Baxtli oila akademiyasi

Juftingiz va sizning sevgi tilingiz farq qilsa...
Bizning an’anaviy tuzilmamizda erkak ayoliga «Seni sevaman» deyishi bilan ayoli o‘zini yo‘qotib, nazorat qila olmay qolishini tushunadi.
Ayollarimiz esa ko‘pincha sevgisini oshkor qilishlik ayb deya tarbiyalanadi. Holbuki, yuz yil avvalgi liboslar, kundalik ehtiyojlar qanday o‘zgargan bo‘lsa, ba’zi muomala qoliplari ham o‘zgarishi voz kechilmaydigan haqiqatdir.
Bunday o‘zgarishlar sevgi izhorlari qolipiga ham tegishli. Ana shunday o‘zgarishlarga moslashish uchun juftlarning sevgi tillari bir-birinikidan keskin farq qilsa ham, buni birgalikda baham ko‘rmoqlari lozim.
“Oila” kitobidan
Musannif: Muhammad Odil Hamid
🚀
|
@Baxtli_oila_akademiya

Turmush o‘rtog‘ingizning maqsadlarini qo‘llab quvvatlang.
Juftlar orasida muhabbatning ortishiga sabab bo‘ladigan yana bir muhim narsa ayolning erining maqsadlari, orzu va umidlari, qiziqishlarida unga dastak
bo‘lishidir. Juftlarning qiziqishlari va e’tiborlarini tortgan narsalarning qarama-qarshi bo‘lishi aqlga to‘g‘ri kelmaydi.
Bunday holatlar tushunmovchiliklar va muammolar keltirib chiqaradi.
Erining maqsad va orzulari yo‘lida unga tengma-teng, yelkama-yelka turib harakat qiladigan ayol hech bir shubhasiz erining yuragini ham zabt etadi.
“Ayollarga 56 tavsiya” kitobidan
Musannif:
Muhammad Odil Hamid
🚀
|
@Baxtli_oila_akademiya

Mehmoningizni hurmat qiling, eringiz xursand bo‘ladi.
Eringizning mehmonlarini yaxshi kutib olish uchun kuyib-pishishingiz uni xursand qiladi va sizga bo‘lgan muhabbatining oshishiga sabab bo‘ladi.
Mehmonni yaxshi kutib olish iymondan bo‘lgani kabi, xonadon ahlining saxiyligidan ham dalolatdir. Hadisi sharifda shunday marhamat qilingan: «Kim Allohga va oxirot kuniga iymon ketirsa mehmonini ikrom etsin»
(Buxoriy. «Odob», 31, 85; «Nikoh», 80; «Riqoq», 23; Muslim. «Iymon», 74).
“Ayollarga 56 tavsiya” kitobidan
Musannif:
Muhammad Odil Hamid
🚀
|
@Baxtli_oila_akademiya

Turmush o‘rtog‘ingizga qo‘pol muomala qilishdan saqlaning.
Ayolning eriga qo‘pol muomalada bo‘lishi turmushlarida ko‘plab kelishmovchiliklarni keltirib chiqaradi. Ijtimoiy oilaviy munosabatlar mutaxassisi Milsa Sanders olib borgan tadqiqot so‘rovnoma natijalari ham buni tasdiqlaydi. Uning mingga yaqin 3 va 20 yillik turmush tajribasiga ega bo‘lgan ayollar o‘rtasida olib borgan so‘rovnomalariga ko‘ra, juftlar o‘rtasidagi kelishmovchilik va janjallarning eng katta sababi bir-birlariga qo‘pol muomala qilishlikdir.
Haq din bo‘lgan Islom dinimiz doim bizni yumshoq, mayin va nozik muomalada bo‘lishga chaqiradi va qo‘pol, qattiq va yomon muomalalardan qaytaradi.
Payg‘ambarimiz sollallohu alayhi vasallam mo‘minlar onasi Oisha roziyallohu anho onamizga: «Ey Oisha! Xushmuomala va yumshoqlik bilan muomala qilgin. Darg‘azab va yomon muomaladan qochgin», – dedilar (Muslim. «Birr». 79).
Yana Rasulimiz sollallohu alayhi vasallam: «Alloh rafiqdir (yumshoqlik, osonlik sohibidir), rafiq uchun berganini shiddat uchun bermaydi» deganlar («Muvatto isti’zan», 38).
“Ayollarga 56 tavsiya” kitobidan
Musannif:
Muhammad Odil Hamid
🚀
|
@Baxtli_oila_akademiya

Erini sevgan va eridan ham doim muhabbat kutib yashaydigan aziza musulmon singlim!
🌸
Sizdan so‘ralayotgan narsa turmush o‘rtog‘ingizga doim samimiy minnatdorchilik bildirib turing.
“Ayollarga 56 tavsiya” kitobidan
Musannif:
Muhammad Odil Hamid
🚀
|
@Baxtli_oila_akademiya

10 yildan so‘ng oilangizni qanday holatda ko‘rishni istaysiz va buning uchun bugun nima qilishingiz kerak?

Ijtimoiy tarmoqlar yoki virtual olamga sarflangan vaqt oilaviy muloqotga qanday salbiy/ijobiy ta’sir ko‘rsatmoqda?

Qarindoshlar yoki yaqinlar bilan munosabatda oila ichki sirlarini saqlash nima uchun bunchalik muhim?

Turmush o‘rtog‘ingizga chiroyli xizmat qiling.
Ayolining o‘ziga xizmat qilishidan mamnunligini his etgan erkak aslo ayolini sevgi va mehrsiz qoldirmaydi, shu xizmati sabab ayolining xorg‘inligini ham tabiiy qabul qiladi va undan minnatdor bo‘ladi.
Lekin ko‘pgina ayollarda bo‘lgani kabi uy-ro‘zg‘or ishlari joniga tekkani haqida aytib shikoyat qilishlik erlarni ham jonidan to‘ydiradi, charchatadi, ular uyda qolgan vaqtlarida siqilib qoladi.
Yana ba’zi ayollar bu «xizmat»  mavzusiga qarshi chiqadilar va «Biz erimizga xizmatkor emasmiz!»  deydilar. Unda eringiz va bolalaringiz uchun kim xizmat qiladi? Xotinlar bu vazifasini bajarmasalar erkaklar nima qilsinlar?
“Ayollarga 56 tavsiya” kitobidan
Musannif:
Muhammad Odil Hamid
🚀
|
@Baxtli_oila_akademiya

Uy ishlarini taqsimlashda juftingizga qanday yordam berasiz yoki buni qanday adolatli yo‘lga qo‘ygansiz?