Andijon tumani hokimligi matbuot xizmati

Aziz andijonliklar, qadrli viloyatimiz mehmonlari!
Yangilanish, yasharish va ezgulik ayyomi — Navro‘zi olam kirib kelayotgan ushbu qutlug‘ kunlarda barchangizni 20 mart kuni
“Navro‘zni ulug‘lash – insonni ulug‘lashdir!”
shiori ostida Bobur shahrida bo‘lib o‘tadigan ko‘tarinki kayfiyat, milliy an’analar va shodiyonaga boy xalq sayliga samimiy chorlab qolamiz!
Bu sayl — nafaqat bayram, balki mehr-oqibat, bag‘rikenglik, qadriyat va insoniylik tantanasi hamdir.
Bu sayl — yurt nafasi, el quvonchi, dillar taronasi!
Bu saylda Navro‘zning betakror shukuhi, milliy urf-odatlarimiz jozibasi, kuy-qo‘shiqlar sadosi va qalblarga nur ulashuvchi iliq onlar sizlarni qarshi oladi.
Keling, shu ulug‘ ayyomda birga bo‘laylik!
Keling, Navro‘z fayzini birga his etaylik!
Keling, Bobur shahrida bayram shodiyonasini birgalikda ulug‘laylik!
20-mart kuni Bobur shahrida bo‘lib o‘tadigan xalq sayliga marhamat!
Navro‘z quvonchi siz bilan yanada go‘zal!
Andijon tumani hokimligi matbuot xizmati
Telegram
|
Facebook
|
Instagram

Andijon tumanida aliment masalalari yuzasidan ayollar murojaatlari tinglandi.
Andijon tumani hokimi Boburjon Yuldashev tuman sektor rahbarlari hamda Majburiy ijro byurosi Andijon tuman bo‘limi rahbari ishtirokida ajrimdan so‘ng aliment to‘lovlarini undirishda qiyinchilikka duch kelayotgan ayollar bilan uchrashuv o‘tkazdi.
Uchrashuv davomida fuqarolarning murojaatlari tinglanib, aliment to‘lovlarini undirish jarayonida yuzaga kelayotgan muammolar muhokama qilindi. Har bir murojaat yuzasidan mas’ul tashkilotlar tomonidan tegishli tushuntirishlar berilib, muammolarni bartaraf etish bo‘yicha aniq choralar belgilandi.
Uchrashuv yakunida mutasaddi rahbarlarga aliment bilan bog‘liq ijro ishlarini yanada jadallashtirish hamda fuqarolarning qonuniy huquq va manfaatlarini ta’minlash bo‘yicha tegishli topshiriqlar berildi.
Andijon tumani hokimligi matbuot xizmati
Telegram
|
Facebook
|
Instagram

“Yashil makon” loyihasi doirasida Andijon tuman tibbiyot birlashmasida ko‘kalamzorlashtirish ishlari amalga oshirildi
“Yashil makon” umummilliy loyihasi doirasida Andijon tuman tibbiyot birlashmasi hududida obodonlashtirish va ko‘kalamzorlashtirish ishlari olib borildi. Mazkur tadbir atrof-muhitni muhofaza qilish, hududning ekologik holatini yaxshilash hamda maskan ko‘rkini yanada oshirishga qaratildi.
Amaliy ishlar davomida hududdagi yer maydonlari tartibga keltirilib, turli xil manzarali va mevali daraxt ko‘chatlari ekildi. Shuningdek, hududni yanada ko‘rkam qilish maqsadida gulzorlar barpo etilib, rang-barang gul ko‘chatlari o‘tqazildi.
Tadbir yakunida ekilgan daraxt va gul ko‘chatlarini muntazam parvarishlash, sug‘orish hamda ularni asrab-avaylash ishlari tizimli ravishda tashkil etilishi ta’kidlandi.
Andijon tumani hokimligi matbuot xizmati
Telegram
|
Facebook
|
Instagram

Jaholatga qarshi maʼrifat – jamiyatimiz taraqqiyotining kaliti.
Andijon tumani 5-maktabida yuqori sinf o‘quvchilari ishtirokida
"Jaholatga qarshi maʼrifat"
mavzusida targ‘ibor tadbiri o‘tkazildi
Ushbu tadbirda mahalla faollari, o’qituvchi va o’quvchilarga jaholat, uning zararli oqibatlari haqida chuqur maʼlumotlar berildi, jamiyatimizni axloqiy muammolardan asrashda har birimizning mas’uliyatimiz haqida fikr almashildi.
Maʼrifat orqali nafaqat jamiyatdagi zararli illatlarga qarshi kurashish, balki insonlarning ongini yuksaltirish, milliy va umuminsoniy qadriyatlarni mustahkamlash maqsad qilindi.
Andijon tumani hokimligi matbuot xizmati
Telegram
|
Facebook
|
Instagram

Hashar - yoshlarga yarashar
Yurtimiz boʻylab oʻtkazilayotgan umumxalq hashari doirasida Andijon tumani mahallalardagi yoshlar yetakchilari tomonidan tumanimizdagi “Tuyamozor” qabristonida keng ko‘lamli obodonlashtirish ishlari olib borildi. Hashar davomida hudud tozalanib, qabriston atrofidagi begona o‘tlar va chiqindilar yig‘ishtirildi, yo‘laklar tartibga keltirildi.
Mazkur tadbir yoshlar o‘rtasida milliy qadriyatlarimizni asrab-avaylash, kattalarga hurmat va muqaddas maskanlarni e’zozlash tuyg‘ularini yanada mustahkamlashga xizmat qildi. Yoshlar bir yoqadan bosh chiqarib, qabriston hududini yanada obod va saranjom holatga keltirishga o‘z hissalarini qo‘shdilar.
#Hashar
#ObodMahalla
Andijon tumani hokimligi matbuot xizmati
Telegram
|
Facebook
|
Instagram

"Hashar-xalqimizga yarashar"
Hashar
— xalqimizning qadimiy va azaliy qadriyatlaridan biridir.  Uning zamirida
obodlik, hamjihatlik, mehr-oqibat, xayr-sahovat va bunyodkorlik mujassam.
Bugun yurtimizning
barcha mahallalari qatorida Andijon tumani "Gumbaz"
mahallasida ham umumxalq hashari tashkil etildi.
Yurt obodligi avvalo mahalladan boshlanadi shiori ostida o’tkazilgan hasharda,
ko'chalar, yo'l bo'ylari, "Gumbaz ota" qabristonida tozalov va tartibga keltirish ishlari
olib borildi, chiqindilar maxsus mashinalar orqali tozalandi.
Hashar ishlari
barcha mahallalarda ko'tarinkilik va katta ishtiyoq
bilan davom etmoqda.
Andijon tumani hokimligi matbuot xizmati
Telegram
|
Facebook
|
Instagram

Prezident Shavkat Mirziyoyev raisligida
aholi murojaatlari bilan ishlash tizimini yangi darajaga ko‘tarish va jamoatchilik fikrini chuqur tahlil qilish masalalari
muhokamasiga bag‘ishlangan
videoselektor yig‘ilishida
belgilangan asosiy vazifalar.
Batafsil — yuqoridagi
#infografikada
Andijon
tumani hokimligi matbuot xizmati
Telegram
|
Facebook
|
Instagram

Andijon tumani 22-umumiy o‘rta ta’lim maktabining “Biz ekologiyani asraymiz” volontyorlari tomonidan “Ona tabiatni asrash – har birimizning burchimizdir” shiori ostida Yangi Andijon massividagi Bobur shahrida ekologik aksiya tashkil etildi.
Mazkur aksiya davomida volontyor o‘quvchilar atrof-muhitni asrash, tabiatni toza saqlash va ekologik madaniyatni oshirishga qaratilgan targ‘ibot ishlarini olib bordilar. Shuningdek, hududni tozalash, daraxt va yashil hududlarni asrash bo‘yicha amaliy ishlar amalga oshirildi.
Bunday ezgu tashabbuslar yoshlar qalbida tabiatga mehr, mas’uliyat va e’tibor tuyg‘ularini yanada mustahkamlaydi. Chunki tabiat – bizning umumiy uyimiz, uni asrash esa kelajak avlod oldidagi muhim burchimizdir.
Andijon tumani hokimligi matbuot xizmati
Telegram
|
Facebook
|
Instagram

Andijon tumanida umumxalq xayriya hashari davom etmoqda
Yurtimiz bo‘ylab an’anaviy tarzda o‘tkazilayotgan umumxalq xayriya hashari doirasida Andijon tumanida ham keng ko‘lamli obodonlashtirish ishlari davom etmoqda.
Ushbu ezgu tashabbusda tuman tashkilotlari xodimlari, mahalla faollari hamda ko‘ngilli fuqarolar faol ishtirok etib, hududlarni yanada obod va fayzli qilishga o‘z hissalarini qo‘shmoqdalar.
Xususan, tumandagi qabristonlar hududlarida hashar yo‘li bilan tozalash va tartibga keltirish ishlari olib borilmoqda. Shuningdek, hududlarni yanada chiroyli va fayzli qilish maqsadida manzarali ko‘chatlar ekilib, yashil hududlar kengaytirilmoqda.
Umumxalq hashari — bu nafaqat obodonlashtirish ishlari, balki hamjihatlik, mehr-oqibat va birdamlik timsolidir.
Andijon tumani hokimligi matbuot xizmati
Web
|
Telegram
|
Facebook
|
Instagram

Bugun Bobur shahrida
Navro‘z
oldi umumxalq hashari tashkil etildi.
Hashar doirasida hududda obodonchilik ishlari olib borilib, ko‘chat ekish tadbirlari tashkil qilindi.
Tadbirda viloyat hokimi Shuhratbek Abdurahmonov, Madaniyat vaziri Ozodbek Nazarbekov hamda O‘zbekiston xalq artisti Yodgor Sa’diyev ishtirok etib, yangi tashkil etilayotgan bog‘ga ko‘chat ekdilar.
Andijon tumani hokimligi matbuot xizmati
Telegram
|
Facebook
|
Instagram