اعدادية الثريا للبنات

على الطالبات
هدى صلاح مهدي خامس ادبي
فاطمة ابراهيم مجيد. السادس العلمي
جلب مستمسكات وصورة غداً
للإدارة

على الطالبة هاجر نزار احمد مراجعة الإدارة بأسرع وقت ممكن

رابط قناة الرياضيات السادس الادبي

طبعا انه خريجه سادس اعدادي من الثريا
وكادر السادس بالاخص بدون استثناء ممتازين
الانكليزي الست رسل والست ساجده
العربي الست ايمان والاستاذ حسام
الكيمياء الاستاذ محمد
الفيزياء الست رانيا والاستاذ نواف
وملك الأحياء الاستاذ جواد
فقط الرياضيات عانينه منه لان مجان اكو مدرس رياضيات ثابت
لكن الاستاذ حمد ماقصر
(وطبعا كلش اعتذر لست رانيا لان ماجنه نفهمها بالبدايه وجنه مفكرين انو متعرف توصل فكره للطالب بس بعدين عرفت هيه اصلا خريجه علوم فيزياء يعني علميتها اكثر من ابو التربيه حته بس المشكله جانت انو شرحها ع مستوى اعلى من مستوى عقليتنه للاسف لان مجان عدنه اساس قوي دراستنه حته نجيب درجه اليوم وباجر ننسه كلشي درسنا) وهسه انا طالبه جامعيه بعد سنتين اتخرج ولهسه كلما يصادفني شي بدراستي اتذكر انو فلان استاذ هيج كللنه نسوي من نواجه هاي المشكله وبالاخير اكيد كلهم الهم فضل علينه والله يجزيهم الخير ع تعبهم ويانه و يوفقهم وين ماجانو
🤍

• أستاذتنا الفاضلة ومديرتنا الغالية، نشكرك من القلب على جهودك الرائعة، وحكمتك في إدارة المدرسة، وحرصك الدائم على توفير بيئة تعليمية محفزة وملهمة للجميع."
• "إلى من جعلت من القيادة رسالة إنسانية نبيلة، كل الشكر والتقدير لجهودك الكبيرة ودعمك المستمر لنا ولكل الكادر التدريسي والشكراً لقلبِكِ الكبير الذي احتوى الجميع، ولمجهوداتكِ المستمرة في دعمنا ودعم مسيرتنا التعليمية". طلاب.

بسم الله الرحمن الرحيم
السلام عليكم ورحمة الله وبركاته
🌷
تحية طيبة مليئة بالاحترام والتقدير إلى كادر إعدادية الثريا للبنات، وإلى مديرتها الفاضلة الست زينب، وإلى جميع مدرساتنا العزيزات، وإلى طالبات السادس العلمي، سواء كنّ من الطالبات المعيدات أو من طالبات دفعة 2027.
نحب أن نضيف كلمة من القلب إلى كل طالبة من طالبات السادس العلمي، وخصوصًا الطالبات اللواتي أعدن السنة، ونقول لهن: مو كل تأخير بالحياة يعني فشل، ومو كل تعثّر يعني نهاية الطريق. وأنا وحدة من الطالبات اللي أعدن السنة، وما أنسى فضل إعدادية الثريا وكادرها عليّ، لأنني تعلمت منهنّ هواية أمور، مو بس بالدراسة، وإنما بالحياة والتعامل وتحمل المسؤولية.
الطالبة اللي أعادت السنة مو معناها إنها مقصّرة أو ما عندها طموح، لأن أكو ظروف وأسباب هواية ممكن تكون خارج إرادتها، وأكو تعب وجهد ومحاولات ما يشوفها أحد. وأكو بنات بذلن كل ما عندهن، لكن النتائج ما كانت بمستوى تعبهن وأحلامهن.
لازم نكون منصفين ونحچي عن واقع السادس العلمي، لأن الظروف مو دائمًا تكون سهلة، والمعدلات تغيّرت، ومستوى الأسئلة وصعوبتها صار يشكّل تحدّيًا كبيرًا أمام الطالبات، والضغط النفسي والخوف من المستقبل والقلق من النتائج كلها أمور تأثر على الطالبة مهما كانت مجتهدة. مو كل طالبة ما حققت المعدل اللي تتمناه معناها ما درست، ومو كل طالبة اضطرت تعيد السنة معناها ما تستحق النجاح. أحيانًا الإنسان يبذل جهدًا كبيرًا، لكن النتيجة ما تجي مثل ما كان يتوقع، وهذا مو عيب ولا نهاية الدنيا.
وبخصوص موضوع الشعب والتقسيم، فهذا الشي ما يضر بالطالبة إذا كانت تدرس بجدية، سواء عن طريق اليوتيوب أو الدروس الخصوصية أو بأي طريقة مناسبة إلها. الطالبة الشاطرة ما تخلي التقسيم عذرًا، وإنما تستثمر وقتها وتشتغل على نفسها. المهم الاجتهاد والاستمرار، مو اسم الشعبة أو مكانها.
إلى كل طالبة معيدة، لا تخلّين كلمة أو نظرة أو مقارنة تكسّر خاطرچ. إنتِ مو أقل من غيرچ، وإعادتچ للسنة ما تقلّل من قيمتچ ولا من ذكائچ ولا من مستقبلچ. يمكن طريقچ صار أطول شويّة، لكن هذا ما يعني إنچ ما راح توصلين. لا تسمحين للإحباط يسرق منچ ثقتچ بنفسچ، ولا تقارنين رحلتچ برحلة غيرچ، لأن لكل إنسان ظروفه ووقته ونصيبه من الحياة.
وأحب أوضح أن إعدادية الثريا مو قليلة، فقد خرّجت أجيالًا هواية، وكادرها يعرف مصلحة الطالبات أكثر، ويحافظ على سمعتهنّ وراحتهنّ، وهذا الشي من أهم الأمور. وإذا كانت أكو طالبة تريد تغيّر أو عندها ملاحظة، فالأفضل تطرحها باحترام وهدوء، مو بطريقة تقلّل من جهود المدرسة أو تجعل نفسها أقوى من الإدارة والكادر. باب الإدارة مفتوح، والست زينب تستقبل كل طالبة تراجعها وتسمع لها، وهذا دليل على حرصها على الطالبات ومصلحتهنّ.
وإلى طالبات دفعة 2027، نتمنى منكنّ أن تنظرن إلى زميلاتكنّ المعيدات بعين الرحمة والتقدير، مو بعين الحكم أو التقليل من شأنهنّ. كل وحدة منهنّ عندها قصة وتعب وأمل، ويمكن أكثر شي تحتاجه اليوم هو كلمة طيبة تشجّعها، أو موقف يرفع معنوياتها، أو شخص يذكّرها بأنها قادرة على النجاح من جديد. خلّونا نكون سندًا لبعضنا، لأن المنافسة الحقيقية مو بأن نقلّل من غيرنا، وإنما بأن ننجح ونفرح لنجاح الآخرين.
ونوجّه كل الاحترام والتقدير إلى إدارة إعدادية الثريا للبنات، وإلى الست زينب وكادر المدرسة الكريم، على جهودهنّ في متابعة الطالبات وتوجيههنّ، ونتمنى أن تبقى مدرستنا مكانًا يحتضن الطالبات ويدعمهنّ نفسيًا ومعنويًا، خصوصًا في هذه المرحلة الصعبة التي تحتاج إلى الصبر والتشجيع والتفهّم.
بالنهاية، نريد نتذكّر أن السادس العلمي مرحلة من مراحل الحياة، مهما كانت صعبة ومهما كانت نتائجها، لكنها مو المقياس الوحيد لقيمة الإنسان ولا لنهاية مستقبله. المعدل مهم، والنجاح مهم، لكن الأهم أن الإنسان ما يفقد ثقته بنفسه ولا يستسلم بعد أول عثرة. يمكن اليوم أكو دموع وحزن وخيبة أمل، لكن باچر ممكن تكون أكو فرحة ونجاح وتعويض جميل من الله سبحانه وتعالى.
لكل طالبة تعبت وما حصلت النتيجة اللي تستحقها، ولكل طالبة اضطرت تعيد السنة: لا تلومين نفسچ على كل شيء، ولا تعتبرين نفسچ فاشلة، لأن مو كل الظروف بإيد الإنسان، ومو كل النتائج تعكس حقيقة قدراته. خذي من التجربة درسًا، ومن التعب قوة، ومن الأمل دافعًا حتى تبدئين من جديد.
نسأل الله أن يوفّق جميع طالبات السادس العلمي، وأن يجبر بخاطر كل طالبة حزينة، ويعوّض تعب كل مجتهدة خيرًا، ويرزقهنّ النجاح والفرحة وتحقيق الأمنيات، ويحفظ كادر إعدادية الثريا للبنات ومديرتها الست زينب، ويجزيهنّ كل خير على جهودهنّ.
مع خالص المحبة والاحترام والتقدير للجميع.
🌸

https://t.me/+R0EmfjKQbAwzMTIy
قناة اللغه الانجليزيه للصف السادس العلمي شعبة ج وشعبه د
ست ساجدة