١٩٩٧🤎
نصيَحة هاليوم الجَديد:
الاشياء الي تحسها مترهم ألك
لا تلزكها عليك
"أقوى المعارك هي التي نخوضها بالورقة والقلم، واليوم نعلن الانتصار ." أربع سنوات.. مرت كلمح البصر، وبنفس الوقت جانت طويلة بما يكفي حتى تغير بينا هواي أمور. أربع سنوات عشنا بيها كل المكتوب بحلوها ومرها بضحكتها وتعبها بأيامها الصعبة اللي حسينا بيها إنو الطاقة…
"أقوى المعارك هي التي نخوضها بالورقة والقلم، واليوم نعلن الانتصار ."
أربع سنوات.. مرت كلمح البصر، وبنفس الوقت جانت طويلة بما يكفي حتى تغير بينا هواي أمور.
أربع سنوات عشنا بيها كل المكتوب بحلوها ومرها بضحكتها وتعبها بأيامها الصعبة اللي حسينا بيها إنو الطاقة خلصت، وبأيامها الحلوة اللي جانت تنسينا كل التعب بضحكة وية أصدقاء العمر.
دخلنا من باب الجامعة وكل واحد بينا شايل حلم صغير بجيبه، واليوم نطلع وفخر الدنيا كله بقلوبنا. بين قاعات المحاضرات والمختبرات، والسهر وية الملازم بليالي الامتحانات المقلقة، انكتبت قصتنا. تعلمنا إنو سلاح العلم مو مجرد كلام ينقال، بل هو حقيقة؛ القلم اللي ثبتنا بيه بخطواتنا جان أقوى من أي سيف، والمعركة اللي خضناها وية أنفسنا ووية الظروف هي اللي صنعتنا اليوم.
شكراً لكل اللحظات المرة لأنها قوتنا وعلمتنا الصبر وشكراً للحظات الحلوة لأنها جانت السند والدافع. شكراً لعائلتي اللي جانت تدعيلي بظهر الغيب وتنتظر هاي اللحظة أكثر مني، وشكراً لأصدقاء الممرات والمواقف اللي صرنا بمرور الأيام أكثر من إخوة. اليوم نطوي صفحة "طالب جامعي" ونفتح صفحة جديدة مليانة شغف وتحدى غرسنا أربع سنوات من التعب، واليوم رب العالمين أكرمنا بأجمل حصاد. الحمد لله أولاً وأخيراً .. وبدأت رحلة الأثر.