عَبْد الجَليل المدهّب

صورة عشوائية تعكس واقع هالايام، من ال 8 الصبح لل 11 فالليل باش نروح كل يوم، الايام اللي لا اخفيكم اني تعبان فيها، ومش تعب بس جسدي لا تعب نفسي، لا اخفيكم ان الوضع صعب وان حال البلاد والعمل وسط الظروف هذه متعب ومقلق، لا اخفيكم اني نتحرك ونخدم ف اكثر من خدمة ونقرا بصفر تحفيز وانعدام شغف هالفترة، الايام موحشة والطريق نحو الهدف صعبة وقاسية، والفترة هذه جزء من الصعاب اللي متوقعها لشخص مثلي احلامه عند النجوم مش حيرضى بانه يكون شخص عادي
بس رغم ان الامر موحش ومتعب وحال البلاد سيء والاخبار تسد النفس ومفيش اي تحفيز وشعور بالوحدة الخانقة وان يومك يمر بشكل رمادي
رغم هذا كله اني قاعد نعطي بنفس كفائة الايام الحلوة، اني ننوض كل يوم ب 15 ساعة برا الحوش ونكافحوا رغم كل الظروف اللي منعدمة فيها الاساسيات بشكل غريب
حتنكتب هالايام وتُروى في قصص نجاحاتي بعون الله تعالى ومتاكد اني حنشوفلها بعين الفخر والامتنان بعد كل ما مريت بيه
الحمد لله

لطالما كنت مؤمن ان فالظروف الملائمة الناس كلها حتبدع والناس كلها حتتميز ولو كل شيء كان متوفر بالطريقة ذاتها لكان الامر غير الواقع
بس الواقع والحياة تقول العكس، هي سلسلة من العثرات والسقطات والمصاعب والظروف والعواصف والاعاصير
وين الفارق فالناس العادية والعظماء ؟
ان الاول يبدعوا فقط وقت الظروف والحياة ملائمة وذات مجرى واضح، بينما اثناء عواصف الحياة وقسوة الظروف يظهر معدن العظماء ويكون دافع اكثر ليهم
ولو اني ديما ضد دور الضحية، بس مرات فعلا حني الظروف صعبة علينا وفي اوقات تبدا المشكلة مش انت سببها، زي حال بلادنا توا المزري
بس حتى وان الامر مش خطئي، بس شكل حياتي وكيف حتمشي يقعد مسؤوليتي، وكيف اني حنتأقلم ونتحمل قسوة هذا الوضع بدون لا نغرق
مع شركاء الرحلة حرفيا
@Yasein_01
@Al12m0

ان الله وملآئكته يصلون على النبيء يأيها الذين آمنوا صلوا عليه وسلموا تسليماً.

حسبي الله ونعم الوكيل فيكم وف نظامكم التعبان وعقلياتكم التعبانة والوهم متعكم اللي تروجوا فيه على ولا شيء، يا مزوق من برا شنحالك من داخل، حتى مكيفات يمتحنوا فيهم الطلبة فالصيف مش خاسرين تديروهم
ربي يرحمه ويغفرله ويسكنه فسيح جناته وحسبي الله ونعم الوكيل فيهم
https://www.facebook.com/share/p/1Cy7eNRABq/

سُبْحَانَ اللَّهِ، الْحَمْدُ لِلَّهِ، لَا إِلَهَ إِلَّا اللَّهُ، اللَّهُ أَكْبَرُ.

ينظر الإنسان أحياناً إلى تعثرات حياته، وتكرار تقصيره، فيتسلل إلى نفسه شعور خفي باليأس أو البعد. غير أن القراءة العميقة للسنن الإلهية تكشف عن حقيقة باهرة: أن رحمة الله تسبق غضبه، وأن لطفه يحيط بالعبد من حيث لا يحتسب. إن الخطأ في حياة البشر ليس إيذاناً بالطرد، بل هو بوابة مفتوحة لمعرفة وداد الخالق والالتجاء إليه.
ولذلك يرسخ الفقه التربوي والشرعي مفهوماً عظيماً؛ وهو أن الله تعالى لا يريد من عباده كمالاً ملائكياً مستحيلاً، وإنما يريد منهم إياباً دائماً وانكساراً صادقاً. فكل كسر في القلوب يجبره الله، وكل خطوة يقترب بها العبد نحو ربه تائباً ومستغفراً، يقابلها فيض من القبول والترحيب الإلهي الذي يفوق الوصف.
إن عيش الإنسان في رحاب لطف الله يمنحه صلابة نفسية هائلة؛ فيدرك أن كل محنة تحمل في طياتها منحة، وأن الله أرحم بالعبد من الأم بولدها. فالحياة المستقرة لا تبدأ من خلو السجل من الزلات، وإنما من الطمأنينة إلى ربٍّ واسع المغفرة، رحيم بالضعف البشري، يداوي القلوب بجميل ستره وعظيم لطفه حتى تسير إليه آمنة مطمئنة.
د. عبد الكريم بكار

سُبْحَانَ اللَّهِ، الْحَمْدُ لِلَّهِ، لَا إِلَهَ إِلَّا اللَّهُ، اللَّهُ أَكْبَرُ.

خطرها ع الضيء اللي مهناش
زمان شخص نصحني نصيحة، قال لما بتبعثوا بحث لمجلة والنشر يبوا عليه هلبا فلوس، ابعث ايميل للمجلة، قوللهم اني نسكن ف دولة اي حد يخطر عليه يدير مليشيا وفي اي لحظه تنقلب حرب، البنزينة بالطابور وسيارتي تقعد بلا بنزينة ف نركب ف تاكسيات وخدمت هالبحث فهالظروف القاهرة، السيولة مفيش، الشعب غبي فالسواقة وسيمافروات مفيش وفي اي لحظة تخش فيا افانتي ونموت، الضي يهرب ونكافحوا باش نشحنوا اجهزتنا اللي بنخدموا بيها، لعل وعسى المجلة تدير تخفيض او تطلب سعر اقل
شن البلاد الخاربة هذه

سُبْحَانَ اللَّهِ، الْحَمْدُ لِلَّهِ، لَا إِلَهَ إِلَّا اللَّهُ، اللَّهُ أَكْبَرُ.

يجماعة، نعرف الكلام هذا مش حيعجب الغالبية بس مش مهم
بس امتى مجتمعنا الطبي وطلبة الطب والخريجين يكتسبوا الوعي ونركزوا ع تخصصنا ونعرفوا قيمته لان التغيير يبدا بالفرد وبعدين تتغير الجماعات بعدين يتغير ويتحسن المجال كله !
بتقولوا نكد ومثالية ! عادي
بس امتى حيكون بيننا كطلاب طب وعي، ومشاريع ومشاركة افكار وخطط واصلاحات وثقافة وتجهيز كارير مبكر وجودة ف دراسة الطب بدل التفاهة والاستنقاص اللي صاير لتخصصنا الوقت هذا كله !
شن معنى اني طالب طب فقط يبدا همي المسمى ونتعجرف ع الناس باني تكتور او تكتورة هاهاهاها واني هذا راس مالي ! او اني نصدر فالتفاهة من خلال تواصلي مع المحيط كواقع او ك سوشل ميديا او اننا بس نركزوا ع تفاتف الامور
نكملوا مادة ! نديروا حفلة، نتموا سمستر، نديروا حفلة، نديروا نوبة الخ الخ الخ الخ وهذا ف كل الدفعات من اكبر دفعات الكلينك لاصغر دفعة فالكلية
شن المعنى بس من اني نتعجرف بدون وعي بأني تكتور او تكتورة، ي تكتورة متعرفيش ان نهايتك بعدين الطبي ! او مرتب الالفين جني لو حصلتيه ! او ي تكتور برضو
مش فاهمين ان حني ف وضع ميسمحش لانك تشد ف التفاهات وتبدا طالب طب متع ترندات وتتبع ف المحتوى وحاشر رايك ف كل كبيرة وصغيرة بدل انك تحترم تخصصك وتوقف عنده وتكون على وعي باللي يستنى فيك بعدين وتحاول تجهز نفسك ع الاقل باش تنجوا وتفيد البلاد او اضعف الايمان تفيد نفسك
عييييت اني
😬