"O`ZBEKGIDROENERGO" АJ
📍
“Chirchiq GESlar kaskadi” filialida Chirchiq shahar Favqulodda vaziyatlar bo‘limi mas‘ul xodimlari hamda Kaskad mutaxassislari ishtirokida yong‘in xavfsizligini ta‘minlash, favqulodda vaziyatlarning oldini olish va masʼul tuzilmalarning birgalikdagi harakatlariga qaratilgan qo‘mondonlik-o‘quv amaliy mashg‘uloti o‘tkazildi.
"O‘zbekgidroenergo" AJ
rasmiy sahifalari
👇
Telegram
|
Facebook
|
Instagram
|
YouTube
“O‘zbekgidroenergo” AJning tadbirkorlar bilan ochiq muloqoti bo‘lib o‘tadi
🤩
2026-yil 22-sentabr kuni Samarqand shahrida “O‘zbekgidroenergo” AJ hamda tizim korxonalari rahbarlari ishtirokida kichik va mikro GESlar qurilishi yo‘nalishida faoliyat yuritayotgan tadbirkorlar bilan ochiq muloqot bo‘lib o‘tadi.
💧
Muloqot davomida kichik va mikro GESlar qurilishi bo‘yicha tadbirkorlarni qiziqtirayotgan masalalar, taklif va tashabbuslar muhokama qilinib, mavjud muammolarni hal etish yuzasidan tegishli chora-tadbirlar belgilanadi.
🗓
Shuningdek, tadbirkorlarning murojaat va takliflari tinglanib, loyihalarni samarali amalga oshirish hamda tadbirkorlik faoliyatini qo‘llab-quvvatlash masalalariga alohida e’tibor qaratiladi.
📍
Manzil:
Samarqand shahar, Xishrav GES
🕐
Boshlanish vaqti:
12:00
📣
Kichik va mikro GESlar qurilishi yo‘nalishida faoliyat yuritayotgan barcha tadbirkorlarni ochiq muloqotda ishtirok etishga taklif etamiz!
"O‘zbekgidroenergo" AJ
rasmiy sahifalari
👇
Telegram
|
Facebook
|
Instagram
|
YouTube
⚡️
2028-2032-yillarda “O‘zbekgidroenergo” AJ mablag‘lari hisobidan amalga oshiriladigan “milliy loyiha” (Infografika)
"O‘zbekgidroenergo" AJ
rasmiy sahifalari
👇
Telegram
|
Facebook
|
Instagram
|
YouTube
✅
Xavfsizlikda sustkashlikka o‘rin yo‘q: tizim suv omborlari holati tanqidiy ko‘rib chiqildi
⚡️
“O‘zbekgidroenergo” AJ Boshqaruv raisi Islom Abduraxmonov rahbarligida tizim suv omborlarida gidrotexnika inshootlarining ishonchli va xavfsiz ishlashini ta’minlashga bag‘ishlangan yig‘ilish o‘tkazildi.
Yig‘ilishda Andijon, Ohangaron, Hisorak, To‘polang va Chorvoq suv omborlaridagi muammoli masalalar alohida muhokama qilindi. Jumladan, Andijon suv omborida zatvorlar, baypas zadvijkalari va metall quvurlarni kapital ta’mirlash ishlarini jadallashtirish, Ohangaron suv omborida suv chiqarish inshootini ta’mirlash, pyezometrlar va GPS monitoring tizimlarini o‘rnatish, drenaj tizimlarining texnik holatini chuqur o‘rganish bo‘yicha aniq topshiriqlar berildi.
📊
Yig‘ilishda mavjud holat tanqidiy-tahliliy ruhda ko‘rib chiqilib, aniqlangan kamchiliklarni bartaraf etish, xavf-xatarlarning oldini olish va inshootlarning texnik barqarorligini ta’minlash bo‘yicha qat’iy vazifalar belgilandi.
💧
Hisorak suv omborida mavjud pyezometrlarni yangilash, ventilyatsiya tizimini modernizatsiya qilish hamda suv olish inshootini takomillashtirish bo‘yicha loyihaviy yechimlarni ishlab chiqish zarurligi qayd etildi. To‘polang suv omborida esa loyqa cho‘kindilar va xarsangtoshlarni o‘z vaqtida tozalash, ularning kelib tushishini kamaytirish hamda suv ombori xavfsizlik mezonlarini yanada takomillashtirish masalalariga alohida e’tibor qaratildi.
⚡️
Chorvoq suv omborida to‘g‘on va boshqa gidrotexnika inshootlarining texnik holatini kompleks o‘rganish va aniqlangan xavf omillarini bartaraf etish bo‘yicha zaruriy choralar belgilanadi.
Muhokamalar davomida ayrim yo‘nalishlarda ishlarni tashkil etishdagi sustkashlik va mavjud muammolarga o‘z vaqtida yechim topilmayotgani tanqidiy baholandi.
⚡️
Rahbar-xodimlarga gidrotexnika inshootlari xavfsizligi masalasida mas’uliyatsizlik va loqaydlikka yo‘l qo‘yib bo‘lmasligi, har bir aniqlangan kamchilik bo‘yicha tezkor va amaliy choralar ko‘rilishi shartligi qat’iy ta’kidlandi. Bunda monitoring natijalarini shunchaki qayd etish emas, balki aniqlangan xavflarni bartaraf etishning samarali mexanizmlarini yo‘lga qo‘yish ustuvor vazifa etib belgilandi.
⚡️
Yig‘ilish yakunida barcha topshiriqlar bo‘yicha mas’ul rahbar va mutaxassislar, shuningdek, aniq ijro muddatlari belgilandi. Belgilangan vazifalarning bajarilishi doimiy nazoratga olinib, ijro holati bo‘yicha muntazam tahlil olib boriladi. Asosiy maqsad – suv omborlari va ulardagi gidrotexnika inshootlarining ishonchli hamda xavfsiz ishlashini ta’minlash, mavjud xavflarni barvaqt aniqlash, ularning oldini olish va har qanday favqulodda holatga tayyorgarlik darajasini oshirishdan iborat.
"O‘zbekgidroenergo" AJ
rasmiy sahifalari
👇
Telegram
|
Facebook
|
Instagram
|
YouTube
⚙️
To‘polang GESda joriy ta’mirlash ishlari olib borilmoqda
⚡️
175 MVt quvvatga ega To‘polang GESning G-1 gidroagregatida mutaxassislar tomonidan rejali ta’mirlash ishlari amalga oshirilmoqda. Jarayon davomida gidroagregatning texnik holati chuqur o‘rganilib, zarur texnik xizmat ko‘rsatish hamda tegishli ta’mirlash ishlari belgilangan talablar asosida bajarilmoqda.
🪫
Mazkur tadbirlarning asosiy maqsadi – gidroagregatlarning texnik jihatdan soz va ishonchli holatini ta’minlash, ularning ish samaradorligini oshirish, ishlab chiqarish jarayonlarida xavfsizlik talablariga qat’iy rioya etish hamda kuz-qish mavsumida elektr energiyasi ishlab chiqarish barqarorligini mustahkamlashdan iborat.
✅
Ta’mirlash ishlarining sifatli va o‘z vaqtida yakunlanishi natijasida GESning ishlab chiqarish quvvatlaridan samarali foydalanish, yuzaga kelishi mumkin bo‘lgan texnik nosozliklarning oldini olish va energiya tizimining barqaror faoliyatiga munosib hissa qo‘shish ko‘zda tutilmoqda.
"O‘zbekgidroenergo" AJ
rasmiy sahifalari
👇
Telegram
|
Facebook
|
Instagram
|
YouTube
📚
Kitobsevar qalblar davrasida
📖
Kitob – inson tafakkurini yuksaltiruvchi, qalbini ezgulik va ma’rifat nuri bilan boyituvchi bebaho xazinadir. U insonning ma’naviy olamini kengaytirib, dunyoqarashini teranlashtiradi, hayotning murakkab, sinovli yo‘llarida esa yo‘lchi yulduz misol to‘g‘ri yo‘lni ko‘rsatadi. Shu bois kitob – inson tafakkurining qanoti, va ma’naviy kamolotining muhim manbai hisoblanadi.
🔖
Shunga muvofiq, “O‘zbekgidroenergo” AJ tizimida muntazam ravishda xodimlarning kitobxonlik madaniyatini rivojlantirish, kasbiy-intellektual salohiyatini yuksaltirishga qaratilgan targ‘ibot-tashviqot tadbirlari o‘tkazib kelinadi.
Ushbu vazifalar doirasida, bugun
“Kitobdan qalbga: muallif bilan uchrashuv”
mavzusida atoqli o‘zbek adibasi, O‘zbekiston yozuvchilar uyushmasi O‘quv-metodika va harbiy vatanparvarlik bo‘limi boshlig‘i
Ma’mura Zohidova
ning
“Manglaydagi yoziq”
kitobi taqdimoti hamda
“Eng sara iqtibos”
tanlovi g‘oliblarini va Jamiyat ijro apparatining
“Eng faol kitobxon”
larini taqdirlash maqsadida kitobsevar qalblar davra suhbati tashkil qilindi.
👍
Batafsil
|
Подробно
:
👉
uzgidro.uz
"O‘zbekgidroenergo" AJ
rasmiy sahifalari
👇
Telegram
|
Facebook
|
Instagram
|
YouTube
🇺🇿
PQ-298-son qarori: kichik va mikro GESlar rivojida ilm-fan, ta’lim va amaliyot mushtarakligi
⚡️
O‘zbekiston Respublikasi Prezidentining 2026-yil 19-avgustdagi PQ-298-son qarori bilan mamlakatimizda kichik va mikro gidroenergetikani rivojlantirishning muhim yo‘nalishlari belgilandi.
✍️
Xususan, 2026/2027-o‘quv yilidan boshlab oliy ta’lim tashkilotlarida kichik quvvatli yashil energiya, jumladan, kichik gidroenergetika sohasi uchun yuqori malakali kadrlar dual ta’lim tizimi asosida tayyorlanadi.
⚡
Energetika vazirligi “Oʻzbekgidroenergo” AJ bilan birgalikda energetika tizimidagi korxonalar, shu jumladan, kichik gidroenergetika obyektlarining talabalar uchun amaliyot bazasi sifatida belgilaydi. Bu yosh mutaxassislarning nazariy bilimlarini bevosita ishlab chiqarish tajribasi bilan mustahkamlash imkonini beradi.
👍
Batafsil
|
Подробно
:
👉
uzgidro.uz
"O‘zbekgidroenergo" AJ
rasmiy sahifalari
👇
Telegram
|
Facebook
|
Instagram
|
YouTube
⚡️
2028-2032-yillarda “O‘zbekgidroenergo” AJ mablag‘lari hisobidan amalga oshiriladigan “milliy loyiha” (Infografika)
"O‘zbekgidroenergo" AJ
rasmiy sahifalari
👇
Telegram
|
Facebook
|
Instagram
|
YouTube
📝
“O‘zbekgidroenergo” AJda ijro intizomini mustahkamlash bo‘yicha tahliliy-tanqidiy yig‘ilishlar o‘tkazildi
👍
“O‘zbekgidroenergo” AJda ijro intizomini yanada mustahkamlash, nazoratdagi topshiriqlarning o‘z vaqtida va sifatli bajarilishini ta’minlash, shuningdek, tarkibiy tuzilmalar faoliyati samaradorligini oshirish maqsadida Boshqaruv raisining o‘rinbosarlari ishtirokida navbatdagi tahliliy-tanqidiy yig‘ilishlar o‘tkazildi.
🗣
Yig‘ilishlarda Boshqaruv raisining ekspluatatsiya, qurilish va sun’iy intellekt texnologiyalarini joriy etish bo‘yicha birinchi o‘rinbosari Bekzod Amirsaidov, investitsiya va mahalliylashtirish masalalari bo‘yicha birinchi o‘rinbosari Azimjon Ahmadjanov hamda moliya, transformatsiya va xususiylashtirish masalalari bo‘yicha o‘rinbosari Farrux Nurullayev rahbarligidagi departament, boshqarma va bo‘limlarda ijro intizomini ta’minlash borasida amalga oshirilayotgan ishlar tanqidiy-tahliliy jihatdan muhokama qilindi.
📌
Apparat rahbari Xurshid Ravshanov tomonidan taqdim etilgan tahliliy ma’lumotlar asosida ijro intizomini ta’minlashda yo‘l qo‘yilayotgan kamchiliklar, mavjud muammolar va ularning kelib chiqish sabablari atroflicha tahlil qilindi. Xususan, nazoratga olingan topshiriqlarning ijro holati, bajarilish muddatlari yaqinlashgan vazifalar hamda belgilangan chora-tadbirlarning amaliy natijadorligi yuzasidan batafsil axborot berildi.
Muhokamalar davomida O‘zbekiston Respublikasi Prezidenti hujjatlari, Vazirlar Mahkamasi qarorlari, yig‘ilish bayonlari hamda Jamiyat rahbariyati tomonidan berilgan topshiriqlarning ijrosi alohida ko‘rib chiqildi.
Jumladan, gidrotexnika inshootlarining xavfsizligi va barqaror elektr energiyasi ishlab chiqarishni ta’minlash, sel va suv toshqinlari mavsumida amalga oshirilishi lozim bo‘lgan chora-tadbirlarning ijrosi, investitsiya loyihalarini belgilangan muddatlarda amalga oshirish, loyihalar ijrosi jarayonida yuzaga kelayotgan muammolarni bartaraf etish hamda topshiriqlarning natijadorligini ta’minlash masalalari yuzasidan mas’ul rahbarlarning axborotlari eshitildi.
Ta’kidlanganidek, Jamiyatda ijro intizomini ta’minlash bo‘yicha kunlik, haftalik va oylik kesimda monitoring tizimi yo‘lga qo‘yilgan. Har bir nazoratdagi topshiriqning ijro holati muntazam ravishda tahlil qilinib, muddatlar, mas’ullar va erishilayotgan natijalar alohida nazoratga olinmoqda. Mazkur tizim topshiriqlarni o‘z vaqtida bajarish, ijro jarayonidagi muammolarni barvaqt aniqlash hamda ularni tezkor bartaraf etish imkonini bermoqda.
✅
Yig‘ilishlarda tarkibiy tuzilmalar rahbarlariga topshiriqlar ijrosiga yuzaki emas, balki aniq natija va mas’uliyat nuqtayi nazaridan yondashish, belgilangan muddatlarga qat’iy rioya etish hamda har bir vazifaning sifatli va samarali bajarilishini ta’minlash bo‘yicha aniq ko‘rsatmalar berildi.
👍
Batafsil
|
Подробно
:
👉
uzgidro.uz
"O‘zbekgidroenergo" AJ
rasmiy sahifalari
👇
Telegram
|
Facebook
|
Instagram
|
YouTube
⚡️
Fuqarolar va tashkilotlar uchun murojaatlarni qabul qiluvchi maxsus telegram-bot faoliyati yo‘lga qo‘yildi
🕐
“O‘zbekgidroenergo” AJda yangi imkoniyat!
Endilikda “O‘zbekgidroenergo” AJ rahbariyatiga yoki Jamiyat faoliyatiga oid savol, taklif va murojaatlaringizni 24/7 rejimida yuborishingiz mumkin.
🔹
Fuqarolar va tashkilotlar uchun murojaatlarni qabul qiluvchi maxsus telegram-bot –
@ugemurojaat_bot
– faoliyati yo‘lga qo‘yildi.
🟡
Bot orqali Siz:
Jamiyat faoliyatiga oid savol va murojaatlaringizni yuborishingiz;
o‘zingizni qiziqtirgan masalalar bo‘yicha murojaat qoldirishingiz;
murojaat qilish uchun ortiqcha vaqt sarf qilish va ovoragarchilikka yo‘l qo‘yilmaydi.
👍
Endilikda “O‘zbekgidroenergo” AJga murojaat qilish yanada qulay, tezkor va ochiq.
Murojaatlaringiz biz uchun muhim!
"O‘zbekgidroenergo" AJ
rasmiy sahifalari
👇
Telegram
|
Facebook
|
Instagram
|
YouTube