Toshkent viloyati sport boshqarmasi

Quyi Chirchiqda “Quvnoq startlar” musobaqasi o‘tkazildi
Quyi Chirchiq tumani, Yulduz MFY hududidagi 2-maktabda o‘quvchilar o‘rtasida “Quvnoq startlar” sport musobaqasi bo‘lib o‘tdi.
Musobaqada ishtirok etgan yoshlar o‘z salohiyatini namoyish etdi.
Bellashuvlar qiziqarli va murosasiz tarzda o‘tdi, g‘olib va sovrindorlar esa medal va diplom bilan taqdirlandilar.
Tadbir o‘quvchilarning bo‘sh vaqtini mazmunli o‘tkazish, jismoniy faollikni oshirish va sportga bo‘lgan qiziqishni yanada rivojlantirishga xizmat qildi.

Bekobod tumanida ommaviy voleybol musobaqasi bo‘lib o‘tdi
Bekobod tumanida aholining keng qatlami o‘rtasida ommaviy sportni rivojlantirish maqsadida voleybol musobaqasi tashkil etildi.
Musobaqada ishtirok etgan jamoalar o‘z mahoratlarini namoyish etdi. G‘olib va sovrindorlar Toshkent viloyati sport boshqarmasi tomonidan esdalik sovg‘alari bilan taqdirlandilar.
Mazkur tadbir aholining sportga bo‘lgan qiziqishini oshirish, sog‘lom turmush tarzini targ‘ib qilish va voleybolni rivojlantirishga xizmat qildi.

Toshkent viloyati U-18 kubogi musobaqalari yakunlandi
Yuqorichirchiq tumani sport maktabi bazasida o‘smirlar o‘rtasida U-18 toifasida Toshkent viloyati kubogi musobaqalari bo‘lib o‘tdi.
Musobaqalarda jami 12 ta jamoa ishtirok etdi.
Musobaqalar davomida yosh sportchilar o‘z mahoratlarini namoyish etib, kuchli va raqobatbardosh jamoalarni aniqlashga harakat qilishdi.
Musobaqalar viloyat sportini rivojlantirish, yoshlarni sportga jalb etish hamda sog‘lom turmush tarzini targ‘ib qilish maqsadida o‘tkazildi.
Ishtirokchilarning mahorati va qat’iyati ko‘pchilik tomoshabinlar tomonidan iliq kutib olindi.

Olmaliqlik Charosxon Ermanova mastrestling bo‘yicha besh karra O‘zbekiston, uch karra Osiyo, bir karra Yevropa va jahon chempioni bo‘lib, yurtimiz nufuzini xalqaro maydonda yuksaltirmoqda.
Olmaliq shahar hokimligida o‘tkazilgan tadbirda uning mehnatsevarligi, qat’iyati hamda sportga bo‘lgan yuksak intilishi shahar hokimining birinchi o‘rinbosari Shermuhammad Begiyev tomonidan namuna sifatida e’tirof etildi.
Shuningdek, chempionni tarbiyalash va yuksak natijalarga yetaklashdagi xizmatlari uchun uning murabbiyi ham munosib taqdirlandi.

Toshkent viloyati Yakka kurash sport turiga ixtisoslashgan sport maktabi tarbiyalanuvchilari Munisa Omonova va Otabek Tilovov hisobiga kumush medallar qo‘shdi
Dubay shahrida bo‘lib o‘tgan V yoshlar Para Osiyo o‘yinlarida O‘zbekiston terma jamoasi hisobini 2 ta medal bilan boyitdi.
Para pauerliftingning o‘smir qizlar o‘rtasidagi 55 kg vazn toifasida ishtirok etgan Munisa Omonova 59 kg natija qayd etib, jamoamiz hisobiga kumush medal olib keldi. Shu bilan birga, o‘smir yigitlar o‘rtasidagi 65 kg vazn toifasida musobaqaga qatnashgan Otabek Tilovov 119 kg tosh ko‘targan holda yana bir kumush medali bilan terma jamoamizni quvontirdi.
Ushbu yutuqlar yosh sportchilarimizning mehnati, kuchli irodasi va puxta tayyorgarligining natijasi bo‘lib, O‘zbekiston Para sporti salohiyatining yana bir tasdig‘idir.
Shu bilan birga, ularning muvaffaqiyati boshqa yosh sportchilarni ilhomlantirib, kelgusidagi musobaqalarda yangi yutuqlarga intilishlariga rag‘bat beradi.

Bekobod shahar sport maktabiga yangi sport inventarlari yetkazildi
Bekobod shahar sport maktabida sport bilan muntazam shug‘ullanayotgan yoshlar uchun qulay sharoitlarni yaratish va sportni rivojlantirish maqsadida Toshkent viloyati sport boshqarmasi tomonidan maktabga yangi sport jihozlari yetkazildi.
Ularning tarkibiga erkin kurash gilami, stol tennisi gilamlari hamda badiiy gimnastika gilamlari kiradi. Ushbu jihozlar yosh sportchilarni tayyorlash jarayonini yanada samarali qilish va mashg‘ulot sifatini oshirishga xizmat qiladi.
Ushbu tashabbus nafaqat sportchilarning mashg‘ulotlarini yaxshilash, balki aholi orasida jismoniy faollikni oshirish va sog‘lom turmush tarzini targ‘ib qilishga ham xizmat qiladi.

CHIRCHIQ SPORT MAKTABI SPORTCHISI YOSHLAR PARA OSIYO O‘YINLARIDA BRONZA MEDALINI QO‘LGA KIRITDI
Hozirda Birlashgan Arab Amirliklarining Dubay shahrida yoshlarga mo‘ljallangan V Para Osiyo o‘yinlari davom etmoqda.
Para pauyerlifting bo‘yicha terma jamoamiz a’zosi, Chirchiq shahar sport maktabi tarbiyalanuvchisi Umidjon Ro‘ziev 59 kg vazn toifasida 94 kg natija bilan bronza medalini qo‘lga kiritdi.
Sportchimizni ushbu yutuq bilan tabriklaymiz.

Bekobod shahrida “Jismoniy tayyorgarlik darajasi” sport sinovlari g‘oliblari taqdirlandi
Bekobod shahar sport maktabida 30–70 yoshli fuqarolar uchun o‘tkazilgan “Jismoniy tayyorgarlik darajasi” sport sinovlarining yakuniy bosqichi bo‘lib o‘tdi.
Talablarni muvaffaqiyatli bajargan ishtirokchilarga I, II va III darajali ko‘krak nishonlari, sertifikatlar hamda sport formalarini topshirish marosimi o‘tkazildi.
Tadbirda sport maktabi direktori g‘olib va sovrindorlarni tabriklab, ularga ko‘krak nishonlari, guvohnomalar va esdalik sovg‘alarini topshirdi.
Aholi o‘rtasida sog‘lom turmush tarzini targ‘ib etishga xizmat qiluvchi ushbu tashabbus katta qiziqish bilan kutib olindi.

SPORTCHI YOSHLARIMIZNING SOG‘LIGI — ENG USTUN QADRIYAT!
Toshkent viloyati sport boshqarmasi tomonidan hududdagi sport ta’lim muassasalariga zamonaviy sport anjomlari va tibbiy jihozlar yetkazib berilmoqda
.
Ma’lumki, so‘nggi yillarda viloyat sportini rivojlantirishga alohida e’tibor qaratilib, infratuzilmani yanada takomillashtirish bo‘yicha izchil ishlar amalga oshirilmoqda. Sport inshootlari, workout va stritbol maydonchalari barpo etilayotgani, turli sport jihozlari bilan ta’minot kengayib borayotgani bunga yaqqol misoldir. Shuningdek, sport ta’lim muassasalari uchun zarur tibbiy jihozlar ham bosqichma-bosqich yetkazib berilmoqda.
Ma’lumot uchun: Joriy yil boshidan buyon Toshkent viloyatida sport infratuzilmasini yaxshilash maqsadida 16 turdagi 4418 dona sport jihozlari sport ta’lim muassasalariga tarqatilmoqda.
Mazkur jihozlar nafaqat sportchilar, balki para-sportga qiziquvchi yoshlarning ham sportga bo‘lgan mehrini, qiziqishini yanada oshirmoqda.

#fursat
📍
ANGREN SHAHRI
✅
“PROKUROR KUBOGI” UCHUN O‘ZBEK JANG SAN’ATI MUSOBAQASI
10.12.2025
Telegramdan chiqmasdan turib tomosha qilish uchun
@nurafshonlive
manziliga o'ting.
Shuningdek  platformalarda ham tomosha qilishingiz mumkin
.
🚀
Telegram
📷
Instagram
🎬
YouTube
🔵
Facebook