Botirjon ERGASHEV | rasmiy
МУСТАҲКАМ БЎЛСИН!
Яшай десанг ҳам иззату икромда,
Эътиқодинг мустаҳкам бўлсин, болам.
Яшай, десанг ҳурматда, эҳтиромда,
Эътиқодинг мустаҳкам бўлсин, болам!
Эътиқоди йўқ одам бебурд эрур,
У учун ҳар борган ери юрт эрур,
Одамийлик илдизида қурт эрур,
Эътиқодинг мустаҳкам бўлсин, болам!
Эътиқоддай олий мақом фан бўлмас,
Ўрган, усиз қалбда ғурур, шаън бўлмас,
Ундайларда айтдим-ку ватан бўлмас,
Эътиқодинг мустаҳкам бўлсин, болам!
Унинг билан юрагинг бўлар обод,
Унинг билан руҳинг бўлади озод,
Бахт-омадинг яна бўлгайдир зиёд,
Эътиқодинг мустаҳкам бўлсин, болам!
Уни асра ҳар дақиқа, ҳар дамда,
Йўқса, қолгайдирсан ғамда, аламда,
Яхшилик йўқ эътиқодсиз одамда,
Эътиқодинг мустаҳкам бўлсин, болам!
Кимки акси, улар дарбадар, дайди,
Олдига не қўйсанг, бўлди, ошайди.
Эътиқоди борлар узооооқ яшайди,
Эътиқодинг мустаҳкам бўлсин, болам!
Эътиқод бу билсанг жонда бўлгайдир,
Сенга мендан ўтган, қонда бўлгайдир,
Не бўлса ҳам Ҳақ томонда бўлгайдир,
Эътиқодинг мустаҳкам бўлсин, болам!
Тупроғингга бўлгин соҳиби ҳиммат,
Уни севгин, севгинг бўлсин беминнат,
Пок эътиқод йўлин охири жаннат,
Эътиқодинг мустаҳкам бўлсин, болам!
©
Ботиржон ЭРГАШЕВ
@Botirjon_Ergashev
#suyunchi
📌
“Suyunchi”
loyihasining
42-soni
O’zbekistonda xizmat ko’rsatgan madaniyat xodimi
Botirjon Ergashev
ning
"Uyg’on, o’g’lim"
kitobiga bag‘ishlandi.
📌
Kadrda:
Nargiza Asadova
,
Hulkar Sherzodova
Operator:
Jasur Tursunov
Montajchi:
Behro'z Xudoyqulov
https://t.me/adiblarxiyobonistudiyasi
ИСТЕЪДОДЛАР ЮРТИ
Шахмат тахтасига ўхшайди ҳаёт,
Ҳа, у ҳам оқ-қора рангдан иборат.
Иккаласига ҳам ғалаба нажот,
Иккиси ҳам фақат жангдан иборат.
Ҳислар тўқнашади бунда беаёв,
Эҳтирослар жўшар мисоли довул.
Ютқизар бунда ким бўлса бежилов,
Ютар кимда идрок бўлса баковул.
Покиза қадамдан қолар нурли из,
Барча амал боғлиқ энг пок ниятга.
Қандай қувонмайлик, фарзандларимиз,
Ўсмоқда кўнмасдан мағлубиятга.
Юрт отаси илҳақ, ғалаба хоҳлаб,
Самарқанддан ҳар он хушхабар кутди.
Яратганга шукр, ишончни оқлаб,
"Олтин авлод" барча рақибни ютди.
Аждодларига мос авлод онгида,
Тафаккур қуёши чарақлайверар.
Бу қуёш юз очса, Ватан тонгида,
Эл юзи янада ярақлайверар.
Гўзал муждалардан халқимиз мамнун,
Деймиз, ёшлар кўкка туғ илаверсин!
Нодир истеъдодлар юртида ҳар кун,
Жавоҳир фарзандлар туғилаверсин!
@Botirjon_Ergashev
QADRDONLAR, YOSHLAR KANALIGA QO‘YING!
#АНОНС
ҚАДРДОНЛАР, АЙНИ ПАЙТДА МАДАНИЯТ ВА МАЪРИФАТ КАНАЛИДА 1 ОКТЯБРЬ — УСТОЗ ВА МУРАББИЙЛАР КУНИГА БАҒИШЛАНГАН КОНЦЕРТ ДАСТУРИ НАМОЙИШ ЭТИЛМОҚДА.
МАЗКУР КОНЦЕРТ БОТИРЖОН ЭРГАШЕВНИНГ ТАБРИГИ ВА ШЕЪРИЙ ЧИҚИШИ БИЛАН ЯКУНЛАНГАН.
ЯНА БИР БОР УСТОЗЛАРИМИЗНИ БАЙРАМ БИЛАН ҚУТЛАЙМИЗ!
@Botirjon_Ergashev