Community of Trainees
- فى ولد كان بيحب بنت جدًا مستواها الإجتماعى اعلى منه ’ كان بيتشاور مع صاحبه إنه خلاص قرر يروح يتقدملها -- صديقه قاله تتقدم لمين ياعم " انت عاوز تجيب لنفس التهزيق هيرفضوك وش " الولد الكلمة وجعته لكن فكر فيها شوية والقرار اللى أخده إنه مرحش -- واكتشف بعد فوات الآوان إن البنت كانت مستنياه وأهلها مكنوش عاوزين غير سعادتها !! وكل ده بسبب " كلمة "
- بنت كانت بتتسوق فى مول عاكسها 3 شباب " بالفاظ بذيئة " واتريقوا عليها عشان تخينة وكانوا بيضحكوا ومبسوطين ’ البنت الكلمة كانت صدى صوت جوه قلبها عمال يأذيها -- روحت بيتها كارهة الشارع وكارهة إنها تنزل من بيتها وكارهة جسمها وشكلها وكارهة إنها بنت -- وكل ده بسبب " كلمة "
- واحدة سألت صاحبتها بعد ما خلفت : جوزك جابلك هدية ايه بمناسبة الولادة ؟ قالتلها : مجابليش حاجه .قالتلها معقوله !!! ؟ ازاى ؟ المفروض كان جابلك حاجه ؟ المفروض كان قدرك وفرحك .. ضربت كلمتين وسخنت الدنيا بينهم و مشيت.
لما رجع جوزها من الشغل لقاها زعلانة و متنكدة فاتخانقوا و كلمة يمين في كلمة شمال الموضوع كبر و اتطلقوا ! وكل ده بسبب " كلمة "
- ولد من القاهرة شاف راجل كبير " فَقد عينه " فقاله : " يــ أعور " فقال له الرجل الكبير " يابنى انا عينى راحت فى الحرب عشان عينك تشوف هذا الوطن .
- ذكرت أحد الصحف الامريكية أن استاذا جامعيا قال لأحد الطلاب أمام زملائه " أنت تتكلم ام تضرب طبلًا استهزاءًا به وسخرية لأنه كان يتلعثم بالكلام - فانتحر الطالب -- وبعد التحقيق فى القضية تبين أن هذا الطالب تَعرض لحادث برفقة أبيه وأمه وكان هو الناجى الوحيد ورأى أباه وأمه وهم يحترقان داخل السيارة
احنا مبنعرفش الإشارة الحمراء فى الكلام بنرمى الكلام ومبنسمعش الألم -- الدبش اللى بيخرج من بوقنا بيموت فى قلوب غيرنا واحنا مش حاسين ’ بيهدم علاقات ’ بيكبر الحواجز ويبزود المسافات ’ لقمان الحكيم قال : (إن من الكلام ما هو أشد مِن الحجرِ في وقعه، وأنفذُ من وَخْز الإبر، وأمر من الصبر، واحر مِن الجمرِ).
مش كل الناس بتعرف ترد الكلمة الجارحة بمثلها -- لأن مش كلهم عندهم القدرة يعوموا فى الوحل -- عشان هما متربين وجواهم إنسانية ’ بيحسبوا اللى خارج من لسانهم وبيوزنوه عشان عارفين قيمته -- عارفين إن الكلمات زى " أشعة إكس " بتخترق كل شىء فبيحسنوا استخدامها
الكلمه..
💔
مصر في الترتيب الخامس في أعلي مستخدمين لموقع
المراهن…ات الشهير 1x Bet
تقدر الزيارات الشهرية من مصر 10 مليون زيارة !!
حابين نفكركو بحاجة ربنا كان قايلها في كتابه العزيز
قال الله تعالي "يَا أَيُّهَا الَّذِينَ آَمَنُوا إِنَّمَا الْخَمْرُ وَالْمَيْسِرُ وَالأَنْصَابُ وَالأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ"
بس برضو ربنا رجع وقال تاني
" إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ ۗ وَكَانَ اللَّهُ غَفُورًا رَّحِيمًا"
يعني الكلام ده معناه يا حبيبي إنك حتي لو مشيت غلط والشيطان ضحك عليك قدامك لسه الفرصة إنك ترجع لربنا وتتوب قبل ما الآوان يفوت
أسأل الله أن يهدينا جميعًا وأن يتغمدنا جميعًا برحمته الواسعة.
#منقول
بعد ٣٠ سنة تجارة ومشاريع
وبعد عشرات الاستشارات مع ناس من كل حدب وصوب
وبعد ما شوفت وطفت ولفيت وسمعت
أحلف بالله العظيم إن النجاح رزق محض من الله
وإن التوفيق رزق محض من الله
وإنها مش بالذكاء ولا التخطيط ولا السعي ولا الجري
مهما بلغ ذكاءك وسعيك وجريك وتخطيطك بدون توفيق ولا لهم أي قيمة
بيعدي عليا في الاستشارات شباب لم يتجاوزوا ال٢٥ سنة أو ٣٠ سنة وامكانياتهم الشخصية عادية جدا
والدنيا بتشتي عليهم فلوس وشغالين في مجالات فيها عتاولة مش عارفين يجيبوا مصاريفهم
وبيعدي عليا عمالقة في الذكاء والدهاء والسعي والتخطيط والخبرة والمحصلة صفر ، الحنفية مقفولة من فوق
السلكان وسلامة النفس وحسن الظن بالله والتوكل عليه بيقين والرضا ومحبة الخير للخلق = من أعظم العوامل المشتركة اللي شوفتها في ناس بسيطة ومحققة نجاحات لا تصدق
خد بكل الأسباب وفكر وخطط واسعى بس خليك فاكر دايما إنه لا حول ولا قوة إلا بالله
لما تفتكر المبدأ ده مش هتخاف لو منافس فتح جنبك ولا لما السوق يقع ولا لما الأسعار تزيد
مش هتحاول تكوش ولا هنضرب اسافين في حد ولا هتبخل بمعلومة مفيدة ولا هتعيش طول الوقت في حرب ضروس وقلق وتوتر وخوف من اللي جي
لما تفتكر المبدأ ده هتشتغل وانت هادي ومطمن ونفسك مرتاح
مش هتيجي على عبادتك ولا سلامك النفسي ولا هتيجي على بيتك وعيلتك ولا هتحاول توصل لأهدافك بأي طريقة مخالفة للدين والأخلاق
- ايه المشكلة لما بنت تصاحب ولد او العڪس طول ما الڪلام بحدود والنية سليمة وهو زىّ اخويا وانا زىّ اختُه ؟
= عندنا قاعدة بتقول : ''النية الصالحة لا تُصلح العمل الفاسد''
ربنا ﷻ هو اعلم بينا من نفسنا .. { ربكم أعلم بكم } ،، فيعلم ان البنت هتميل للولد ،، والولد هيميل للبنت ..
''' دي الفطرة الـ اتفطرنا عليها فـعشان ڪدّه حطلنا قوانين تخلينا نبعد 180 درجة عن الحرام '''
وبعدين ازاى بنت تحڪي لولد على ادق تفاصيل حياتها او العڪس ،، ولد يفضفض لبنت على ادق تفاصيل حياته،، ومحدش فيهم يتأثر ؟!
معندڪش معلومات عن ان البنات بتتأثر من أبسط ڪلمة ؟!
- نيجي بقى للبنت اللي بتقول :
انا بنت محترمة و متربية ڪويس و ها اعرف ازاي احمي نفسي لو زميلي اتجاوز حدوده معايا ..
هقولك مقولة قالها العلماء :
" من استشرف الفتنة .. استشرفته "
يعني اللي يروح للفتنة و هو فاتح صدره .. الفتنة ها تقوله :
حياك الله اهلا اهلا نورتنا ..
انتي عملتي زي اللي حط بنزين ع نار و معتقد أنهم مش ها يولعوا .. !!!
- طب انا اهلي عارفين و ڪل اللي عارفيني عارفين عادي ما بعملشي حاجة غلط من وراهم ..
" ودا مش عذر اننا نعمل الحرام على فڪرة "..
انتي اللي ها تتحاسبي مش هما .. هما مش ها ينزلوا معاڪي قبرك .. !!!
مش ها تقفي قدام ربنا تقوليله : " أهلي عارفين " .. !!!
دا غير ان دا أصلا جهر بالمعصية و استهوان بستر الله ..
قال تعالى : " لا يحب الله الجهر بالسوء من القول " ..
و الرسول صلى الله عليه و سلم قال :
" ڪل أمتي معافى إلا المجاهرين " ..
- و ڪون انك عارفة و مستمرة ع الذنب ڪدا ذنبك مضاااعف .. و الحرام جاي على هواڪي و المعصية بقت شيء عادي و معتاد بالنسبالك .. !!!
- و الرسول صلى الله عليه و سلم قال إن مافيش أشر على الرجال من النساء ؛
فإزاي نقعد الفاتن جمب المفتون ونقول مافيش مشڪلة !!!
- و الله حتى لو ڪان الولد دا اصغر منك و معتبراه زي اخوڪي الصغير بس ها يحصل إعجاب أو حتى انجذاب و تعلق .. لإن انتي بشر و هو بشر .. مش ملائڪة يعني و لا عندڪوا جناحات حتى بصي ڪدا على ايدك فيها جناح و الا لا !!!
- و ربنا قال لأطهر البشر اللي هما الصحابة و زوجات الرسول اللي اصلا يعتبروا امهاتهم انهم يتڪلموا من وراء حجاب ؛ فما بالك بينا احنا !!!
من الآخر مافيش حاجة اسمها صداقة أو حتى أخوة بين ولد و بنت ..
طالما هو غريب عنك يبقى ما ينفعش يڪون بينك و بينه أي ڪلام سواء بعلم أهلك أو لا ..
✋
" و تحسبونه هينا و هو عند الله عظيم " ..
#اللهم_عفة_و_غفران
💛
🌻
"التحول الرقمي هو الطريق للمستقبل، ومجال الذكاء الاصطناعي هو الطريق الاكيد له.
اعرف أكتر عن الكليات المتاح ليها التقديم من خلال مبادرة رواد مصر الرقمية.
متفوتش الفرصة وسجل الآن .. باب التسجيل مفتوح
هذه المبادرة مجانية بالكامل مقدمة من وزارة الاتصالات وتكنولوجيا المعلومات
ولمعرفة المزيد عن المبادرة والتسجيل برجاء زيارة الموقع الإلكتروني
depi.gov.eg
#مبادرة_رواد_مصر_الرقمية
#رواد_مصرالرقمية
#العمل_الرقمي_للجميع
#وزارة_الاتصالات_وتكنولوجيا_المعلومات
مبادرة رواد مصر الرقمية
المبادرة الخاصة بتدريب وتأهيل الطلاب و الخريجين التابعة لوزارة الاتصالات
موقع المبادرة
https://depi.gov.eg/
الفرائض :
2 الفجر + 4 الظهر + 4 العصر + 3 المغرب + 4 العشاء = 17ركعة
السنن الرواتب :
2 قبل الفجر + 4 قبل الظهر + 2 بعد الظهر + 2 بعد المغرب + 2 بعد العشاء = 12 ركعة
قيام الليل :
8 ركعات + 2 شفع و 1 وتر= 11 ركعة
الإجمالي : 40 ركعة
هذا ما كان يحافظ عليهم النبى صلى الله عليه وسلم فى اليوم والليلة
40 ركعة كل يوم كفيلة بتغيير حياتك
و بالإضافة إلى ركعات الضحى ... كان رسول الله صلى الله عليه وسلم يصلي الضحى ٤ ركعات و يزيد عن ذلك
حديث عائشة رضي الله عنها.
الضحى وقته من بعد شروق الشمس بربع ساعة حتى قبل أذان الظهر بربع ساعه و هي صلاة الاوابين و كان يصليها صلى الله عليه وسلم أحياناً ٨ ركعات و أكثر...
( وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ )
صدقه جاريه لجميع اموات المسلمين
💚