Zafarobod tumani hokimligi | Rasmiy kanal

🎥
Videoreportaj: Jizzax viloyatida gaz ta’minotini yaxshilash bo‘yicha ustuvor vazifalar belgilandi
Jizzax viloyati hokimi rahbarligida gaz ta’minoti sohasidagi muammolar muhokama qilinib, aholini tabiiy va suyultirilgan gaz bilan barqaror ta’minlash bo‘yicha ustuvor vazifalar belgilandi.
Qayd etilganidek, 2024–2026-yillarda gaz tarmoqlarini modernizatsiya qilish uchun
85,5 mlrd so‘m
ajratilgan. Bu mablag‘lar hisobidan 300 km gaz tarmog‘i qurilib va rekonstruksiya qilinib, 430 ta zamonaviy gaz taqsimlash punkti o‘rnatildi.
Yig‘ilishda tabiiy gazdagi 5,6 foiz yo‘qotish, raqamli hisob tizimidagi kamchiliklar hamda ayrim hududlarda suyultirilgan gaz ballonlarini 50–60 kunlab kechiktirib yetkazish holatlari keskin tanqid qilindi.
Mas’ullarga maxsus shtablar tashkil etish, hududlarda doimiy monitoring o‘tkazish,
"Mahalla energetigi"
institutini joriy etish, sohani raqamlashtirishni kengaytirish va aholini uzluksiz gaz bilan ta’minlash bo‘yicha aniq topshiriqlar berildi.
📹
Batafsil — videolavhada.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|

🎥
Videoreportaj: Jizzax viloyatida sayyor qabul o‘tkazildi
Jizzax viloyatida O‘zbekiston Respublikasi Xalq qabulxonasida viloyat hokimining navbatdagi sayyor qabuli tashkil etildi. Qabul davomida fuqarolarning uy-joy, bandlik, ichimlik suvi, ichki yo‘llar, ijtimoiy yordam hamda tadbirkorlikni qo‘llab-quvvatlashga oid 100 dan ortiq murojaatlari ko‘rib chiqildi.
Murojaatlarning bir qismi joyida ijobiy hal etildi, qo‘shimcha o‘rganish talab etadigan masalalar bo‘yicha esa mas’ul tashkilotlarga aniq topshiriqlar berilib, ularning ijrosi nazoratga olindi.
📹
Batafsil — videolavhada.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|

Jizzax shahrining bosh rejasiga o‘zgartirish kiritish loyihasi tasdiqlandi
O‘zbekiston Respublikasi Vazirlar Mahkamasining “Jizzax shahrining bosh rejasiga o‘zgartirish kiritish loyihasini tasdiqlash to‘g‘risida”gi qarori qabul qilindi.
Unga muvofiq:
Jizzax shahrining bosh rejasiga o‘zgartirish kiritish loyihasining asosiy yechimlari;
Jizzax shahrining bosh rejasiga o‘zgartirish kiritish loyihasining texnik-iqtisodiy ko‘rsatkichlari tasdiqlandi.
Qarorga ko‘ra, ikki oy muddatda Jizzax shahrining bosh rejasini amalga oshirish bo‘yicha kompleks chora-tadbirlar dasturi ishlab chiqilib, tasdiqlash uchun Vazirlar Mahkamasiga kiritiladi.
Shuningdek, Jizzax shahri chegarasini o‘zgartirish yuzasidan iltimosnoma belgilangan tartibda Vazirlar Mahkamasiga taqdim etiladi.
Bosh reja va batafsil rejalashtirish loyihalarida belgilangan ko‘chalarning qizil chiziqlari doirasidagi maydonlarda jismoniy va yuridik shaxslar tomonidan yer uchastkalarining bosh rejaga zid ravishda egallab olinishi cheklanadi.
Bosh rejaga muvofiq yo‘l infratuzilmasini rivojlantirish, sanoat zonalari, savdo va maishiy xizmat ko‘rsatish obyektlari, ko‘kalamzorlashtirish hamda daraxt ekish uchun mo‘ljallangan rekreatsiya hududlarida bosh rejaga zid ravishda obyektlarni joylashtirish va qurilish ishlarini amalga oshirishning oldini olish maqsadida doimiy nazorat o‘rnatiladi.
Bino va inshootlarni joylashtirishda tarixiy hududlar hamda shaharning boshqa qismlarida joylashgan madaniy meros obyektlarining muhofaza zonalari talablari qat’iy ta’minlanadi.
Energiya tejamkor zamonaviy texnologiyalarni joriy etish orqali suv ta’minoti, oqova suv, irrigatsiya, elektr energiyasi, gaz, issiqlik va telekommunikatsiya tarmoqlari modernizatsiya qilinadi.
Hududning shaharsozlik qiyofasini shakllantiruvchi mavjud maydonlar, obodonlashtirilgan xiyobonlar va bog‘lar rekonstruksiya qilinib, yangilari barpo etiladi. Natijada shaharning me’moriy qiyofasi yanada yaxshilanadi.
Uy-joy, ta’lim, sog‘liqni saqlash, sport, madaniyat, san’at va dam olish obyektlarini qurish, rekonstruksiya qilish hamda kapital ta’mirlash hisobidan ijtimoiy va turizm infratuzilmasi rivojlantiriladi.
Ilmiy-gidrogeologik tadqiqotlar asosida sizot suvlari sathini pasaytirish bo‘yicha shahar hududini muhandislik jihatidan tayyorlash chora-tadbirlari ishlab chiqilib, bosqichma-bosqich amalga oshiriladi.
Qurilish ishlari olib boriladigan hududlar uchun batafsil rejalashtirish loyihalari ishlab chiqilib, ular izchil amalga oshiriladi.
Jizzax shahrining bosh rejasiga o‘zgartirish kiritish loyihasini kompleks amalga oshirish yuzasidan mualliflik nazoratini olib borish uchun bosh loyiha tashkiloti bilan shartnoma tuzilib, ishlarni bajarish va moliyalashtirish o‘z vaqtida tashkil etiladi.
Investorlar va ijtimoiy soha muassasalari tomonidan kiritilgan takliflar (loyihalar) Jizzax viloyati Qurilish va uy-joy kommunal xo‘jaligi boshqarmasi huzuridagi Arxitektura-shaharsozlik kengashida ko‘rib chiqilib, belgilangan tartibda kelishiladi.
Ma’lumot uchun:
O‘zbekiston Respublikasi Prezidentining 2023-yil 11-sentabrdagi
PQ–299-son
qaroriga muvofiq, “O‘zshaharsozlik LITI” bosh loyiha instituti davlat muassasasi tomonidan Jizzax shahrining bosh rejasiga o‘zgartirish kiritish loyihasi ishlab chiqilgan.
Mazkur loyiha Vazirlar Mahkamasi huzuridagi Respublika arxitektura-shaharsozlik kengashi hamda Urbanizatsiya va uy-joy bozorini barqaror rivojlantirish milliy qo‘mitasi bilan belgilangan tartibda kelishilgan.
O‘zbekiston Respublikasi Prezidentining 2026-yil 30-yanvardagi
PQ–35-son
qaroriga asosan Jizzax shahri va Sharof Rashidov tumanini yagona aglomeratsiya sifatida rivojlantirish bo‘yicha bosh reja hamda shaharsozlik hujjatlari ishlab chiqilgan.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|

#Zafarobod_tumani
Yoʻl chetlarida obodonlashtirish va tozalash ishlari izchil davom etmoqda
Zafarobod tumanida hududlarni yanada obod va ozoda saqlash maqsadida yoʻl chetlarida obodonlashtirish ishlari olib borilmoqda.
Mazkur ishlar doirasida yoʻl yoqalarini begona oʻtlardan tozalash, qurigan oʻsimlik qoldiqlarini yigʻishtirish, atrof-muhitni tartibga keltirish hamda hududlarni sanitariya jihatidan ozoda saqlash choralari amalga oshirilmoqda.
Obodonlashtirish tadbirlarida tegishli korxona va tashkilotlar xodimlari faol ishtirok etib, yoʻl boʼylarining yanada fayzli va koʼrkam qiyofa kasb etishi uchun zarur ishlarni sifatli amalga oshirmoqda.
Hududlarni obod saqlash, ekologik tozalikni taʼminlash va aholi uchun qulay hamda xavfsiz muhit yaratishga qaratilgan bunday tadbirlar tuman boʻylab izchil davom ettirilmoqda.
🌐
Ijtimoiy tarmoqdagi rasmiy sahifalarimiz
⭕️
💬
Web sayt
🚀
Telegram
📷
Instagram
🔵
Facebook
🎬
You Tube

🎥
Videoreportaj: Jizzaxda elektr ta’minotini yaxshilash bo‘yicha ustuvor vazifalar belgilandi
Jizzax viloyati hokimi rahbarligida yoqilg‘i-energetika sohasiga bag‘ishlangan tanqidiy-tahliliy yig‘ilish o‘tkazildi. Unda elektr ta’minoti tizimidagi muammolar, avariyaviy uzilishlar, energiya yo‘qotishlari va to‘lov intizomi muhokama qilindi.
Qayd etilganidek, joriy yilda elektr tarmoqlarini modernizatsiya qilish uchun
165 mlrd so‘m
ajratilgan bo‘lib, 146 ta mahallada 600 km elektr tarmoqlarini qurish, 135 ta transformator punkti va 4 ta podstansiya barpo etish rejalashtirilgan.
Yig‘ilishda yil boshidan buyon viloyatda 347 ta avariyaviy elektr uzilishi qayd etilgani, texnik yo‘qotishlar 16,6 foizni tashkil etgani hamda eskirgan transformatorlar va ASKUE tizimidagi kamchiliklar keskin tanqid qilindi.
Mas’ullarga avariyalarni qisqartirish, elektr tarmoqlarini jadal modernizatsiya qilish, raqamlashtirishni kengaytirish, to‘lov intizomini mustahkamlash hamda aholi va tadbirkorlarni uzluksiz elektr energiyasi bilan ta’minlash bo‘yicha aniq topshiriqlar berildi.
📹
Batafsil — videolavhada.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|

Jizzax shahrida chiqindi yig‘ish infratuzilmasini rivojlantirish ishlari izchil davom etmoqda
Jizzax shahri hududida sanitariya holatini yaxshilash, qattiq maishiy chiqindilarni o‘z vaqtida yig‘ish va aholiga qulay shart-sharoitlar yaratish maqsadida GREENLINES MCHJ tomonidan chiqindi yig‘ish maydonchalari va konteynerlar tarmog‘i bosqichma-bosqich kengaytirilmoqda.
Bugungi kunda shaharda jami 82 ta chiqindi yig‘ish maydonchasi mavjud bo‘lib, shundan 57 tasi uychali, 25 tasi uychasiz maydonchalardan iborat.
Shuningdek, shahar bo‘yicha 250 dona chiqindi konteyneri aholiga xizmat ko‘rsatmoqda. Ular mahallalar kesimida joylashtirilgan bo‘lib, chiqindilarni tizimli yig‘ish va olib chiqish ishlarida samarali foydalanilmoqda.
Mavjud tahlillarga ko‘ra, yana 78 ta chiqindi yig‘ish maydonchasiga qo‘shimcha ehtiyoj mavjud bo‘lib, bu yo‘nalishda infratuzilmani yanada rivojlantirish bo‘yicha tegishli ishlar amalga oshirilmoqda.
Toza va ozoda shaharni barpo etish har birimizdan atrof-muhitga mas’uliyat bilan munosabatda bo‘lishni talab etadi.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|

Assalomu alaykum, hurmatli Jizzaxliklar!
📆
Bugungi sana: 29-Iyul. Chorshanba.
📅
Yilning: 210-kuni
⏳
Yil yakuniga 155 kun qoldi
📜
Tarixda bugun nimalar ro‘y bergan?
⚡️
1836 yil —
🇫🇷
Parijda Yulduzlar maydonida
🏛
Arc de Triomphe ochildi;
⚡️
1858 yil —
🇯🇵
AQSh bosimi ostida Yaponiya Tokio va Osakani chet elliklar uchun ochdi;
⚡️
1907 yil —
🇬🇧
Robert Baden-Pauell Buyuk Britaniyada
🎖
Boyskautlar tashkilotiga asos soldi;
⚡️
1914 yil —
🇺🇸
Nyu-Yorkdan San-Fransiskoga birinchi trans-amerika telefon liniyasi ishga tushirildi
☎️
;
⚡️
1952 yil —
🌊
Tinch okeani bo‘ylab
✈️
reaktiv samolyotning birinchi to‘xtovsiz parvozi amalga oshirildi;
⚡️
1954 yil —
📚
J.R.R. Tolkienning “Uzuklar hukmdori” trilogiyasining birinchi qismi nashr etildi;
🎉
Bugun tavallud topganlar
🎂
1957 —
🤸‍♀️
Nelli Kim — besh karra Olimpiya chempioni, besh karra jahon chempioni, ikki karra Yevropa chempioni;
🏎
1981 — Fernando Alonso — Formula 1 uchuvchisi, ikki karra jahon chempioni;
🎯
1988 — Tarjei Bø —
🇳🇴
norvegiyalik biatlonchi,
🥇
Olimpiya chempioni (2010),
🏆
sakkiz karra jahon chempioni.
📲
https://gov.uz/oz/jizzax
sayti va sahifalari:
👇
Telegram
|
jizzaxviloyatihokimi
|
Facebook
|
YouTube
|
Instagram
|
ok.ru
|
@jizzaxuz_bot
|
X
|

#Zafarobod_tumani
Mustaqillik_35_yilligi
Mustaqillikning 35 yilligi munosabati bilan obodonlashtirish va tozalash ishlari izchil davom etmoqda
Mustaqilligimizning 35 yilligi munosabati bilan Zafarobod tumanining barcha mahallalarida keng ko‘lamli obodonlashtirish va tozalash ishlari amalga oshirilmoqda.
Mazkur tadbirlar doirasida mahalla ko‘chalari va yo‘l chetlari begona o‘tlardan tozalanib, ariq-zovurlar tartibga keltirilmoqda, daraxtlarga agrotexnik ishlov berilib, hududlar ozoda va ko‘rkam holatga keltirilmoqda. Shuningdek, jamoat maskanlari, tashkilotlar hamda aholi xonadonlari atroflarini obodonlashtirish va bayramona muhit yaratishga alohida e’tibor qaratilmoqda.
Obodonlashtirish ishlarida mahalla faollari, nuroniylar, yoshlar, ko‘ngillilar hamda keng jamoatchilik faol ishtirok etib, yurtimizning eng ulug‘ bayramini munosib kutib olish yo‘lida o‘z hissalarini qo‘shmoqda.
Bunday ezgu tashabbuslar mahallalar qiyofasini yanada obod va fayzli etish, ekologik madaniyatni yuksaltirish hamda aholi o‘rtasida hamjihatlik va birdamlik muhitini mustahkamlashga xizmat qilmoqda.
🌐
Ijtimoiy tarmoqdagi rasmiy sahifalarimiz
⭕️
💬
Web sayt
🚀
Telegram
📷
Instagram
🔵
Facebook
🎬
You Tube

🎶
Zafarobod tumanida “Doʻstlik festivali” konsert dasturi boʻlib oʻtdi
Mustaqilligimizning 35 yilligi hamda Xalqlar doʻstligi kuni munosabati bilan Zafarobod tumani Yoshlar bogʻida “Doʻstlik festivali”
nomli bayramona konsert dasturi tashkil etildi. Tadbirda tuman aholisi, nuroniylar, yoshlar hamda turli millat vakillari faol ishtirok etib, yurtimizdagi tinchlik, totuvlik va hamjihatlik muhitini yana bir bor namoyon etdilar.
Bayram tadbiri davomida Zafarobod tumani Madaniyat boʻlimi xodimlari tomonidan ijro etilgan dilbar kuy-qoʻshiqlar, milliy va zamonaviy musiqiy chiqishlar tomoshabinlarga koʻtarinki kayfiyat ulashdi. Ijodkorlarning Vatanga muhabbat, doʻstlik, birlik va hamjihatlikni tarannum etuvchi qoʻshiqlari festival ishtirokchilari tomonidan katta qiziqish va olqishlar bilan kutib olindi.
Konsert dasturi davomida yurtimizda istiqomat qilayotgan turli millat va elatlar oʻrtasidagi oʻzaro hurmat, doʻstlik va hamkorlik munosabatlari, shuningdek, xalqimizning boy madaniy merosi va qadriyatlari ulugʻlandi. Bayramona muhitda oʻtgan tadbir barchaga unutilmas taassurotlar qoldirdi.
“Doʻstlik festivali”
mamlakatimizda hukm surayotgan tinchlik va osoyishtalikni, millatlararo totuvlik hamda xalqimizning birdamligini yanada mustahkamlashga xizmat qiladigan maʼnaviy-maʼrifiy tadbirlardan biri boʻldi.
🌐
Ijtimoiy tarmoqdagi rasmiy sahifalarimiz
⭕️
💬
Web sayt
🚀
Telegram
📷
Instagram
🔵
Facebook
🎬
You Tube

Zafarobod tumanida saxovat va birdamlik namunasi
Zafarobod tumani Yorqin mahallasida istiqomat qiluvchi ijtimoiy ko‘makka muhtoj oila xonadonida obodonlashtirish va hashar ishlari tashkil etildi.
Mazkur xayrli tadbir Zafarobod tumani Yoshlar ishlari bo‘limi hamda Inson ijtimoiy xizmatlar markazi xodimlari hamkorligida amalga oshirildi. Hashar davomida xonadon atrofi, ko‘chalar va yo‘l chetlari begona o‘tlardan tozalanib, ariq-zovurlar tartibga keltirildi. Shuningdek, hovlidagi daraxtlarga agrotexnik ishlov berilib, xonadon yanada ozoda, fayzli va ko‘rkam holatga keltirildi.
Bunday ezgu tashabbuslar aholi, ayniqsa ijtimoiy himoyaga muhtoj oilalarni har tomonlama qo‘llab-quvvatlash, mahallalarda obodonlashtirish ishlarini jadallashtirish hamda o‘zaro mehr-oqibat va hamjihatlik muhitini mustahkamlashga xizmat qilmoqda.
Shuningdek, yurtimizda yaqinlashib kelayotgan bayramni munosib kutib olish maqsadida mahallada bayramona kayfiyat yaratish, hududlarni yanada obod va ko‘rkam holga keltirishga alohida e’tibor qaratilmoqda.
🌐
Ijtimoiy tarmoqdagi rasmiy sahifalarimiz
⭕️
💬
Web sayt
🚀
Telegram
📷
Instagram
🔵
Facebook
🎬
You Tube