SHOFIRKON.UZ | RASMIY

#Yil_yakuni
Yil yakuni: deputatlar va aholi manfaatlari yo‘lida yangi maqsadlar belgilandi
O‘zLiDeP tuman kengashi raisi T. Yo'ldosheva rahbarligida o'tkazilgan navbatdagi yig‘ilish joriy yil yakuniga bag‘ishlanib, o‘tgan davrda amalga oshirilgan ishlar, erishilgan natijalar hamda kelgusi rejalar yuzasidan keng ko‘lamli muhokamalarga boy bo‘ldi. Unda kengash kotibiyati, O‘zLiDeP tuman kengashi deputatlari ishtirok etdi.
👉
Batafsil:
Shofirkon tumani hokimligi axborot xizmati

#Sessiya_18
Xalq deputatlari Shofirkon tuman kengashining navbatdagi 18-sessiyasi yakunida kun tartibidagi masalalar yuzasidan deputatlar tomonidan bildirgan fikr va mulohazalar atroflicha muhokama qilindi.
Deputatlar o‘z takliflari, mavjud muammolarni bartaraf etish bo‘yicha tavsiyalari hamda muhim yo‘nalishlarga oid tashabbuslari bilan chiqish qildilar. Muhokamalar davomida ilgari surilgan takliflar kelgusi rejalar va amaliy chora-tadbirlar belgilanishida inobatga olinadigan bo‘ldi.
Shu bilan 18-sessiya o‘z ishini yakunladi.
Shofirkon tumani hokimligi axborot xizmati

#Sessiya_18
Shofirkon tuman kengashining navbatdagi 18-sessiyasida kun tartibidagi 3-masala — suv resurslaridan foydalanish samaradorligini oshirish bo‘yicha amalga oshirilayotgan ishlar holati ko‘rib chiqildi.
Mazkur masala yuzasidan “Suv yetkazib berish xizmati” DM direktori Aminov Feruz tomonidan hisobot taqdim etildi.
Hisobotda tumanda irrigatsiya suvi ta’minotini yaxshilash, mavjud tarmoqlarni modernizatsiya qilish, eskirgan quvurlarni bosqichma-bosqich almashtirish, suv yo‘qotishlarini kamaytirish hamda aholiga sifatli xizmat ko‘rsatishni ta’minlash bo‘yicha amalga oshirilayotgan ishlar batafsil yoritildi.
Sessiya davomida suv ta’minoti bilan bog‘liq mavjud muammolar, ularni bartaraf etish mexanizmlari, suvdan oqilona foydalanish va infratuzilmani yaxshilashga qaratilgan reja va takliflar deputatlar tomonidan muhokama qilindi.
Taqdim etilgan chora-tadbirlar istiqbolda tumanda suv ta’minoti sifatini oshirish, aholining barqaror suv bilan ta’minlanishini ta’minlashga xizmat qilishi ta’kidlandi.

#Sessiya_18
Kun tartibining 2–3-masalalari —aholiga qulay sharoitlar yaratish, ijtimoiy-iqtisodiy va tashkiliy-amaliy muammolarni bartaraf etish, shuningdek, tuman mahalliy budjetining qo‘shimcha manbalari hisobidan mablag‘larni yo‘naltirish masalalari ko‘rib chiqildi.
Ushbu masalalar yuzasidan tuman iqtisod va moliya bo‘limi boshlig‘i o‘rinbosari Namoz Naimov tomonidan axborot berildi.
Sessiya davomida aholi yashash sharoitlarini yaxshilash, infratuzilma obyektlarini ta’mirlash va rivojlantirish, ichki yo‘llarni tartibga keltirish, ijtimoiy soha muassasalarini qo‘llab-quvvatlashga qaratilgan chora-tadbirlar muhokama qilindi. Mahalliy budjetning qo‘shimcha manbalari hisobidan yo‘naltirilishi ko‘zda tutilgan mablag‘larning aniq yo‘nalishlari deputatlar tomonidan ko‘rib chiqildi va tegishli takliflar bildirildi.
Mazkur qarorlar hududda aholiga ko‘rsatilayotgan xizmatlar sifatini oshirish, qulay va xavfsiz yashash sharoitlarini yaratish, muammolarni bosqichma-bosqich hal etishga xizmat qilishi ta’kidlandi.

#Sessiya_18
Kun tartibidagi 1-masala ya'ni tuman hududida jinoyatlarning barvaqt oldini olish, huquqbuzarliklarning oldini olish va ularning kelib chiqishiga sabab bo‘layotgan omillarni bartaraf etish masalasi muhokama qilindi.
Ushbu masala yuzasidan Shofirkon tumani prokurorining katta yordamchisi Ozod Farmonov tomonidan 2025 yilning 3-choragi yakunlari bo‘yicha axborot taqdim etildi.
Hisobotda ta’kidlanishicha, tumanda qonuniylikni mustahkamlash, fuqarolarning huquq va erkinliklarini himoya qilish, jinoyatchilik hamda huquqbuzarliklarning oldini olish borasida bir qator samarali ishlar amalga oshirilgan. Prokuror nazorati, avvalo, aholining ijtimoiy himoyasi, ish haqlarining o‘z vaqtida to‘liq to‘lanishi, bandlikni ta’minlash, tadbirkorlik subyektlarining huquqlarini himoya qilish va budjet mablag‘larining maqsadli sarflanishi yo‘nalishlarida kuchaytirildi.
Chorak yakuniga ko‘ra tumanda 177 ta jinoyat qayd etilib, umumiy jinoyatchilik o‘tgan yilga nisbatan 6,6 foizga oshgan. Shu bilan birga, oldini olish mumkin bo‘lgan jinoyatlar 33,7 foizga kamaygan, aniqlangan jinoyatlar esa 55 tadan 82 taga oshgan.
Jinoyatchilikka qarshi kurashish bo‘yicha o‘tkazilgan 18 ta tekshiruv davomida aniqlangan qonunbuzilishlar yuzasidan 51 nafar shaxs intizomiy javobgarlikka tortilgan. Tumanda bezorilik, oilaviy zo‘ravonlik, talonchilik, bosqin va nomusga tegish kabi og‘ir toifadagi jinoyatlar sodir etilmagan. Ayrim jinoyat turlarida esa sezilarli pasayish kuzatilgan: firibgarlik 36 foizga, o‘rtacha og‘ir tan jarohati yetkazish 56,3 foizga, o‘g‘rilik 9,1 foizga kamaygan.
Shu bilan birga, yo‘l-transport hodisalari va ayrim turdagi bezoriliklar bo‘yicha biroz o‘sish qayd etilgan.
Tahlil natijalariga ko‘ra, tumandagi 49 ta mahalladan:
4 tasi “qizil”,
17 tasi “sariq”,
28 tasi “yashil” toifaga mansub deb belgilandi.
Jinoyatchilikning oldini olish maqsadida mahallalarda “Jamoatchilik nazorati maskanlari” tashkil etildi, ko‘cha va yo‘laklarga videokuzatuv kameraları o‘rnatildi, tunda patrullik yo‘nalishlari yo‘lga qo‘yildi.
Aholi bilan muntazam uchrashuvlar tashkil etilib, muammolar joyida o‘rganilmoqda.
Shofirkon tumani hokimligi axborot xizmati

#Sessiya_18
Xalq deputatlari Shofirkon tuman kengashining navbatdagi 18-sessiyasi bo‘lib o‘tdi
Bugun Shofirkon tuman hokimligida Xalq deputatlari tuman kengashining navbatdagi 18-sessiyasi o‘tkazildi. Sessiyaga tuman hokimi Alisher Fayzilloyev raislik qildi.
Majlisda deputatlar, korxona va tashkilotlar rahbarlari ishtirok etib, kun tartibidagi masalalar yuzasidan tegishli muhokamalar olib borildi.
Shofirkon tumani hokimligi axborot xizmati

#Munosabat
RASMIY MUNOSABAT
Joriy yil dekabr oyida
“Imkon”
savdo majmuasida chiqindilar o‘z vaqtida tashib ketilmayotgani bo‘yicha tarqalgan video lavha keng jamoatchilik e’tiboriga havola etilgan.
👉
Batafsil
:
Shofirkon tumani hokimligi axborot xizmati

#Ochiq_eshiklar_kuni_Shofirkonda
“Aksilkorrupsiya oyligi” doirasida "Shofirkon korrupsiyadan xoli hudud" mavzusida Ochiq eshiklar kuni tadbiri o‘tkazildi
9-dekabr — Xalqaro korrupsiyaga qarshi kurashish kuni munosabati bilan mamlakatimiz bo‘ylab o‘tkazilayotgan an’anaviy “Aksilkorrupsiya oyligi” doirasida Shofirkon tumani hokimligida “Ochiq eshiklar kuni” tadbiri bo‘lib o‘tdi.
👉
Batafsil
:
Shofirkon tumani hokimligi axborot xizmati

#Munosabat
RASMIY MUNOSABAT
Joriy yilning dekabr oyida Ko‘rishkent mahalla fuqarolar yig‘inida umumfoydalanishdagi yo‘lni asfaltlashtirish masalasiga oid videolavha e’lon qilingan.
👉
Batafsil:
Shofirkon tumani hokimligi axborot xizmati