𝐕𝐚𝐫𝐝𝐚𝐭𝐮𝐥 𝐉𝐚𝐧𝐧𝐚𝐡🥀
Сизга зулм ва ёмонлик қилган, пасткаш инсонлардан қасос олишга шошилманг. Чунки чириган, яроқсиз мева узоққа бормайди, барибир тез вақтда ерга (юзтубан) тушади.
Ҳар ким ўз амалининг оқибатини албатта кўради. Шунинг учун қалбингизни қасос билан эмас, марҳамат ва эзгулик билан тўлдиринг. Адолатни эса Аллоҳга топширинг. Ташвишланманг, Аллоҳ энг одил Ҳукм қилувчидир.
Осиё Абдулазим қизи
@Vardatul_jannah
🥀
Сўрашни билмаяпман деб маҳзун бўлманг!
Сиз сўрашни билмаслигингиз мумкин, аммо Аллоҳ сўрамаганларингизни ҳам билгувчи Зотдир.
Қалбингиздан ўтиб, лекин тилингизга келмай қолган, “Буни қандай изҳор қиламан, буни қандай дуо қиламан ?” деб, юрагингизда тугун бўлиб туриб қолган ҳар бир нарса Аллоҳга аёндир.
Сиз сукут сақлаганингизда ҳам сизни эшитгувчи, сўрамасангиз ҳам истаганингизни билгувчи, кўнглингиздан ўтганлардан ҳам ҳабардор буюк Роббингиз бор. Қалбингизни хотиржам тутинг!
Осиё Абдулазим қизи
@Vardatul_jannah
🥀
Эй Раббим!
Сенинг менга берган саноқсиз неъматларинг қаршисида шукрим оз, синовлар қаршисида эса сабрим заифдир.
Тилимни шикоят қилишга эмас, ҳар қандай ҳолим учун Сенга ҳамд айтишга ўргатгин.
Қийинчиликлар қаршисида сабримни зиёда қилгин, мени исён ва ноумидликка тушишдан асрагин.
Умримни Ўзинг рози бўладиган солиҳ амаллар билан безагин.
Амийн!
Осиё Абдулазим қизи
@Vardatul_jannah
🥀
Аллоҳ таоло ушбу муборак Жума кунида:
•Барча гуноҳларингизни мағфират қилсин.
•Дуоларингизни ижобат айласин.
•Қалбингизни иймон, хотиржамлик ва тақво билан тўлдирсин.
•Ризқингизни баракали, умрингизни хайрли қилсин.
•Ўзингиз ва аҳли оилангизни ҳар қандай бало-офатдан асрасин.
•Жума кунининг хайри билан ризқлантирсин.
Аллоҳумма салли ва саллим ала набиййина Муҳаммад.
@Vardatul_jannah
🥀
Парвардигорим!
Агар мен сезмаган, билмаган бирор сабаб, бирор хатти-ҳаракатим, фикрим, бировни қоралаганим ёки бирор гуноҳим туфайли имтиҳон қилинаётган ёки қилинишим керак бўлса, Ўзинг у ҳолатни осонлик, офият билан биздан даф этгин!
Ўша ўзим ҳам унутган, сезмаган хато ва гуноҳларимни раҳматинг ила ўчириб юборгин!
Менинг ва оиламнинг устида қандай касаллик, назар, сеҳр ёки ҳар қандай салбий таъсир бўлса, барчасини Ўзинг узоқлаштиргин. Ҳар бир соҳада, ҳар бир ишимизда бизга енгиллик ато этгин!
Эй Аллоҳим!
Ҳаётимни ва ишларимни енгиллик, офият ва соғлик билан Сен ҳам рози бўладиган, мен ҳам рози бўладиган шаклда гўзал ҳолатга ўзгартир. Фарзандларимизни икки дунёда
кўзимиз қувончи қилгин. Бизга бу дунёда ҳам, охиратда ҳам афв, офият ва барча яхшиликларни насиб этгин!
Амийн!
Осиё Абдулазим қизи
@Vardatul_jannah
🥀
Ақли яхшиликларга хизмат қиладиган аёл гўл эмас, оқиладир.
Ақлини ёмонликлар, фисқу-фасод учун сарф этадиган аёл эса ақлли эмас, маккорадир.
“Улар макр қилдилар, Аллоҳ ҳам уларнинг макрига қарши тадбир қилди. Аллоҳ тадбир қилувчиларнинг энг яхшисидир.”
@Vardatul_jannah
🥀
Аллоҳим, ўтмишга оид пушаймонликлар елкамни оғир юк бўлиб босмоқда, келажакнинг ноаниқлиги эса ақлимни толдирмоқда. Руҳимни бу дунёвий ташвишлардан озод эт. Мени бугунимнинг, шу лаҳзанинг хайр-баракаси билан баракали ва бахтли қил. Олдимдаги тўсилиб қолган, берк бўлиб қолган барча йўлларни Ўз лутфинг ва хайринг билан очгин. Умримга ҳузур, баданимга офият ато эт!
Амийн я Робб
Осиё Абдулазим қизи
@Vardatul_jannah
🥀
Эй қалбларни энг яхши билувчи Раббим!
Кимнинг юраги оғир юк кўтариб юрган бўлса, унга енгиллик ато эт. Кимнинг қалби сиқилган бўлса, унга кенглик ва хотиржамлик бер. Кимнинг тили дуо билан Сенга юзланган бўлса, унинг дуосини қабул айла.
Беморларга шифо, қарздорларга енгиллик, иш излаётганларга ҳалол ризқ, оила қуришни истаганларга солиҳ жуфт ва хотиржам, баракали умр ато эт.
Қалбимиздан ўтган ҳар бир дуони биз учун энг хайрли ва энг гўзал тарзда ижобат қил. Биз учун хайрсиз бўлган ҳар бир истагимизни эса ундан ҳам хайрлиси билан алмаштир.
Бизга сабр билан кутишни, қаноат билан яшашни ва шукр билан умр кечиришни ўргат. Дуоларимизни бежавоб қолдирма, эй Аллоҳим!
Бизларни Сенинг раҳматингга маҳкам ёпишадиган, мағфиратингдан паноҳ топадиган ва ҳар қандай ҳолатда Сенгагина юзланадиган бандаларингдан қил!
Қалбларимизни нуринг билан кенгайтир, йўлларимизни ҳикматинг билан ёрит. Бизга хайрли ҳаёт насиб эт, бизни хайрли ишлар билан машғул эт ва солиҳ инсонлар билан учраштир ва раҳматинг ила ҳузурингга ол.
Аллоҳумма амийн!
Осиё Абдулазим қизи
@Vardatul_jannah
🥀
Reklama emas, holis tavsiya …
💕
A’lo sifat, qulaylik va tabiiylik istaganlar uchun ayni muddao.
Kepka va bone alohida mavzu
🕊️
Nafaqat O’zbekistonda balki Turkiyada ham yetgazib berish hizmati mavjud…
🌎
👉🏻
https://t.me/aylin_uzbekistan
Дуода айб йўқ, дуода чегара йўқ, дуода чеклов йўқ, дуода мағлубият йўқ, дуода ноумидлик йўқ.
Сиз дуо қилаверинг, Роббим сизга муносиб вақтда
,
муносиб шаклда
ато этади…
@Vardatul_jannah
🥀