Bayroqdor
Hizbulloh kuchlari Merkava tanki oldida turgan Isroil askarlarini nishonga oldi.
Xabar qilinishicha, bir nafar isroillik halok bo‘lgan. Yana olti kishi jarohatlangan.
@bayroqdor
Kuppa-kunduz kuni shahar ko‘chalarining birida chuqur qazib, unga o‘nlab insonlarni, bo‘lib ham o‘z vatandoshlarini ko‘mish mumkin ekan. Ammo gap shundaki, jasadlar urush natijasida kelib qolgani yo‘q. Ular tinch aholiga tegishli bo‘lib, jallodlar tomonidan birma-bir, ayamay va ko‘z uzmay otilgan. Yana qurbonlarning o‘layotganini ko‘rib, iblislarcha iljayishgan.
Gap 2013-yili Damashqning Tadamon tumanida yuz bergan qatliom haqida. O‘shanda Asad rejimi harbiy razvedkachisi Amjad Yusuf hamda Shabiha jangarilari kamida kamida 41 kishini o‘ldirib, chuqurga tashlashgan va yoqib yuborishgan. Ammo voqea 2022-yilgacha sir saqlab kelingan.
Asli suriyalik tadqiqotchi ayol va uning do‘stlari buni fosh etish uchun nimalar qilgani, umuman olganda, o‘sha kuni Tadamonda nimalar yuz bergani haqida
batafsil.
Shimoliy Koreyada Ukraina urushida halok bo‘lgan askarlar uchun yodgorlik ochildi. Jarayonda Rossiya mudofaa vaziri boshchiligidagi delegatsiya ham qatnashdi.
Ammo asosiy masala bu emas. Koreyslar Ukraina urushida qo‘lga kiritilgan NATO harbiy texnikalarini ham namoyish qildi. Ularni Rossiya tomoni yetkazib bergan.
@bayroqdor
Suriya Isroil tashkil etilganidan buyon unga qarshi bufer vazifasini bajargan. Hatto Misr va Urdun yahudiy davlati bilan diplomatik munosabatlarni o‘rnatganda ham u bir o‘zi kurashni davom ettirgan. 2011-yili boshlangan mojaro Damashqni zaiflashtirgan bo‘lsa-da, mamlakat o‘rta istiqbolda yana qudratini tiklab, xalqaro hamjamiyatning bir qismiga aylanadi.
Ahmad ash-Shar'a o‘z hokimiyatini mustahkamlash hamda mamlakatni oyoqqa qo‘yish uchun hozircha Isroilga nisbatan keskin ritorika ko‘rsatmayapti. Ammo har ikkala tomon "katta urush" muqarrarligini juda yaxshi anglaydi.
Suratlarda Suriya mudofaa vazirligi mashg‘ulotlari aks etgan.
@bayroqdor
Epik kadrlar
Livan janubiga bostirib kirgan Isroil kuchlari FPV-dron hujumiga uchradi. Yarador(lar)ni evakuatsiya qilish uchun vertolyot jalb etildi.
Biroq mana shu vaqtning o‘zida Hizbulloh ikkinchi FPV-dron bilan zarba berdi. Ammo u nishonga tegmadi. Bunga elektron urush tizimlari sabab bo‘lgani ehtimoldan holi emas.
@bayroqdor
Mali degan sho‘rpeshona davlat bor. Afrikaning ba'zi mamlakatlari qatori u ham failed state ta'rifiga mos keladi. Malida xavfsizlikni fransuz kontingenti ta'minlab kelar, evaziga esa, tabiiyki, ba'zi resurslarni ekspluatatsiya qilardi.
Harbiy xunta ularni mamkakatdan haydab, Vagnerni, anirog‘i keyinchalik Afrika korpusiga aylangan tuzilmani jalb qildi. Ammo rossiyaliklar bu vazifani uddalay olmadi. Al-Qoida terrorchilariga bay'at bergan JNIM nomli to‘da poytaxtni qamal qilgani haqida ancha oldin maqola tayyorlagandik.
Havola.
Xullas o‘sha JNIM deganlari tuareg qabilalari bilan birlashib, "spetsoperatsiya" boshladi. Natijada Mali mudofaa vaziri o‘ldirildi, armiya esa qator aholi maskanlaridan haydab chiqarildi. Rossiyaning Afrika korpusi ham talafotlar ko‘rdi.
@bayroqdor
Isroil bosh vaziri Trampga qarshi suiqasd haqida gapirdi
"Men va rafiqam Tramp hamda birinchi xonimga qilingan navbatdagi suiqasd urinishi haqida eshitib, larzaga tushdik.
Zo‘ravonlikka o‘rin yo‘q: na siyosiy yetakchilarga nisbatan va na boshqa biror kimsaga nisbatan", degan Netanyaxu.
@bayroqdor
Bugun o‘tgan asrning, balki bashariyat tarixining eng yirik texnogen fojiasiga 40 yil toʻldi 1986-yilning 26-aprel kuni Chernobil atom elektrostansiyasining to‘rtinchi reaktori haligacha to‘la o‘rganib yetilmagan sababga ko‘ra portladi. Bu insoniyat tarixidagi…
#qiziq
Qo‘shma Shtatlarning eng obro‘li nashrlaridan biri Axiosning yozishicha, Eronga qarshi urush vaqtida Isroil Birlashgan Arab Amirliklariga Temir gumbaz tizimini, shuningdek, uni boshqarish uchun askarlarini yuborgan.
@bayroqdor
Bugun o‘tgan asrning, balki bashariyat tarixining eng yirik texnogen fojiasiga 40 yil toʻldi
1986-yilning 26-aprel kuni Chernobil atom elektrostansiyasining to‘rtinchi reaktori haligacha to‘la o‘rganib yetilmagan sababga ko‘ra portladi. Bu insoniyat tarixidagi eng katta texnogen falokatlardan biri edi.
Fojia oqibatida atmosferaga tarqalgan radioaktiv moddalar miqdori Xirosimaga tashlangan atom bombasi portlashidan 400 barobar ko‘p edi. Natijada radioaktiv bulut Ukraina, Belarus, Rossiya va Yevropaning sharqiy qismiga tarqaldi. Bu 8,5 million kishining turli darajada nurlanishiga sabab bo‘ldi. Sovet rejimi fojia oqibatlarini yashirib, vaqtida evakuatsiya ishlarini olib bormagani bois nurlanganlarning salmoqli qismi uzoq yashamadi.
Chernobil falokat zonasining eng xavfli qismlarida, masalan, bevosita reaktor atrofida hali ham yuqori radiatsiya darajasi saqlanib qolyapti. Hudud yashashga yaroqli bo‘lishi uchun taxminan 20 ming yil kerak bo‘ladi. (
Video
)
@bayroqdor