Aqoid asoslari

Аллоҳим! Албатта Сен афв қилувчи ва карамлисан. Афвни яхши кўрасан, мени афв қилгин, дегин

ЛАЙЛАТУЛ ҚАДР ДУОСИ
وَعَنْ أم المؤمنين عائشة رضي الله عنهَا قُلْتُ: يَا رَسُولَ اللهِ، أَرَأَيْتَ إِنْ عَلِمْتُ أَيُّ لَيْلَةٍ لَيْلَةُ الْقَدْرِ مَا أَقُولُ فِيهَا؟ قَالَ:
قُولِي اللَّهُمَّ إِنَّكَ عُفُوٌّ كَرِيمٌ تُحِبُّ الْعَفْوَ فَاعْفُ عَنِّي
!
Оиша розияллоҳу анҳо Онамиздан ривоят қилинади:
Эй Аллоҳнинг Расули! Айтинг-чи, агар
Лайлатул қадр
кечаси қайси кеча эканини билсам, унда нима дейман? дедим.
Аллоҳим! Албатта Сен афв қилувчи ва карамлисан. Афвни яхши кўрасан, мени афв қилгин, дегин,
дедилар.
@aqoid_asoslari

#эслатма
❗️
ҚАДР КЕЧАСИНИ ЎТКАЗИБ ЮБОРМАНГ!
👁
Бугун 10 март сешанба куни шом намозидан кейин Рамазон ойининг 21-кечаси бошланади.
Оиша розияллоҳу анҳодан ривоят қилинган ҳадисда Расулуллоҳ соллаллоҳу алайҳи васаллам:
"Қадр кечасини Рамазоннинг охирги ўн кечасининг тоқ
(кеча)
ларидан изланглар"
деганлар (Имом Бухорий ва Имом Муслим ривоятлари).
Ушбу муборак кечалар Лайлатул қадрни топиш учун қулай фурсатдир. Шундай экан, минг ойдан афзал ушбу кечани ғанимат билиб, уни тоат-ибодат билан ўтказишга ғайрат қилайлик.
Ўзбекистон мусулмонлари идораси
Фатво маркази.
Қадр кечасининг қандай фазилатлари бор? Унда қандай амалларни бажариш керак?
😎
РАСМИЙ САҲИФА
✅
УЛАШИНГ
🗣

Нега
Қадр кечаси
?
Қадр
сўзининг бир қанча маънолари бор:
1.
Қадр-қимматли
кеча;
2.
Қадри улуғ Китоб – Қуръони карим
нозил бўлган кеча,
Қадри буюк фаришталар
ерга тушадиган кеча,
Буюк раҳмат
тушадиган кеча;
3. Фаришталар кўплигидан ер юзи
торайиб қоладиган
кеча;
4. Бу кечани қадрлаган инсон
қадр-қиммат топадиган
кеча;
5. Яратилмишларнинг
бир йиллик қадарлари белгиланадиган
кеча;
6. Ундаги солиҳ амаллар бошқа кунлардагидан
қадри буюк ва савоби улуғ бўладиган
кеча.
Аллоҳ таоло
Қадр
кечасининг
қадрини
билиб,
қадрига
етиб,
қадрли амаллар
қилиб,
қадарлари хайрли
ва
қадри улуғ
инсонларга айланиб,
қадри улуғ Китоб
га эргашиб
қадри улуғ
фаришталар мақомига эришишни насиб этсин!
Дуоларингизда эсланг, Аллоҳ таоло дуоларингизни ижобат қилсин!
@aqoid_asoslari

Ҳиммат ҳақида
Бошлаш ҳамма учун. Охирига етказиш эса фақат самимийлар учун.
Рaмазон охирида ҳимматни янада орттиринг...
@aqoid_asoslari

Тажриба
Ёшликдаги азму қарорларни зое қилганчалик бошқа бирон нарсага афсусланмайсиз.
Устоз Али Маҳмуд Умарий (ҳафизаҳуллоҳ)
@aqoid_asoslari

Меъёр
Аллоҳ таолога тазаллул –
муҳтожлик
изҳор қилиш
азизликдир
.
Аллоҳ таолонинг қайдлари билан чегараланиш
ҳурриятдир
.
Бошқа азизлик ва ҳурриятлар аслида хорлик ва ҳавои
нафсга қуллик
(нафс хоҳишлари ва қайдлари билан чегараланишдир).
Ҳавои нафс ва шайтон ўз истаклари ва оний лаззатлари учун Аллоҳ таолонинг чегараларидан "
озод
" бўлиш учун "
ҳуррият
"ларнинг баҳона ва хийлаларини қидираверади...
Бу имтиҳон ҳар биримизда ҳар куни кичик Қиёмат –
ўлимга
қадар давом этади.
@aqoid_asoslari

Сон эмас сифат
Бир куни Амирул мўминийн Ҳазрати Умар розияллоҳу анҳу саҳобалар билан жамланиб ўтирганларида:
Орзу қилинглар
, дедилар.
Бир киши: Қанийди мана шу ҳовли тўла
олтин
бўлса-ю, Аллоҳ таоло розилиги учун сарфласам, деди.
Сўнг яна:
Орзу қилинглар
, дедилар.
Бошқа бир киши: Қанийди мана шу ҳовли тўла
дуру-жавоҳир ёки забаржад
бўлса-ю, Аллоҳ таоло розилиги учун сарфласам ва эҳсон қилсам, деди.
Сўнгра яна Ҳазрати Умар розияллоҳу анҳу:
Орзу қилинглар
, дедилар.
Ҳаммажлислари:
Билолмадик, эй Мўминлар амири
, дейишди.
Шунда Ҳазрати Умар розияллоҳу анҳу: Қанийди мана шу ҳовли тўла
Абу Убайда ибн Жарроҳ, Муоз ибн Жабал, Ҳузайфанинг мавлоси Солим ва Ҳузайфа ибн Ямон
каби кишилар бўлсайди... дедилар.
Холид ибн Валид розияллоҳу анҳу Ҳийрани қамал қилганларида Амирул мўминийн Ҳазрати Абу Бакр Сиддиқ розияллоҳу анҳудан қўшимча куч сўрайдилар. Шунда Абу Бакр Сиддиқ розияллоҳу анҳу
бир киши – Қаъқо ибн Амр
розияллоҳу анҳуни ёрдамга юборадилар ва:
Ичларида у каби одам бўлган қўшин енгилмайди
, дейдилар.
Ва яна:
Қаъқо ибн Амрнинг қўшиндаги овози минг кишидан яхши
, дердилар.
Амр ибн Ос розияллоҳу анҳу Мисрни фатҳ қилаётганларида Амирул мўминийн Ҳазрати Умар розияллоҳу анҳудан мадад сўраганларида, шундай жавоб берадилар:
Ҳамду сано ва салaвотлардан сўнг, мен сизга тўрт минг кишини ёрдамга юборябман.
Ҳар минг кишига бошлиқ тўртта одам бор, ҳар бирлари минг кишига тенг. Булар: Зубайр ибн Аввом, Миқдод ибн Амр, Убода ибн Сомит ва Маслама ибн Махлад
(Аллоҳ таоло барчаларидан рози бўлсин!).
@aqoid_asoslari