تراث المرحوم الشاعر زيد عدنان الزيدي
هذه المراجعة ثوابآ لروح اخي
اي طالب يحب يجي يحضر يبلغني على القناة
ثوابآ لروح المرحوم اخي هناك
مراجعة مجانية
اي طالب عدكم يحب يجي يقرا ليوم الامتحان المراجعه لمدة يومين
ليلة جمعة مباركة ... تقبل الله طاعاتكم وصيامكم ... لا تنسوا خادم الحسين عليه السلام الشاعر الشاب
زيد عدنان الزيدي واهداء الى روحه
اللهم صل على محمد وال محمد (٥)مرات
سورة الفاتحة
استغفر الله واتوب اليه (٥) مرات
السلام على الصديقة الزهراء،فاطمة
لطفا اهدوا ثواب هاي الاعمال الى روحه بهذه الليلة
كعده سماعي
يمه يالحنينه يمه يايمه
*
اتفارگيت وانتهيت اشما تحسين بوجع
صوبوچ واسطروچ بقوته الباب اندفع
السووه بيچ كله اعيوني شايفته
ثگيله الباب والحيطان ساندته
اليدفع ابابچ عليچ
نيته يكسر حته اديچ
وين حيدر هسه كون
يدري وبسرعه يجيچ
يمه يالحنينه يمه يايمه
****
عذبوچ واضربوچ وحمره عينچ بالسطر
لوعوچ شتموچ وانتي طحتي اعله الجمر
ويضحك شامتچ مره ويسب مره
ولاچن بت نبيهم انتي يالزهره
بچفچ الجمره لگيت
النار حرگتنه وبچيت
شخله النه الصوباچ
حته ماخلنه بيت
يمه يالحنينه يمه يايمه
****
نون عليچ واعله اديچ لنچوت وكت الحرگ
والعذاب عدنه باب كسر ضلعج بالطبگ
جرح ينزف محنه اويه الدم وشفتچ
امنيتي اگدر اشيلچ چان ماعفتچ
طحتي ماي اعله التراب
بعد ماضگتي العذاب
من العصر والرفسه ذيچ
دمچ محنيله باب
يمه يالحنينه يمه يايمه
****
شستراح كلشي راح ماتت امي من ال الم
اشلون انوح وين اروح الباب ضلت بيها دم
وعاش الباب عگب الماتت بعصره
وشايل ريحة امي فاطمه الزهره
امن امي گالت موتي حان
گلت چا راح الامان
زينب ابدونچ تموت
بياحضن تلگه الحنان
يمه يالحنينه يمه يايمه
****
ابلايه روح والجروح ترست امي بكل كتر
ذكره هاي تضل وراي النار والكسره بعصر
شما احن لامي اعيش الموت بالدمعه
الله يعينها شگد حملت البضعه
اشگد اذيه الام تروح
وانه ابچي ابلايه روح
بكل مسه ماتغفه عين
كثرت بگلبي الجروح
يمه يالحنينه يمه يايمه
****
#زيد
عدنان الزيدي
Channel name was changed to «
تراث المرحوم الشاعر زيد عدنان الزيدي
»
ممنونج انطيتيني الخدامه وكربله
يافاطمه ودمعاتي عله ابنج هامله
ممنونج اترزقيني الحضوري بلعزه
بنظره حنانچ تسوه المجالس بالمله
امن الطم بيدي اعله منحور
اسمع كل صرخه بعاشور
وادعي الله بجاه العباس
لا يحرم عيني من النور
المجلس ضوه الحياتي
وعشگي لحد مماتي
كل الاريده دمعه
البيها احس نجاتي
ممنونج يافاطمه ممنونج
**
مشكوره من جبتيني العزاج بكل وكت
ولوما علي نظراتچ تره والله متت
اه يالحنينه يلمجلسچ اجمل وطن
عذريني لو مره انه عليچ اتأخرت
الطافچ غطتني هواي
مشكوره يالدوم وياي
اسمج والله يرد الروح
هنيالي بهل رحمه هاي
كل خيري من عيونچ
شنهي الحياه بدونچ
من كون الج مناير
وكل الخلگ يجونچ
ممنونچ يافاطمه ممنونچ
*
يالرحمتچ من الله هديه للخدم
لوما يخلقچ عيشتنه ظلمه وبالعدم
ماعدنه بس الدمعه يفاطم والعزه
وابلا مجالس دنيا ولا بيها طعم
خلي بگلب الخادم روح
خاطر يبچي اعله المذبوح
حته يحس باللوعه وهاي
يشكرچ مولاتي من ينوح
لوما عطف حنانچ
ياسيده زمانچ
وبكل زمن اميره
محد وصل مكانچ
ممنونچ يافاطمه ممنونچ
*
مولاتي اسألچ دوم النعم يافاطمه
لو ما وجودچ دنيانه كلها بس ضمه
عشگچ كفاني والجنه ماتفرق بعد
اخذيني بيدچ لو للجحيم الحاطمه
حته اخبر كل اهل النار
اليعشگ فاطم مايحتار
اجهنم تبرد ثلچ تصير
من تنظر مرت الكرار
اليعشگ خسر حياته
شتشفع اله صلاته
بس اليحبها هيه
متنعم بمماته
ممنونچ يافاطمه ممنونچ
*
اليفني حياته يالزهره كلها بخدمتچ
اليدخل عزاچ يطب برضاچ ورحمتچ
مسحي اعله راسه بايدچ عطف يافاطمه
البيض وجهنه عند الله رفت رايتچ
الواسچ بكل الاحزان
بمعنى الكلمه يصير انسان
گلبه يلين بذكر حسين
وبالدمعه يصبح غرگان
وشعدنه غيرچ احنه
گلبچ ابو المحنه
يالزهره ماكو قيمه
لو مجلسج طردنه
ممنونج يافاطمه ممنونج
*
زيد عدنان الزيدي
الى اخوتي من اخيكم زيد في دار البقاء حيث جوار الله واهل بيته الاطهار عليهم السلام الى دار الفناء اقول لكم تزودوا فان خير الزاد التقوى ... لا تنسوني بالفاتحة والدعاء واهداء الصلوات
Channel name was changed to «
المرحوم الشاعر زيد عدنان الزيدي
»
The owner of this channel has been inactive for the last 17 months. If they remain inactive for the next 18 days, they may lose their account and admin rights in this channel. The contents of the channel will remain accessible for all users.
اخبرنا يالصادق عل اطفوف
ياهوه ل ابلا نحر وجفوف
والطفل ليذبحونه شمسوي ميخلونه
يالصادق يالصادق
***
شسامع اشايف شنو قصه المصيبه
اشلون زينب صارت بليله غريبه
حسين ليش انداس والجثه سليبه
والكفيل اعله النهر ياهو اليجيبه
وانه احس بداخلي الصوت
والله وسفه وياخذه الموت
والجسم ليسحكونه شمسوي ميخلونه
يالصادق يالصادق.
****
سولف العندك تره العندك اهوايه
خل تصير الشيعه لحسينك ضحايه
كون اهلنه التمشي مو اهله سبايه
انموت بالحركه ولا عطشان مايه
عمت عيني اعليه المدلول
مات ماشابع دللول
واصغير ميشوفونه شمسوي ميخلونه
يالصادق يالصادق
**
منو بليله وحشته مشمور جسمه
علترايب والحوافر بي مهشمه
ياهي صاحت ياحسيني وين يمه
دلني جسمك وينه لا دوسه واللجمه
وحسين مافرزن منو الجاي
شم ريحت امه وارتوه بماي
ماشافها بعيونه شمسوي ميخلونه
يالصادق يالصادق
**
كربلا اشبيها وجع دليني بلله
انه ما كاتلني بس مركاض طفله
تكل لابوها الموت مو هسه محله
واخ ياجدمي انجوت بويه كله
دورت بالجثث بليل
بحضنه شافت سحكه الخيل
عنده بت يدرونه شمسوي ميخلونه
يالصادق يالصادق
**
كون تحجيلي عله الناكه الهزيله
اشلون صعدتها ومشت بيها العقيله
ابلا كفيل اشلون ضلت مستحيله
الا زينب للظعن صارت كفيله
وسفه الكفيل اعله الرمح راح
وسايك الناكه اليحدي ذباح
ومشي العليل اشلونه شمسوي ميخلونه
يالصادق يالصادق
*
زيد
عدنان الزيدي