BENKOV BILIM YURTI

Bugun maktabimizga Ichki ishlar vazirligi xodimlari tashrif buyurishdi.
Tashrif davomida o‘quvchilar bilan uchrashuv tashkil etilib, yoshlar o‘rtasida uchrayotgan turli salbiy holatlar haqida suhbat olib borildi. Jumladan, giyohvandlikning zararli oqibatlari, jinoyatchilikning oldini olish, shuningdek, so‘nggi paytlarda ko‘payib borayotgan kiberjinoyatlar haqida muhim tushuntirishlar berildi.
Mutaxassislar o‘quvchilarga qonunlarga rioya qilish, internetdan to‘g‘ri va xavfsiz foydalanish, hamda turli yot g‘oyalardan yiroq bo‘lish zarurligi haqida tavsiyalar berishdi.
Bunday uchrashuvlar yoshlar ongida huquqiy madaniyatni shakllantirish va ularni turli xavf-xatarlardan ogoh etishda muhim ahamiyat kasb etadi.
📞
71-245-05-56 | 71-245-07-65
🌎
Telegram
|
Instagram
|
web
|
Facebook
|
YouTube
|
Twitter|

🌸
SHAXSIY KO‘RGAZMA
🌸
Iste’dodli rassom
Gulchehra Rahimova
ning “
Navro‘z
” nomli shaxsiy ko‘rgazmasi ochildi. Ko‘rgazmada bahorning nafasi, milliy ruh va Navro‘z bayramining go‘zalligi aks etgan rang-barang asarlar taqdim etiladi. E’tiborli jihati shundaki, asarlarda ayollar obrazlari ko‘proq ishlangan bo‘lib, ular milliy go‘zallik va nafislik timsoli sifatida namoyon etilgan.
📅
Ochilish sanasi:
16-mart
2026-yil
🕛
Vaqti:
12:00
📍
Manzil:
Toshkent shahri, Shayxontohur tumani, Furqat ko‘chasi, 6-uy, Maktabimiz Ko‘rgazmalar Zali
Ushbu ko‘rgazma san’at ixlosmandlari uchun ilhom va estetik zavq manbai bo‘lib, milliy an’ana va san’at go‘zalligini qadrlash imkonini beradi.
📞
71-245-05-56 | 71-245-07-65
🌎
Telegram
|
Instagram
|
web
|
Facebook
|
YouTube
|
Twitter|

Hurmatli o‘quvchilar va ustozlar!
3-chorak yakuni bo‘yicha
ko‘rik-sinov (prosmotr)
quyidagi tartibda o‘tkaziladi:
📅
17-mart
— 8-sinflar
📅
18-mart
— 11-sinflar
📅
19-mart
— 9-sinflar
📅
19-mart
— 10-sinflar
Iltimos, belgilangan sanalarda
o‘z vaqtida va to‘liq tayyorgarlik bilan
qatnashishingizni so‘raymiz.

TABRIKLAYMIZ!
8-mart – Xalqaro xotin-qizlar kuni munosabati bilan akademiyaning anjumanlar zalida Badiiy akademiya tizim tashkilotlari hamda ta’lim muassasalarida uzoq yillardan buyon soha rivojiga munosib hissa qo‘shib kelayotgan faol xotin-qizlarni
“O‘zbekiston Badiiy akademiyasi fidoyisi”
ko‘krak nishoni bilan taqdirlash marosimi bo‘lib o‘tdi.
Quvonarlisi, ushbu mukofot bilan bilim yurtimizning fidoyi o‘qituvchilari:
🌷
Sosedova Evelina Viktorovna
🌷
Mirjalilova Ilmira Qabulovna
taqdirlandilar.
Ustozlarimizni ushbu yuksak e’tirof bilan samimiy tabriklaymiz hamda kelgusidagi faoliyatlarida ulkan muvaffaqiyatlar tilaymiz!
💐
📞
71-245-05-56 | 71-245-07-65
🌎
Telegram
|
Instagram
|
web
|
Facebook
|
YouTube
|
Twitter|

BENKOV BILIM YURTI
pinned «
🌸
Aziz va munis onaxonlar, dilbar opa-singillar, bilim yurtingizning barcha muhtarama ayollari hamda go‘zal o‘quvchi qizlari!
🌸
Barchangizni nafis bahor, muhabbat, go‘zallik, latofat va mehr ramzi bo‘lgan 8-mart – Xalqaro xotin-qizlar bayrami bilan chin qalbimdan…
»

🌸
Aziz va munis onaxonlar, dilbar opa-singillar, bilim yurtingizning barcha muhtarama ayollari hamda go‘zal o‘quvchi qizlari!
🌸
Barchangizni nafis bahor, muhabbat, go‘zallik, latofat va mehr ramzi bo‘lgan
8-mart – Xalqaro xotin-qizlar bayrami
bilan chin qalbimdan muborakbod etaman.
Odatda ayolni bahorga, bahorni esa ayolga qiyoslashadi. Zotan, o‘lkamiz uzra muattar sepini yoya boshlagan bahorning ilk kunlari aynan xotin-qizlar bayrami bilan boshlanishi ham chuqur ramziy ma’no kasb etadi. Ayoli bor oila qut-barakali, fayzli va tarovatli bo‘ladi. Yurtimiz ham, jamiyatimiz ham ayol bilan go‘zaldir.
Kuni kecha muhtaram Prezidentimizning tegishli farmoni bilan o‘qituvchimiz
Xolmuxamedova Parizod Jasurbek qizi
ning
“Zulfiya” Davlat mukofoti
bilan taqdirlanganini quvonch bilan ta’kidlash o‘rinlidir. Ushbu yuksak mukofot
Benkov maktabi jamoasi
uchun ham katta sharafdir.
O‘zbekistonimiz osmonining osudaligi, xalqimizning baxt-saodatli va totuvligi, olib borilayotgan har bir ijodkorlik va yaratuvchanlik ishlarida ayollarimizning san’ati, aql-zakovati hamda o‘tkir zehni mujassam ekanligini alohida mamnuniyat bilan qayd etamiz.
Aziz va muhtaram opa-singillar, qizlarim!
Sizlarni yer yuzida keng nishonlanib kelinayotgan
8-mart – Xalqaro xotin-qizlar kuni
bilan samimiy qutlab, Sizlarga sihat-salomatlik, oilalaringizda to‘kin-sochinlik, baxt-saodat, shodu-hurramlik tilayman. Sharafli pedagogik faoliyatingizda, ijodingizda hamda o‘qishlaringizda yangi-yangi zafar va yutuqlar yor bo‘lsin.
Yoshlik, ayollik baxti, bekalik taxti va onalik martabasi Sizlarga hamisha hamroh bo‘lsin!
Shu fursatda O‘zbekiston xalq shoiri
Halima Xudoyberdiyeva
ning
“Muqaddas ayol!”
she’rini eslashni joiz deb topdim.
⸻
MUQADDAS AYOL
Oshiqlaring poyingga gul otib ham bo‘ldi,
Xilvatlarda labingdan bol totib ham bo‘ldi,
Va bu haqda kimlargadir sotib ham bo‘ldi,
Sen bari bir muqaddassan, muqaddas ayol!
Avval: “Kel-ey, quchog‘imga to‘l, balq”, dedilar,
Unamading, ayol o‘zi ters “xalq”, dedilar.
Icholmagach yuz o‘girib sho‘r, talx, dedilar,
Sen bari bir muqaddassan, muqaddas ayol!
Sen daryosan, o‘pganini qirg‘oq yashirar,
Juftim bo‘l, deb chopganini har toq yashirar,
Jannatim, deb quvonmasdan qumloq yashirar,
Sen bari bir muqaddassan, muqaddas ayol!
Asli bu bor ermaklarning borar yeri Sen,
Rostu yolg‘on ertaklarning borar yeri Sen,
Asov otday erkaklarning borar yeri Sen,
Sen bari bir muqaddassan, muqaddas ayol!
Chorlashganda sen kelsang, goh bekor kelsang-da,
Mast davraga bir sarin yel, bir tor kelsang-da,
Xor kelsang-da, nomardlarga goh xor kelsang-da,
Sen bari bir muqaddassan, muqaddas ayol!
Qimtinasan, astagina ko‘tarasan bosh,
Ming yillikdir ko‘zingdagi jovdiragan yosh,
Gunohkorlar mingu bitta senga tegar tosh,
Sen bari bir muqaddassan, muqaddas ayol!
Harir, xushbo‘y badaningda toshlar izi bor,
Ko‘kragingda egilgan ne boshlar izi bor,
Quyosh izi, kuydirgan quyoshlar izi bor,
Sen bari bir muqaddassan, muqaddas ayol!
⸻
Hurmat bilan,
Pavel Benkov nomidagi Respublika ixtisoslashtirilgan rassomlik maktabi direktori
U. Xakimov

“Yangi O‘zbekiston: mahalla–an’analar–insoniy qadriyatlar” mavzusida rangtasvir asarlari tanlovi ANKETASI

“Yangi O‘zbekiston: mahalla–an’analar–insoniy qadriyatlar” mavzusida rangtasvir asarlari tanlovi NIZOMI

📣
DIQQAT, IJODIY TANLOV!
📣
“
Yangi O‘zbekiston: mahalla–an’analar–insoniy qadriyatlar”
mavzusida rangtasvir asarlari tanlovini eʼlon qilinadi.
Tanlovda
20 yoshdan 40 yoshgacha
tajribali ijodkorlar ishtirok etishlari mumkin.
Tanlovda ishtirok etish istagida bo‘lgan ijodkorlar quyidagi hujjatlar Tanlov Tashkiliy qo‘mitasiga taqdim etiladi:
ariza-anketa;
ishtirokchi to‘g‘risida ma’lumot.
Arizalar Ekspertlar kengashi tomonidan ko’rib chiqilib, munosib nomzodlarni plenerga taklif etiladi.
Tanlov ishtirokchilari o‘z asarlarini plener jarayonida yaratadilar hamda plener yakunida o‘z ijodiy ishlarini Tanlov tashkilotchilariga taqdim etadilar.
Tanlov tashkilotchilari plener natijalari bo‘yicha yaratilgan ijodiy ishlarni Tanlov Hakamlar hay’ati tomonidan ko‘rib chiqish ishlarini muvofiqlashtiradi.
Plener tashkil etish muddati, joyi va sanasi Tashkilotchilar tomonidan e’lon qilinadi.
Tanlov g‘oliblari Tashkilotchilar tomonidan ta’sis etiladigan Tanlov diplomlari va pul mukofotlari bilan taqdirlanadi:
1-o‘rin “Avtomobil”, diplom
2-o‘rin 50 000 000 so‘m, diplom
3-o‘rin 30 000 000 so‘m, diplom
Tanlovda ishtirok etishni istagan ijodkorlar tomonidan arizalar joriy yilning
1-avgust
kuniga qadar O‘zbekiston Badiiy akademiyasi, Ijodkor yoshlar bilan ishlash bo‘limida qabul qilinadi.
📞
Telefon: (71) 232-06-75; 97.434 - 04 - 91