Mr Abrarov
Асли угандалик мусулмон бўлган Зоҳран Мамдани кеча ўтган сайлов натижасига кўра Ню-Йорк шаҳар мери (ҳокими) этиб сайланди. У сайловда ютмаслиги учун АҚШдаги Исроил лоббиси тиш-тирноғи билан ҳаракат қилса ҳам Мамдани 50% дан ортиқ овоз билан ғолиб бўлди.
Яна айтишларича, бу сайловда сайловчиларнинг қатнашиш кўрсаткичи охирги ўн йилликлардаги энг юқориси бўлган: кўпроқ ёшлар сайловга келган ва Зоҳран Мамданига овоз берган. Секин-секин АҚШда сионистларнинг таъсири сусайишни бошлади, шекилли.
Ўта ўнг қанот республикачилар ва табиийки, Трамп ҳам бундан қаттиқ ғазабда: қандай қилиб улар қўлламаган номзод сайловда ўтиб кетяпти?
Айтганча, айнан шу Мамдани сайловолди дастурида "Агар мен мер бўлганимда Бенямин Нетаняҳу Ню-Йоркка БМТ Бош Ассамблеясида қатнашиш учун келса, Халқаро Жиноят Суди қарорига амал қилиб уни ҳибсга оламан", деганди. Яъни, у ҳали лавозимига сайланмай туриб ўз ниятини очиқ-ойдин айтган, бунинг ортидан келадиган таҳдидлардан, эҳтимолий муваффақиятсизликлардан қўрқмаган. Ҳақиқий сиёсатчи шундай бўлиши керак, менимча. ("Тақийя" қилавермасдан).
Сионистлар ва Исроил лоббисини қўрқитган нарса ҳам Зоҳран Мамданининг шу баёноти эди.
Musannif Adham
©️
👉
@MrAbrorov
Albaniyada 1944-yilda hokimiyatga kommunistlar keladi. O‘sha paytda aholining 80 foizi musulmon bo‘lgan. Kommunistlar Islomga qarshi jiddiy kurash olib boradi. Imomlar qamaladi, dindorlarning ko‘pchiligi Turkiyaga hijrat qiladi. Natijada ko‘rsatkich 80 foiz musulmondan 52 foizga tushadi. Eng achinarlisi esa, hozirgi kunda dindor qatlam 1 foizga ham yetmas ekan.
P/S. O'zim Angliyada juda ko‘p albaniyaliklar bilan gaplashganman, afsuski ko‘rganlarim orasida birortasi ham dindor emas edi.
P/SS. Alhamdulillah, O‘zbekiston xalqi kommunistlardan keyin ham ancha dindorligini saqlab qolgan ekan.
👉
@MrAbrorov
Кеча Қатардаги араб-мусулмон дунёси лидерлари учрашуви, албатта тарихда қолади. Бу – замонавий тарихда мусулмон дунёсининг биринчи марта формал бирлиги рамзи ҳисобланади. Ҳали мусулмон дунёсининг ички шижоати, қатьияти ва якдиллиги жуда мўрт. Лекин, биринчи марта мусулмон дунёси бўлинмасдан, бир позицияда кўришди, бир позицияда бўлди.
*
20 асрнинг бошларида мутлақ аксарият мусулмон дунёси – ғарбнинг мустамлакаси эди. Асрнинг ўрталарида ва иккинчи ярмида араб-мусулмон дунёси учга бўлинган эди: АҚШ тарафдорлари, СССР тарафдорлари ва “учинчи йўл” вакиллари. Айниқса совуқ уруш араб-мусулмон дунёсини кучли бўлиб ташлади. Совуқ уруш тугагач, АҚШнинг минтақадаги асосий “арзандаси” Исроил ҳаддидан ошиб, оккупациянинг янги босқичига ўтти. Бунга “11-сентябр” ва ундан кейинги вазият жуда қўл келди.
*
2015 йилда ҳам араб лидерлари саммит ўтказди, ўшанда ҳам Миср “келинглар, араб НАТОсини тузайлик!” деди. Лекин, бу “араб НАТОси” Эронга қарши қаратилган бўлиши керак эди. Тарихда биринчи марта Саудия, Қатар, Миср, Туркия, Эрон, Покистон ва бошқа барча араб-мусулмон давлатлари ташқи тажовусга қарши бирлашиб бошлади. Бирон бир араб-мусулмон давлати бу учрашувда бошқача позицияда бўлмади. Ҳатто Исроил билан алоқалари анча қалин бўлган Озарбайжон ҳам “биз тажовускорликни қоралаймиз” дея, формал Исроилдан масофа сақлади.
*
Лекин бу бирлашув мантиқан тўлиқ бирлашув эмас. Чунки, Исроилга қарши чиқиш дегани – АҚШга қарши чиқиш дегани. Араб-мусулмон давлатлари Исроилга қарши чиқаяпти, лекин ҳали АҚШга қарши бора олгани йўқ. Исроил тўхтамайди. АҚШ ҳам Исроилни тўхтатмайди, қўллайверади. Демак, араб-мусулмон дунёси вақти келиб АҚШга қарши чиқиб бошлайди.
*
Ривоятларда айтилга вақтлар келиб қолди. Исроил ўзининг энг катта туғёнга кетган вақти – ҳозир. Демак, яқин ўн йилликларда энг катта урушлар бўлиш эҳтимоли ошиб боради. Дунё иккига бўлинади. Урушларнинг марказида мусулмон дунёси бўлади. Европа – Фаластин томонга ўтиб бормоқда. АҚШда ҳам христианлар ва исроилпарастлар иккига бўлинмоқда. Демак, энг катта бўлиниш АҚШда бўлади.
Kamoliddin Rabbimov
©️
👉
@MrAbrorov
* Бугун домла бўлдим!
Бир "пара" дарс ўтдим!
Самарқанд давлат чет тиллар институти раҳбарлари мени бугун биринчи босқич талабаларига "Мустақиллик дарси" ўтиб бериш учун таклиф қилишди.
Талабалар бўлажак ҳамкасбларим экан! (Бу институтда журналистика факультети борлигини бугун билдим!)
Мен 17-18 ёшли ёш йигит-қизларнинг кўзларида шижоат, Ҳақни излаш, Ҳаққа талпиниш учқунларини кўрдим!
Каримбердига роса топилди-ку?
Бўлажак журналистларнинг мустақиллик ҳақидаги фикрларини остин-устин қилиб ташладим. Бир пара дарсда камида 50 марта "Вау!" "Во-ой!" "Йўғ-эй?!" "Э-э-э!" "И-и-и!" "Наҳотки?!" деган ҳаяжонли изҳорлар янгради!
Мендан кейин энди бирорта домла бу талабаларни "Каримов мустақиллик меъмори" эканига ишонтира олмайди!
Мендан кейин энди бирор инсон бу талабаларни Мустақиллик 1991 йил 1-сентябрда бўлганига ишонтира олмайди!
Мендан кейин энди бирор инсон Мустақиллик учун, ўзбек тили учун майдонларга дўппи кийган оддий инсонлар чиққанини, улар ўқ еганини, улар Мустақиллик учун жон берганини, қон тўкканини билган бу талабаларни Мустақиллик учун Каримов ёки бошқа "каттаконлар" курашганига ишонтира олмайди!
Мендан кейин энди бирор инсон 1990 йилдаёқ қабул қилинган Мустақиллик Деклорациясини кимлар ёзганини билиб олган бу талабаларни бошқа нарсага ишонтира олмайди!
Энди улар Кўкбўридек мард ва ёвқур бўлишга бел боғлашади, чунки, мен уларга "КЎКБЎРИ"ни ўқиб бердим. Кўкбўридан мерос ёвқурликнинг кичик бир уруғини уларнинг қалбига ташладим! Инша Аллоҳ, бу уруғ кўкаради ва мева беради!
Агар бу ёш ниҳолларнинг миясини "ювиб" ташлашмаса!
Айтганча, бўлажак журналистларга ўзимнинг шиоримни айтдим: "Қўрқсанг - ёзма! Ёздингми - қўрқма!"
Яна уларга журналистиканинг ўлмас қонунини эслатдим: "Яхши журналист бўлсанг - отиласан, ёмон журналист бўлсанг, қарғишга қоласан!" Ўзбекистонда эса, рост ёзсанг, Ҳақни ёзсанг, миллат дардини ёзсанг, халқнинг дуосини оласан, аммо ё отиласан ё қамаласан! Ёлғонни ёзсанг, "каттакон"ларга маддоҳлик қилсанг, халқнинг қарғишига қоласан, аммо ҳар Мустақиллик байрамида орден оласан!"
Орден ёстиқчаларда қолади, қабрга ҳам бирга кира олмайди, на дунёда, на охиратда фойдаси бўлмайди! Халқ дуоси эса, сени жаннатга олиб киради!
"Ўзларинг танланглар, сизларга орден, унвон мукофот керакми, миллат дардига дармон бўлиш керакми?" дедим.
Талабалар бугун иккинчисини танлашди!
Мен шунга ишонаман!
Каримберди Тўрамурод
©️
👉
@MrAbrorov
Rosululloh sollallohu alayhi vasallamning yoshlari qamariy hisobda o'lchanib 63 deyiladi. Aslida, 571-yil tug'ilib 632-yil 61 yoshlarida vafot etganlar, shamsiy 33 yilga 1 yil qo'shilishi hisobiga 2 yosh qo'shilgan.
#Mulohaza
Yoshi ulug' insonlarning ba'zilari "homilaning yuragi urganidan boshlab Ona qornidagi yarim yil ham qo'shiladi" deyishadi, lekin bu gap mo'tabar emas.
©️
👉
@MrAbrorov
Fazliddin Madiev yozmoqda:
Savol tug'iladi, a nega O'zbekiston Yaponiya, J. Koreya, Singapur bo'la olmadi. Hech bo'lmaganda Qozog'istondek bo'la olmadi?
Nega bularni sulolasini kallasida faqat Suriya, Afg'oniston bor. Zehni boshqa joyga yetmaydimi bularni a?
👉
@MrAbrorov
Ey, Oʻzbekistonda nima bor?-deyishadi.
16 yildan beri chet elda yashavotgan bo'lsam, bu yillar davomida bir kun ham oʻzimni begona emasdek his qilganim yoʻq.
Manimcha eng katta neʼmat – oʻzingni oʻz uyingda yurgandek his qilishing boʻlsa kerak.
Turkiyada ham, Angliyada ham doim begonadek yashadim.
P/S. Adam etganlaridek: “Oʻz uying – oʻlan toʻshaging”
P/S2. Rasmda man va adam. 2011 yil
👉
@MrAbrorov
Britaniya maktabida bolalarga sumka, suv idishi va formadan boshqa narsa olinmaydi.
Maktab bozori, yarmarka yoki shunga o‘xshash bozorlarni ham ko‘rmaysiz.
Maktab hech qachon uborka, o‘qituvchiga hadya, remont, kitob, daftar, ruchka uchun pul so‘ramaydi. Hammasini maktab ta’minlaydi.
Eng kulminatsiyon nuqtasi esa, 1-sinfdan 6-sinfgacha uy vazifasi berilmaydi. Hammasini sinfda, dars vaqtida bajarishadi.
👉
@MrAbrorov