Oʻzbekistonlik

Buyuk Britaniya hukumati tomonidan moliyalashtiriladigan Chevening dasturiga arizalar qabuli boshlandi.
Bu dastur Britaniya universitetlarida magistraturani oʻqish uchun toʻliq grant taqdim etadi.
Arizalar 7-oktabrgacha qabul qilinadi.
Batafsil:
https://www.chevening.org/scholarship/uzbekistan/
@uzbekistonlikuz

Ofisda bir odam o‘ziga choy tayyorlayapti va men uni kuzatib turibman:
1. Bo‘sh chashkaga choy paketini soldi.
2. Qaynoq suv quydi, lekin oxirigacha to‘ldirmadi.
3. Choy paketini qimirlatib choyini ancha chiqardi.
4. Ustiga ozgina sovuq suv quydi va darhol ichishni boshladi.
Shu yerda meni kallam portlab ketdi — shunaqa qilsa ham bo‘larmidi?! Men 20 yildan beri noto‘g‘ri choy damlab yurgan ekanman
🤯
Shunday holatlar meni o‘ylantiradi... ba‘zi oddiy narsalar hayotimizga shunchalik singib ketganki ularni yaxshilash haqida hech qachon o‘ylamaymiz.
Hayotda qancha yangi fikr va bilimlarga ochiq bo‘lsak, shuncha kamroq og‘zimiz kuyib yuradi, menimcha.
Vohid Karimov, Germaniya
@uzbekistonlikuz

Tikilgan orzular
Bugun Koreyaning mustaqil bo‘lishiga katta hissa qo‘shgan lideri Dosan (Ahn Chang Ho)ning muzeyida bo‘ldim. Diqqatimni tortgan eng muhim narsa bu tikuv mashinasi bo‘ldi. Bu mashina Dosanning onasiga tegishli va o‘g‘lining o‘qishi uchun shu mashinada mehnat qilib, unga sharoit yaratib bergan.
Buni ko‘rib, ixtisoslashtirilgan maktabda o‘qigan paytlarim esimga tushib ketdi. Bizda ovqat uchun har oy taxminan 120 ming so‘m atrofida to‘lanar edi, adashmasam.
6-sinfga o‘tganimda dadam sog‘liqlari tufayli ishdan vaqtincha bo‘shadilar. O‘shanda oyim uyda tikuv mashinasida salfetka tikardilar va ularni shahrimizdagi oshxonalarga tarqatib, maktab pulini to‘lardik. Kech to‘laganim uchun sinf oldida tik turganim esimda.
Hozir, Allohga shukrki, dadam ham ishlariga qaytganlar. Men esa o‘sha ixtisoslashtirilgan maktabda ta’limimni davom ettirib, Prezident maktabiga o‘qishga kirdim. Hozirda esa Koreyaning hattoki koreyslar o‘qishga kirishni orzu qiladigan universitetda o‘qiyapman.
Men ota-onam bilan doimo faxrlanaman. Barchasi uchun rahmat!
Hanyang universiteti talabasi, Janubiy Koreya
@uzbekistonlikuz

10-qavatdan hayotga nazar...
Hozir 10-qavatdan turib ko‘chaga boqib hayot jo‘shqin o’tishini tasavvur qilyapman. Shu bir katta energiyaning ichida kichkina bir atomlardan bittasiman. Hayollar biri kelib, bittasi ketyapti: oila, o’qish, kelajak uchun rejalar, wow zo’r-a!
Endi bir gapni aytay do’stlar.
Nolish
mening hayotimdan asta-sekin yo‘qolib ketyapti. U narsadan men hech rozi emasman. Nolish faqat pastkashlarning ishi. Turib nazar sol, do’stim, nimalaring bor. Pessimistik qarashlaringni yo’qot. Bu senga tashvish-u kassallik olib keladi.
Kimdirlar aytishi mumkin:
“Sen zo’r hayotda yashayapsan, chet elni ko’ryapsan. Menda bu imkoniyat yo‘q.
" Adashasan, mendagi bor imkoniyat hammada bor. Faqat senda yechim yo‘q. Men ko’rgan narsani sen ko’rmagansan, sen ko’rgan narsani men ko’rmaganman. Orqaga chekinadigan ko’prikni buzib tashla. Shunda qadam faqat oldinga tashlanadi.
Oxirgi kuchli ma’noga ega gapim bor:
“Alloh bandasiga u bajara olmaydigan sinovni bermaydi.
” Shu gaplarni yodingda tut, birodar.
Iftixor Xasanov, Xitoy
@uzbekistonlikuz

Qachondir qaytish kerak bo‘lgan joy...
Baʼzida top universitetda o
‘
qiyotganim, judayam chiroyli manzaralarni guvohi bo
‘
layotganim uchun xursand bo
‘
laman. Lekin hech qachon o
‘
zimni bir butundek his qilmayman, ichimda nimadir meni kutayotganlar va qachondir qaytishim kerak bo
‘
lgan joy borligini eslatib turadi. Bu xuddi eng yaqin do
‘
stingsiz vaqtni yaxshi o
‘
tkazishga o
‘
xshaydi: "baxtli"san lekin nimadir yetmaydi.
Minglab sabablar bo
‘
lsa ham, shioringiz "surish kerak" bo
‘
lsa ham vatandan nafratlanmaslik kerak. Chunki qachondir undan ketganingda....
Behbudiy aytgan edi:
Vatanga muhabbat madaniy insonning eng muhim sifatidir
Xusan Qarshiboyev, Janubiy Koreya
@uzbekistonlikuz

Kimning qarorini yashayapsiz?
18 yoshimda Inhadan o‘qishdan ketganman - o‘z qarorim bilan. Yaxshi qaror bo‘lganmi, yomon qaror bo‘lganmi - muhimi mening qarorim bo‘lgan.
25 yoshimda Googledan ishdan ketyapman - o‘z qarorim bilan. Yaxshi qarormi, yomon qarormi - muhimi mening qarorim.
O‘zgalar siz uchun eng zo‘r qarorni qilib bermasin, unga sodiq bo‘lmasangiz - u qaror bilan uzoqqa bormaysiz. U sizniki bo‘lmasa, qanday unga sodiq bo‘lasiz?
Baxtsiz bo‘lish oson - o‘zgalarni ayblang, vaziyatni ayblang, maslahat bergan insonni ayblang.
O‘zingnizni ayblang - baxtga yaqinroq bo‘lasiz. Qarorlarni o‘zingiz qiling - u bilan yashaysiz.
Azimjon Pulatov
@uzbekistonlikuz

Kichik odat - katta saodat!
Yoshligimizdan onamiz mayda turdagi ishlarga koʻp eʼtibor qaratishimizga undardi. Qayta-qayta takrorlab, soʻkib boʻlsa-da oʻsha ishlarni odatga aylantirishimizga harakat qilar edi. Ertalab uygʻonganda yotoqni toʻgʻrilab qoʻyish, oyoq kiyimimizni yechganda tekislab qoʻyish, maktabdan qaytganda kiyimlarni taxlab, oʻz joyiga qoʻyish, otamizning oyoq kiyimlarini ertalab tozalab, tayyor qilib qoʻyish, ular ketishlarida darvozagacha kuzatib qoʻyish va hokazolar. Uyga mehmonlar kelganda, ostona toʻla oyoq kiyimlar boʻladi. Atrofda amaki/xolalarning farzandlari oldida noqulay boʻlsa-da, ularni hammasini tekislab chiqish ham doimiy takrorlanar edi.
Bu kabi ishlarga juda qattiq turar edilar. Tarbiya qilishning bir qismi deb koʻrish mumkin, lekin bu yerda undanda muhimroq bir masala bor. Mayda ishlarni toʻgʻri qilishga odatlanish inson hayotida katta ahamiyatga ega hisoblanadi. Bu kabi ishlar insonning shaxsiy intizomini rivojlantirishda juda koʻp yordam beradi. Bu albatta ulkan yutuqlarga erishishda madadkor boʻladi.
James Clear
ning "
Atomic Habits
" deb nomlangan mashhur kitobning asl mohiyati ham aynan shu. Kichik odatlarga eʼtibor qaratish va ular orqali insonni shakllantirish.
Jordan Peterson
ham oʻzining "
12 Rules for Life
" kitobi shunga urgʻu berib oʻtadi. Forbes yozgan maqolaga koʻra D
oktor B.J. Fogg
ning "
Tiny Habits: Small Changes that Change Everything
" kitobining mazmuni ham shu. Katta maqsadlarga erishish uchun, kichik vazifalarga odatlanish kerak.
Bu kitoblarni o'qish/eshitish vaqti, bu kitob onamiz oʻrgatgan odatlanish qobiliyati oldida hech bir qiymatli gap yozmagan ekan, degan xulosaga borgandim.
Qisqa maqolaning asosiy maqsadi ham aynan shu mavzuga eʼtibor qaratish. Kichik odatlar katta saodatlarga yetaklaydi. Yaʼni, mayda koʻrinishi mumkin boʻlsa-da, inson hayotida ahamiyati katta boʻlgan ishlarda inson erinchoqlik qilmasligi kerak va oʻsha kichik ishni bajarishda oʻzida kuch topa olishi lozim. Shundagina katta ishlarga va maqsadlarga erishishga yoʻl ochiladi. Toma-toma koʻl boʻlur, degan jumlaning maʼnosi ham shunda.
Ikboljon Sobirov, Oksford universiteti, Ph.D. — Amaliy kompyuter fanlari va sun’iy intellekt
@uzbekistonlikuz

Oʻzbekistonlik
Telegram kanalini yuritish, xorijda o‘qiyotgan va ishlayotgan yurtdoshlar hayotidan qiziqarli lavhalarni berib borish uchun xodim qidirilmoqda.
Vakant joy soni:
1 ta. Bir qancha nomzodlar orasidan yaxshi talabgorlar chiqsa, boshqa loyihalardan ham ish taklif etilishi mumkin.
Asosiy talab:
imlo qoidalarini chuqur bilish, matnlarni xatosiz yozish va tahrirlash hamda qayta ishlov berish. Har kuni bir-biridan qiziqarli kamida 3-4 ta xabar joylab borish.
Muhimi, ofisga kelib ishlay olish. Ofis Toshkentning kindigida yoshlashgan :)
Xorijiy tillarni, ayniqsa, ingliz tilini yaxshi bilish ancha-muncha ustinlik beradi.
Yaxshi oylik olib, zo‘r jamoada ishlash va tajriba oshirish imkoni kafolatlanadi.
Qiziqqanlar
@uzbekistonlikuzbot
orqali rezyume yuborishlari mumkin. Talabalar ham ko‘rib chiqiladi, bunga hech qanday cheklov yo‘q.

Hammasi tush kabi go’yoki.
30-iyun 2025-yil.
Yoshlar kuni.
Congress Hall.
Prezidentimiz minbarda turib nutq so‘zlamoqdalar.
Shu payt, yuzlab tengdoshlarim orasida o‘tirib, bir narsani chuqur his qildim: Orzular odamlarga bekorga berilmaydi.
Ko‘z oldimdan esa bir lahzada butun yo‘lim o‘tib chiqdi…
30-iyun 2025-yil men uchun ikki karra bayram bo‘ldi. Aynan tug‘ilgan kunimda, prezidentimiz qo‘lidan “Kelajak bunyodkori” unvonini olayotganimda, yuragimdagi tuyg‘ular ko‘zimga yosh olib keldi.
Onamning Rossiyaning ayovsiz sovuqlarida qizining kelajagi uchun mehnat qilgan damlari.
Maktabda kam ta’minlangan oila farzandi sifatida qishki kiyim olgani uyalgan paytlarim.
Jamiyatda “qiz bola chet elda o‘qimasligi kerak” degan stereotiplarga qarshi kurashganim…
Bularning barchasini eslar ekanman, bir narsani tushundim - haqiqiy chegaralar faqat ongimizda bo‘ladi.
Dunyoning eng nufuzli universitetlaridan biri -
@universityofbristol
magistratura bosqichida tahsil olganim,
@elyurtumidifoundation
grantini qo‘lga kiritganim - bu ikki yillik tinimsiz mehnat, sinovlar va kurashlarning mevasi.
Lekin men hech qachon taslim bo‘lmadim.
Va aynan shunda tushundim: agar inson orzusini chin dildan istasa, uni faqat tasavvurda emas, hayotda ham ro‘yobga chiqarishi mumkin.
Chunki kurashilgan orzular uchun “imkonsiz” degan so‘z yo‘q.
Va bugungi kunda minglab yoshlarga loyihalarimiz orqali tajribalarimni bo’lishyapman.
Prezidentimiz medalni taqib, qo‘limni siqqan chog‘da aytgan:
“Orzugul qizim, men senga ishonaman. Kelajakda bundan-da yuksak marralarni zabt etib, yurtimiz ravnaqi uchun xizmat qilishingga.”
Bu so‘zlar hayotimdagi barcha qiyinchiliklarni unutib, menga yanada kuch bag‘ishladi.
Shu sahnada turib, minglab yoshlar nigohida ularning orzusi bo‘lib turganimda, meni doimo qo‘llab-quvvatlab kelgan ota-onam, oila a’zolarim, do’stlarimga cheksiz minnatdorchilik bildiraman.
Shuningdek, “Top 100 Uni” loyihamiz hamda TopCoach platformamizda bizga doimo ishonch bildirganlari uchun Alisher Sadullayev Zafarovichga chuqur tashakkur izhor qilaman
Bu yutuq faqat meniki emas.
Bu medal - yonimda turib, birga kurashayotgan, loyihamizga yurakdan mehnat qilayotgan butun jamoamizniki hamdir.
Orzugul Umarovna
@uzbekistonlikuz

“Таълим – келажак сармояси”
деган эзгу ғоя жамиятимизда катта ҳаракатга айланмоқда.
Яқинда “Эл-юрт умиди” жамғармаси фаолияти такомиллаштирилди. Энди
топ-300 талик олийгоҳга кирганлар учун ўқиш ва яшаш харажатини қоплаш тизими
янги тартибда ишлай бошлайди.
Энг аввало,
STEM йўналишлари
(илм-фан, технология, муҳандислик ва математика),
энергетика, транспорт, урбанизация, архитектура, қурилиш, қишлоқ ва сув хўжалиги каби драйвер соҳалар учун квоталар бир неча карра оширилади.
Эндиликда банклар
топ-300 талик олийгоҳга кирган ёшларга 20 минг долларгача имтиёзли таълим кредити
беради.
Facebook|
Instagram|
X