Save Your Tears!
حاوط نفسك بناس أحسن منك في حاجات كتير، ناس عندها خبرة ورؤية أوسع منك، وجودك وسط ناس مُتقدمة عنك هيخليك تطمح أكتر، وتتعلم أكتر، وتوصل لمستويات مكنتش متخيلها.
مش معني إنك عايش فصل صعب إن الحكاية كلها وحشة، السر إنك تعرف تعدّي الوجع من غير ما تفقد إيمانك باللي جاي، حتي لو مش شايف إيّ علامة إن الأمور هتتحسن، خليك متمسك بالأمل وبالصورة اللي نفسك توصلها، ساعات لازم تكمل وإنت مش شايف غير خطوة واحدة قدامك.
معنديش ذرة حنين للرجوع لأي علاقة ومعنديش ذرة ندم في ترك اي علاقة ومعنديش ذرة تردد في اني مقدمتش كل اللي اقدر علية ومعنديش ذرة شك اني احسن شخص دخل حياة كل اللي سيبتهم ومعنديش نية أستعيد اي شخص خرج من حياتي
مفيش أغبى من اللي بيفتكر إن مساعدته لغيره هتقلل من رزقه هو الشخصي التخبية والخبث والمدارية وبُخل النصيحة حاجات بتثبت خيابة عقل وقلة إيمان البني أدام الي بيعملها الرافعي بيقول إنَّ ما في يدِ الله لا يوزَّع بقوانين الناس.
محدش هيزاحم حد في خير مكتوب له ولا حد هيقدر يمنع رزق حد الأرزاق مقسمها الخلاق واللي بيفتح باب لغيره بيفتح له ربه أبواب ﴿قُلْ إِنَّ رَبِّي يَبْسُطُ الرِّزْقَ لِمَنْ يَشَاءُ وَيَقْدِرُ وَلَكِنَّ أَكْثَرَ النَّاسِ لَا يَعْلَمُونَ﴾.
الفراق مش دايمًا موت أوقات بيبقى إنك تشوف نفس الشخص بس تحس إنه بقى غريب الفراق إنك تبطل تعاتب وتبطل تزعل وتبطل حتى تسأل .. أصعب فراق لما تمشي من غير ما تمشي ولما يسكت قلبك بدل ما يزعق
مسامحة النفس هي السبيل للتخلص من بعض المعاناة، لعل العزاء في إدراك أنك تخوض الحياة للمرة الأولى -ولحسن الحظ أيضًا- الأخيرة. فأنت تخطط وترتجل وتسأل الله المعونة، وتحاول ما وسِعتك المحاولة.
اتقبل إن في حاجات مش هتبقى من نصيبك مهما حاولت مش ضعف منك دي قسمة ربنا ، ارضى عشان الرضا هو النجاة الوحيدة
أول شعور بيجيلك أول ما تفتح عيونك الصبح، هو العدسة اللي هتشوف بيها يومك كلهُ، لو قمت راضي هتشوف نِعم، ولو قمت قلقان هتشوف مخاطر وبلاوي.
﴿ إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ﴾
🤎
🤎
🤎