Ar-Rohman.uz

#истиғфор
Агар инсон шикоят қилишдан кўра
кўпроқ истиғфор
айтганида, шикоят қилишга улгурмасидан туриб
қалбига ором
топган бўлар эди.
Қалбингиз сиқилдими? Ишларингиз юришмаяптими? Кўнглингизда оғирлик борми? Шикоятни кўпайтиришдан олдин, истиғфорни кўпайтиринг.
Истиғфор зикрлари:
-
أَسْتَغْفِرُ اللَّهَ
Астағфируллоҳ
-
أَسْتَغْفِرُ اللَّهَ وَأَتُوبُ إِلَيْهِ
Астағфируллоҳа ва атубу илайҳ
-
رَبِّ اغْفِرْ لِي وَتُبْ عَلَيَّ إِنَّكَ أَنْتَ التَّوَّابُ الرَّحِيمُ
Роббиғфир лий ва туб алайя, иннака антат-Таввабур-Роҳийм.
Истиғфор фақат гуноҳлар учун мағфират сўраш эмас, балки қалбни Аллоҳга юзлантириш ҳамдир. Қалбингиз оғирлашганда истиғфорни кўпайтиринг, дуо қилинг ва Аллоҳнинг раҳматидан умид узманг. Ташвишларингизни Унга арз қилинг — зеро, У қалбларга ором берувчи Зотдир.
https://t.me/ArRohman_uz

Ar-Rohman.uz
pinned a photo

#Намоз_вақтлари
"Ар-Раҳмон" жомеъ масжидида намоз вақтлари ўзгарди:
🕰
БОМДОД    06:00
🕰
ПЕШИН       13:00
🕰
АСР              15:45
🕰
ШОМ            17:35
🕰
ХУФТОН      19:15
"Намозни тўкис адо этинглар. Албатта, намоз мўминларга вақтида фарз қилингандур" .
(Нисо сураси 103 -оят)
Дўстларингизга хам улашинг !!!
👇
👇
https://t.me/ArRohman_uz

УЧ ТОИФА ОНА
1-тоифа. Меҳрибон она.
У ҳадя олса: “Болам, сенга ҳадя олдим” деб, фарзандига меҳрини изҳор этади.
2-тоифа. Вафодор она.
У: “Болам, сенга ҳадя олдим, лекин пулини отанг берди” деб, фарзандига ҳам ўзининг, ҳам эрининг меҳрини билдиради.
3-тоифа. Ҳам вафодор, ҳам муаллима, ҳам муслима она.
У: “Болам, сенга ҳадя олдим. Унинг пулини отанг берган бўлса-да, лекин буни Аллоҳ дилимга солди. Шу боис аввал Аллоҳга шукр қил, сўнгра раҳматингни изҳор айла” деб, фарзандига шукр қилишни ва ўз ўрнида ташаккур айтишни ўргатади.
https://t.me/ArRohman_uz

📌
НАФСНИНГ 7 ТУРИНИ БИЛАСИЗМИ?
Динимизда инсоннинг ички дунёсини поклаш энг олий мақсадлардандир. Уламоларимиз Қуръони Карим оятларига таянган ҳолда, нафснинг 7 та турини баён қилганлар:
1.
Нафси аммора (Ёмонликка буюрувчи нафс)
Энг қуйи даража бўлиб, инсонни фақат гуноҳ, шаҳват ва Аллоҳга осийлик қилишга ундайди.
2.
Нафси лаввома (Маломат қилувчи нафс)
Гуноҳ иш қилиб қўйганда эгасини виждон азобига солувчи, қилмишидан пушаймон бўлиб, ўзини маломат қилувчи нафс.
3.
Нафси мулҳима (Илҳомланувчи нафс)
Яхшилик ва ёмонликни ажрата оладиган, қалбига Аллоҳ томонидан тақво ва чиройли амаллар илҳом қилинадиган нафс.
5.
Нафси мутмаинна (Осуда нафс)
Иймон ва Аллоҳнинг зикри билан бутунлай хотиржамлик топган, шубҳа ва қўрқувлардан қутилган олий нафс даражаси.
5.
Нафси розия (Рози бўлган нафс)
Бошига келган ҳар бир синов ва тақдирга чиройли сабр қилиб, Аллоҳнинг ҳукмидан тўла рози бўлган нафс.
6.
Нафси марзия (Розилик топган нафс)
Ўзи Аллоҳдан рози бўлгани каби, Аллоҳ таоло ҳам ундан ва қилган амалларидан рози бўлган нафс мақоми.
7.
Нафси комила (Мукаммал нафс)
Инсоний қусурлардан бутунлай пок бўлган, пайғамбарлар ва авлиёларга хос энг олий ва мукаммал нафс даражаси.
🤲
Аллоҳ таоло барчамизнинг нафсимизни пок ва хотиржам нафслардан қилсин!
https://t.me/ArRohman_uz

#Ҳадис
Абу Толҳа розияллоҳу анҳудан ривоят қилинади:
"Бир куни Набий соллаллоҳу алайҳи васаллам хурсанд ҳолда келдилар. Биз: "Юзингизда хурсандчиликни кўряпмиз! (нима бўлди?), – дедик. Расулуллоҳ саллаллоҳу алайҳи васаллам: "Менинг олдимга фаришта (Жаброил алайҳиссалом) келди ва: "Эй, Муҳаммад! Роббингиз шундай деди: "Мен сизга бир марта саловот айтган кишига ўнта саловот айтишим ва сизга бир марта салом айтган кишига ўнта салом айтишим сизни рози қилмайдими", – деб хабар берди
.
https://t.me/ArRohman_uz

جاءت امرأة عجوز إلى النبي ﷺ وقالت:
يا رسول الله ادع الله أن يدخلني الجنة،
فقال لها مداعبا: إن الجنة لا يدخلها عجوز
فبكت المرأة فتبسم النبي ﷺ وقال:
أخبروها أنها لا تدخلها وهي عجوز، إن الله تعالى يقول:
﴿إِنَّا أَنشَأْنَاهُنَّ إِنشَاءً ۝ فَجَعَلْنَاهُنَّ أَبْكَارًا ۝ عُرُبًا أَتْرَابًا﴾
أي أنها تعود شابة جميلة قبل دخولها.
Бир кекса аёл Пайғамбар ﷺ олдиларига келиб:
«Ё Расулуллоҳ, Аллоҳдан мени жаннатга киритишини сўраб дуо қилинг», деди.
У зот ﷺ ҳазил қилиб: «Жаннатга кампирлар кирмайди», дедилар.
Аёл йиғлаб юборди. Шунда Пайғамбар ﷺ табассум қилдилар ва дедилар:
«Унга айтинглар, у жаннатга кампир ҳолида кирмайди. Зеро, Аллоҳ таоло шундай дейди:
«Абатта, Биз уларни (жозибадор) янгидан бино этдик (яратдик). Ва уларни бокиралар, севикли ва тенгқурлар қилиб қўйдик» (Воқеа сураси, 35-37-оятлар)».
Яъни, у жаннатга киришдан олдин яна гўзал ва ёш қизга айланади.
Ушбу машҳур ҳадис Пайғамбар соллаллоҳу алайҳи ва салламнинг аёлга ҳазил қилганлари ва сўнг жаннатда ҳамма мукаммал, ёш ва гўзал суратда қайта тирилишини ушбу оят билан баён қилиб, кўнглини кўтарганлари ифодаланган.
https://t.me/ArRohman_uz

Qur'oni Karimdagi eng qisqa sura ortidagi hayratlanarli sirlar...
Kavsar surasi Makkada nozil bo'lgan 3 oyatdan iborat.
https://t.me/ArRohman_uz

#Ҳадис
Ибн Аббос розияллоҳу анҳумодан ривоят қилинади: «Набий соллаллоҳу алайҳи ва саллам икки қабр ёнидан ўтдилар ва: “
Албатта, бу иккиси азобланяпти. Катта нарса учун азобланаётганлари йўқ
”, дедилар. Кейин: “
Улардан бири чақимчилик қилиб юрар эди, бошқаси эса пешобидан эҳтиётланмас эди
”, дедилар. Кейин бир ҳўл новдани олиб, иккига синдирдилар-да, сўнг ҳар бирини биттадан қабрга санчиб қўйдилар. Сўнгра: “
Шояд, бу иккаласи қуригунича у икковидан
(азоб)
енгиллатиб турилса
”, дедилар».
Имом Бухорий, Имом Насоий ва Имом Аҳмад ривояти
.
https://t.me/ArRohman_uz

илм
📜
"Сенга ваҳийси битмасидан, Қуръонга ошиқма ва: «Роббим, илмимни зиёда қилгин», – дегин"
,
Тоҳо сураси, 114 - оят
Улуғлардан бирлари: "
Илмнинг нақадар шарафли эканига Аллоҳ таоло Ўз Набийсини ундан янада зиёда қилишни сўрашни буюрганининг ўзи етарлидир",
деди.
◽️
Ибн Масъуд розияллоҳу анҳу ушбу оятни ўқисалар: "
Аллоҳумма зидний ъилман ва ийманан ва яқийнан"
- Эй Аллоҳим, менинг илмимни, имонимни ва яқин(ишонч)имни зиёда қил!" деб дуо қилардилар.
◽️
Расулуллоҳ соллаллоҳу алайҳи васаллам Жаброил алайҳиссаломдан ваҳийни қабул қилаётганларида, уни унутиб қўймаслик ва тезроқ ёдлаб олиш учун шошилиб қайтарар эдилар. Шунда Аллоҳ таоло ваҳий тугамагунча шошилмасликни, сўнг эса
«Роббим, илмимни зиёда қилгин»
деб дуо қилишни
ўргатди
.
https://t.me/ArRohman_uz