Aqoid asoslari
Муаммо ва ечим
Ҳар бир замон ва ҳар бир инсоннинг ўз
имтиҳони
бор.
Имтиҳондан нолиш
фойда бермайди. Ундан
муваффақиятли ўтиш
йўлини излашимиз зарур.
@aqoid_asoslari
замонавий инсоннинг руҳий изтироблари
Taʼtil kunlarini qanday oʻtkazish haqida uchta asosiy tavsiya @aqoid_asoslari
Taʼtil kunlarini qanday oʻtkazish haqida uchta asosiy tavsiya
@aqoid_asoslari
Муаммо ва ечим
Шахсиятни англаш
бу инсон ич-ичидан ўзининг борлигини, мавжудлиги ҳисобга олинган, таъсир кўрсатувчи ва қадрли эканини ҳис қилишидир.
Одамлар бу
туйғуни
турлича манбалардан топишлари мумкин:
Иш (меҳнат);
Алоқалар (муносабатлар);
Ибодатлар;
Ҳокимият (мавқе, мансаб);
Бойлик;
Фарзандлар;
Илм;
Одамларнинг мақтови ва эътирофи...
Бироқ,
замонавий дунё
нинг салбий томонларидан бири шундаки, у ўзликни англашни аввалгидан кўра анча мураккаб ва чигал қилиб қўйди. Эндиликда инсон бу туйғуни бир ёки иккита манбадан топиш билан кифоялана олмайди. Ижтимоий тармоқлар ва замонавий маданият нуқтайи назаридан, у бир вақтнинг ўзида қуйидагиларга эришиши талаб қилинмоқда:
Касбий жиҳатдан муваффақиятли;
Бой-бадавлат;
Таъсир доирасига эга;
Машҳур;
Зиёли (илмий унвонли);
Спортчи (соғлом);
Шахсий ҳаётда бахтли;
Доимий саёҳатда бўлувчи;
Ҳаётда ўз олий мақсадига эга инсон бўлиши керак...
Ва буларнинг барчасига бир вақтнинг ўзида, бирданига эришиш талаб этилади.
Айнан шу ерда замонавий инсоннинг руҳий изтироблари бошланади:
Хавотир ва беҳаловатлик;
Ўзидан ва бошқалардан норозилик, қониқмаслик ҳисси;
Ўзига ва ўзгаларга нисбатан нафрат, ҳасад ҳамда адоват...
Чунки бу мақсадларнинг аксарияти
бир-бирига зид
келади ва ҳар бирининг ўз бадали(тўлови) бор. Бир нарсанинг ортидан қувиш, одатда, бошқа бир нарсани қурбон қилишни талаб қилади. Шу боис, инсон барча муваффақият ва мукаммаллик кўринишларини биргина ҳаётга жамлай олади деб ўйлаш — замонамизнинг энг катта иллюзияларидан (
ҳомхаёлларидан
) биридир.
Шунинг учун айтаманки:
Инсон
ҳаёт
ни барча мумкин бўлган фазилат ва ютуқларни тўплаш лойиҳаси эмас,
балки жонфидо қилишга арзийдиган нарсани танлаш маҳорати эканини англаб етиши — ҳикматдир.
Муваффақият
— ҳамма нарсага эришиш эмас, балки
бутун умрингизни нимани излашга сарфлашга арзишини ва нималардан бамайлихотир воз кечиш мумкинлигини билишдир.
Аллоҳим, бизга ўзлигимизни англат ва бизни гўзал танлов қилувчилардан айла!
Шайх Аҳмад Иброҳим (ҳафизаҳуллоҳ)
@aqoid_asoslari
Сир
Илмга муҳаббатли талабангиз бўлиши энг катта неъматдир.
Муҳаббати ва ихлоси сабаб Аллоҳ таоло сизга фаҳм эшикларини очади.
Аллома Саид Абдуллатиф Фуда (ҳафизаҳуллоҳ)
@aqoid_asoslari
Нукта
Улуғ исм: Муҳаммад
«Мен илгарилари Расулуллоҳ (соллаллоҳу алайҳи васаллам)нинг исмлари борасида фикр юритиб, у зотнинг Қуръони каримда танилган хос исмлари — улуғ исмларининг ҳарфлари ҳаётларидаги энг муҳим босқичларга ишора қилишини кўрдим. Бу рамзий маънолар талабаларга у зотнинг ҳаётларидаги ўша улуғ ва нурли кунларни ёдда сақлашга ёрдам беришини англадим.
Зеро, ҳар бир ҳарф маълум бир воқеага, ўша воқеа содир бўлган жойга ва ўша лаҳзада Расулуллоҳ (соллаллоҳу алайҳи васаллам)нинг қандай ҳолатда бўлганликларига далолат қилади».
М-у-Ҳ-а-М-М-а-Д (محمد)
Биринчи Мим (م):
У зотнинг таваллудлари (
М
авлид) —
М
аккада — хатна қилинган (
М
ахтун) ҳолда бўлди.
Ҳа (ح):
Ваҳий (
Ваҳ-й
) келган кун —
Ҳ
иро ғорида — ибодат ва тафаккур (
Мутаҳаннис
) ҳолатида эдилар.
Ташдидли Мим (бу икки марта келган „м“ ҳарфидир):
Биринчиси: Исро (
М
асро) ва
М
еърож кечаси — Байтул
М
ақдисга ва Сидратул
М
унтаҳогача — пайғамбарлар ҳамда фаришталар томонидан қутланган, улуғланган (
М
уҳтафа биҳ) ҳолда бўлди.
Иккинчиси: Ҳижрат (
М
уҳажар) вақти —
М
адинага — ансорлар томонидан қучоқ очиб, шодлик билан (
М
уҳтафа биҳ) кутиб олиндилар.
Дол (د):
Видолашув (
Видо
) ва дафн этилиш (
Дафн
) кунлари — у зот соллаллоҳу алайҳи васалламнинг ўз уйларида (
Дор
) бўлди.
У зотга қайси томондан назар солманг, у зоти бобаракот қайси комиллик билан ва нима учун юборилган бўлсалар, сизни ўша комилликка етаклайди.
Аллоҳим, Саййидимиз Муҳаммадга, у зотнинг аҳли оилалари ва саҳобаларига саловот, салом ва баракотларингни ёғдиргин.
Аллома Мустафо Баҳявий (Аллоҳ у кишини ўз паноҳида асрасин)
1438-ҳижрий (2016-милодий) йили Расулуллоҳ соллаллоҳу алайҳи васалламнинг мавлидларига бағишлаб Суриййин масжидида қилган дарсларидан олинди.
@aqoid_asoslari
Манҳаж
–
Ақл
* муқаддам қўйиладими ёки
нақл
?
–
Савол хато. Балки яқиний илмни тақазо этувчиси доим муқаддам қўйилади.
Устоз Али Маҳмуд Умарий (ҳафизаҳуллоҳ)
*Ақлдан мурод нарсаларнинг
моҳияти ва ҳақиқати
дан келиб чиқиб фикрлайдиган ақлдир,
ҳис этиш аъзолари
берган маълумотлар ёки
шахсий тажриба
га асосланиб хулоса қиладиган ақл эмас.
@aqoid_asoslari
Сифат ва ҳиммат
Васит ҳақида менга эътироз билдиришади. Ҳолбуки, уни 400(тўрт юз) марта ўқиганман.
Шайхул Ислом Имом Нававий (роҳимаҳуллоҳ)
@aqoid_asoslari
Iydul Azho – Qurbon hayiti barchamizga muborak va xayrli bo‘lsin!
Alloh taolo hammamizni Iymonda, Islomda va Ehsonda sobitqadam qilsin! Chiroyli xotima nasib etsin!
Hijriy 1447 yil, 10- Zulhijja
🌹
@aqoid_asoslari