Soyadagi siyosatchilar
“Маҳалла еттилигини тубдан текшириш вақти келди!”
Жин урсин, бир ойдан ошдики Андижон шаҳар “Қўшариқ” МФЙда истиқомат қилувчи ёлғиз аёл, ижтимоий реестрда турган фуқаро Ё.Юнусова 2025 йил ноябрдан буён оёғидаги оғир шифокорий муаммоси билан курашиб келмоқда. У ҳар куни МФЙ еттилигига боради, эшигини тақиллатади, ҳужжат топширади, мурожаат қилади — аммо бир ойдан бери муаммоси ҳали ҳам ҳал қилинмаган.
Фуқаро оғир аҳволда туриб ҳам:
• бормаган эшиги қолмади,
• шикоят қилмаган идораси қолмади,
• аммо МФЙ еттилиги томонидан амалий ёрдам берилмади.
Энди тушунарли бўлди: нега ёлғиз аёлнинг мурожаати инкор этилаётгани. Ижтимоий тармоқларда тарқалган ҳужжатда “Қўшариқ” МФЙ еттилиги ҳақида жиддий иддаолар келтирилган:
“Ассалому алайкум. Ижтимоий ҳимоядаги ёрдам пулларини текшириш керак. Ҳақиқий ночор оилаларга етмаяпти. 50% МФЙ еттилиги ўз танишларини рўйхатга ўтказишади, бошқаларники нимагадир ўтмайди. Масалан, Андижон шаҳри Қўшариқ МФЙ масъуллари битта уйда туриб, 1 млн лимитга берилган пулни хотинига ҳам, ажрашиб бирга яшаётган қизига ҳам берган дейишмоқда. Бу каби ҳолатлар кўп", — дейилган хабарда.
Бу маълумотлар — фуқаролар томонидан билдирилган шикоят ва иддаолар. Агар улар тасдиқланса, бу оддий камчилик эмас, балки тизимли суистеъмол белгиларидир. Энг аламлиси — ҳақиқий ночор аёлнинг мурожаати эътиборсиз қолмоқда. Ижтимоий реестрда туриб, оғир шифокорий муаммо билан юраётган фуқаро ёрдам кутаётган бир пайтда:
• адолатсизликка оид шикоятлар кўпайяпти;
• иддаолар юзасидан бирон текширув ўтказилмаяпти;
• МФЙ еттилиги фуқаролар ишончини йўқотмоқда.
Аҳолининг талаби очиқ ва оддий:
❗️
МФЙ еттилиги фаолияти тўлиқ текширилсин,
❗️
Ижтимоий ёрдам тақсимоти шаффоф ва адолатли бўлсин,
❗️
Ё.Юнусованинг мурожаати шошилинч тарзда ҳал этилсин,
❗️
Тасдиқланса — масъул шахслар қонун доирасида жавобгарликка тортилиши керак.
Чунки: “Халқдан юз ўгирган МФЙ — маҳалла эмас, муаммолар манбаи.”
Soyadagilarga ham ulashing
❗️
📌
https://t.me/Soyadagi
Channel photo updated
Channel photo removed
Humans MChJ банкрот деб топилган!
2025-йил 14-октябрда Тошкент туманлараро Иқтисодий суд “Humans” MChJни РАСМАН банкрот деб эълон қилди.
Бироқ компания тўлиқ ёпилгани йўқ — ҳозирча ликвидация жараёни кетмоқда. Бу дегани, компаниянинг актив ва мажбуриятлари суд назоратида тартибга солинади.
Шу билан бирга, Octagram AJ орқали Humans иловасида амалга оширилган барча тўлов хизматлари вақтинча тўхтатилган.
Soyadagilarga ham ulashing
❗️
📌
https://t.me/Soyadagi
#Таъзия
Инна лиллаҳи ва инна илайҳи рожиун
Устоз журналист Элмурод Эрматовга волидаи муҳтарамалари вафоти муносабати билан чуқур ҳамдардлик билдиради.
Жаноза шом намозидан кейин.
Манзил: Олтинкўл тумани, Иттифоқ маҳалласи. Ўтганларнинг охирати обод бўлсин!
Soyadagilarga ham ulashing
❗️
📌
https://t.me/Soyadagi
Шаҳар солиқ инспекцияси нега қонунга амал қилмайди?
Фуқаро Р.Қўчқарова бу йил июнь ойида Андижон шаҳар солиқ инспекциясига оддий, қонуний, ҳар бир фуқаро ҳуқуқига кирувчи масала – ипотека тўловлари бўйича 12% даромад солиғини қайтариб бериш учун мурожаат қилган.
Бироқ орада ½ йил ўтди. Аммо солиқ инспекциясида жимлик. На мурожаат кўриб чиқилди, на жавоб қайтди. Фуқарони сарсон қилган “Отангга бор – онагга бор” афсуски, солиқнинг кундалик иш услубига айланиб бўлгандай.
Савол: Андижон солиқ инспекциясида қонун ишлаяптими ўзи?
🔹
Мурожаатлар шунчаки қоғоз қоралаш учунми?
🔹
Ёки фуқароларнинг ҳуқуқи сизлар учун арзимас бир нарсадекми?
🔹
Инспекцияда мурожаатлар билан ишловчи масъул йўқми?
🔹
Ёки қонун талаблари стол текислаш учунгина керакми?
Солиқ иловасида ариза 23.06.2025 гача кўриб чиқилиши лозим деб аниқ ёзилган. Бироқ амалда муддат бир неча ой аввалёқ бузилган. Шундай экан, қонун фуқаро учун – мажбурият, аммо солиқ идораси учун – ихтиёриймасми?
Soyadagilarga ham ulashing
❗️
📌
https://t.me/Soyadagi
Ижтимоий ҳимоя миллий агентлиги директори: Ҳурматли, Мансурбек Полвонзода!
Андижон шаҳрида фуқароларнинг ҳаётий аҳамиятга эга бўлган муаммолари маҳаллий ижтимоий ҳимоя тизимидаги лоқайдлик сабабли ойлаб ҳал этилмаётган вазият юзасидан Сизга мурожаат қиляпмиз.
Ёлғиз аёл, ижтимоий реестрда турган фуқаро Ё.Юнусова бир неча йиллардан буён оёғидаги оғир касаллик билан курашиб келмоқда. Давлат тиббий суғуртаси асосида операция олиш ҳуқуқига эга, барча ҳужжатларини тайёрлаган. Фақат битта ҳужжат — ижтимоий ҳимоя ходими томонидан берилувчи тавсиянома қолган.
Бироқ 2025 йил ноябрдан буён, яъни қарийб бир ойдан ортиқ вақт, Андижон шаҳар “Қўшариқ” МФЙ ижтимоий ходими мазкур тавсияномани беришни ҳар хил баҳоналар билан кечиктирмоқда. Фуқаро бир неча бор мурожаат қилган, аммо амалий ёрдам ҳам, аниқ жавоб ҳам берилмаган.
Ижтимоий ходимнинг фуқарога айтган ягона гапи: “Ҳамма ишни Республика ҳал қилади, мен ҳужжатларни жўнатганман. У ёқдан тасдиқ келса кейин бериб қўяман”.
Шу ўринда асосли савол туғилади:
• Агар барча ишни Республика ҳал қилса, унда вилоят ва шаҳар даражасидаги ижтимоий ҳимоя бўлимлари, МФЙ тизими нима учун мавжуд?
• Нега фуқаронинг ҳаёт учун муҳим масаласи бир ой давомида кўриб чиқилмаяпти?
• Маҳаллий раҳбарлар қуйи тизимдаги бу лоқайдликни нега назорат қилмаяпти?
Ҳурматли, Мансурбек Полвонзода! Юқорида баён этилган ҳолат бўйича:
• Махаллий ижтимоий ҳимоя ходими,
• МФЙ раҳбарияти,
• Шаҳар ва вилоят ижтимоий ҳимоя бўлимлари
Фаолиятини ўрганиб чиқилиши ва қонун доирасида аник чоралар кўрилишини сўраймиз. Фуқаролар ҳаёти, саломатлиги ва ҳуқуқларини таъминлашда маҳаллий тизимнинг бундай лоқайдлиги — йўл қўйиб бўлмайдиган ҳолат деб ҳисоблаймиз!
Soyadagilarga ham ulashing
❗️
📌
https://t.me/Soyadagi
❗️
Ижтимоий ходимлар фуқарони “пора бермасанг ишинг битмайди” деб ишора қилиш даражасига тушдими?
Андижонда яна бир аёлнинг сарсони - ижтимоий ҳимоя тизимидаги чиркиникларни фош этмоқда. Ўзини танитган Андижон шаҳар “Баркамол” МФЙ, 4-кичик даха 24-дом 6-кв Н.Хасанова (28.01.1983) — икки нафар фарзанднинг ёлғиз онаси. 15 йилдан буён ижарада, номида уй-жой ҳам, машина ҳам йўқ. Аёллар дафтарида туради, камбағаллик реестрида ҳам бор деб тахмин қилади. Аммо шу кунгача на бола пули, на бирор ёрдам олган.
Савол: Нега? 2025-йил сентябрда бола пули учун ариза берган. Лекин МФЙ ижтимоий ходими унга хулоса чиқармаётгани, ҳужжатни “айлантириб юргани” фуқарода шубҳа уйғотган. Унинг айтишича: “Гўёки чунтгидан тўласа керак. Шу учун хулосани аниқ ёзмаяпти шекилли.” Бу оғир айблов. Лекин энг оғири — бу айбловнинг бугунги кунда ҳеч кимни ҳайратга солмаётганида. Тизимга ишонч шунчалик емирилганки, фуқаронинг биринчи ўйи “йўл-пул сўраяпти”, деган гумондан бошланади.
❗️
Ижтимоий ҳимоя – фуқаро ҳақ-ҳуқуқини ҳимоя қилувчи идорами ёки ким қанча тўласа тезроқ “ёриб берадиган” бозорми?
Ҳар йили минглаб фуқаро “Аёллар дафтари”, “Камбағаллик реестри”, “Ижтимоий ҳимоя ягона реестри” деган номлардан умид қилади. Аммо амалда нима?
— Ариза топширилади.
— Хулоса ойлаб йиллаб ёзилмайди.
— Ҳужжатлар “айланади”.
— Ҳар фуқаро ўз дарди билан сарсон.
Ва энг ачинарлиси — пора беришга шама қилиш оддий вазиятдек қабул қилинмоқда.
❗️
Savol: Аёл ёлғиз она, 15 йилдан буён ижарада. Фарзандлари 7 ёш ва 3 ёшга етмаган. Номида ҳеч нарса йўқ. У қарор талабларига тўлиқ мос, ёрдам олиш ҳаққи бўлган тоифада. Унда нима учун бир йилдан буён унинг аризаси ечимсиз? Ижтимоий ходимлар нега фуқарога “норасмий ишора” қилиб иш тутяпти? Бу кимнинг манфаати? Бу кимга керак?
Ижтимоий ҳимоя тизими одамлар ҳаётини енгиллаштириш учун яратилган. Лекин реал воқеликда фуқаролар идорадан-идорага сарсон бўлиб, “пора берсанг ишинг тез битарди” деган қарамлик тузоғига солинмоқда. Бу тизимда шунчаки “бахона” ёки “учрашувга кел” каби жавоблар билан инсон тақдири ҳал қилиб бўлмайди.
Soyadagilarga ham ulashing
❗️
📌
https://t.me/Soyadagi
Умр бунчалар тез ўтади деб ўйламагандим…
2018 йил. Ўзбекистон терма жамоасининг собиқ бош мураббийи Самвел Бабаян футболдан бир умрга четлатилгани ҳақида қарор чиққанди. Қарор қаттиқ эди, таъбир жоиз бўлса “футболга қайтмасликка ҳукм” берилгандай эди.
Аммо биз билган Бабаян “ўтда ёнмас, сувда чўкмас” эканини яна бир бор исботлади. Бутун умрга четлатиш ҳам унга “умр” бўлиб бермади — ортидан айланма йўллар, қўлланган механизмлар ва сирли эшиклар орқали яна футболга қайтишга муваффақ бўлди.
Энг қизиғи — энди у “Андижон” клуби Ultras Burgut фан-клубига раҳбарлик қилади. Қарор қаерда? “Умрбод” қаерда? Мухлислар эса ўша-ўша саволда:
— Футболда умрбод жазо дегани умрнинг қайси қисмигача амал қилади?
Soyadagilarga ham ulashing
❗️
📌
https://t.me/Soyadagi
Аллоҳ асрасин: Газ балон портилса, ким жавоб беради?
Андижон шаҳар “Қўшариқ” МФЙ, 23-б уй фуқаролари беш йилдирки табиий газсиз яшашга мажбур. Қишда иситиш учун газ балон ёқиш — улар учун ягона чора. Аммо Аллоҳнинг ўзи сақласин, агар газ балон портилса — неча инсон нобуд бўлади? Болалари, қариялари, бутун оилалар ечилмаган муаммо туфайли ҳалокатга юз тутиши мумкин.
Шу оғир хавф устида турган хонадонларда бир савол жавобсиз турибди: Газ балон портилса, ким жавоб беради? Фуқаролар бу муаммони беш йил давомида қуйидаги идораларга етказишган: Андижон шаҳар ҳокимлиги — ўз вақтида амалий натижа кўрсатмаган. Ҳудудий газ раҳбарлари — баҳона, кечиктириш, мумкин эмас деган ваъдалар.
МФЙ масъуллари — ҳаммаси “тепадагилар”га юклаган. Агар, Худо сақласин, фожеа рўй берса: Айбдор ким? Ҳокимми? Газ таъминоти раҳбарларми? Ёки энг осон йўл — ҳаммаси яна МФЙга юкланадими? Фуқароларнинг қонуний талаби битта: - “Бизга ваъда эмас, натижа керак. Газ улансин. Хавф олиб келаётган вазият бартараф этилсин.”
Беш йиллик муаммо — бу техник носозлик эмас, бепарволик. Газ балонида юз берган ҳар бир портлаш — оддий одамларнинг айби эмас, мутасаддиларнинг вақтида амал қилмагани.
Soyadagilarga ham ulashing
❗️
📌
https://t.me/Soyadagi