Silk Way

🚨
Ақтөбеден Алматыға бет алған рейс жолаушының өліміне байланысты шұғыл қонды
DV712 Ақтөбе–Алматы рейсі кезінде бір жолаушының жағдайы кенет нашарлап, экипаж дереу дабыл беріп, алғашқы медициналық көмекті көрсете бастады. Борттағы кардиолог пен медицина бойынша дайындықтан өткен жолаушылар да реанимацияға қосылған.
Оқиғаға байланысты ұшақ командирі шұғыл түрде Ақтөбеге кері қайтқан. Әуе кемесі қысқа уақытта қонып, науқас жедел жәрдем дәрігерлеріне тапсырылды. Дәрігерлер барлық шараны жасағанымен, жолаушының қайтыс болғанын растады.
❕
SCAT әуе компаниясы марқұмның туыстарына көңіл айтатынын хабарлады.
t.me/atamekenbusiness_silkway

🗓
Shanghai Disneyland билет қайтару тәртібін өзгертеді
2026 жылғы 12 қаңтардан бастап Shanghai Disneyland билеттерін сапарға бір апта қалғанда толық қайтаруға мүмкіндік береді. Егер келуді бір-алты күн бұрын тоқтатса, тәулігіне 80 юань қызмет ақысы алынады. Ал келу күні билет қайтарылмайды.
Жаңа талаптар тек ресми арналардан алынған стандартты билеттерге қатысты. Жеңілдікпен сатып алынған немесе күні бұрын ауыстырылған билеттер қайтарылмайды. Қазіргі ережеге сәйкес билетті басқа адамға беруге болмайды, тек сапар күнін екі рет өзгертуге рұқсат бар.
❕
Өткен жылы Shanghai Disneyland-ге 14,7 млн адам барған.
✈️
t.me/atamekenbusiness_silkway

✔️
Күннің басты жаңалықтары:
⚠️
Гонконгтағы өрттен
қаза тапқандар
саны 160 адамға жетті
⛔️
Австралия 16 жасқа дейінгі балаларға
әлеуметтік желілерді қолдануға
тыйым салған әлемдегі алғашқы ел атанды
💉
Қытай дәстүрлі медицинадағы
дәріні тамыр арқылы енгізу тәсілін
толық қайта тексереді
⚖️
Қытайда 1,1 млрд юань пара алған басшы
өлім жазасына
кесілді
❌
Қытай
сынап термометрлерін
шығаруды тоқтатады
✈️
t.me/atamekenbusiness_silkway

🦖
Қытайда 200 млн жыл бұрынғы динозавр іздері табылды
Қытайдың Сычуань провинциясында ғалымдар жасы шамамен 200 млн жыл болатын 20-дан астам динозавр ізін анықтады. Бұл іздерді 23 қарашада Дуцзянъянь қаласы маңында серуендеп жүрген туристер байқап, мамандарға хабарлаған. Кейін Бейжіңдегі Қытай геологиялық ғылымдар университетінің ғылыми тобы олардың шынайы екенін растады. Бұған дейін Дуцзянъяньда динозавр ізі табылған емес.
Мамандардың айтуынша, бұл жаңалық динозаврлардың бастапқы кезеңін зерттеуге көмектеседі және 200 млн жыл бұрынғы жергілікті экожайлы ақпарат береді. Сондай-ақ табылған іздер бұл аумақта динозаврлар ұзақ уақыт өмір сүргенін көрсетеді.
✈️
t.me/atamekenbusiness_silkway

✔️
Трамп Қытайға H200 чиптерін экспорттауға рұқсат берді
АҚШ Президенті Дональд Трамп Nvidia компаниясына H200 чиптерін қайта экспорттауға мүмкіндік берді. Енді бұл өнімдер ұлттық қауіпсіздік талаптарын сақтай отырып, Қытайға және өзге де елдердегі мақұлданған тапсырыс берушілерге жеткізіледі.
Шартқа сәйкес, әр келісімнің 25%-ы АҚШ бюджетіне түседі. Дәл осындай талап AMD, Intel және басқа да ірі америкалық компанияларға да қолданылады.
Бұған дейін Қытай билігі мемлекеттік қаржыландырумен жұмыс істейтін деректер орталықтарына жасанды интеллект чиптерінің тек ел ішінде өндірілген түрін пайдалануды міндеттегені хабарланған.
✈️
t.me/atamekenbusiness_silkway

⚠️
Гонконгтағы өрттен қаза тапқандар саны
160 адамға жетті
Гонконгтағы ірі өрттен қаза тапқандар саны 160 адамға жетті. Тағы алты адамды құтқарушылар іздеп жатыр. Іздестіру-құтқару жұмыстарының екінші кезеңі аяқталып, енді мамандар зақымданған жеті ғимараттың сыртында тұрған құрылыс қондырғылары мен күйген қауіпсіздік торларын тексеріп жатыр.
Зардап шеккендерге көмек те көбейіп келеді. Тай По ауданындағы Ван Фук тұрғын кешеніне жиналған қайырымдылық шамамен 3 млрд гонконг долларына жетті. Билік қосымша 300 млн бөлген соң, қор жалпы 3,3 млрд гонконг долларын құрады. Бұл қаражат қалпына келтіру жұмыстарына және ұзақ мерзімді қолдауға бағытталады.
✈️
t.me/atamekenbusiness_silkway

⛔️
Австралия 16 жасқа дейінгі балаларға әлеуметтік желілерді қолдануға тыйым салған әлемдегі алғашқы ел атанды
10 желдеден бастап Австралияда 16 жасқа толмаған жасөспірімдерге әлеуметтік желілерді пайдалануға ресми түрде шектеу енгізілді. Осылайша ел балаларға арналған мұндай тыйымды заңды түрде бекіткен әлемдегі алғашқы мемлекет болды.
BBC мәліметінше, жаңа ереже TikTok, X, Facebook, Instagram және YouTube сияқты ірі он платформаны қамтиды. Заң күшіне енген соң компаниялар 16 жасқа толмағандарға қолжетімділікті шектеуге, бар аккаунттарды өшіруге және жасты тексерудің күшейтілген әдістерін қолдануға міндеттеледі. Бұл шешім нәтижесінде миллионнан аса аккаунт бұғатталуы мүмкін.
✈️
t.me/atamekenbusiness_silkway

⚖️
Қытайда 1,1 млрд юань пара алған басшы өлім жазасына кесілді
Қытай билігі 9 желтоқсанда China Huarong International қаржы компаниясының бұрынғы бас директоры Бай Тяньхуэйге шығарылған өлім жазасын орындады. Ол 1,1 млрд юань пара алғаны дәлелденіп, 2024 жылы ең ауыр жазаға кесілген. Биыл ақпанда оның апелляциясы да қабылданбай, Жоғарғы халық соты үкімді күшінде қалдырған.
Бұл компанияда бұған дейін де ірі коррупциялық іс тіркелген. 2021 жылы Байдың бұрынғы басшысы Лай Сяоминь 1,79 млрд юань пара алғаны үшін өлім жазасына кесілген еді.
Huarong бастапқыда мемлекеттік банктердің проблемалық несиелерін басқару үшін құрылған, ал 2021 жылғы бірігуден кейін China CITIC атауын алған.
✈️
t.me/atamekenbusiness_silkway

🔝
DeepSeek негізін қалаушы мен қытайлық геолог Nature’s 10 тізіміне енді
Nature журналы 2025 жылы ғылымға ықпал еткен тұлғалардың жыл сайынғы тізімін жариялап, оған DeepSeek компаниясының негізін қалаушы Лян Вэньфэн мен геолог Ду Мэнжаньді қосты.
Лян Вэньфэн қолжетімді әрі ашық жасанды интеллект үлгілерін дамытуымен танылды. Қаңтарда таныстырылған DeepSeek R1 моделі ЖИ саласындағы АҚШ-тың басымдығы туралы қалыптасқан түсініктерге өзгеріс әкелгені атап өтілді.
Геолог Ду Мэнжань «Фэньдоучжэ» терең су аппаратымен 6 мың метрден аса тереңдікке сүңгіп, бұрын белгісіз болған ең терең жануарлар экожүйесін тапты. Бұл жаңалық мұхиттың қол жетпес қабаттарындағы тіршілік туралы ғылыми көзқарасты кеңейтті.
✈️
t.me/atamekenbusiness_silkway

💉
Қытай дәстүрлі медицинадағы дәріні тамыр арқылы енгізу тәсілін толық қайта тексереді
Қытайдың дәрі-дәрмек бақылау басқармасы дәстүрлі қытай медицинасында қолданылатын барлық тамыр ішіне енгізілетін дәрілерге қауіпсіздік пен тиімділік бойынша ең қатаң талаптар енгізуді бастады. Бұл шешім аллергиялық реакциялар мен өлім жағдайларының көбеюінен кейін қабылданды.
Енді 2019 жылға дейін мақұлданған барлық осындай препараттар міндетті түрде қайта сараптамадан өтеді. Клиникалық талаптарға сай келмеген дәрілер тіркеуден алынып, нарықтан шығарылады. Сондай-ақ дәріні ішіп қабылдайтын түрімен салыстырғанда тамыр арқылы енгізудің не үшін қажет екені нақты дәлелденуі тиіс.
Өндірушілер бес жыл ішінде жаңа зерттеулер өткізіп, толық әрі тексерілетін клиникалық деректер ұсынуы қажет. Бір дәріні қайта дәлелдеудің шығыны 40 миллион юаньға дейін жетуі мүмкін. Сарапшылар қазіргі өнімдердің жартысы немесе одан да көбі нарықтан жоғалуы ықтимал дейді.
✈️
t.me/atamekenbusiness_silkway