Til va adabiyot ta’limi
#xushxabar
O‘zbekiston Yozuvchilar uyushmasida Vatan himoyachilari kuniga bag‘ishlangan
“Posboniman muqaddas yurtning”
insholar, hikoyalar va sheʼrlar tanlovida
"Til va adabiyot ta'limi"
jurnali
bosh muharrir o'rinbosari Najmiddin Ermatov
g'olib bo'ldi.
Aytgancha,
"Shoir kim?"
ruknining galdagi qahramoni ham aynan
Najmiddin Turon
. Uning er yigitlar va er qizlarga atalgan bayram tabrigini o‘qing.
* * *
QO‘RBOSHILAR QO‘SHIGʻI
Shimoldan yog‘iy kelar
Talab qilib Turonni,
Ming asr esh bo‘lsak ham
Bizga qo‘shilmas qoni,
O‘rningdan qo‘zg‘al endi,
Turkiy elning o‘g‘loni,
Tulporingga qamchi ur
Selday qalqi, bovurim,
Bizlardan shon so‘rmoqqa
Vatan haqli, bovurim.
Turonning er-u qizi
To azaldan mard kelar,
Turklar dunyo so‘rar deb
Qadimdan bir shart kelar,
Dushmanga qul bo‘lganning
Avlodi nomard kelar,
To abad tinmasin-a
Meros charxi, bovurim,
Bizlardan or so‘rmoqqa
Vatan haqli, bovurim.
To‘tiga oshno bulbul
Chamanga arzimaydi,
Dushmandan qochib o‘lgan
Kafanga arzimaydi,
Mustabidga qul elat
Vatanga arzimaydi,
Balki ko‘rar umrning
Keldi gashti, bovurim,
Bizlardan hol so‘rmoqqa
Vatan haqli, bovurim.
Turkiy elat boshida
Begona taxt ko‘rmasin,
Bosh egar omonlikni
O‘ziga baxt ko‘rmasin,
Kun kelib farzandini
Yovga ulfat ko‘rmasin,
O‘zliging ko‘rsatmoqning
Keldi vaqti, bovurim,
Bizlardan kor so‘rmoqqa
Vatan haqli, bovurim.
Bobomdan meros vatan
Bolamga meros o‘tsin,
Shuuriga mangulik
Uyg‘otar ovoz o‘tsin,
Yovga qahri qattiqlik
Turkiylarga xos o‘tsin,
Ko‘zlardan olov o‘tsin,
O‘tsin shaxti, bovurim,
Bizlardan yurt so‘rmoqqa,
Avlod haqli, bovurim.
Yurt deb yo‘lga otladik
Buyukroq safar qayda,
Shu yo‘lda shahid ketsak
Boshqa bir zafar qayda,
Qul bo‘lgan tiriklikdan
Ortiqroq xatar qayda,
Otlangan har yigitning
Shudir axdi, bovurim,
Bizlardan qon so‘rmoqqa
Vatan haqli, bovurim.
Agar yotga qo‘shilib
Qondoshlar sotsa bizni,
Nomimizga tupurib
Xoindek otsa bizni,
O‘tmishidan yuz burib
Bir kun unutsa bizni,
Yashamoqdan mani ne,
Bu jon nadir, bovurim?..
Bizlardan jon so‘rmoqqa
Vatan haqli, bovurim.
Foto:
Ernest Kurtveliyev, Orzu A’zam
🌐
Sayt
✈️
Telegram
✅
Murojaat
♾
Muhokama
🌐
Instagram
#sana
14-yanvar - VATAN himoyachilari kuni qutlugʻ boʻlsin!
🌐
Sayt
✈️
Telegram
✅
Murojaat
♾️
Muhokama
📱
Instagram
Til siyosatimiz izchil ketyapti. Bosh vazir 2026-yil 9-yanvarda imzolagan 3 ta qarorga asosan 1060 ta geografik obyekt nomlari davlat tili qoida va me’yorlariga muvofiqlashtirildi (shundan 115 tasi yangi nom).
Jumladan,
663 ta kon nomi o‘zbek tiliga o‘tkazildi va yangi 94 ta konga o‘zbekcha nom berildi.
#tanlov
#mukofot
"Til va adabiyot ta’limi"
jurnali tashkil qilgan
"Eng yaxshi filolog" tanlovining
uchinchi davra g‘olibi, filologiya fanlari bo‘yicha falsafa doktori
Anvar Bo‘ronov
ga mukofot topshirildi.
‼️
Eslatib oʻtamiz, tanlov davom etmoqda. 2026-yilning har choragi yakunida gʻoliblar aniqlanadi.
Faol boʻling! Navbatdagi mukofot sizniki bo‘lishi mumkin!
🌐
Sayt
✈️
Telegram
✅
Murojaat
♾️
Muhokama
📱
Instagram
#til
Boʻstonliqqa kela-kela yoʻlda oppoq dalalar, oppoq daraxtlar eʼtiborimizni tortdi.
– Shudring, – dedi bir talaba.
– Yoʻgʻ-e, qirov bu! – eʼtiroz qildi boshqasi.
Ayrimlar kimga qoʻshilishni bilmay ikkilanib qoldi. Men "qirov"ni tasdiqlamoqchi boʻldim, biroq ser solib qarasam, bulduruq ekan.
"Til va adabiyot ta’limi"
jurnal
ining 2024-yil 10-sonida
"Bulduruqmi yoki bulduriq?
(filologiya fanlari bo‘yicha falsafa doktori Munira Nabiyeva) maqolasi chiqqanini esladim.
Toʻgʻri, maqola tabiatdagi bulduruq hodisasi haqida emas. Shu so‘z misolida imlo lugʻatlaridagi turfa xillik muammosi koʻtarilgan.
🗄
Farrux Jabborbek
#didaktika
#ona_tili
Teng va tobe bog'lanish
.
☄️
Siz darsingizda qanday metodlardan foydalanasiz? Dars uslubingizni bir daqiqalik videoga olib bizga jo‘nating. "Til va adabiyot ta'limi" kanalida berib boramiz.
🎁
Eng yaxshi ta'limiy rolik muallifiga "Til va adabiyot ta'limi" jurnalining choraklik to‘plami taqdim etiladi.
Videoni barcha ijodkor o'qituvchilarga yuborib qo'yamiz.
🌐
Sayt
✈️
Telegram
✅
Murojaat
♾️
Muhokama
📱
Instagram
#video
"Ustoz otangday ulug'"
mi yoki
"Ustoz otangdan ulug'"
?
Adabiyotshunos olim Omonulla Madayevning bu boradagi fikrlarini tinglang.
Sizning fikringiz qanday? Izohda yozing.
🌐
Sayt
✈️
Telegram
✅
Murojaat
♾️
Muhokama
📱
Instagram
#foydali
#tadqiqotchi
ORCID nima?
ORCID
–
tadqiqotchi yoki olimning yagona shaxsiy ID raqami hisoblanadi.
Tadqiqot ishlari, xususan maqolalarga muallif ism-sharifi yoniga ORCIDni ham ko'rsatish orqali ularni bir joyga jamlash va internet bazalarida tez topish imkoniga ega bo'lish mumkin.
Buning uchun
orcid.org
saytiga kiring va menyudan get membership bo'limini tanlang. So'ng o'z ma'lumotlaringizni kiriting va ORCIDga ega bo'ling!
✅
Ushbu ma'lumotni ilmiy ish qilayotganlarga jo'natib qo'ying!
🌐
Sayt
✈️
Telegram
✅
Murojaat
♾️
Muhokama
📱
Instagram
Bir binodan ko‘ra bir avlod muhim
Toshkent shahrida Oʻzbek-fransuz universiteti tashkil etilishi rejalashtirilayotgani haqida xabarlar
tarqaldi
. Bu tashabbusni qoʻllab-quvvatlaymiz, xalqaro hamkorlik, yangi taʼlim muhitining yaratilishi mamlakatimiz uchun katta yutuqdir. Biroq shu jarayonda respublikadagi yagona
oʻzbek tili va adabiyotiga ixtisoslashgan akademik litsey
ning yopilishi masalasi jiddiy tashvish uygʻotmoqda.
Mazkur litsey faoliyati samaradorligi pastligi sabab emas, balki binosi universitetga berilishi uchun toʻxtatilmoqda.
Aslida esa litsey yildan yilga yuqori natijalar koʻrsatib kelgan. Bitiruvchilarning oliy taʼlim muassasalariga kirish koʻrsatkichlari bunga yaqqol dalildir:
2023-yil – 92,7%
2024-yil – 94,3%
2025-yil – 95%
Bu raqamlar taʼlim sifatining yuqoriligini isbotlaydi. Eng muhim jihati – litsey oʻquvchilarni repetitorsiz, faqat oʻz dasturi va oʻqituvchilari bilimi bilan talabalikka tayyorlamoqda.
Muassasa nafaqat bir binoning oʻzi, balki milliy qadriyatlarimizni chuqur oʻrgatadigan, kelajak avlodni tarbiyalaydigan noyob taʼlim o‘chog‘i ekanligini litseyda farzandini o‘qitayotgan ota-onalarning so‘zlari tasdiqlab turibdi.
Qolavesa, xuddi shunday o‘ziga xos ta’lim muhiti, kadrlar tarkibi va yillar davomida shakllangan tizimni qayta tiklash qiyin.
Mutasaddilar litseyni saqlab qolish choralarini koʻrishlarini umid qilamiz.
Zotan, milliy taʼlim o‘chog‘ini asrash burchimizdir!
🌐
Sayt
✈️
Telegram
✅
Murojaat
♾️
Muhokama
📱
Instagram