Agar 1942-yilda mavjud uchta шахtadan jami 30 ming tonna ko‘mir qazib olingan bo‘lsa, 1970-yilda davlatga 6 million tonna ko‘mir yetkazib berilgan.
Angren qo‘ng‘ir ko‘miri zahirasi mutaxassislar tomonidan 1,8 milliard tonna deb baholanadi. Uning asosiy qismi 1948-yilda ishga tushirilgan “Angren” ko‘mir havzasidan ochiq usulda qazib olinmoqda.
Hozirgi kunda “O‘zbekko‘mir” AJ tasarrufida “Angren”, “Apartak” ochiq konlari hamda 9-shaxta faoliyat yuritmoqda. Yillik qazib olish hajmi o‘rtacha 6 million tonnani tashkil etadi.
#Angren80
#TarixSahifalari
#AngrenTarixi
Veb-sayt
|
Facebook
|
Matbuot kotibi
|
Youtube
|
Instagram

🗣
JAMOATCHILIK KENGASHI A’ZOLIGIGA OCHIQ TANLOV E’LON QILINADI
“O‘zbekko‘mir” AJ huzuridagi Jamoatchilik kengashi tarkibiga a’zolarni tanlash bo‘yicha ochiq tanlov e’lon qiladi.
ℹ️
Tanlov maqsadi:
Jamiyat faoliyati ustidan jamoatchilik nazoratini amalga oshirishda ishtirok etadigan Kengash tarkibini shakllantirish.
❔
Nomzodlarga qo‘yiladigan talablar:
⏺
fuqarolik jamiyati institutlari vakili bo‘lishi;
⏺
jamoatchilik faoliyatida tajribaga ega bo‘lishi;
⏺
manfaatlar to‘qnashuviga ega bo‘lmasligi;
⏺
qonunchilikka muvofiq sudlanganlik holati bo‘lmasligi.
📂
Taqdim etiladigan hujjatlar:
⏺
ariza;
⏺
rezyume (CV);
⏺
shaxsni tasdiqlovchi hujjat nusxasi;
⏺
jamoatchilik faoliyati bo‘yicha ma’lumot.
🔴
Hujjatlar qabul qilish muddati:
2026-yil 11-iyun 9:00 dan,
2026-yil 15-iyun 18:00 gacha
;
✉️
Hujjatlar qabul qilish manzili:
“O‘zbekko‘mir” AJ Toshkent viloyati, Angren shahar, Istiqlol ko'chasi 1-uy.
🔔
Muhim eslatma:
Tanlov natijalari maxsus komissiya tomonidan ko‘rib chiqiladi va yakuniy tarkib Jamiyat bosh direktorining buyrug‘i bilan tasdiqlanadi.
Veb-sayt
|
Facebook
|
Matbuot kotibi
|
Youtube
|
Instagram

“O‘zbekko‘mir” AJ tasarrufidagi “Koinot” bolalar sog‘lomlashtirish oromgohi yangi mavsumga tayyor!
Oromgoh hududida obodonlashtirish ishlari olib borilib, yotoqxonalar, oshxona, sport maydonchalari va dam olish maskanlari mavsum oldidan to‘liq tayyor holatga keltirildi.
Bolajonlarning mazmunli hordiq chiqarishi, xavfsiz va qulay dam olishi uchun barcha sharoitlar yaratildi.
“Koinot” oromgohi bu yil ham quvnoq lahzalar, maroqli tadbirlar va unutilmas taassurotlarga boy mavsum bilan bolajonlarni kutib oladi!
Veb-sayt
|
Facebook
|
Matbuot kotibi
|
Youtube
|
Instagram

Gullar olamidan olgan unutilmas taassurotlarim
Mening ismim Dilshodbek. Yaqinda Angren shahridan Namanganga bo‘lib o‘tgan Xalqaro Gullar festivalida ishtirok etib, bir olam unutilmas taassurotlar bilan qaytdim.
Ko‘mir sanoati korxonasida mehnat qiladigan oddiy xodim sifatida aytishim mumkinki, bu yilgi festival nihoyatda yuqori saviyada tashkil etilgan ekan. Ushbu bayram yildan-yilga yanada ko‘rkamlashib, nafaqat yurtimiz fuqarolari, balki xorijiy mehmonlarning ham e’tiborini tortayotgan yirik madaniy tadbirlardan biriga aylangan.
Festival davomida millionlab gullardan yaratilgan betakror kompozitsiyalar, rang-barang bezaklar va san’at namunalarini tomosha qilib, hayratga tushdim. Ayniqsa, gullar bilan bezatilgan avtomobillar paradi hamda turli madaniy chiqishlar barchada katta taassurot qoldirdi.
Yer ostida og‘ir mehnat qilib yurgan inson sifatida bunday go‘zallik va fayzli muhitni ko‘rish menga o‘zgacha zavq bag‘ishladi. Festival nafaqat ko‘zni quvontirar ekan, balki inson kayfiyatini ko‘tarib, tabiatga bo‘lgan mehr va e’tiborini yanada oshirar ekan.
Men ushbu festivaldan yorqin xotiralar va unutilmas taassurotlar bilan qaytdim. Ana shunday go‘zal bayramni tashkil etgan barcha tashkilotchilarga samimiy minnatdorchiligimni bildiraman. Yurtimizning go‘zalligi, mehmondo‘stligi va madaniyatini namoyon etadigan bunday tadbirlar yanada rivojlanib borishiga tilakdoshman.
Hamkasblarimga ham ushbu festivalda albatta ishtirok etishni tavsiya qilaman. BU yilgi festival 12-iyulgacha davom etarkan, imkon qadar oila a’zolari bilan tashrif buyurib, go‘zal lahzalar va cheksiz xotiralar bilan qaytishlariga tilakdoshman.
Hurmat bilan,
Dilshodbek
Angren shahri.
Veb-sayt
|
Facebook
|
Matbuot kotibi
|
Youtube
|
Instagram

📢
“Avtomobilsiz kun” aksiyasining samaralari
Xabaringiz bor, bugun, 10 iyun kuni tashkilotimizda “Avtomobilsiz kun” aksiyasi o‘tkazilmoqda. Aksiya doirasida xizmat avtotransport vositalarining harakati cheklanib, ekologik samaradorlik tahlil qilindi.
✅
Jami 33 ta gazda harakatlanuvchi xizmat avtomobilidan odatda bir kunda 1000 m³ siqilgan metan gazi sarflanadi.
✅
Aksiya kunida esa faqat 5 ta transport vositasi harakatlanib, gaz sarfi 152 m³ ni tashkil etdi.
📉
Natijada:
28 ta transport vositasi harakatlanmadi;
848 m³ siqilgan metan gazi tejaldi.
🌿
Ekologik samara:
Tejalgan gaz hisobiga atmosferaga chiqarilishi mumkin bo‘lgan taxminan 1,61 tonna SO₂ (1611 kg) chiqindisining oldi olindi.
🚶‍♂️
🚌
Aksiya doirasida ishga shaxsiy avtotransportida qatnovchi xodimlar ham imkoniyat darajasida piyoda yurish, jamoat transportidan foydalanish hamda boshqa muqobil transport turlarini tanlash orqali tashabbusni qo‘llab-quvvatlamoqdalar.
Veb-sayt
|
Facebook
|
Matbuot kotibi
|
Youtube
|
Instagram

#Angren80
Angren shahri Toshkent viloyati tarkibiga kiruvchi yirik sanoat markazlaridan biri hisoblanadi. Ushbu shahar tashkil topganiga joriy yil 13- iyun kuni 80 yil to‘ladi.
Angrenning bunyod bo‘lishi hududdagi boy ko‘mir zaxiralari va uni sanoat usulida o‘zlashtirish boshlangan tarixiy jarayonlar bilan chambarchas bog‘liq.
Qirqinchi yillarda dastlabki ko‘mir shaxtalari ishga tushirilishi, 1948-yilda esa “Angren” ochiq konining foydalanishga topshirilishi shahar taraqqiyotida muhim burilish nuqtasi bo‘ldi. Shu orqali Angren ko‘mir sanoatining yirik markazlaridan biriga aylandi.
O‘zbekiston ko‘mir sanoatining shakllanishi Ikkinchi jahon urushi arafasida Markaziy Osiyodagi eng yirik Angren konining sanoat miqyosida o‘zlashtirilishi bilan boshlandi. 1940–1943-yillarda oltita shaxta yerosti usulida ishga tushirildi, 1941 yilda esa ochiq kon qurilishi boshlandi. O‘sha davrda “Marion” ekskavatorlari va mahalliy texnika vositalari qo‘llanilgan.
1948-yilda Angren ochiq koni foydalanishga topshirilishi bilan ko‘mir sanoati yangi bosqichga chiqdi. Bu kon nafaqat respublika, balki butun Markaziy Osiyodagi eng yirik qazib olish markaziga aylandi.
Tarmoqda keyingi yillarda 9-sonli shaxta ham ishga tushirilib, qazib olish hajmlari yanada oshirildi. Hozirga qadar Angren konidan 130 mln tonnadan ortiq ko‘mir qazib olingan.
1954–1965-yillarda birinchi texnik qayta jihozlash amalga oshirilib, yangi ekskavatorlar, konveyer tizimlari va burg‘ilash uskunalari joriy etildi. 1978–1990- yillarda ikkinchi bosqich modernizatsiya o‘tkazilib, zamonaviy EKG ekskavatorlari va yuk tashish tizimlari ishlab chiqarish samaradorligini sezilarli oshirdi.
1932-yilda Angren hududida ko‘mir zaxiralari aniqlangan, 1940-yilda geologiya-qidiruv ishlari boshlangan. 1942-yilda birinchi shaxta, 1958 yilda “Sharg‘un” shaxtasi ishga tushirilgan. 1990 yilda 5,77 mln tonna ko‘mir qazib olingan bo‘lsa, 2025-yilda bu ko‘rsatkich 7,1 mln tonnaga yetgan.
Bugungi kunda Angren shahri o‘zining sanoat salohiyati bilan mamlakat energetika tizimida muhim o‘rin tutadi va strategik ahamiyatga ega yirik industrial markaz bo‘lib qolmoqda.
Veb-sayt
|
Facebook
|
Matbuot kotibi
|
Youtube
|
Instagram

💠
O‘zbekiston Respublikasi Prezidenti Shavkat Mirziyoyev huzurida o‘tkazilgan tog‘-kon sanoati va geologiya sohasida raqamli va sunʼiy intellekt texnologiyalarini joriy etish yuzasidan taqdimot haqida
“O‘zbekiston 24” telekanali, “Axborot 24”
🔹
🔹
🔹
💠
Сюжет о презентации, проведенной при Президенте Республики Узбекистан Шавкате Мирзиёеве, по внедрению цифровых решений и технологий искусственного интеллекта в горной промышленности и сфере геологии.
Программа «Axborot 24» телеканала «O‘zbekiston 24»
#Mirziyoyev
#taqdimot
#geologiya
#raqamlashtirish
#suniy_intellekt
#NKMK
#OKMK
#Ozmetkombinat
#OzTMK
#Navoiyuran
#Ozbekkomir
#kongeologiya
#mingeo
#Ozbekiston24
#Axborot24
Sayt
|
Telegram
|
Facebook
|
Instagram
|
X
|
YouTube
|
LinkedIn