العبرات الحسينية
٨-قصيدة لطم
في خطاب مولاتنا الزهراء (ع) لهلال محرم :
هل أنتَ في السماءِ....مِرآةُ كربلاءِ؟
فيكَ أرى...فوقَ الثرى...حُسينا
١/ثأرٌ، ضغونٌ ،فِرَقٌ ، شرٌّ، عدىً،قِتالُ
تلٌّ، وصوتٌ، مَنحَرٌ، ريحٌ، دَمٌ، ِرِمالُ
فيكَ أراهُمْ كُلَّهُمْ..ويلاهُ فالسُّؤال :
هلْ قِطعةٌ مِنْ سيفِ شمرٍ أنتَ يا هِلالُ؟
لا شكَّ أنتَ عالِمْ...أنا البتولُ فاطمْ
روحي انطفتْ...فيكَ نعَتْ...حُسينا
٢/يا لُغَةً مِنْ وجَعٍ مُرٍّ فلَمْ تُتَرْجَمْ
أتيتَني مُحَرِّماً للعيشِ يا مُحرَّمْ
يوماً فيوماً لمْ أزلْ مِنْ مأْتَمٍ لِمَأتَمْ
أبكي أبا الفضلِ قضى ورأسُهُ مُهشَّمْ
لهفي على الهواشِمْ...كأكبرٍ وقاسِمْ
كمْ أوجعوا...مُذْ ودَّعوا...حُسيْنا
٣/لمّا يراكَ الماءُ ينعى للحياةِ نَفْسَهْ
والصبحُ يمشي دافناً خلْفَ الدمُوعِ شمْسَهْ
أُنظُرْ إلى قميصِهِ ترَ عليهِ خمسهْ :
سيفاً، ورمحاً، نبلةً ، وحافِراً، ورفْسَهْ
قَدْ ماتَ قبلَ موْتِهْ...حُزناً لسبيِ أُختِهْ
ذي زينبُ...كمْ تندبُ...حُسينا
٤/كجمرةٍ حمراءَ أنتَ تُحْرِقُ الشِّدادا
وتُنْذِرُ الأَرضَ بيومٍ تمتلي رمادا
فيكَ أرى الرِّجسَ لإحراقِ الخيامِ نادى
وذي اليتامى بالبُكا قابَلتِ الجيادا
رُقيةٌ، حميدهْ...في حَيْرةٍ شديدهْ
ذي هَرْولتْ...ذي ناشدتْ...حُسينا
٥/أَخْبِرْ بحالي "صَفَراً" لمّا تَرى هِلالَهْ
فَمِثلَما رَميْتَني ، نحْوي رمَى نِبالَهْ
للشامِ ساقَ في السِّبا ربائبَ الرِّسالهْ
يُضرَبْنَ إنْ يَصْرُخْنَ أينَ صاحبُ الكفالَهْ
مُحرَّمَ الشهورِ...تبقى إلى الظهورِ
فوقَ السَّما...أبكي دما...حُسينا
#لطم_هلال_محرم
#محرم_1448
#اللهم_عجل_لوليك_الفرج
https://t.me/AliOsailyAmily
*[ زكاة عيوني ]*
أداء: الملا
#محمد_باقر_الخاقاني
كلمات: الشاعر
#السيد_مرتضى_الياسري
https://youtu.be/Ju-Uwoif8gk
مجالس شهر محرم الحرام لسنة 1447 هـ - 2025 م
ليالي العشرة الأولى من شهر المحرم
عزاء هيئة مجانين السيدة رقية عليها السلام - العراق - البصرة
حسينية قصر السلطان علي ابن موسى الرضا عليه السلام
تنفيذ: شركة نور الخيام للإنتاج الحسيني
اللَّهُمَّ عَجِّلْ لِوَلِيِّكَ الفَرَجْ
٧-نشر جديد ليلة السابع
قصيدة (سلام على العباس) مختصرة :
سلامٌ على العبَّاسِ ما نزَفَ النَّهرُ
وما غربَتْ شمسٌ وما خُسِفَ البدرُ
سلامٌ على العباس ما عاد "سابِعٌ"
ففي ليلة العباس تجتمعُ "العشرُ"
لقدْ أصبحتْ مهشومَةَ الأنفِ هاشمٌ
وصَخْرٌ لها عيدٌ بهِ يُنْقَشُ الصَّخْرُ !
قضى فارسُ الهيجاءِ صنديدُ طَفِّها
ومَنْ كفُّهُ "ليلٌ" وصَمْصَامُهُ "قَدْرُ"
أبو الفضلِ عبَّاسٌ عضيدُ حُسيْنِها
فتَىً باسمِهِ في الضرِّ ينكشفُ الضُّرُ
لهُ رايةٌ بالعرشِ حَفَّ رفيفُها
وتاللهِ لولا الغدرُ لَمْ يُثْنِها الدَّهْرُ
أيُفضَخُ رأسُ المجْدِ والعزِّ والإبا؟!
فمِنْ حيدرٍ قد عادَ مُنْتَقِماً عمْرو..
أتاهُ حسينٌ يصفقُ الرَّاحَ باكياً
وجيشُ ابنِ سعْدٍ ملْؤُ تصفيقِهِ بِشْرُ
أفي ظهْرِ سبطِ المصطفى الكَسْرُ قد بدا
تُرى أمْ بظهْرِ المصطفى قدْ بدا الكَسْرُ؟!
يناديهِ : عباسٌ أُخَيَّ وناصريْ
مَضَيتَ إذنْ تمضي الأخوَّةُ والنَّصْرُ
أخيْ، ضَمَّةُ التوديعِ آهٍ حُرِمْتُها
فَمِنْ كثْرَةِ النُّشَّابِ لا يُرْفَعُ الصدرُ
أتتركُ حجْري! تُنزلُ الرَّأْسَ لِلثَّرى
فعمَّا قريبٍ يرفعُ الرَّأسَ لي شِمْرُ
وَلِمْ تقْبِضُ الرِّجْليْنِ يا نورَ مُقْلَتيْ؟
نعَمْ! ها هُنا تبكيكَ فاطِمةُ الطُّهْرُ
يشيبُ معَ الأيَّامِ للمَرْءِ شعرُهُ
وعندَكَ شابَ الآنَ في رُزْئكَ الشَّعْرُ
وللمرَّةِ الأولى تراني فواطِمِيْ
وحيداً، فريداً، حائراً، خانني الصَّبْرُ
وزينبُ! آهٍ ساعدَ اللهُ زينباً
بِمُقْلَتِها قَطْرٌ، ومُهجَتُها جَمْرُ
أأُخْبِرها بالعينِ فيها مثلَّثٌ
فمنْ بعدِ عينيكَ لا يطلعُ الفجرُ..
_______
القصيدة كامل
ة :
سلامٌ على العبَّاسِ ما نزَفَ النَّهرُ
وما غربَتْ شمسٌ وما خُسِفَ البدرُ
سلامٌ على العباس ما عاد "سابِعٌ"
ففي ليلة العباس تجتمعُ "العشرُ"
سلامٌ على يُمناهُ فاضَتْ بِيُمْنِها
سلامٌ على يُسْرَاهُ ما بُسِطَ اليُسرُ
سلامٌ على عينِ البصيرَةِ والضِّيا
فمُحْمرَّةُ العَيْنيْنِ أدْمُعُها حُمْرُ
لقدْ أصبحتْ مهشومَةَ الأنفِ هاشمٌ
وصَخْرٌ لها عيدٌ بهِ يُنْقَشُ الصَّخْرُ !
قضى فارسُ الهيجاءِ صنديدُ طَفِّها
ومَنْ كفُّهُ "ليلٌ" وصَمْصَامُهُ "قَدْرُ"
أبو الفضلِ عبَّاسٌ عضيدُ حُسيْنِها
فتَىً باسمِهِ في الضرِّ ينكشفُ الضُّرُ
لهُ رايةٌ بالعرشِ حَفَّ رفيفُها
وتاللهِ لولا الغدرُ لَمْ يُثْنِها الدَّهْرُ
عليمٌ بذاتِ الحربِ ما زالَ ذاكراً
فضربَتُهُ "حمدٌ" وطعنتهُ "شُكْرُ"
تدلَّى كجبرائيلَ عندَ فُراتِهِ
لِأرزاقِ ميكائيلَ في جودِهِ وَفْرُ
وقامَ كإسرافيلَ بالسَّيفِ نافِخاً
فإلقاءُ عِزرائيلَ نظْمٌ بهِ نَثْرُ
إلى أنْ دعاهُ اللهُ جلَّ جلالُهُ
فلبَّاهُ حُرَّاً كظَّ أحشاءَهُ الحَرُّ
أيُفضَخُ رأسُ المجْدِ والعزِّ والإبا؟!
فمِنْ حيدرٍ قد عادَ مُنْتَقِماً عمْرو..
أتاهُ حسينٌ يصفقُ الرَّاحَ باكياً
وجيشُ ابنِ سعْدٍ ملْؤُ تصفيقِهِ بِشْرُ
أفي ظهْرِ سبطِ المصطفى الكَسْرُ قد بدا
تُرى أمْ بظهْرِ المصطفى قدْ بدا الكَسْرُ؟!
يناديهِ : عباسٌ أُخَيَّ وناصريْ
مَضَيتَ إذنْ تمضي الأخوَّةُ والنَّصْرُ
أخيْ، ضَمَّةُ التوديعِ آهٍ حُرِمْتُها
فَمِنْ كثْرَةِ النُّشَّابِ لا يُرْفَعُ الصدرُ
أتتركُ حجْري! تُنزلُ الرَّأْسَ لِلثَّرى
فعمَّا قريبٍ يرفعُ الرَّأسَ لي شِمْرُ
وَلِمْ تقْبِضُ الرِّجْليْنِ يا نورَ مُقْلَتيْ؟
نعَمْ! ها هُنا تبكيكَ فاطِمةُ الطُّهْرُ
يشيبُ معَ الأيَّامِ للمَرْءِ شعرُهُ
وعندَكَ شابَ الآنَ في رُزْئكَ الشَّعْرُ
أعودُ ومُهري للخيامِ يَجُرُّني
فلَمْ تبقَ ليْ عينٌ، ولمْ يبقَ ليْ ظَهْرُ
وللمرَّةِ الأولى تراني فواطِمِيْ
وحيداً، فريداً، حائراً، خانني الصَّبْرُ
تَسَاءلَ مُهْري ما أُجيبُ سُكَيْنةً؟
وَمِنْ عَمِّها السَّقاءِ لَمْ يَسْلَمَنْ شِبْرُ
جمالُ عليٍّ أنتَ تبقى معفَّراً
تَدَافَعْنَ في تقبيلِكَ البيضُ والسُّمْرُ
وزينبُ! آهٍ ساعدَ اللهُ زينباً
بِمُقْلَتِها قَطْرٌ، ومُهجَتُها جَمْرُ
أأُخْبِرها بالعينِ فيها مثلَّثٌ
فمنْ بعدِ عينيكَ لا يطلعُ الفجرُ..
ويا لهفَ نفسي للربابِ وطفْلِها
ففي قلبِها عُذْرٌ، وفي قلبِه ذُعْرُ!
أحارِسَ فُسْطاطي وحاميْ قبيلتي
بفقَدِكَ يا عبَّاسُ يُنتَهَبُ الخِدْرُ
أكافِلَ ظَعْنِ اللهِ، قدِّيسةُ الخِبا
على ناقةٍ عجفاءَ يزجرها زَجْرُ !
ألا أيها الشفعُ الذي قد فديتُهُ
وفي الآلِ والأنصارِ يا أيُّها الوِتْرُ
بذلتَ فِدا العطشانِ نفساً نفيسةً
فما فوقَ هذا البرِّ لا لم يجئْ بِرُّ..
اللهم عجل لوليك الفرج واجعلنا من أنصاره
تمت بعناية الحجة (عجل الله فرجه الشريف)
https://t.me/AliOsailyAmily
٦- جواباً على :
يا نازلينَ بكربلا هل عندكم
خبر بقتلانا وما أعلامها ؟
—————————————
(إنَّا نَزَلْنا كربلاءَ وعندَنا
خبرٌ بقتلاكُمْ وما أعلامُها)
فعلى الصَّعيدِ مُوَذَّرٌ إيمانُها
وعلى الصِّعادِ مُعلَّقُ إسْلامُها
هذا الحسينُ وأرضهُ ومقامُهُ
يا أينَ عنهُ مكَّةٌ ومَقَامُها ؟!
كُسِفَتْ بسيفِ بني أميَّةَ شمسُهُ
والأرضُ بعدَ الشمسِ دامَ ظلامُها
حرموهُ ماءً وهوَ مَنْ عُرِفتْ بهِ
سُنَنُ النبيِّ حلالُها وحرامُها
إنَّا نزلنا كربلاءَ فلمْ تزلْ
تحكي لنا عَمَّا رأتْ آكامُها
"كلماتُ آدمَ" ها هُنا قدْ حُوصِرتْ
فتفجَّرتْ بِدَمِ الحُسينِ كِلامُها
هذي الرمالُ استقبلتهُ إذْ هوى
فبكى عليهِ أُفْقُها ورُغامُها
آهٍ أصابُوا بالمُثلَّثِ قَلْبَهُ
وتكدَّستْ في جانبيهِ سِهامُها
ودنا سنانٌ طاعناً في خَصْرِهِ
رُمحاً فهُدَّتْ للسماءِ دِعامُها
وهنا أتى شمرُ الخنا بحسامِهِ
يا أينَ عنهُ هاشمٌ وحُسامُها ؟!
وطَأتهُ يا لَلهِ جُرْدُ خيولِهمْ
فاختلَّ للسبْعِ الشِّدادِ نِظامُها
آهٍ لزينبَ يمَّمَتْهُ وروحُها
كخيامِها بالنَّارِ شبَّ ضَرَامُها
ألفَتْهُ مسلوبَ الرِّدا وضلوعُهُ
ويلاهُ ! ضاعتْ في الترابِ عِظامُها
إنَّا نزلنا كربلاءَ فمنْ هُنا
سَبَتِ العقيلَةَ في البلادِ لِئَامُها
مِنْ خلفِها زجرٌ وشمرُ أمامَها
وعلى القنا كالبدرِ شعَّ إمامُها…
تمت بعناية الحجة (عجل الله فرجه)
https://t.me/AliOsailyAmily
#محرم_1448
#اللهم_عجل_لوليك_الفرج
•{طلعنه بليل}•
طلعنه بليل خويه اندوّر عليك
و عثرنه بالجثث من جبنا طاريك
١/ طلعنه بليل وحده تدلي الأخرى
بشفايف ذابله و رياگ مُرّه
و تكسر بالصدر يحسين عبره
گلنه حسين من نوصل نخبره
نگله الماي هذا و جينه نرويك
و عثرنه بالجثث من جبنا طاريك
٢/ حرنه حسين خويه شلون نلگاك
چثيره الموته بالطف ظاله وياك
و يا جثه النكضهه نگول لا ذاك
گبل ما نمشي ردنا نحصّل ادواك
عسى دمع الحزن يبن امي يشفيك
و عثرنه بالجثث من جبنا طاريك
٣/ اجيناك بدمع و الحسره و الآه
و گلنه حسين هسه اهناك نلگاه
نعرف المحبس و ما هو اعلى يمناه
و الخنصر بعد مسلوب وياه
و علامتنه صفت هاي العرف بيك
و عثرنه بالجثث من جبنا طاريك
٤/ يخويه تعثرت ببني و گلت لا
أعوف حسين زحمه وابقى وياه
أودع احسين و ابني بردتي الگاه
اذا خاله يظل ما جيب طرواه
وگلتله بردّتي يوليدي أرد ليك
و عثرنه بالجثث من جبنا طاريك
٥/ هواي الموته يمك ظلمه و ندوس
بس طعنات بيها و سالمه الروس
بس جسمك نعرفه اسهام متروس
و راسك عالرمح مبيوع بفلوس
وصلتك بالدمع يبن امي احاچيك
و عثرنه بالجثث من جبنا طاريك
*الشاعر الموفق أبو سلام الجابري*
رابط قصيدة "طلعنه بليل":
https://youtu.be/4Uydopm1CKo?si=LZSvGZvE1PiB_cs-
_
قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane
_
القناة الرسمية للملا مصطفى السوداني على telegram :
https://t.me/Mustafa_Sudane
_
•{الطير دلاهم عليك}•
يا هضم روحك...و انت بجروحك
بغربتك محّد يجيك...وين اهلك
عالسطح حاير...تكسر الخاطر
الطير دلاهم عليك...وين اهلك
١/ غريب لوحدك...منو اللي يساعدك
و عليك مقفّله البيبان مولاي
ضمه و حر و شمس...منو بجرحك يحس
تريد الماي محّد جابلك ماي
بعمر العشرين و أيامك ذبلن يا عود الياس
و حتى الجلمود اعلى مصابك ذاب وظل يبچي احساس
يا هضمة روحه ابن آدم من يوگع و تعوفه الناس
بموگد احزانك...شيطفي نيرانك
دمعتك عالخد تصيح...وين اهلك
و تنظر بعينك...محّد يعينك
يا أبو الگلب الجريح...وين اهلك
٢/ چنت صايم چنت...و على السم افطرت
و بقيت من الألم تتلوى بالبيت
تنازع بالأجل...غريب بلا أهل
أهل بغداد فزعتهم تمنيت
أيام تلاثه و ما گالو شو ما شفنا المعصوم
ما يدرون بسطح ديارك ميت ضامي و مسموم
حتاجيت الهم من ضليت تطيح من السم و تگوم
رايد احبابك...تحضر امصابك
تلتفت عينك غريب...وين اهلك
جرحو احساسك...و شيبو راسك
و تندعي بأمّن يجيب...وين اهلك
٣/ حمامات السمه...إلك يبچن الدمه
عليك تجمعن و يسوّن فياي
لمن صوتك سكت...نواعيهن علت
و هذا اول عزاء عليك مولاي
جنح الطير عليك اتكسّر و تكسّر گلبي عليك
يالما جارح گلبك واحد ليش الناس تأذيك
نزلت من الجنه الزهره و صاحت بيّه و لا بيك
چم حمامه تون...و مأتمك تعلن
و تسأل جروحك سؤال...وين اهلك
ظلن بصحنك...ينعن لحزنك
و حتى صحنك چنه گال...وين اهلك
٤/ علي الهادي إلك...إجاك و غسّلك
و دمعتك سالت اعلى الوجنه مهضوم
شفت طف كربله...و جسد ظل بالفله
و تغسّل بالدفن من فيض الدموم
من شالوا نعشك بضلوعك حسيت تدوس الخيل
شفت حسين شلون تطشر و ظل عاري نهار و ليل
محّد شيّع جسمه و زينب ما عدها متون وحيل
نعشك اتهزهز...ما قبل يركز
تنعه لحسين و تگول...وين اهلك
ميت و تبچي...و بالدمع تحچي
يالخذت صدرك خيول...وين اهلك
٥/ على مصابك مضه...زمن يبن الرضا
و إلى إبن الحسن وصلت المأسآة
مثل حالك و أشد...جرح ثالث ولد
ورث منك غربتك و المعاناة
ماهي جديدة الغربة عليكم و اجيال تورث اجيال
و المهدي اليوم من غيابه ما شايف راحة بال
و مثل الغربة البيكم بينا و نعيش بأصعب حال
المهدي بجروحه...عايش بروحه
و يسمع بأذنه كلام...وين اهلك
غربته صعبه...و دمرت گلبه
كلشي يسأل بالإمام...وين اهلك
*الشاعر الموفق ياسر المطوري*
رابط قصيدة "الطير دلاهم عليك":
https://youtu.be/iLLFZKKVSc0?si=ulrKKhdUxuNYsgxD
_
قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane
_
القناة الرسمية للملا مصطفى السوداني على telegram :
https://t.me/Mustafa_Sudane
_
•{راحوا و عافوني}•
يا ناگتي يا ناگتي
راحوا و عافوني اخوتي
و محمله العيون
يدرون بيّه معلعله
و الروح كلها بكربله
و تباري الضعون
١/ گلب البنيّه اعلى الأبو و هواي بيني و بينه
يا ناگه كلما يلتفت عيني تصير بعينه
بچفوفي أعصر و انتظر بلكت يگلي مشينه
حتى الرضيع ال بالمهد ويّاهم مصعدينه
ضليت أصيح بصوت كلمن نصيبه
و لمّن مشو ظليت مثل الغريبه
لهنا خلص كل الحچي
و بالگوه ضميت البچي
خافن يحسون
و شحال اليفارگ هله
و الروح كلها بكربله
و تباري الضعون
٢/ أصعب شعور اعلى البشر لمن هله يخلونه
محتار لمن ينسأل شيرد عاليسألونه
لو ماخذيني اشگف نبل عالأهل من يرمونه
و عباس لو جاله السهم بعيوني أضم اعيونه
كلمن يريد الماي من عيني أروّيه
و السهم عن عباس بعيوني ألاگيه
الله يسلّم خوّته
و محّد يطيّح خيمته
و باچر يشمتون
و الرايه بيده مدلله
و الروح كلها بكربله
و تباري الضعون
٣/ يا ناگه شيرجعه الضعن هلبت تذكرچ نوگه
ايمرون لو مرة هوى ايشوفون گلبي و شوگه
أصعد على التل الظهر و اشتم خيم محروگه
و ترچيه من رجل الرجل بين الزلم مسحوگه
باچر يصير الراس صوغه بحضنها
و يختلط دم الراس وي دم إذنها
أشبگ عليها بحرگتي
و انطي اليظل من صحتي
للما يردّون
بلساني محبوسه الهلا
و الروح كلها بكربله
و تباري الضعون
٤/ مرعوبه أفز من الحلم ما مستلذه ابنومه
و عبد الله أخافن لا يفز وياي أنوم اهدومه
آنه العليله اتعلعلت صعبة عليّه الگومه
صح عدله بس أهل البچي ايسموني المرحومه
بيّه المرض و الشوگ طاحن سويه
و بالگوه أوصل الروح للمغربيه
أربع حياطين و قهر
حال اليظل بلا سفر
و العنّه يمشون
صبرك يوصلك مرحله
و الروح كلها بكربله
و تباري الضعون
٥/ يا ناگه الحگيهن بعد و احچيلهن عن حيلي
و كلما يتعبن بالسبي صعديهن و سلميلي
و لو شفتي زينب عمّتي حلفيها خل تدعيلي
كل الاعزاز اعلى الرمح و الشمر شمخليلي
فوگ الرمح يمشون رايه اعلى رايه
و القصر كلّه ايطيح يم العبايه
القصر يهتز منبره
نسوان كلها امعتبره
يمهن يدنگون
رغم الحصل راسي اعتله
و الروح كلها بكربله
و تباري الضعون
*الشاعر الموفق علي حسن علوان*
رابط قصيدة "راحوا و عافوني":
https://youtu.be/9bNso5spEF4?si=NDHndn_-93wXlkoD
_
قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane
_
القناة الرسمية للملا مصطفى السوداني على telegram :
https://t.me/Mustafa_Sudane
_
*[ ضاقت الارض بنا ]*
أداء: الملا
#محمد_باقر_الخاقاني
كلمات: الشاعر
#علي_عسيلي_العاملي
https://youtu.be/WpThioi6u_I
مجالس شهر شوال لسنة 1447 هـ - 2026 م
ليالي إستشهاد مولانا الإمام جعفر بن محمد الصادق صلوات الله عليه وآله
عزاء السلطانة فاطمة عليها السلام - العراق - الحلة
مدينة موﻻنا القاسم بن الامام الكاظم عليهما السلام
إخراج وتنفيذ: شركة الراهب للإنتاج الحسيني
اللَّهُمَّ عَجِّلْ لِوَلِيِّكَ الفَرَج
كسرني الشوگ وارماح البعد تكتل
ودمعي ابفرگتك دم مو دمع يهمل..
شلون اتنفس ابغيرك وارد ارتاح..
وانته الهوه ابريتي اليطلع ويدخل..
شعَب دلالي بين ضلوعي هجرك ذاك
وكلسا اشوف طيف الهم علَي مجبل..
إذا حلّت ليالي الجمعه گلبي ايذوب
واشوف ابروحي حال اهواي متبدل
بدت شمس الخميس اتغيب وامن اتغيب
حمره اتخلّي إلها احچاية هالتذهل
نزلت فاطمه الزهره وعليها اخمار
الرسل حرّاسه تبچي امطينه وتعول
وشافت من عله التله اللي ما ينشاف
ومثل زينب بدت للمقتل اتهرول…
اختضبت من دماك وخضبت الاملاك
وصار اخضاب أحمر يطلع وينزل..
يالحتى السمه اعليك وبچت يحسين
دمعي اشعذره مو مثل المطر يهطل
إذا ابگاع الطفوف احجاب ألله وطاح..
وحملها الگلْب اذاً يا شوغه ما يحمل؟
زينب من بچيها مشيّبه الها ارموش
من صوت المهر حين الرجع يصهل
خالي ايصيح طاح الماهي سهله ايطيح
هوَت خيمة حنان الخيّمت عالكل..
يزينب يعني باچر طبة الديوان…
انكتب عالعزّه بين اهل الشماته اتذل..
ومن شام الرزايه الشكوَه لله وليك
كرامه العمّتك يبن الحسن عجل..
#ليلة_الجمعة
💔
#السلام_عليك_يااباعبدالله
💔
#اللهم_عجل_لوليك_المنتقم_الفرج
💔
https://t.me/youssefsoufan
•{نفس المهموم}•
نفس المهموم لنا تسبيح
و بيد الزهراء كل دمعه تطيح
إحيو أمرنا وابچو عالحسين
إحنا الما نضيّع دمعة العين
١/ إبچو هواي إبچو الدمعه ما تنعز
على الرگبه البگت منّ الگُفه تنحز
ثنعش طبره بوريده و كلشي ظل يهتز
بحيث ابنه الرضيع امن الترايب فز
حتى سيف عداه هلّت عيونه من حز وريده
و سكنه صاحت آه لا تذبحونه عوفوه أريده
و الأكبر شاغ و القاسم ناح
من راس احسين شاله الذباح
إبچو الجسمه ذاكه الباقي نصين
إحنا الما نضيّع دمعة العين
٢/ إذا ضگتو العذب بي لذّة بروده
ذكرو الما شرب لو گطره من جودة
العطش نشّف لهاته و ذبّل خدوده
و سگاي الضعينه مگطعه زنوده
و النبي عطشان يصرخ بصوته و شفافه خشبه
و من ونين حسين فزّت الموته و العازة جربه
ما ضاگ الماي ضاگ التربان
من تعطشون ذكرو العطشان
و ابچو اعلى الكفيل بلايه چفين
إحنا الما نضيّع دمعة العين
٣/ إبچو الطفله ماتت عالطشت حسره
ملهوفه اعلى صدره و ما لگت صدره
حچه وياها أبوها حسين من نحره
بس ما سمعته اعلى الإذن منسطره
فتحت الأحضان رادته يجيها و ركضت رقيه
من وريده حسين جاوب عليها ما عندي اديه
شبگته الراس و ترجف الإيدين
مضروبه هواي حس بيها حسين
ضيعتي التراچي گلها لو وين
إحنا الما نضيّع دمعة العين
٤/ إبچو لعمتي زينب غربه غربتها
اركضت مستحيه و مچلبه بعبايتها
على التل لوچبت و الخيل لحگتها
و لو ما دعوة الزهراء سحگتها
حرمه بين الخيل و الزلم كل صوب تنظر عليها
و على وجهه حسين بالرمل مگلوب ما بيه يجيها
إبچوها شلون صعدت عالنوگ
و فرجة اخت حسين صارت بالسوگ
إبچوها لأن مچتوفه الإيدين
إحنا الما نضيّع دمعة العين
٥/ بعد عندي وصيه و تمرد بچبدي
أسولفها و أنا كل حيل ما عندي
مثل ما آنه وصيت البچي لجدي
إبچو هواي إبچو هواي عالمهدي
نفت رقادي غيبته و ما يوم جفني طبگته
وحده لا تنسوه منهضم ملچوم حسّو بغربته
لا لتعوفوه گلبه يأذّيه
يبچي اعلى حسين و انتو ابچو عليه
شگد بيكم بواچي ابچو على الإثنين
إحنا الما نضيّع دمعة العين
*الشاعر الموفق ياسر المطوري*
رابط قصيدة "نفس المهموم":
https://youtu.be/JO_yCfk9Oss?si=tJ5h-FgmM6b7Q6KR
_
قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane
_
القناة الرسمية للملا مصطفى السوداني على telegram :
https://t.me/Mustafa_Sudane
_