الشيخ علي المياحي

🔶
من الحجب الخفية ان تتحول عباداتك الى ( عادة باهتة ) بلا حضور قلب ، ولا توجه روح ، ولا تساهم في تزكية نفس ، ولا تقدم عملي نحو المحبوب !!
- عادة فقط بلا روح ولا أثر !!!
📜
يقول الإمام جعفر الصادق (عليه السلام) : "لا تغتروا بصلاتهم ولا بصيامهم، فإن الرجل ربما لهج بالصلاة والصوم حتى لو تركه استوحش، ولكن اختبروهم عند صدق الحديث وأداء الأمانة".
🔷
ولذلك دير بالك من ( الروتين المعنوي ) الي يكون مجرد حركات لا اكثر ، لا ينهى عن الذنب ، ولا يصدك عن معصية ، ولا يرفعك لدرجة !!!
- صلاة مجرد حركات ، وذكر مجرد سبحة تدورها بيدك ، وسوالف دينية مجرد لقلقة لسان [ يگول الغيبة حرام وهو ياخذ غيبة ] !
🔶
الغفلة درجات : ومن ادق درجاتها أن يتقدم الجسد في العبادات والروح عايشة بعالم ثاني ، عالم بعيد عن لذة الحضور ، وجمال العبادة ، وروعة القرب ، غفلة ( عميقة ) ضاربة الروح بزواياها الدقيقة ، وهاي الغفلة هي احد معاني الضياع الخفي !
🖊️
الشيخ علي المياحي
https://t.me/ali11041

🔶
يالله
السلام عليكم
🔺
اكو ببغاء
🦜
بداخل نفوسنا !!
( اكو انسان) شكو شغله يسمعها يسولف بيها ، يرددها ، ينقلها !!
لاهو متأكد منها ، ولا هي بيها فائدة ، ولا الكلام بيها يخدمه بطريق الله عزوجل !!!
▪️
هسه انت شعليك ؟!!!!
🔴
ومرات هاي ببغاء
🦜
النفس تتجاوز دائرة
⭕️
تكرار الاقوال !!!
🔺
شكو فعل تشتهيه تكرره !!
يابه هذا الفعل غلط !
او زايد !
او ما يليق بيك !!
ولا من شأنك !!
خليك مترفع عن التكرار والاعادة للاقوال والافعال الخطأ
لذلك - يا عائلتي الطيبة - مرات النفس تشبه الببغاء
- تكرر اشياء بمجرد ان سمعتها او رغبت بيها بدون وعي ولا ورع !
- ⁠مرات النفس تثير الضجيج بداخلك - حتى ما تخليك تفكر وتطلع بنتائج - مثل الببغاء
- ⁠بسرعة تتأثر بالمحيط مثل الببغاء يقلد الاصوات بسرعة .
صباحكم خير وبصيرة

🔶
مع كل صباح جديد اكو بارقة امل جديدة في طريق الهداية ودرب الحب الالهي !!!
🔷
كلما تگعد بيوم جديد معناها بدينه بداية جديدة ونهضة للسير نحو مملكة الجمال الالهي ... ونبدي من جديد على أمل ان نقترب من ( وادي طوى الحقيقة ) ونكون من (أهل السعادة الحقيقية) .
📌
الصباح الجديد عند [ أهل القلوب ] مو مرحلة وقتية عابرة لاااا انما هو ( حياة جديدة ) ومنحة الهية فريدة !
لذلك تشوفهم هواااااي يهتمون بيه !
🔻
المهم :
🔺
صباح الخير والبدايات الجديدة

🌸
من أهم وصايا العلماء في تزكية النفس وبلوغ الكمالات : ان لا تقصر بمساعدة اخوانك المؤمنين ، هاي بيها توفيقات عجيبة ، واذا گدرت تعرف شنو احتياجاتهم وتقضيها فانت قد وصلت الى خيرٍ عظيم ، وبالخصوص أبناء رسول الله (صلى الله عليه وآله) ، ذرية علي و الزهراء (عليهما السلام) (السادة) .
🌸
تعظيم الشعائر الدينية - وخصوصا الحسينية - واحياء اوامر الله تعالى ، وتوقير الحرمات الالهية ، ومن هاي الامور : توقير العلماء ، واحترام الفقهاء ، وتقديس حماة الشريعة ، واحترام المؤمنين وصونهم والدفاع عنهم .
🌸
ومن الوصايا : تقبل قضاء الله وقدره ، وان لا يعترض على حكم الله (عز وجل) عليه ، وان يرضى برزقه ، وواقعه ، وان يسلم اموره لله تعالى ، ويكون شاكرا لله تعالى دوما ، ويصبر في مواطن البلاء فإن الصبر رأس الايمان .
🌸
صير دائم الدعاء لولي العصر (عجل الله تعالى فرجه الشريف) ، اسأل الله تعالى حفظه ، وسلامته ، واطلب تعجيل الفرج ، وتصدق نيابة عنه (عليه السلام) ، واكثر من دعاء الفرج ، ولا تنسى دعاء الندبة يوم الجمعة .
💐
ورودٌ على جانِبَي الطريق
💐
(4)
🖊️
الشيخ علي الميَّاحي
https://t.me/ali11041

الهمة العالية
الارادة القوية
الشجاعة الحكيمة
العزم الراسخ
هاي الصفات لازم ما تفارق المؤمن في (رحلة العشق) نحو المحبوب العظيم الى ان يصل لمملكة الجمال !
ومن يوصل راح يزول التعب وتبدي حياة الاطمئنان
وهسه خلي نصلي صلاة الليل ولا تنسون هذا العبد صاحب الوجه الاسود المليء بالذنوب بدعائكم

انت بهذا الطريق تصارع عدو شرس ( النفس الامارة بالسوء ) عنده غرائز ورغبات وشهوة ووهم وووو
فما يليق بيك ان تخمل عنه او تدير وجهك عن مكائده !
واذا ضلت عالسوالف الدينية والحچي الثقافي والعلمي فكلها تسولف !
راويني عملك ، اخلاصك ، عبادتك ، جهادك !

لا يليق بطالب طريق الله ان يكون ضعيف الهمة ، خامل الارادة ، واهن القوى !
الطالب بهذا الطريق لازم يكون متوهج ، شجاع ، قوي !