Namangan viloyati futbol akademiyasi

📹
U-13 va U-14 jamoalarimizning mashgʻulot jarayonlaridan videolavha
📲
t.me/NamanganAcademy

Tarbiyalanuvchimiz “Respublika FA” jamoasi bilan shartnoma imzoladi.
Xabaringiz bor joriy yil Pro Liga chempionatida “Respublika FA” jamoasi ishtirok etadi.
Yosh va umidli futbolchilar bilan tarkibni shakllantirayotgan jamoa safiga yana bir iqtidorli tarbiyalanuvchimiz qoʻshildi.
Birinchiligadagi yorqin oʻyinlarni namoyish etgan Abdugʻofur Abduhalilov “Respublika FA” jamoasi bilan bir yillik shartnoma imzoladi.
Akademiyadagi murabbiylari:
Muslim Saitboyev, Ahmadjon Xolmirzayev, Oʻtkirbek Ergashev.
Tarbiyalanuvchimizga kelgusi futbolchilik faoliyatida omad tilaymiz
📲
t.me/NamanganAcademy

Birinchilagada ishtirok etuvchi “Namangan FA” jamoamiz yangi mavsumga tayyorgarlikni olib bormoqda
📲
t.me/NamanganAcademy

Tarbiyalanuvchimiz “Respublika FA” jamoasi bilan shartnoma imzoladi.
O‘tgan mavsum Birinchiligada ishtirok etuvchi
“Namangan FA”
jamoamiz safida ishonchli harakat qilgan  akademiyamiz tarbiyalanuvchisi Ma’mur Zokirjanov yangi tashkil etilgan va joriy yil Pro Ligada ishtirok etuvchi
“Respublika FA”
jamoasi bilan bir yillik shartnoma imzoladi.
Akademiyadagi murabbiylar
:
O‘tkirbek Ergashev, Rahimjon Bozorov, Timur Sultanov, Xasan Rizayev
Tarbiyalanuvchimizning kelgusidagi faoliyatida omad tilaymiz
📲
t.me/NamanganAcademy

Otabek Otaboyevni tabriklaymiz
Bugun Namangan viloyati futbol akademiyasi murabbiyi Otabek Otaboyev tavallud ayyomini nishonlamqda.
Ushbu ayyom munosabati bilan Otabek Otaboyevga uzoq umr, sihat-salomatlik tilab qolamiz.
📲
t.me/NamanganAcademy

Namangan viloyati futbol akademiyasi "8-mart — Xalqaro xotin-qizlar kuni" munosabati bilan akademiyamizda faoliyat yuritayotgan barcha ayol xodimalarni hamda yurtimizdagi aziz opa-singillarimizni samimiy muborakbod etadi.
Sizlarga mustahkam sog‘lik, oilaviy baxt-saodat, cheksiz quvonch va ish faoliyatingizda ulkan muvaffaqiyatlar tilaymiz. Har doim hurmat-ehtiromda bo‘lib, jamiyatimiz ravnaqi va kelajak avlod tarbiyasida qo‘shayotgan beqiyos hissangiz bardavom bo‘lsin.
Bayramingiz muborak bo‘lsin!
🌸
💐
📲
t.me/NamanganAcademy

Muslim Saitboyev murabbiyligidagi “Namangan FA” jamoasi yangi mavsum oldidan o‘quv-yig‘in mashg‘ulotlarini izchil davom ettirmoqda. Jamoa birinchilik bahslariga har tomonlama puxta tayyorgarlik ko‘rish maqsadida mashg‘ulot jarayonlarini yuqori saviyada tashkil etib, futbolchilarning jismoniy, texnik va taktik tayyorgarligini yanada mustahkamlashga alohida e’tibor qaratmoqda.
Ayni paytda jamoa tarkibini shakllantirish jarayonida akademiyamizning iqtidorli tarbiyalanuvchilari faol ravishda jalb etilib, murabbiylar shtabi tomonidan sinovdan o‘tkazilmoqda. Ushbu jarayon orqali yosh futbolchilarning salohiyati, o‘yin intizomi talablariga mosligi batafsil o‘rganilmoqda.
Tayyorgarlik jarayonining muhim qismi sifatida bir qator jamoalarga qarshi o‘rtoqlik uchrashuvlarida ham maydonga tushmoqda. Ushbu nazorat bahslari murabbiylar shtabiga futbolchilarning amaliy o‘yin jarayonidagi holatini baholash, turli taktik variantlarni sinab ko‘rish hamda jamoaviy uyg‘unlikni yanada mustahkamlash imkonini bermoqda.
“Namangan FA” jamoasining asosiy maqsadlaridan biri — o‘tgan mavsumdagi natijalarni yanada yaxshilash, yosh va iste’dodli futbolchilarga keng imkoniyat yaratish hamda ularni professional futbol klublari va turli yosh toifasidagi terma jamoalarga yetkazib berishdan iborat. Shu bois yangi mavsumda jamoa tarkibida asosan akademiya tarbiyalanuvchilariga va yoshlarga katta ishonch bildirilmoqda.
Murabbiylar shtabi yosh futbolchilarning o‘sishi va rivojlanishi uchun barcha zarur sharoitlarni yaratib berish bilan birga, jamoaning o‘yin falsafasini shakllantirish, jamoaviy uyg‘unlikni mustahkamlash hamda raqobatbardosh tarkibni shakllantirish ustida izchil ish olib bormoqda.
“Namangan FA” jamoasi yangi mavsumda nafaqat yuqori natijalarni ko‘zlab maydonga tushadi, balki kelajakda mamlakat futboli rivojiga xizmat qiladigan iqtidorli futbolchilarni yetishtirishni ham o‘z oldiga muhim vazifa qilib qo‘ygan.
📲
t.me/NamanganAcademy

Birinchiligada ishtirok etuvchi jamoamizning tayyorgarlik jarayoni davom etmoqda
📲
t.me/NamanganAcademy

U-15 va U-16 jamoalarimizning gʻalabali seriyasi davom etdi, U-14 esa imkoniyatni boy berdi.
Bugun
Akademiyalar chempionati–2026
musobaqasining navbatdagi 2-tur uchrashuvlari bo‘lib o‘tdi. Ushbu turda jamoalarimizga Respublika FA jamoalari raqiblik qilishdi.
A’zamjon Roʻziyev va Shavkat Jalilov murabbiyligidagi
U-16 jamoamiz
murosasiz kechgan uchrashuvda raqibini
2:1
hisobida mag‘lub etib, g‘alabali yurishini davom ettirdi.
Elmurod Nizambayev va Otabek Otaboyev boshqaruvidagi
U-15 jamoamiz
ham ishonchli o‘yin namoyish etib, raqibini
4:0
hisobida yirik g‘alaba bilan taslim etdi.
Hurshid Yuldashev va Rahimjon Bozorov murabbiyligidagi
U-14 jamoamiz
esa yaxshi harakat qilganiga qaramay, afsuski uchrashuvni
2:4
hisobida boy berdi.
2010-yillar U-16
“Respublika FA” 1-2 “Namangan FA”
2011-yillar U-15
“Respublika FA” 0-4 “Namangan FA”
2012-yillar U-14
“Respublika FA” 4-2 “Namangan FA”
📲
t.me/NamanganAcademy

8-mart — Xalqaro xotin-qizlar kuni munosabati bilan akademiyamizda faoliyat olib borayotgan ayol xodimlar uchun bayram sovgʻalari tantanali ravishda taqdim etildi.
Hurmatli va aziz ayollar
Sizlarni ushbu goʻzal bahor ayyomi — 8-mart Xalqaro xotin-qizlar kuni bilan chin qalbimizdan samimiy muborakbod etamiz. Sizlar jamiyatimizning goʻzalligi, mehr-oqibati va ilhom manbaisiz. Akademiyamiz ravnaqi, rivoji hamda jamoamizdagi iliq muhitni yaratishda sizlarning fidokorona mehnatingiz va beqiyos hissangiz alohida ahamiyat kasb etadi.
Bayramingiz muborak bo‘lsin!
📲
t.me/NamanganAcademy