"Yunus Ali Oxund" jome masjidi | Qorasuv

#muftiy_minbari
Сўрамасангиз ғазаб қилади
🎙
Шайх Нуриддин Холиқназар ҳазратлари
@yunusalioxund

Мўминнинг зийнати — ростгўйлик
Расулуллоҳ соллаллоҳу алайҳи васаллам марҳамат қилдилар:
«Мўмин киши қўрқоқ бўлиши мумкин, мўмин киши бахил бўлиши мумкин, лекин мўмин киши асло ёлғончи бўлмайди».
(Имом Молик ривояти)
Инсон адашиши, заифлик қилиши мумкин, бироқ иймон бор жойда ёлғонга ўрин йўқ. Ростгўйлик — қалб хотиржамлиги ва икки дунё саодатининг калитидир.
Ҳатто ҳазиллашиб ҳам ёлғон гапирмасликка ҳаракат қилинг.
Сўзингиз ва амалингиз бир бўлсин.
Зеро, ростгўйлик барака келтиради, ёлғон эса ишончни ва файзни кетказади.
@yunusalioxund

Набавий сийрат илмлари еттитадир:
1. Шамоил
2. Далоил
3. Фазоил
4. Хасоис
5. Аҳвол
6. Сийрат
7. Мағозий
Уларнинг қисқача мазмуни:
Шамоил: У зотнинг сифатлари (ташқи кўринишлари ва гўзал хулқлари).
Далоил: У зотнинг мўъжизалари (пайғамбарликларига далиллар).
Фазоил: У зотнинг фазилатлари ва маноқиблари.
Хасоис: У зотга хос бўлган хусусиятлар.
Аҳвол:У зотнинг турли ҳолатлари ва вазиятлари.
Сийрат: У зотнинг ҳаёт йўллари, тарихлари.
Мағозий: У зотнинг ғазотлари (қатнашган маърака, жанглари).
Соллаллоҳу алайҳи васаллам.
@yunusalioxund

"Yunus Ali Oxund" jome masjidi | Qorasuv
pinned a photo

ДУО ИЖОБАТ БЎЛАДИГАН 7 ТА ОЛТИН ВАҚТ
Роббимиз: «Менга дуо қилинг, сизга ижобат қилурман», деб ваъда берган. Аммо шундай вақтлар борки, унда қилинган илтижолар рад этилмаслиги ҳақида башоратлар келган:
1. Саҳар вақти (Таҳажжуд пайти).
Туннинг охирги учдан бир қисмида Аллоҳ таоло дунё осмонига тажалли қилади ва: "Ким Менга дуо қиладики, Мен уни ижобат қилсам?" дейди. Бу вақт — холислик ва қабул вақтидир.
2. Азон ва иқомат ораси.
Расулуллоҳ ﷺ: "Азон ва иқомат орасидаги дуо рад қилинмайди", деб марҳамат қилганлар. Бу қисқа фурсатдан унумли фойдаланинг.
3. Сажда пайти.
Банданинг Роббисига энг яқин бўлган ҳолати — саждадир. Саждада дуони кўпайтиринг, чунки бу ҳолатда қалб энг юксак тавозеда бўлади.
4. Жума кунидаги бир соат.
Жума куни шундай фурсат борки, мусулмон банда ўша вақтда Аллоҳдан нимани сўраса, албатта беради. Кўпчилик уламолар буни Асрдан шомгача бўлган вақт деб айтадилар.
5. Ёмғир ёғаётган вақт.
Осмон эшиклари очилиб, ерга раҳмат ёғилаётган лаҳзалар дуо ижобати учун энг қулай фурсатдир.
6. Фарз намозларидан кейинги ҳолат.
Намоз тугагач, дарров ўриндингизга туриб кетманг. Зикрлардан сўнг чин қалбдан сўралган дуолар мақбулдир.
7. Мусофир, мазлум ва ота-онанинг дуоси.
Бу уч тоифанинг дуоси билан Аллоҳнинг ўртасида парда йўқ. Айниқса, ота-онанинг фарзанди ҳақига қилган дуоси тез ижобат бўлади.
⚡️
Муҳим эслатма: Дуо ижобат бўлиши учун еб-ичиш ҳалол бўлиши, қалб уйғоқ бўлиши ва натижага шошилмаслик (Аллоҳ бермади, демаслик) шартдир.
@yunusalioxund

Шайх ҚАРАЗОВИЙ:
«Мусулмон кишига вақтини, фикрини, саъй-ҳаракатларини беҳуда ишлар, кўп гапириш ва бачкана сўзлар билан зое қилиш асло ярашмайди. Чунки шундай бефойда ишлар умрни, вақтни кетказади. Киши умрининг ҳар лаҳзаси учун масъулдир. Илло, кунлар саноқли, нафаслар маҳдуддир».
@yunusalioxund

https://www.youtube.com/watch?v=UEtm_McA8tE
. Пайғамбаримиз соллаллоҳу алайҳи васаллам шундай деганлар:
«Ким жума куни Каҳф сурасини ўқиса, икки оёғи остидан осмонга қадар нур чарақлаб туради, бу нур Қиёмат куни ҳам уни нурлантириб туради, икки жума оралиғида қилган хато-камчиликлари, гуноҳлари кечирилади»
(Имом Ибн Мордувайҳ ривояти).
@yunusalioxund

УЛУҒ ХУЛҚ ҚАНДАЙ БЎЛАДИ?
⏺️
Хушхулқлик – бандаликнинг энг улуғ даражаси бўлиб, унда мардликнинг чин сурати намоён бўлади.
Аллоҳ таоло Ўзининг Расули соллаллоҳу алайҳи васалламга кўплаб фазилатлар ато этганига қарамасдан у зот соллаллоҳу алайҳи васалламни айнан хулқи хушлари билан мадҳ этди. Аллоҳ таоло айтади:
“Албатта Сиз улуғ хулқ устидадирсиз!”
(Қалам сураси, 4-оят).
📚
Олимлар қайд этадилар:
“Улуғ хулқ дегани шундай хулқ ҳисобланадики, бундай хулқ соҳиби ҳеч кимга нисбатан адоватда бўлмайди ва унда одамларнинг нафратига сабаб бўладиган заррача бўлса ҳам ёмон иллатнинг ўзи бўлмайди. Буларнинг барчаси Аллоҳни танишнинг юксак даражалари туфайлидир”.
📖
Бошқа олимлар дейдилар:
“Улуғ хулқ – бу одамларнинг унга нисбатан қилган жабру жафоларини Аллоҳдан деб билганлиги сабаб улардан ранжимаслигидир”.
📚
Олимларнинг қуйидагича фикрлари ҳам бор:
“Улуғ хулқ – бу кишининг бутун борлиғию эътиборини фақат Аллоҳга қаратмоғидир!”.
📕
Шунингдек, илоҳиёт олимлари юқоридаги оятни батафсил мана бу тарзда изоҳлаган эканлар:
“Эй Пайғамбар соллаллоҳу алайҳи васаллам, сиз улуғ хулқ соҳибисиз! Бу даража фақат сизгагина насиб этган. Бошқа ҳеч бир яралмиш хулқнинг бу даражасига кўтарила олмайди. Шунинг учун ҳам Сиз бошқаларнинг қўлидан келиши маҳол бўлган даражада матонатли, сабр соҳибисиз”.
💬
Олимлардан яна бири бу оятни қуйдагича изоҳлаган экан:
"Аллоҳнинг хулқи билан хулқланганингиз учун одамларнинг туҳмати, таънаю маломати Сизга салбий таъсир этолмайди ва Сиз уларнинг ёмонликларидан етажак уқубатдан фориғсиз. Зероки, ўз кучингиз билан эмас, Аллоҳ айтганидек, Аллоҳнинг ёрдами билан тоқат қиласиз".
✍️
“Ахлоқус солиҳийн” (Яхшилар ахлоқи) китобидан
Йўлдош Эшбек, Даврон Нурмуҳаммад
таржимаси.

🗣
ЖУМА АЙЁМИНГИЗ МУБОРАК БЎЛСИН!
🌙
Анас ибн Молик розияллоҳу анҳудан ривоят қилинади:
«Аллоҳ таоло жума кунида ҳеч бир мусулмоннинг гуноҳини кечирмай қўймайди».
(
Табароний ривоят қилган)
⏺
Салавот айтиш Расулуллоҳ соллаллоҳу алайҳи васалламнинг шафоатларига ноил этади.
🌙
АЛЛОҲУММА СОЛЛИ ВА САЛЛИМ ЪАЛА МУҲАММАДИН ВА ЪАЛА ОЛИ МУҲАММАД
📿
Анас розияллоҳу анҳудан ривоят қилинади. Набий соллаллоҳу алайҳи васаллам:
“Менга жума кунида ва жума кечасида кўп салавот айтинглар, бас ким шундай қилса, мен унга қиёмат куни гувоҳ ва шафоатчи бўламан”,
дедилар.
(Имом Байҳақий ривояти)
#ЖУМА
#tabrik
MUSLIM.UZ
GA
😎
OBUNA BO'LING
✅
VA
ULASHING
🗣
▶️
YouTube
|
📷
Instagram
|
🌐
Facebook