Замбаракнинг ўқи
Сунъий идрок фойдали иш коэффициентимизни оширишга ёрдам беряпти: матн таржимасими, программа тузишми ёки мураккаб математик ҳисоб-китобларни амалга оширишми. Яъни, битта одам СИ ёрдамида икки ёки уч кишининг ишини бажариши мумкин бўляпти.
Гугл, Амазон, Фейсбук ва ҳ.к. гигантлар код ёзиш тезлиги кескин ортганини айтишяпти. Аммо одамлар камроқ ишлаб, кўпроқ пул топишлари масаласи кун тартибида йўқ.
Гигантлар ўн минглаб мутахассисларни ишдан бўшатиб, қолган одамларгдан СИ ёрдамида кўпроқ иш бажаришларини талаб қиляпти. Ишдан бўшатилганлар ойликсиз, ишда қолганлар эса ўша-ўша ойликни оляпти.
Бундай олиб қарасангиз, СИ оддий одамнинг ишини яхшиламаяпти. Ишдан бўшатилган одамларнинг ортидан тежалган маблағ, фонд бозорида космосга чиқиб кетган акциялардан қоладиган фойдалардан яна ўша ультра бойлар мазза қиляпти.
Масалан, Nvidia компаниясининг акциялари СИ ортидан бир неча баробарга ошди. АҚШ фонд бозоридаги акцияларнинг 93 фоизига аҳолининг 10 фоизи эгалик қилади, шундан 54 фоизига эса ультра бойлар, топ 1% аҳоли эгалик қилади.
Шундан ҳулоса қилиш мумкинки, СИ ортидан ишлаб топилган фойданинг аксарият қисми ўта бойларга кетяпти. Қолган урвоғи эса Nvidia ҳодимлари, фонд бозорига тиккан пенсионерлар ва бошқа одамларга қоляпти. АҚШнинг 30 фоиз аҳолиси умуман пенсия учун пул йиғмаганини инобатга олсак, уларга урвоғ ҳам қолмаяпти.
Ëки солиқларни олайлик. АҚШда корпоратив фойда солиғи 21 фоиз бўла туриб, ўтган йили Nvidia 16%, Гугл 8%, Мета 3,5%, Амазон 1,8%, Тесла эса 0% (ноль!) солиқ тўлаган. Бу гигантлар қонунни бузмаган, миллиардлерларни яхши кўрадиган АҚШ солиқ тизими яратиб қўйган сон-саноқсиз “лазейкалар” уларга солиқларини кескин камайтириш имконини берган. Оддий ишчиларга эса бундай имконият берилмаган, улар мўминтой бўлиб 20—40 фоизлик солиқларни тўлаб ётишипти.
Trickle-down economics деса кўнглим айнийдиган бўлиб қоляпти. Ва борган сари сўлчи бўлиб кетяпман. Улғайяпман шекилли.
@zambarakning_oqi
Калгарида Эфиопиядан келган қочоқ бир бошқа одамга ўқланган пистолет билан ўқталибди. Куни кеча унга суд ҳукми ўқилибди.
Суд ҳукмига кўра, эфиопияликка 3 йил озодликдан маҳрум қилиш жазоси тайинланган. Қонунчиликка кўра, агар иммигрант 6 ойдан кўпроқ қамоқ жазоси олса, у автоматик равишда депортация қилинади.
Яна бошқа бир қонунга кўра, ватанида уруш бўлаётган мамлакат фуқаролари юртига депортация қилинмайди. Эфиопия эса шундайн давлатлар қаторига кираркан.
Яъни, эфиопиялик 3 йил қамоқда ўтириб чиқади. Агар шу давр мобайнида ватанида уруш тугамаса, Канадада яшаб юраверади. Уруш тугаганидан кейин эса федерал ҳукумат уни депортация қилиб юбориши мумкин.
@zambarakning_oqi
Қаранг, троллейбуслар охири Экскаватор ва Лакокраска заводлари олдида эди. 2- ва 16-трамвайлар охири эса Узбексельмаш заводи олдида.
Шу советлар ҳам бир балони билган экан-да. Одам кўп борадиган жойларга транспорт қилиб.
@zambarakning_oqi
Троллейбус мен учун қадрли эди. Институтга кириш пайтимда репетиторларга роса қатнардим троллейбусда.
Асосий "конечний" биз учун "Экскаваторний" эди.
Пушкин кўчасидан Новомосковский кўчасига қайрилишда троллейбуснинг шохи доим чиқиб кетарди. Шунинг учун кондуктор тушиб, троллейбус орқасига ўтиб турарди. Кейин троллейбус сал тезлашиб олганида, кондуктор троллейбус шохларини ўзига тортиб, иккита йўналиш уланган, шох доим чиқиб кетадиган жойдан ўтказиб қўярди. Кейин троллейбус тўхтаб, кондуктор чиқволарди.
90-йиллар бошида уйда навес қилаётгандик. Кичик амаким билан адамнинг Жигулиларида Экскаватор заводи олдидан шағал ташигандик. Ўшанда яп-янги Шкода троллейбуслари узун поездда олиб келинаётганини кўргандим.
Бир неча ойдан кейин ўша яп-янги троллейбусга чиққандим. Ичи чиннидек, юришиям зўр. Аммо салондаги карнай (колонка)лар олиб ташланган, ўрнидан симлари чиқиб ётарди.
Шовқинсиз, экологик тоза транспорт эди.
@zambarakning_oqi
Постой, остановись, посмотри...
16 лет назад, 30 апреля 2010 года - был закрыт Ташкентский троллейбус.
Большой, развивавшийся и не переживший нулевые.
Троллейбусная история, написанная к десятилетию закрытия -
https://telegra.ph/Oglyadyvayas-nazad-zakrytiyu-Tashkentskogo-trollejbusa-10-let-04-30
#кадрдня
от
Wilfried Wolf
о том, как важно разумно подходить к городскому планированию.
Кадр, из времени, когда троллейбус еще был в расцвете сил, но уже имел очень большие проблемы.
Бўладими?
https://caravancafe.ca/
@zambarakning_oqi
Yutubdagi yolg'onlar: Kanadani bo'lish rejasi
Yutubda Alberta provinsiyasini Kanadadan ajratib, AQSHga qo'shib yuborishni targ'ib qiluvchi g'alati videolar ko'payib ketdi. Media Ecosystem Observatory (MEO) tadqiqotchilari 40 million marta ko'rilgan 20 ga yaqin shubhali kanalni aniqladi. Bu videolar sun'iy intellekt yordamida tayyorlangan bo'lib, ularni "slopaganda" — ya'ni hissiyotga o'ynaydigan past sifatli tashviqot deb atashyapti.
Videolarda o'zini kanadalik deb tanishtirgan diktorlar aslida mahalliy joy nomlarini ham to'g'ri ayta olmaydi. Kris Ross ismli tahlilchining aytishicha, diktorlardan biri hatto Britaniya Kolumbiyasidagi ayol siyosatchini "u" (erkak kishi ma'nosida) deb atagan. Bunday xatolarni mahalliy odam hech qachon qilmaydi. Videolar Alberta aholisini Kanadadan ajralib, AQSH tarkibiga o'tishga chaqiradi. Eng qizig'i, o'sha provinsiyadagi haqiqiy separatistlar ham AQSHga qo'shilishga unchalik qiziqmayapti.
Kalgari universiteti professori Jan-Kristof Bushe bunday tarmoqlarni boshqarish uchun katta mablag' va vaqt kerakligini aytadi. Kimdir ataylab odamlar orasida nizo chiqarishga harakat qilyapti. VPN xizmatlari orqali izini yashirgan bu "blogerlar"ning asl yuzi hali ochilgani yo'q. Bu shunchaki reklama orqali pul topmoqchi bo'lgan havaskorning ishi emas, balki maxfiy ta'sir o'tkazish operatsiyasiga juda o'xshaydi.
Jamoatchilik fikri:
Redditdagilar buni darrov Rossiyaning ishi deb taxmin qila boshladi. "Bu G'arb davlatlarini ichkaridan bo'lish uchun qilinayotgan navbatdagi o'yin", deb yozadi foydalanuvchilardan biri. Boshqalar esa botlarning soni hech narsani anglatmasligini, Albertadagi neft AQSHga juda kerakligini eslatib o'tgan. Ayrim kanadaliklar esa keskin: "Yankilar bizdan uzoqroq yursin!" degan kayfiyatda.
Batafsil (Manba)
@dunyo_the_world