مواليد وأفراح اهل البيت
هوستين للامام علي ع
بح صوت ابن ود و ختلوا الاصحاب
لا طــالــب بـــرز للـديــن لا طَــــلّاب
نـادى المصطفـى عندي الذي ينهـاب
بس انت التسكت صوته يابـو تـراب
اريـد ابطبره وحده اتـرد ألـه لجواب
و تـرد منتصـر يـالــذاخــرك للــبــاب
مـا ريـد الطبـره اتثنيهــه
يمن بس الله يعـرف و البني اسرارك
يـالجِـرت الـدخيل و يالجِـرت جـارك
اجرنا امناللظـى و ابعـدنـه عـن نـارك
يمــن الجنـه دارك خـــل نطــب دارك
بــاچــر بـالحســاب اجعلنـه خطــارك
للجنـه اويـاك اخـذ الشيعـه
كريم الحاج فليح
٢ ــ ٦ ــ٢٠٢٦
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة
موال لعيد الغدير
المايبايع علي
ايمانه شيكمله
وتطلع صلاته نقص
لو ماقره البسمله
تايه يضل العمل
لله شيوصله
اله ابولاية علي
اولاية علي البوصله
وهالليله لارض النجف
ماتوكف القافله
لازم نبايع علي
والموقف انسجله
كالو محرم قرب
صحنه ابمحرم هله
بس الاصل عد علي
وتتفرع المسأله
ولو ما ولاية علي
مانفتهم كربله...
كلمات محمد الجماسي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة
هوسات غديريه
علي قائد الامه والغدير اثبات
وبحيدر علي نزلت اهواي ايات
بأن هو الولي ويملي الارض رحمات
ها... والامه ابحيدر مرحومه
............
علي ابيوم الغدير ايصير قائدنه
علي من عنده احنه وهو من عدنه
وبيوم الحشر باجر يعبرنه
ها..... وابحيدر مضمونه الراحه
............
علي اول خليفه وابد مو رابع
حبه بالكَلب ماخذ جزء واسع
وابغيره تره ابتاريخ ماسامع
ها..... وبحيدر يكمل ايماني
............
علي صاحب البيعه وماكو ابد غيره
وعلينه اكتاب ربنه وصعب تفسيره
اول يبقه ابد ميجوز تغييره
.ها.... والحيدر معروفه البيعه
…………
حيدر للبشر رحمه وهدايه ودين
ومنو مثله ابو للحسن وي حسين
هو الأول وماتحتاج كل تبيين
ها..... والحيدر يشهد قرأنه
الشاعر ياسر العارضي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة
التاريخ: 02/06/2026
ابوذيات الى سيدي ومولاي ابا لحسن علي أمير المؤمنين ع
حبك وطن مو قريه ولايه
الهي ارزقني هل نعمه ولايه
علي القران بس باطن ولايه
بالاحزاب ضاهر علي ضيه
&&&&&&&&&&&&&&&&&&&
علي الخيال والخيله وطه
علي الشال اكله للفقره وطه
قسم بالنجم والكوثر وطه
معوفك ياعلي حامي الحميه
&&&&&&&&&&&&&&&&&&&&
العبد بس علي وغيره ما يعينه
الطويل الثاني اعرفه ما يعينه
علي انطه مو رغيفه ما يعينه
للماله وطن فوگ الوطيه
&&&&&&&&&&&&&&&&&&&&
العسر لو ما علي والله هدانه
وانه بحب علي مصلطن هدانه
وعلي لو ما علي محد هدانه
لطريج الباري بس حامي الحميه
&&&&&&&&&&&&&&&&&&&&
لخادم خدام أهل البيت عليهم السلام
عمار المنصوري
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة
هوسات بمناسبة عيد الغدير
🌷
.................
اليوم اريد ابهوستي اگلبها گلاب
وصفگه اعليهاا انه السابع سمه
خذه الأول حيده بكل الصفات
يـــهنيالج بــيه هـــا يـــافاطمه
روحي بس وياك ياحيدر تهيم
وعله حبك روحي دوم امعلمه
ها ها
تستاهل تستاهل صفگه وهلهوله
..........
خبر طش بگلوبنه هل ليله هاي
علــي أؤل نصـــباه الــقاضي
بالغدير اليوم اريد افرح وصيح
بسم حيدر تدگ گــل انباضي
انه احبك ياعلي حب مايزول
غصبن اعله الراضي والماراضي
ها ها
يافرحت يافرحت گلبي بهل ليله
.............
خلهم يسمعونه ابعيد الغدير
اليبغضونك ياعلي غم رايهم
احنه انحبك ومرتاحين حيل
همه محترگيـن عود اشمالهم
لون حبك مرض هم راضين بيه
هاي نحچيها احنه دوم اگبالهم
ها ها
انهوسله انهوسله اليوم ابتنصيبه
..........
تمئت بفضل صاحب الزمان ع
علي_الحموداوي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة
عيد الغدير يا هلا وميّة هلا
عيد الغدير يا هلا وميّة هلا
----------------------------------------
يا هلا ودلّالي مِن هسّه انشرح
وﷲ يم هالفرحة ما يوصل فرح
هالأمر لعيوني يا ناس اتِضح
كلمن يعادي الصّميدة ما فِلح
🌹
🌹
🌹
🌹
🌹
🌹
🌹
🌹
حتمًا تحير يالعِفت عقد الوله
عيد الغدير يا هلا وميّة هلا
----------------------------------------
يا رسول الأمّة بلّغ هالخبر
يعني بلّغ بالإمامة للبشر
هذا فارس خيبرة وفارس مضر
اِرفع إيده وخلّي توصل للگمر
🌹
🌹
🌹
🌹
🌹
🌹
🌹
🌹
وكت الهجير تستمع كل المَلَا
عيد الغدير يا هلا وميّة هلا
----------------------------------------
يا أمير المؤمنين القسورة
وﷲ مثلك ما تخلف أي مره
والقوافي إگبالك اتظَل حايرة
وأنتَ باطن هالكتاب وظاهِره
🌹
🌹
🌹
🌹
🌹
🌹
🌹
🌹
أنتَ الأخير وأنتَ جوهر أوله
عيد الغدير يا هلا وميّة هلا
----------------------------------------
وﷲ كل أحزاني ترحل تنجلي
من أگولن: يا عليٌّا يا علي
أدري هذي الكلمة تزعج عاذلي
هو ما عايش غرام ومبتلي
🌹
🌹
🌹
🌹
🌹
🌹
🌹
🌹
عشگي الأمير والگلب حَـب وابتلى
عيـد الغديـر يا هلا وميّة هلا
----------------------------------------
اثمنطَعش ذي الحجة أعظم مفخرة
بيها رب العزة نصب حيدرة
100 ألف حاج ابغديرك حاضِرة
يا علي لإيدك الوادم ناظِرة
🌹
🌹
🌹
🌹
🌹
🌹
🌹
🌹
شال البشير إيدك وبيها اعتلى
عيد الغدير يا هلا وميّة هلا
----------------------------------------
شِعر: أميـر الزبــيدي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة
هوسات الغدير
اصدع بالامر خل يزعل اليزعل
اذا ما بلغت هالدين ما يكمل
خليفتكم علي رب العرش نزل
من ربنه نازل تنصيبة
———————-
ربانه علي وعلمنه عالزينات
ما نرخه ونذل نتسله بالصعبات
عزمنه من علي صولاته والحملات
شايل حيدر دوم براسي
———————-
يا جف النظيف البايعك جبريل
محمد عالوحي وخلاك عالتاويل
نعرفها السقيفة وابرهه والفيل
بخٍ بخٍ غصبًا صاحوا
———————-
شربتك يا علي كطرة بعد كطرة
يا فينه وشمنسنه الماي والفطرة
يا عين الحيات وسلوت الفقرة
عطر النرجس من نشمك
———————-
يا اول نبض واول عشگ للروح
غديرك مو امس ذكرى تجي وتروح
نحسك بالهوه شهگة مسك وتفوح
يا اول صرخة بوجداني
ابو علي
القريشي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة
بيعتك....منهجي الحقيقي
اولايتك...خارطه الطريقي
اتوضِّح الخَفايه...وترشد البَرايه
آية الولايه...علي علي مولاه علي
.......................................
ابهالفضيله خَصَّك الباري يبو حسين
(قد أُكمِلَ الدِّين )
واتفاخرت أرض وسِمَه وهاليوم مَحلاه
وَلِذلك بيعتك صارت بالارواح
يوم النِّبي صاح
(مَن كُنتُ مَولاهُ فهذا علي مَولاه )
بالعَلَن نادينه .... ويسمع الما سامع
ياعلي استحقاقك...أول ومو رابع
عالعهد يالوالي...ونبقه دوم انبايع
للنِّبي...أصبَحِت وزيره
وللمُحب...سَيِّدَه وأميره
مصدر الهدايه...وترشد البرايه
آية الولايه...علي علي مولاه علي
.......................................
١٨ ذي الحجه يوم ايسر الگلوب
يا أغله محبوب
وانهني طه المصطفى وكل شيعي يفخر
أمر تنصيبك نزل من رب الاكوان
وگد ما إلك شان
يوم انتخابك صار (عيدُ الله الاكبر )
تستحقهه البيعه...والله يابو حسينك
ولي واللي اختارك...عادِل ابتعيينك
ياعلي والرايه...والِمت چفينك
نمضي الك...مو فقط بَاصابِع
بالدِّمَه....ياعلي نِبايع
وتعرف السَّجايه...وترشد البرايه
آية الولايه....علي علي مولاه علي
.......................................
مايهمنه سَيِّدي اشما گالت اعداك
باقين ويَّاك
المن عالم الذَّر بايَعك لاما يعوفك
وآخره ودنيه يحيدر صِحنه بِحماك
وفاز اللي والاك
ياقِبلة العِشَّاگ وابلهفه نطوفك
يالولي وخِدَّامك...كل وكت تلگانه
وياألف هِنياله....الحُب علي عنوانه
نختصرهه البيعه....ابنعم يامولانه
هالخَبَر ...كل زمن نذيعه
والفَخَر....بيعه واحله بيعه
ابأصْدَق النَّوايه...وترشد البرايه
آية الولايه....علي علي مولاه علي
سيد علي الموسوي
..
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة
عيد الغدير ﴾
حيدر علي الوالااه
ماخــاسر ابـدنياه
علي علي......... مولاه.
علي علي ........مولاه
___
لا ماخــسر كلــمن اجــه وعلـن غــرامــه
الحيدر علي بهذه المسه ويبعث ســلامه
يصـبح تــره موله إله ويـصـبح أمـــامـه
ولــي نكـــر هــذا الخـبر نرفـض كـلامه
ناده النبي ويكـول
عنــكم علي مسول
علي علي. مولاه
علي علي. مولاه
_
حـيدر علي ومـن العلي والــي علــينه
مــن كنــــت مـــولاه أنــا نــاده نبـيـنه
حــيدر علي مــوله إله يعـــني ولــيـنه
بهذا المــسه نبــارك إله ونـرفع اديـــنه
بخـــن الــك مـــولاي
غنــــينه ألــك بالــناي
علي علي مولاه. علي علي مولاه
___
البايع تـره بهذا المسه وأعـلن غـديره
حيدر علي ابو الحسن يـصــبح اميره
هذا الكلب يهوى إله لا مـايحب غيره
وأبو الحسن بعد النبي مــاكو نظــيره
هذا الكلب يهواك
عـلي عــلي ناداك
علي علي مولاه. علي علي مولاه
__
واعلن غرامك ياالمحب نادي الـسقـيفه
حــيدر علي بـعــد النبـي اول خلــيفــه
ولــي خلف هــذه الأمر وصار الخليـفه
مرفـوض من رب العرش بـيعه سخـيفه
ناده الوحي ويكول
مرفـوضه مامقبول
علي علي مـولاه.
علي علي مـولاه
____
كلمات الشاعر
مرتضى مكطوف الموالي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة
عيد الغدير الاغر
ضوه ضوه ضوه ضوه
نورك علي
هوى هوى هوى هوى
اولاية علي
هدايه الولايه
++++++++
لمّة احباب يبو حسين فرحنه انشيله
اكبر اعياد علينه يمر الليله
البياض ابطك الكون وگف كل حيله
والسراط القويم انته بس تأويله
نعم نعم.نعم نعم
الگال العلي
سلم سلم سلم سلم
الواله علي
بروايه الولايه
++++++++++
اسمك امنين يبوحسين ولو معروفه
علي والعالي انطاك جميله حروفه
باسمك آيات جلاله بعقيده انشوفه
الناطق الرسمي عالناس رفعها چفوفه
اسم اسم اسم اسم
اجمل علي
نجم نجم نجم نجم
لامع علي
ابسمايه الولايه
++++++++
مايهمني شني ايگول عليه ال لايم
هاكثر ليش يكرار بمحبتك هايم
اليفهمك يعرفك يحيدر لازم
ياهو مثلك يرد الشمس للوادم
صعب صعب صعب صعب
مثلك علي
احب احب احب احب
آنه وهلي
البدايه الولايه
+++++++
نحمد الله ونشكره وسجود اوياها
الاهله اطهار موالي الك والطاها
واليبغضوك نطفهم دغش تلگاها
حگنه من هاي يبو حسين فخر نتباها
فخر فخر فخر فخر.
انته علي
نهر نهر نهر نهر
حب ممتلي
النهايه الولايه
+++++++
ثائر الربيعي
https://t.me/joinchat/AAAAAEFVSMd2pvMFlLPXYg
مواليد لكل المناسبات اشترك بالقناة