نعي + ابو ذيات + هوسات
لفاني العيد (نعي )
لفه عيدك يگلبي منيلَّك عيد
على حملي يحط حملين ويزيد
أخذ كلشي من أديه وفرغت الأيد
بالناس التهمني غَرِّب ابعيد
★★★★★
بيه ايلوم اجاني المادره إصار
الچفه ابماي وانا أچفوفي بالنار
يصبرني ويگلي ليش تحتار
بيها الريح تصفر ضلت الدار
★★★★★
اجاني العيد وانا السهم بچلاي
يموصاحب عليمن معتني وجاي
بهيمه اووشلت من جربتي الماي
يلماخذ هلي اشخليت من راي
★★★★★
اجاني العيد وانا ابحال متعوب
من كل صوب عشر اسهام مصيوب
چني للدهر ثارات مطلوب
من العدليين مدري شلون محسوب
★★★★★
بيكم لويرد الوكت يومين
بشوفتكم اريدن تنملي العين
بلياكم اليوم إعدال سنتين
غريب اخلافكم والحال موزين
★★★★★
ادعي لاتمر ياعيد مريت
ولاشفتك ولابالدار مريت
حنظل باللسان وبعد مريت
أعايدمن هلي تحت الوطيه
الشاعر حسن لعيبي الحريشاوي
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
نعي الامام علي عليه السلام
موتك يبويه ايفت الاگلوب
ومن البواجي اعليك ماتوب
شنهي الدوه لدموع الاغروب
وينه اليدليني اعله يعگوب
شنهو الدوه للمات ابوهه
وبالعيد بي خصمه افجعوهه
انه العقيله الضيعوهه
امهه وابوهه الفارگوهه
بجفاك لاماينطب البيت
يالرحت عني وليه ماجيت
يادهري ليش وياي دگيت
ماخذ هلي وشعندي خليت
شفت اليتامه بهذا الامصاب
تنده علي اوكفت على الباب
يدي جرحنه اعليك ما طاب
كلفه علي ايغطيك الاتراب
جينه وعلى بابك گعدنه
وبدموعنه ابدارك فطرنه
لاوين چنه اوين صرنه
منه انفگد راعي المحنه
يهلال عزنه وفرحة العيد
وسفه علي مفگود ياحيد
منه الوكت ماندري شيريد
واعدنه بفراگك مواعيد
بويه الابو جتال سهمه
وانته الشمل بيدك تلمه
بويه دليلي الي تلچمه
محرابك ابلياك ضلمه
يعيوني حگجن كون تبجن
وكون ابهضم لمن تصبن
ما ضنتي مره التفرحن
كون اعله ابوي بهضم تعمن
ارد ابجي حدما تعمه الاعيون
عالماكو مثله اثنين بالكون
شنگلهم العنك ينشدون
راعي الهله بالگاع مدفون
ياعيد باجر لا تمرنه
ويومك تراهو مو ولمنه
شلنه بعد بالعيد شلنه
ابجيتك فلا تجبر كسرنه
خادم اهل البيت علي الزرگاني
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
#نعـي
موش على طوله وشايلينه
وردالي والدم ساد عينه
خيم علينه امصاب ابو حسين
من شفنه راسه الطابرينه
البيت ظل يعلى نشيجه
من شفنه يبلع گوه ريجه
وينچ ييمه الزهره هليوم
طبرت علي كلش غميجه
ياريت عميه كون هلعين
ولا شفت طب مشيول ابوحسين
اصوابه يمه وطبرت الراس
بگلوبنه خلفن نياشين
امنيلي حيل وجلاده
وانظراله مايل على اولاده
گلبي وصل متگطع اعليه
من أسمعت صوت المناده
كلما نصه صوت المحاچي
بينه عله صوت البواچي
كل اخوتي يم جرحه يبچون
بدموع متروسه الخواچي
يلزهره وينچ عن مصابه
هد حيلنه ويظهد اصوابه
انطبر راس الدين نصين
وعمامته دم من خظابه
عن علي وينچ يلحبيبه
أبدمه نگعت شيبه شيبه
شافه الطبيب وگال ودعوه
ومن طبرته أيس طبيبه
داير ابونه تجمعينه
وانصيح من يعلى ونينه
كل لحظه لمن يگرب الموت
يمه نحس اتغربينه
علي الحميداوي الكربلائي
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
استشهاد الامام علي ع
يقين محبتك الله فطرها
عليك الكعبة يا حيدر فطرها
اليتامة صامت بجفك فطرها
فطرت يا علي بذيج المسيه
..............
فطرت يا علي بشهكة لحدها
وحدودك ياهو اليوصل لحدها
المصيبة زينب تمنت لحدها
تريد وياك يابويه المنية
..............
تلوج بجرحك الينزف ولمها
الحزن زينب يابو زينب ولمها
عليك تصيح يابويه ولمها
تعالي ياام الحسن لحكي عليه
............
تعالي وشوفي يا زهرا يتمنه
كلبنه النار والشوفج يتمنه
نريد نصيح يابويه يتمنه
على جرحك تمسح بجفه الحنيه
.............
على جرحك تمسح وطيبك تضمنه
وتحن علينه بجفهه تضمنه
وجعهه بالضلع ياذي تضمنه
المصايب كربلا بالغاضرية
.................
الشاعر
اياد الفرح المهدوي
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
ابوذيات للمام علي ع..
البيت خلاف ابوي يصير موبيت
مـن ونيـت بيـه انگطـع مـو بيت
ابغيابـك يـاعلي زينبك مـو بيت
كَبَـرت وگامــوا يتجــون الــيــه
===============================
مصابـك يـاعلي للكــون صفيــن
رادوا ضـربتك مـن يـوم صفيـن
اليتامه واگفه اعله الباب صفين
اعلـه جرحك گاموا يسئلون بيه
===============================
ليش الـحزن بويه ما هـداني
نكتبلي النوح والون ماهداني
الـفرح ردته يتدنـه ما هـداني..ماهو داني.
منــــــي والحزن مزروع بيه
===============================
المصايب طبن الـبيتي ولااذان
ابـد مـا جارن بغيــري والااذان
اليتامه تصيح اسمعهه ولااذان
انـوحن مـن يمر اسمـك عليــه
===============================
الفجر وياه حزني بدء منطار
من رديت الي والراس منطار
بطـور الـفاگـده ونيـت منطار
بطور منن كسر ضلع الزچيه
===============================
✍️
حيدر الشغانبي .
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
#نعـي
لمولاي موسى ابن جعفر عليه السلام
وينه الـيفر بگـــــــلب هايــــم
ينومس وبيه غيره وعـــزايم
يــــتعنه لديـــار الـــــهواشـــم
يحول ودمعه بخــــده ساجم
وعالترب گاعد ماهـو ما گايم
وينعه بنعي للگـــلب هــــــادم
وينحب ويصحه الچــان نايم
وتلتم مذعره اعلـــــيه الوادم
يگلهم هنا يــــــــهل العـــمايم
مسموم ابنكم ماهـــو ســـالم
بالسجن ضــــل موليه الظالم
وبالغربـــه مـــيت تره الكاظم
كل عمره خلص بين الاسجون
معلول ويكـــت دمع العيـــــون
وين الهــواشم بيـــــه يـــدرون
موسى طـــــــريح بعازة العون
يلوع ويحط ايده اعله گلبه
ودمع الموادع وحــــده صبه
بلا اهله كلهــــــم ناس غربه
مسموم والحاقد يــــــــضربه
ون وبشــر ماكو يـــــــسمعه
ومتانيه احــبابه الجـــــــمعه
يحسبون للكاظـــــم الطــلعه
ما درو راد اللـــــــي يــشيعه
وشافو احبابه اربــــع حمامــــيل
وفوگ المـــــــتون اجنازه وتميل
ميــــــت بســـــم وراگــد الحيــل
وصار اعله نعشه انحيب واعويل
حيدر ابو كيان الفاطمي
#اللهم_عجل_لوليك_الفرج
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
تكول زينب عليها السلام ع
حتى انفاسي بالطف بيهه ألم چان
عگب حرگت خيمنه البيهه ألم چان
صفت تالي الخرابه بيهه الم چان
وبلايه افراش نمه ولا تجيه
تكول زينب
يــدهري لـنايبات البين ظل عين
عليه وكل ثوايه الحزن ظل عين
انه المكتوب اشوف ارضوض ظلعين
ضلع لامي وضلع بالغاضريه
تظل دوم بمصابج تهمل العين
يزينب والــدليل بونتج ذاب
التموت احبابه يبقه معاشر النوح
شحال البيده يدفن كل الاحباب
سامع راس شيب من الاحزان
ماسامع گلب مـن الحزن شاب
وانت اجروح گلبج يدن اسنين
مابيهن جرح يا ام الحزن طاب
كل مصاب گلنه يمرنه ويهون
بس اعليج ابد ماهان المصاب
سامع راس شيب من الاحزان
ماسامع گلب مـن الحزن شاب
ابيات نعي لمولاتي الغريبه زينب ع
الشاعر احسان الحميداوي
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
نعي للسيده زينب عليها السلام
ياناس هاي اغله امنياتي
من گربت ساعت مماتي
عباس يحضرني ابمماتي
ويم راسي يلتمن خواتي
عندي عتب وي خال الاولاد
عاتبت بس العتب مافاد
سوه الزمان اشراد ماراد
ميته غريبه واهلي ابعاد
بس آنه من گرب امرهه
امن اخوتهه ماواحد حضرهه
حسراتي بالگوه آنه اجرهه
ما رحم وي زينب دهرهه
خوان بيه الدهر خوان
آنه الغريبه المالهه اخوان
بالوجن خله الدمع نيشان
زينب يهلهه ابعازت احنان
من گربت ليه المنيه
عيني تصد عالغاضريه
عباس خويه الحگ عليه
وسبل يبعد الروح اديه
خويه الاهل عازتهه عازه
تتسابك الشيل الجنازه
والدهر وي زينب توازه
گلبي الصبر بيش ايتجازه
ياهضمتي الكلش جبيره
حيرني دهري شلون حيره
آنه الجنت حره واميره
موتي ابغرب والگبله اسيره
كونه الدهر جاير عليهه
تشكي الاخت همهه الوليهه
زينب يهلهه اشلون بيهه
ضيم الزمان امشبگ اديهه
گلوله يا لعباس شده
وحده تخلص تبدي وحده
السابيهه للشام اوتعده
رد ليهه هسه گوم رده
هاي التفتت هرش الاكلوب
عن الزياره سدو البوب
ترحل اباب الحره مكتوب
متعوب گلب ام عون متعوب
انته المن علي عزمك ونختاك
زينب حشمت بسمك ونختاك
يخوي الكافل اضعوني ونختاك
عفتني ابحيره يا راعي الحميه
آنه الخوه اوفيهه وأكفي
بطلي العتب يازينب وكفي
اعذريني انطفت عيني وكفي
انگطع فوگ النهر بالغاضريه
خادم اهل البيت علي الزرگاني
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
ابيات ابوذيه الى السيد زينب عليها السلام
روحــي النـــوح عتعتهـا وتلها
وتفــرح بالدمــع گامــت وتلهـا
اسـم زينب علم باقـــــي وتلهـا
مزار اتطوفـــه أشراف البــريه
***
گلبي المنفجع گلـــي دواه وين
وبعد كل دوه ما ينفع دواه ون
زينب وينــي اوين الــــدواوين
تصد اخصومكم گامـــت عليـه
***
الشاعر موسى البديري
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات
نعي الأربعين
يالجاي زاير لبو الاحرار
كلهه ابخدمتك ليل ونهار
ويلي على الردَّت بالاضعون
تمشي ابيتامه والرمل حار
واسي علي السجاد واقره
واجريله عَبره ابأثر عَبره
طول الطريق اتخدمك الناس
وهُوَّ يجي امن ادروب صَحره
گاصد تواسي الهاشميه
يوم الِّلفت للغاضريه
أوصيك من توصل للحسين
إبچي نيابه عن رقيه
ون اعله ابو اليمّه وغلاته
وانحب عله اولاده وبناته
ويَّاه إجن للطف عزيزات
وراحن سبايه امدلِّلاته
لهلك ترد وكل وجع هان
وتعبه يروح الچان تعبان
باچر ترد واتشوف العيال
وزينب ترد ابروس الاخوان
جابر تِلگَّه الضَّعَن بونين
وصاحو يَعَمنَه ابدمعة العين
ياجابر اهنا طاح عباس
واهنا ولونه وذبحو حسين
كلشي انتهى ابطيحة ولينه
واخيمنه حرگوهه علينه
واهنا يَعمنه اتسلّبينه
وتالي العِدَه يحدون بينه
أنادي العِيشه عگب اهلي مَرِدهه
حزينه والهظم روحي مُرَدهه
الروس اليوم لخواني مَرَدهه
وراح ايصير طف ثاني عليه
سيد علي الموسوي
https://t.me/joinchat/AAAAAEN4vuuUfDbAramBIQ
قناة خاصه نعي / ابوذيه / هوسات