XOJAGON.UZ
#Ибрат
Илм йўлини тутганлар
Илм талаб қилиш ҳақида келган қиссаларнинг энг ажойибларидан бири Андалус имоми Бақий ибн Махлад қиссасидир. У илм талабида Қуртубадан Мағриб(Марокаш)га сафар қилди. Сўнгра имом Аҳмад ибн Ҳанбал роҳимаҳуллоҳдан илм олиш учун Мағрибдан Бағдодга пиёда сафар қилди. Бағдодга етиб келгач кўрдики, Аббосий халифа Восиқ Биллоҳ имом Аҳмадга мўътазилаларнинг машҳур фитнаси бўлмиш қуръоннинг махлуқ ёки махлуқ эмаслиги масаласида ғазаб қилиб уй қамоғига ҳукм қилган экан. Имом Аҳмад қуръоннинг махлуқ эканлигига унамаган эдилар. Халифа имомнинг жамоат ва жума намозларига чиқишларини, ҳадис ўргатишларини ман қилиб қўйди.
Бақий ибн Махлад буни билгач ноумид бўлмасдан имом Аҳмад роҳимаҳуллоҳнинг уйларига борди ва эшикларини тақиллатди. Имом эшикни очдилар. Бақий имомга қараб деди:
- Мен узоқ юртдан сиздан ҳадис ўрганиш учун келдим.
Имом сўрадилар:
- Қаердан? Мағрибданми?
Бақий деди:
- Андалуснинг Қуртубасидан.
Имом Аҳмад роҳимаҳуллоҳ дедилар:
- Қуртуба узоқ диёр. Аммо сен мени халифа дарсдан ман қилиб қўйганини биласан-ку!
Бақий ибн Махлад имом Аҳмадга деди:
- Ундай бўлса ҳийла қиламиз. Мен ҳар куни сизнинг олдингизга тиланчи кийимида келаман. Эшигингизни тақиллатаман. Сиз мени уйга киритасиз ва ҳадис айтасиз. Мен эса ёдлаб оламан.
Имом Аҳмад роҳимаҳуллоҳга унинг гапи маъқул келди. Аммо ҳеч қаерда ҳадис ҳақида сўзламаслагини шарт қилиб қўйдилар. Чунки у ҳадисдан гапирса ишлари ошкор бўлиб қолиши мумкин эди. Бақий ибн Махлад шартни қабул қилди. У ҳар куни эски ва жулдур кийимда келиб эшикни тақиллатар, “мискинга ёрдам қилинг”, дер эди. Имом Аҳмад эшикни очар ва уни даҳлизга олиб кирар, унга ҳадис айтар эдилар. Шунақа қилиб улар имом Аҳмад роҳимаҳуллоҳнинг “Муснад”ларини тугатишди. У имомдан жуда катта манфаат олди. Сўнгра Андалусга қайтди. У ерда уламолар шайхига айланди.
Яқинларга ҳам улашинг
♻️
https://t.me/XojagonUz
Қаттиқ шамол бўлганда айтиладиган дуо
Оиша онамиз розияллоҳу анҳу ривоят қиладилар: «Агар қаттиқ шамол бўлса, Расулуллоҳ соллаллоҳу алайҳи васаллам:
اللهُمَّ إِنِّي أَسْأَلُكَ خَيْرَهَا وَخَيْرَ مَا فِيهَا وَخَيْرَ مَا أرْسِلَتْ بِهِ وَأَعُوذُ بِكَ مِنْ شَرِّهَا وَشَرِّ مَا فِيهَا وَشَرِّ مَا أرْسِلَتْ بِهِ
«Аллоҳумма инний ас`алука хойроҳа ва хойро ма фийҳа ва хойро ма урсилат биҳи ва аъузу бика мин шарриҳа ва шарри ма фийҳа ва шарри ма урсилат биҳи», деб айтар эдилар.
Маъноси: Эй Раббим, Сендан унинг яхшисини, ундаги яхшиликни ва у билан юборилган нарсанинг яхшисини сўрайман. Эй Раббим, Сендан унинг ёмонидан, ундаги ёмонликдан ва у билан юборилган нарсанинг ёмонлигидан паноҳ сўрайман.
Имом Муслим ривоятлари
Абу Ҳурайрадан розияллоҳу анҳу ривоят қилинади. Расулуллоҳ саллаллоҳу алайҳи васаллам: «Шамол бандаларга юборилган раҳматдир. Гоҳида у раҳмат билан келади, гоҳида азоб билан. Агар шамол эсса, уни сўкманглар. Аллоҳдан унинг яхшисини сўраб, ёмонидан паноҳ тиланглар», дедилар.
Абу Довуд ва Ибн Можа ривоятлари
Имом Нававийнинг «Ал-Азкор» китобидан
Яқинларга ҳам улашинг
♻️
https://t.me/XojagonUz
Assalomu alaykum va rohmatullohi va barokatuh!
#Kun_hikmati
RIZQINGIZ SIZNI TOPADI
Ulamolar bisotidan
Rasululloh sollallohu alayhi vasallam dedilar:
«Odam bolasi o‘limdan qochganidek rizqidan qochsa ham, o‘lim uni topib olgani kabi, rizqi ham topib oladi».
Abu Nuʼaym Jobirdan rivoyat qilgan.
Suhandon:
Muhammad Nur
Saodatga yetaklovchi hikmatlar
Яқинларга ҳам улашинг
♻️
https://t.me/XojagonUz
📿
Rasulullohni sog'ingan ravza
🕌
Men – jannat hidlari ufurib turgan bog‘man. Mevalarim rahmat, soyam esa mehrdir. Kim menga yaqinlashsa, qalbida jannat sog‘inchini his qiladi.
Allohim har bir bandangni bu dunyodagi Jannat bog‘iga yetkazgin, oxiratda Rasulullohga qo‘shni qilgin...
✅
Ўзбекистон мусулмонлари идораси
Матбуот хизмати
📱
ISHONCHLI VA RASMIY MANBA
📲
OBUNA BO'LING
▶️
YouTube
|
📷
Instagram
|
🔵
Facebook
#ибрат
Валийлар
Бир зот, Маъруфи Кархий ҳазратларининг ҳузурига келиб сўради:
- "Марҳамат қилиб айтсангиз, ёш болалардан ҳам валий чиқадими?"
Ҳазрати Шайх, нима сабабдан бундай савол берилганини сўрадилар, шунда савол эгаси шундай ҳикоя қилди:
- "Бозордан балиқ сотиб олган эдим. Ёнимга ёш бола келиб, балиқни олиб бориб беришни истади, қабул қилдим. Қўлидаги саватга балиқларни жойлади ва мен олдинда у эса орқада борар эди. Ярим йўлга етганимизда масжидда азон чақирилди ва ҳаммоллик қилаётган бола менга қараб:
- "Амаки намозга кирайлик! деди. Биргаликда масжид тамон юрдик. Мен балиқлар ўғирланишидан бироз хавотир олиб, саватни ичкарига олиб кириб, ёнимизга қўйишни таклиф қилдим.
- "Йўқ, бўлмайди! Балиқларнинг ҳиди жамоатни беҳузур қилади. Шу сабабдан саватларни масжид ташқарисида қолдирайлик." деди. Ўзимга ўзим:
- "У, саватларининг ўғирланишидан қўрқмаяпти, нега энди мен балиқларим ўғирланишидан қўрқишим керак?" деб ўйладим ва саватларни масжид ташқарисида қолдириб, намозларимизни ўқиб чиқдик. Яна уйимиз тамон юриб кетдик. Ниҳоят уйга етиб боргач, аёлимга:
- "Мана бу балиқлардан тезда тозалаб, бизга қовуриб бер, мана бу болача ҳам еб кетсин" дедим. Кетишга шошаётган болачага:
- "Бироз кутгин болам. Холанг балиқ қовураяпти, бирга еймиз, ундан кейин майли кетавер." дедим. Менга рўзадор эканлигини айтди. Унақада биргаликда ифтор қилайлик, деб илтимос қилдим, қабул қилди. Фақат ифтор вақтигача масжидда бўлиб туришини айтиб, кетди. Шом намозини масжидда ўқиганидан сўнг уйга келди. Биргаликда ифтор қилдик, кейин хуфтон намозини ўқиш учун масжидга бордик. Хуфтонни ўқиб бўлгач, болакайга борадиган жойи узоқ бўладиган бўлса бизнинг уйимизда тунаб қолишини айтдим. Бу таклифимни ҳам мамнуният билан қабул қилди. Эрталаб тонгда уйғотмоқ учун ётган хонасига кирганимда, унинг эртароқ туриб кетганини кўрдим.
Менинг бир ётиб қолган фалаж қизим бор эди ва узоқ вақтлардан бери ўрнидан қимирлай олмас ва бу бизни кўп ташвишга солар эди. Меҳмон болакайнинг кетганини кўриб, хонадан чиқган вақтим бир қанча йиллардан буён тўшак асири бўлган суюкли қизим, қаршимга югуриб чиқиб, севинч ила бўйнимдан қучиб:
- "Отажон, қаранг мен тузалдим, мен энди юра олаяпман!" деди. Шунчалар хурсанд бўлдимки, ҳатто нима дейишимни ҳам билмадим. Ва қизимдан:
- "Бу оғир дарддан қандай қилиб қутилдинг? Қандай қилиб шифо топдинг? деб сўрай бошладим. Қизим менга айнан мана шуларни сўзлаб берди:
- "Онам билан кеча кечқурун, меҳмонимиз бўлган бола ҳақида сўзлашар эдик. Унинг хали ёш болалигига қарамай, мунтазам равишда намозда бардавом бўлганини, рўза тутганини онамдан эшитгач, қўлларимни Роббимга очдим:
- "Эй Роббим! Бу бола сенинг муҳаббат қўйган ва Ҳазрати Ҳабибинг алайҳис саломнинг ҳам севган бир валий қули бўлса, менга унинг ҳурматидан шифо бер!" деб, сидқидилдан Аллоҳга дуо қилдим. Бутун кеча менга шифо карам қилишини сўраб йиғладим, ялиниб-ёлвордим. Бироз аввал сизнинг оёқ товушларингизни эшитиб, уйғониб кетдим. Гўёки аввал ҳеч ётиб қолмагандек, қаршингизга югуриб чиқдим!" деди.
Шунинг учун ҳузурингизга келиб, сиздан сўрайин дедим. Илтимос жавоб берсангиз, ёш болалар ҳам Авлиёлардан бўлиши мумкинми?
Маъруфи Кархий ҳазратлари табассум қилиб, шундай жавоб бердилар:
- "Тақсир, валийнинг ёш ва қариси бўлмайди. Аллоҳ жалла ва аълонинг ҳар ёшда Авлиё қуллари бордир!".
Яқинларга ҳам улашинг
♻️
https://t.me/XojagonUz
#muftiy_minbari
📹
Нурга бурканган ой
🎙
Шайх Нуриддин Холиқназар ҳазратлари
📲
ОБУНА БЎЛИНГ
✅
ВА
УЛАШИНГ
🗣
* * *
РАСУЛУЛЛОҲ
(Соллаллоҳу алайҳи ва саллам)
•┈❁✿❁┈•
Мўъминларга Аллоҳ улуғ лутф айлади –
Бизга буюк неъмат бўлган Расулуллоҳ!
Ҳар бир феъли олам учун ўрнак бўлган,
Ҳар бир сўзи ҳикмат бўлган Расулуллоҳ!..
Туфайлидан мавжуд бўлди еру осмон,
Ҳазрат Одам тупроқ ичра экан пинҳон
(1)
,
Ҳақ наздида Расул эрди ул меҳрибон,
Коинотга мақсад бўлган Расулуллоҳ!
Одам Ато жаннатни тарк этди нечун? –
Шундоқ Набий бу дунёга келмоғи-чун!..
Ҳар пайғамбар орзу қилиб ўтган бутун,
Энг муборак хилқат бўлган Расулуллоҳ!
Одам Ато, Нуҳ, Иброҳим замонида,
Мусо, Ийсо Китобида – Ҳақ ёнида,
Ўтган барча пайғамбарлар лисонида
Васфи олий хислат бўлган Расулуллоҳ!
Ислом нури – ҳайбат, шукуҳ, маҳобатдур,
Бирга бўлмоқ шарти фақат – муҳаббатдур,
Қуръон ичра азиз номи Муҳаммаддур,
Инжил ичра Аҳмад бўлган Расулуллоҳ!..
(2)
Қайда Аллоҳ номи бўлса, номи пайваст,
Аллоҳ бир деб, ким у зотни Расул демас –
У кимсанинг иймони ҳеч иймон эмас,
Иймон учун ҳужжат бўлган Расулуллоҳ!
Барча набий мўъжизаси ўтди, фақат
Ул Ҳазратнинг мўъжизаси яшнар абад,
Яъни, Қуръон нури боргай то қиёмат,
Нури – кетмас давлат бўлган Расулуллоҳ!
Жоҳил қавм тошлар отиб қувганда ҳам,
Юртдан кетиб, дили ғамга тўлганда ҳам,
Сўнгги нафас – ҳатто ўлим келганда ҳам,
Қайғулари уммат бўлган Расулуллоҳ!
Ҳар набийга битта қавм бўлди уммат,
Ул Жанобга тобеъ бутун инсоният
(3)
,
Олам ичра дини топди абадият,
Инсу жинга нусрат бўлган Расулуллоҳ!
Ер юзидан қувиб куфру жаҳолатни,
Кўрсатдингиз халққа мангу саодатни,
Бас, мукаммал етказдингиз рисолатни,
Бор ҳаёти даъват бўлган Расулуллоҳ!
Зиёратга келганда кўп умматингиз,
Равзангизга бир ит келди, урмадингиз –
Ул даргоҳдан мен итни ҳам қувмадингиз,
Махлуқотга шафқат бўлган Расулуллоҳ!
Расулуллоҳ! Сизга салот, сизга салом!
Бутун олам нурингиздан яшнар мудом,
То қиёмат гўзал васфи бўлмас тамом,
Оламларга раҳмат бўлган Расулуллоҳ ﷺ !..
📝
Мирзо Кенжабек
ИЗОҲ.
(Шеърдаги баъзи сатрлар изоҳи.)
(1) “Ҳазрат Одам тупроқ ичра экан пинҳон...”. Имом Аҳмад ибн Ҳанбал Арбод ибн Сориййа (розияллоҳу анҳу)дан ривоят қиладилар; жаноб Расулуллоҳ солаллоҳу алайҳи ва саллам дедилар: “Ҳазрати Одам ҳали лойга (тупроққа) қоришиб ётган вақтда мен Аллоҳнинг ҳузурида пайғамбарларнинг хотами (сўнггиси, муҳри, якунловчиси) эдим”.
(2) “Инжил ичра Аҳмад бўлган Расулуллоҳ!..”. Қуръони каримнинг Сафф сураси, 6-оятида келган Аҳмад номи ҳазрати Муҳаммад соллаллоҳу алайҳи ва салламнинг гўзал исмларидан биридир. Йуҳанно Инжилида (16:7) Фараклит деб келган бу ном туркийга «Тасаллий берувчи» деб таржима қилинган...
(3)
“
Ул Жанобга тобеъ бутун инсоният...”. Сабаъ сураси 28-оятининг маъноси: “(Эй Расулим!) Биз сизни бутун инсониятга фақат хушхабар берувчи ва огоҳлантирувчи (пайғамбар) қилиб юбордик. Лекин инсонларнинг кўплари (буни) билмаслар”.
...Шунингдек, барча ўтган пайғамбарлар ўз қавмларига юборилганлар.
Фақат ҳазрати Муҳаммад (соллалоҳу алайҳи ва саллам) бутун инсониятга – бутун оламларга юборилганлар.
Расулуллоҳ (соллалоҳу алайҳи ва саллам)нинг ўз ифодалари бундай:
«(Олдинги) пайғамбарлар фақат ўз қавмига юборилди, мен эса бутун инсониятга юборилдим» (“Саҳиҳи Бухорий”).
Яқинларга ҳам улашинг
♻️
https://t.me/XojagonUz
#Мавлид
МАВЛИД ОЙИНИ ҚАНДАЙ ЎТКАЗАМИЗ?
Аллоҳга ҳамду санолар, Расулуллоҳ соллаллоҳу алайҳи васалламга дуруду салавотлар бўлсин!
Ҳар йили мавлид ойи кириши билан мавлид ҳақидаги хилофлар қайта қўзғалади. Ҳар ким ўз далилини келтириб, бошқани танқид қилади ва охир оқибат икки тараф ҳам ўз фикрида қолади. Бундай тортишувдан кимга фойда, биров ўйламайди. Аслида бундай хилофли масалада ҳар ким ўзи қониққан далилга кўра амал қилиб, бошқага тош отмаслиги керак. Биз ҳам юртимиз уламоларининг қадимдан танлаган сўзларини тутиб, ўз шароитимиздан келиб чиққан ҳолда, мавлидни бугунги куннинг руҳида, ҳозиримиз ва келажагимиз учун манфаатли суратда ўтказишга ҳаракат қиламиз. Унамаганлар ўзлари билади.
Бугунги кунда мусулмон ўртасида турли хил байрамларни кенг миқёсда нишонлаш оммавий урфга айлангани ва бу байрамлар кўпчиликнинг, хусусан ёшларнинг хотирасида, қалбларида чуқур из қолдираётгани сир эмас. Бундай вазиятда мусулмонлар ёш авлодга исломий тушунча ва анъаналарни сингдира билишлари лозим. Фурсатни ғанимат билиб, керакли воситаларни ишга солишлари даркор. Ана шундай муҳим омил ва анъаналардан бири бу – мавлид ойи ва кунини ўзига хос суратда ўтказишдир. Хўш, бугун биз мавлид ойини қандай ўтказишимиз керак? Бу ойдан унумли фойдаланиш учун нималарга эътибор беришимиз даркор? Бунинг учун қуйидагиларни қилиш лозим:
1. Рабиул аввал ойини сийратни ўрганиш мавсуми қилиб олиш режасини тузиш ва бунда ҳар ким ўз ҳолати, шароити ва имкониятларидан келиб чиқиб ёндашиши керак.
2. Бирорта сийрат китобини танлаб, бир ойга тақсимлаб, шу ой ичида уни якунлаш. Масалан: «Ҳадис ва Ҳаёт» китобининг 19‑жузи ‒ «Оламларга раҳмат Пайғамбар», «Тарихи Муҳаммадий», «Ар-Раҳиқ ал‑Махтум», «Сарвари олам», «Нурул‑яқин», «Нурул‑басар», «Сиз Пайғамбарни кўрганмисиз?» ва бошқалар.
3. Аҳли оилага мавлид ойи охир замон Пайғамбари, ҳабибимиз, дунёда етакчимиз, охиратда шафоатчимиз бўлган Муҳаммад соллаллоҳу алайҳи васаллам туғилган ой эканини, у зот шу ойнинг 9 ёки 12 куни душанбасида дунёга келганларини эслатиш.
4. Ушбу ой кириш билан фарзанд набираларни дастурхон атрофига йиғиб, уларга бу ойнинг аҳамиятини тушунтириш. Эрталаб ҳам, кечки пайт ҳам аҳли оилага Расулуллоҳ соллаллоҳу алайҳи васалламнинг сийратларидан қисқача суҳбат қилиб бериш. Бунда у зотнинг хулқларини, олийжанобликларини ёритиб бериш керак. Бунинг учун юқорида эслаб ўтилган адабиётлардан фойдаланиш мақсадга мувофиқ.
5. Болаларга Расулуллоҳ соллаллоҳу алайҳи васалламнинг болажон бўлганларини, саҳобалари ичида кичик ёшдаги, ўсмир ёшдаги кишилар кўп бўлганини, Набий соллаллоҳу алайҳи васаллам уларнинг ҳар бирини алоҳида севиб, эҳтиром қилганларини мисоллар билан айтиш. Қиз жувонларга Расулуллоҳ соллаллоҳу алайҳи васалламнинг аёлларга кўрсатган эҳтиромларидан сўзлаб бериш.
6. Хонадонни оила даврасида шу ойнинг бирор кунини, масалан, 8, 9 ёки 12 куни оилавий мавлид йиғини уюштириш ва ушбу кунни ўзгача бир кўтаринки руҳда, шодиёналикда ўтказишга алоҳида эътибор қаратиш.
7. Расулуллоҳ соллаллоҳу алайҳи васаллам таваллудлари хурсандчилиги, у зотнинг таваллуд кунлари болаларнинг зеҳнида яхшироқ ўрнашиши учун шу кунда болалар учун совғалар ташкил қилиш, уларнинг қалбларига Расулуллоҳ соллаллоҳу алайҳи васалламга нисбатан муҳаббат ўйғотишга хизмат қиладиган ишларни амалга оширишни унутмаслик керак. Совғаларни уларга топширишда «Бу сенга Расулуллоҳ соллаллоҳу алайҳи васалламнинг туҳфаларидир, суюнчиларидир», деб таъкидлаш ҳам фойдадан холи эмас.
8. Имкони борлар ушбу ойда мавлид йиғинлари уюштириб, маросимни рисоладагидек ўтказишса, хайрли иш бўлади, ин шаа Аллоҳ.
Яқинларга ҳам улашинг
♻️
https://t.me/XojagonUz
بِسْــــــــــــــــــــــمِ ﷲِالرَّحْمَنِ الرَّحِيم
🌿
Ассалому алайкум ва роҳматуллоҳи ва барокатуҳ!
Хайрли тонг! Соғ–саломат уйғотган Роббимизга ҳамдлар бўлсин!
Бугун шанба
— 15 Август 2026
— 2 Рабиул аввал 1448
#ҳикмат
Анас ва Ибн Аббос розияллоҳу анҳумодан ривоят қилинади:
"(Киши амалга оширган)
яхши амал сабабли қалбда нур, юзда ёруғлик, ризқда кенглик, баданда қувват, одамлар қалбида
(унга нисбатан)
муҳаббат бўлади.
"(Киши амалга оширган)
ёмонлик, гуноҳ сабабли юзда қаролик, қалбда зулмат, баданда заифлик, ризқда танглик ва одамлар қалбида
(унга нисбатан)
ёмон кўриш, ёқтирмаслик бўлади”.
"Ровзатул муҳиббийн"
асаридан
#Кун_дуоси
Аллоҳ таоло ушбу файзли куннинг шарофатидан барча солиҳ амалларимизни қабул қилсин, қалбларимизни иймонга тўлдирсин, Ҳазрати Расулуллоҳ ﷺ муҳаббатини қалбимизга жонлантириб жо айласин, гуноҳларга қарши тура оладиган куч баҳшида этсин, икки дунё саодатига мушарраф бўлишимизни насиб айласин!
🤲
Яқинларга ҳам улашинг
♻️
https://t.me/XojagonUz