Tamer Elshaer Business

الدين مش خطر… الخطر إن ديونك تتحرك أسرع من سيولتك
المشكلة مش في الديون؛ لأن البيزنس قائم على التبادل التجاري، وفيه بيع آجل، وشراء آجل، والتزامات، ومواعيد سداد.
المشكلة بتحصل إمتى؟
المشكلة لما حركة السيولة متكونش متوافقة مع مواعيد السداد.
يعني لو بتبيع آجل بجنيه، وتشتري آجل بجنيه، لو الجنيه اللي أنت بعته مجاش قبل الجنيه اللي أنت هتسدده، فأنت عندك مشكلة.
والمصيبة الكبيرة: لما تكون ديونك على المكشوف، يعني اللي عليك مفيش بضاعة تغطيه، وتبدأ تلبّس طواقي، وتلبّس دين لدين، أو تقطع من لحمك عشان تسدد، وتضطر تبيع أصول، وتمارس ممارسات مالية تحت الضغط، بعضها بيوصل للحبس.
هنا الدين اتحول من كونه أداة تمويل لفخ.
طيب وده بيحصل ليه؟
١- إن صاحب الشركة يتعامل مع الدين كأنه حل دائم، مش أداة مؤقتة لها هدف واضح، ومصدر سداد واضح.
٢- الخلط بين فلوس الشركة وفلوس البيت، فتلاقي صاحب الشركة بيتعامل مع خزنة الشركة كأنها محفظته الشخصية: يسحب وقت ما يحب، ويصرف وقت ما يحب، وبعدها يتفاجئ إن الشركة مش قادرة تسدد التزاماتها.
٣- التوسع غير المحسوب، يعني يفتح فرع، أو يزود مخزون، أو يدخل منتج جديد، أو يشتري أصول، من غير ما يكون عامل حسابه على دورة التحصيل والسداد.
٤- البيع الآجل بدون ضوابط، يعني يبيع لأي عميل، وبأي مبلغ، وبأي مدة، من غير حد ائتماني، ومن غير متابعة تحصيل، ومن غير تقييم حقيقي لقدرة العميل على السداد.
٥- الشراء الزائد عن الحاجة، وده بيخلي البضاعة تتحول من أصل بيخدم الشركة إلى عبء ضاغط على السيولة، خصوصًا لو بضاعة بطيئة الحركة، أو مش مربوطة بخطة بيع واضحة.
٦- الاعتماد على الربح الورقي، يعني تبص على المبيعات وتقول: أنا كسبان، لكن تنسى إن المكسب الحقيقي مش في الفاتورة، المكسب الحقيقي لما الفلوس تدخل وتغطي التزاماتها في وقتها.
٧- عدم وجود تقرير تدفقات نقدية واضح، يوضح الفلوس هتدخل إمتى، وهتخرج إمتى، ومين هيتدفع له الأول، وإيه الالتزامات الخطيرة اللي لازم تتلحق قبل ما تتحول لأزمة.
٨- المجاملة في البيزنس، سواء مجاملة عميل في مدة سداد، أو مجاملة شريك في سحب، أو مجاملة قريب في بضاعة، وفي النهاية الشركة هي اللي بتدفع تمن المجاملات.
تامر الشاعر
استشاري الإدارة والتطوير الاستراتيجي للأعمال

في ضيافة موبايل برو، وضمن فعاليات منتدى تطوير الأعمال لتجّار المحمول، ألقى الدكتور تامر الشاعر، المؤسس والمدير التنفيذي لشركة موبي شوب، واستشاري الإدارة والتطوير الاستراتيجي للأعمال، محاضرة بعنوان: «مخاطر الوان مان شو وأثره على النمو المستدام».
تناولت المحاضرة واحدة من أكثر المشكلات التي تعطل نمو الشركات، وهي اعتماد العمل على شخص واحد في التفكير والقرار والمتابعة والتنفيذ، بما يؤدي إلى بطء النمو، وضعف الابتكار، وتعطل بناء كيان قادر على الاستمرار. كما قدّمت المحاضرة طرحًا عمليًا للخروج من هذا النموذج، من خلال التفويض الصحيح، وبناء نظام واضح، وتطوير فريق كفء، وصناعة ميزة تنافسية مستدامة.
محاضرة مهمة لكل تاجر وصاحب نشاط يريد أن ينقل عمله من الجهد الفردي إلى النمو المؤسسي المستدام.
رابط المحاضرة
👇
https://www.facebook.com/share/v/1Dk4dFi5aj/?mibextid=wwXIfr

تقوى الله مش بس صلاة وصوم وحج وعمرة وقراءة قرآن.
التقوى الحقيقية هي اللي بتبان في المعاملات قبل المظاهر الخارجية.
لو بتأخر حقوق الناس وأنت قادر، أو بتظلم، أو بتجور، أو بتفجر في الخصومة أو بتخون العهود… فإنت فهمك للتقوى فهم قاصر.
ولو بتشتغل من غير إتقان، وبتسرق من وقت شغلك، وبتتكاسل وتسوّف… فإنت برضه فهمك للتقوى فهم قاصر.
لأن الأمانة مش في الفلوس بس… الأمانة كمان في الوقت، والمسؤولية، والضمير.
الدين عمره ما كان عبادة بدنية وبس… الدين سلوك، وعدل، وإحسان، ووفاء بالعهد، وإتقان.
اللي يعبد ربنا في المسجد أو ببدنه فقط… ويرمي التقوى بره باب الشغل والبيت والناس… محتاج يراجع مفهومه عن الدين.
النبي صلى الله عليه وسلم اختصر ده في حديث نبوي شريف وقال: أتدرون من المفلسُ ؟ قالوا : يا رسولَ اللهِ المفلسُ فينا من لا درهمَ له ولا متاعَ ، قال : إنَّ المفلسَ من أمتي من يأتي يومَ القيامةِ بصلاةٍ وزكاةٍ وصيامٍ وقد شتم هذا وضرب هذا وأخذ مالَ هذا فيأخذُ هذا من حسناتِه وهذا من حسناتِه فإن فَنِيَتْ حسناتُه قبل أن يقضيَ ما عليه أخذ من سيئاتهم فطُرِحَ عليهِ ثم طُرِحَ في النارِ.
صلوا على مُعلم الناس الخير
رابط البوست
https://m.facebook.com/story.php?story_fbid=pfbid0bEcnYEhpQMCjeF8jmXkDW3yKVj4GGVTzQCDK5VMTz9re9gpojxv76XGGFWUc9L1hl&id=61552513689529

الإجابة
👇
https://m.facebook.com/story.php?story_fbid=pfbid02Jm6yYJ6VLhrok1GLHe2qy3Xz5KaWkc6FJVXzHXb7JPrPhJbtKexyVSrmRu9LPKatl&id=61552513689529

في شركة تجارية بتكون فريق مبيعات، ومحتاجة ٨ مناديب بيع داخل القاهرة والجيزة، وعندهم خبرة مش أقل من ٣ سنوات - مرتب ٨٠٠٠ ثابت + عمولة.
بس شرطهم الأساسي إنه يكون شخص حقق مبيعات بأرقام واضحة ومثبتة في شركات سابقة، وشخص قادر يبني علاقات ويفتح أسواق جديدة.
محتاجين رجالة يُعتمد عليهم.
فلو تعرف حد مناسب للوظيفة ترشحه، يقدر يتواصل من خلال الرابط
👇
‏
wa.me/201055810790

هل استراتيجية النمو والتوسع هي الاستراتيجية المناسبة للجميع؟ واللي بتجيب فلوس أكتر؟
الإجابة
👇
https://www.facebook.com/share/p/1Ah6EjP6Tm/?mibextid=wwXIfr

رابط الفيديو
👇
https://www.facebook.com/share/v/1AwUK3Ux7M/?mibextid=wwXIfr

مكتبة بوستات الصفحة
👇
٣١٩ بوست
https://m.facebook.com/story.php?story_fbid=pfbid02FPiUPcF4f7ddrqaRcmwabJDGPjXnCWjaGzGa3MECjvcLvLT4JBm5XZUwY1Q3KXihl&id=61552513689529