Nukta | Fikriy uyg'oqlik

Hay ibn Yaqzon
Uyg'oqning farzandi tirikvoy)
Nukta

Haqiqatni aytgandan haqiqatni eshitgan ko'proq qo'rqadi.
©
Ibrohim Haqqul
Nukta

Oylarni tejayman deb yillarni yutqazishadi. Ba’zida butun yoshlikni. Matematika o’rganishni xohlab keladi. Sabr bilan o’qisa 1–1.5 yilda tugatib qo’yadigan boshlang’ich bilimi bo’ladi. Tezroq natija xohlaydi. Potensialidan ko’ra ko’proq bosim so’raydi.…

Oylarni tejayman deb yillarni yutqazishadi. Ba’zida butun yoshlikni.
Matematika o’rganishni xohlab keladi. Sabr bilan o’qisa 1–1.5 yilda tugatib qo’yadigan boshlang’ich bilimi bo’ladi.
Tezroq natija xohlaydi. Potensialidan ko’ra ko’proq bosim so’raydi. Yukni ko’tara olmaydi. Yakunda o’rganishni tashlaydi.
Daromadini tezroq oshirishni xohlaydi. Sohasini o’rganmasdan qisqa muddatli daromadi uchun o’rganishi shart bo’lganlarini orqaga suradi.
Jiddiy o’ylab ko’rsa. Maqsadlarini unutayotgani uchun “pora” olib yurgan bo’ladi. Faqat nomlanishi boshqa xolos. Maosh.
Insoniy iffatini unutib qo’yadi. Qadriyatini chetga surib maqtalish uchun maqtaydi. Natijada obro’ga ham erishadi. Ammo qisqa muddatda yerga ko’mib tashlanadi.
Xulosa
Pul, mansab, obro’ va ilm. Shularga sabrli bo’laver. Tez ko’tarilayotganlarni qattiqroq qulayotganlarini ko’ryapman.
@javokhir_toshpulatov

Menga insoniylikdan so'zlang.
©
Robert Frost
Nukta

JIMLIK ILMI
Kaftingni siqqanday Xoʼjai Xizr
unvonlar seniki,
minbar seniki,
seniki,
shaharning eng suluv qizi.
Faqat sen jim yasha –
Hammasi goʼzal!
Nodonlar oʼlimin boʼyniga olib,
arzimas vijdonga sotilib ketar.
Huda-behudaga hayqiriq solib,
oqibat itdayin otilib ketar.
Faqat sen jim yasha –
Hammasi goʼzal!
Haqiqat tilanma oʼgʼriyu gʼardan,
ming yillik pokiza qoningni bulgʼa.
Yuzingni ters burib bechoralardan,
qarsaklar ichida kun sayin ulgʼay.
Yoqangdan ilishsin:
“Аyt, nega jimsan?”
Xulosa qilishsin: "Toʼydirishgandir.
Tarixda boʼlganmi sendayin kimsa,
boʼlsa-da, pushtini kuydirishgandir?"
Eʼtibor bermagin ularga inim,
kaftingni siqqanday Xoʼjai Xizr
unvonlar seniki,
minbar seniki,
seniki,
shaharning eng suluv qizi.
Bariga mardona jimliging sabab!
Аjabmas,
holinga achinib Egam
kirgizib yuborsa
jannatiga ham.
Faqat sen jim yasha –
Hammasi goʼzal!
©
Jontemir
Nukta

— G'aflat bosganlardan shoir chiqmagay!
Tirikligida
Xalq shoiri unvonini
maddohlarcha olishdan hazar qilgan tirik shoir baribir o'lmagay!
Nosirjon Ustoz yozganlaridek:
Xudoning ko'zida turibdi har ish—
Mumkinmas bir on ham riyoga chalg'ish.
"Onajon Vatan!" deb , Vatandan olqish
Kutib o'sganlardan shoir chiqmagay.
P.s: Bugun eshitgan eng yaxshi xabarim)
Nukta

Rauf Parfi
shaxsiyati ertaga to'liq umumiylashtiriladi, keyin yangi shaxsiyat ochiladi!
Xo'sh, kim deb o'ylaysiz?
Nukta

Rauf Parfi she'riyatidagi obrazlar
:
Naqadar uzundir, og‘irdir bu yo‘l,
Dalalar yastanib yotar ko‘k kabi.
Tig‘lab xotiramni osmon – cheki yo‘q,
Tizginsiz bu shiddat kenglik asabi.
Ushbu she'rni o'qib keyin unga qilingan sharhdan keyin qayta o'qing, o'zizda ham ancha fikrlar keladi...
https://raufparfi.uz/archives/387
Nukta

Yozilganlarni hazm qilyapsizlarmi? Yoki dozani oshiramizmi?