-END.

التريد عمل من داخل المنزل تراسلني خاص
@lo_oo98

​
​يگولون "البعيد عن العين بعيد عن الگلب"، بس إحنا العراقيين نكول: "البعيد عن العين، ياكل بالگلب أكل".
​البعد مو بس مسافة بالكيلومترات، البعد هو فراغ ما يمليه أحد. هو لمّة أهل ضاعت، وضحكة چنا نسمعها وهسه صرنا نتخيلها. البعد يخليك تحس الغربة مو بالمكان، الغربة بالروح من تفقد أعزازها.
​أصعب شي بالبعد هو "التعويد".. صعبة تتعود على مكان ما بي ريحة ناسك، ولا بي صوت اليدعون الك بالخير.
​ربي يلم شمل كل المحبين، ولا يراوي الفراق لغالي

أحن؟ اي أحن...
بس مو لأنهم يستاهلون..
لأن الطيب يتعلق حتى لو انجرح ألف مره..
يضل بداخله شي يتمنى يرجع
سكتنا؟ لأن ماكو شي نكدر نقوله..
أبتعدنا؟ لأن كرامتنا أغلى من الحنين..
بس والله كلشي تغير.. من تركناهم. وحتى من تركونا وأحنا؟ بعدنا نشتاق ونوجع. ونسكت

هواي ناس مرت بحياتي بس ابد ما استحقرت احد ولا استغليت احد ولا صادقت احد ؏ مصلحة وهاي نعمة نحمد الله عليها وكل شخص يشوفني بعين اشوفه بثنين والي يدير وجهه ويسوي نفسه مشايفني اني اعتبر انُ الله ما خلقه مهما چان هذا شخص اخو او صديق او حبيب ، الانسان هو الي يضع نفسه بالمقام الي يليق بي" حب نفسك وقدمها وانطيها حقها الي "تستحقها" والمكانه الي المفروض انُ تكون بيها ولتخلي اي انسان يشوفك بمنزله اقل .

اهدافك وحلامك بداياتك ...
الحلم مو مجرد فكره تجي وتروح. الحلم هو الشي الوحيد
اللي يخلي الواحد يتحمل التعب. السهر. ولخذلان. الطريق الصعب. مليان حواجز و كلام محبط من الناس بس الفرق بين الي يوصل والي يوقف هو الاصرار يمكن تتعثر يمكن تسقط مرات بس اذا عندك هدف حقيقي لازم توقف كل مره أقوى من قبل لا تسمح الاحد يقلل من حلمك. لان الحلم ملكك انت وحدك اللي اليوم يضحك
علا تعبك باجر يصفقلك من بعيد كل خطوه صغيره اليوم هي أساس الانجاز كبير باجر وراك حلمك حتى لو الطريق كلش طويل لان اوصل للهدف متأخر أشرف من اعيش حياتي كلها بدون ما احاول. "

‏أحيانًا الموسيقى ما تكون مجرد لحن، تكون مرآة تخلّي كل ما نكتمه يطفو، كأنها تفتح باباً للروح حتى تواجه نفسها. يمكن نحس إنها أكبر منّا، بس الحقيقة إن هذا الثِقل ما يجي إلا للي داخله قوّة قادرة تحمله. يمكن الآن تعبك يغلبك، لكن كل انكسار هو تدريب خفي لنهضة أعمق. فاطمئن الروح اللي تهتز من لحن، تقدر يوم تنهض من صمت وتكتب موسيقاها الخاصة إي والله، كلنا متعبين بطريقة أو بأخرى، بس التعب مو نهاية الطريق. هو مجرّد إشارة إنّا بعدنا نحس ونعيش ونقاوم. الله يخفف عنك وعنّا، ويجعل من هالتعب طاقة تقودنا لشي أجمل. ترى مو وحدك بهالمعركة، كلنا نحمل أوزان بس بأشكال مختلفة.