Buxoro innovatsion ta'lim va tibbiyot universiteti axborot xizmati
🇺🇿
“Umummilliy diktant” marafoni o‘tkazildi 21-oktabr — O‘zbek tili bayrami kuni munosabati bilan Buxoro innovatsion ta’lim va tibbiyot universitetida O‘zbek tili va adabiyoti yo‘nalishining 1-, 2- va 3-bosqich talabalari o‘rtasida “Umummilliy diktant” marafoni…
🎙️
She’rlar chellenji o‘tkazildi
21-oktabr — O‘zbek tili bayrami kuni munosabati bilan Buxoro innovatsion ta’lim va tibbiyot universitetida she’rxonlik chellenji tashkil etildi.
Talabalar ona tilimizni ulug‘lovchi she’rlarni ifodali o‘qib, o‘z iste’dodlarini namoyon etdilar. Chellenj davomida o‘zbek tiliga bo‘lgan hurmat va e’tibor yana bir bor yaqqol namoyon bo‘ldi.
🇺🇿
🇺🇿
21-oktyabr — O‘zbek tili davlat tili maqomiga ega bo‘lgan kun
O‘zbek tili — xalqimizning milliy o‘zligi, boy tarixi va bebaho ma’naviy merosini mujassam etgan qadriyatdir.
1989-yil 21-oktyabrda o‘zbek tiliga davlat tili maqomi berildi. Ushbu tarixiy voqeadan buyon tilimizning nufuzini oshirish, uning qo‘llanish doirasini kengaytirish va rivojini ta’minlash muhim vazifalardan biri bo‘lib kelmoqda.
Ona tilimizni e’zozlash, adabiy til me’yorlariga rioya qilish va uni kelajak avlodlarga munosib yetkazish har birimizning mas’uliyatimizdir.
O‘zbek tili bayrami muborak bo‘lsin!
🇺🇿
“Milliy qadriyatlar va ularning millat ma’naviyatidagi o‘rni” mavzusida davra suhbati o‘tkazildi
Buxoro innovatsion ta’lim va tibbiyot universitetida O‘zbekiston Respublikasi Din ishlari bo‘yicha qo‘mitasi hamda Respublika Ma’naviyat va ma’rifat markazi bilan hamkorlikda “Milliy qadriyatlar va ularning millat ma’naviyatidagi o‘rni” mavzusida davra suhbati tashkil etildi.
📚
Unda universitet talabalari ishtirok etib, milliy qadriyatlarimiz, urf-odatlarimiz va ularning yoshlar ma’naviyatidagi ahamiyati haqida fikr almashdilar.
✨
Suhbat milliy qadriyatlarga hurmat va ma’naviy merosimizga bo‘lgan e’tiborni yanada mustahkamlashga xizmat qildi.
🇺🇿
“Umummilliy diktant” marafoni o‘tkazildi
21-oktabr — O‘zbek tili bayrami kuni munosabati bilan Buxoro innovatsion ta’lim va tibbiyot universitetida O‘zbek tili va adabiyoti yo‘nalishining 1-, 2- va 3-bosqich talabalari o‘rtasida “Umummilliy diktant” marafoni tashkil etildi.
📚
Tadbir Umumta’lim fanlar kafedrasi o‘qituvchilari G.B. Rustamova, Sh.A. Safarova va F.N. Raxmatilloyeva tomonidan o‘tkazildi.
Marafon talabalarning savodxonligini oshirish va ona tilimizga bo‘lgan hurmatini mustahkamlashga xizmat qildi.
🇺🇿