O'zbekiston shifokorlari

❗️
Tibbiyot xodimlarining farzandlariga kontraktining bir qismini qoplab berish bo’yicha subsidiya ajratish tizimi ishga tushdi
👥
Kimlarga to’lanadi:
davlat tibbiyot muassasalarida
kamida 15 yil ish stajiga
ega bo‘lgan tibbiyot va farmatsevtika xodimlarining
farzandlariga
🏢
Qaysi oliygohlar uchun:
respublika hududidagi oliy ta’lim tashkilotlarida (davlat hamda nodavlat)
🔢
Qaysi bosqich uchun:
bakalavriat
ta’lim yo‘nalishi bo‘yicha barcha bosqich uchun
💰
Qanchasi qoplab beriladi:
yillik kontrakt summasining 30 foizi
miqdorida, biroq bazaviy hisoblash miqdorining
15 baravaridan oshmaydigan
(bugungi kunda 6 mln 180 ming so‘m)
qismi qoplab beriladi
📲
Ariza qayerda beriladi:
arizalar
subsidiya.imv.uz
saytining
quyidagi sahifasida
qabul qilinmoqda
🔖
Huquqiy asosi:
O‘zbekiston Respublikasi Prezidentining 09.11.2025-yildagi PQ-336-sonli
qarori
Kanalimiz
👉
@Doctors_Uzbekistan

“
TIBBIYOT NOVATORLARI
”
Bu galgi qahramonimiz — O‘zbekistonda bolalar jigar transplantatsiyasi sohasida katta natijalarga erishgan, jajji bemorlarga qayta hayot va yuzlab oilalarga quvonch bag‘ishlab kelayotgan mohir xirurg,
Bolalar milliy tibbiyot markazi bo‘lim boshlig‘i — Mansur Nоsirov.
Manba: SSV
Kanalimiz
👉
@Doctors_Uzbekistan

O‘zbekistonlik tibbiyot xodimlari Chexiyaga ishga yuboriladi
O‘zbekistonlik tibbiyot sohasi mutaxassislarini Chexiyaning davlat va xususiy klinikalarida yuqori malakali lavozimlarga joylashtirish yo‘lga qo‘yiladi. Bu haqda Migratsiya agentligi xabar berdi.
Qayd etilishicha, Chexiya bosh vaziri Andrey Babishning O‘zbekistonga tashrifi doirasida boshlangan muloqotlar amaliy bosqichga o‘tmoqda. Migratsiya agentligi rahbari Behzod Musayev, O‘zbekistonning Chexiyadagi elchixonasi vakillari va Chexiya sog‘liqni saqlash vaziri Adam Voytex bilan bo‘lib o‘tgan muzokara yakuniga ko‘ra, o‘zbekistonlik tibbiyot sohasi mutaxassislarini Chexiyaning davlat va xususiy klinikalarida ishlashga tayyorlanadi va yuqori lavozimli ishlarga joylashtiriladi.
Nomzodlarni chex tili va kasbga tayyorlash, dual ta’lim dasturlarini ishlab chiqish hamda diplom va malakalarni tan olish jarayonlarini yengillashtirish masalalari hal qilinadi. Mazkur jarayon joriy yilning sentyabr oyidan ishga tushiriladi.
Manba:
daryo.uz
Kanalimiz:
👉
@Dr_Muxtorov

Toshkent davlat tibbiyot universiteti dunyo universitetlari TOP-1000 ligida
Times Higher Education (THE) agentligi e’lon qilgan Sustainability Impact Ratings 2026 natijalariga ko‘ra, Toshkent davlat tibbiyot universiteti ilk bor dunyoning top-1000 universiteti qatoridan joy oldi. Universitet «Sog‘liq va farovonlik» (SDG 3) yo‘nalishi bo‘yicha dunyoda TOP-100 oligohlari orasida joy olib jahonda 81-o‘rinni, O‘zbekiston oliy ta’lim muassasalari orasida esa birinchi o‘rinni egalladi. Bu natija 2030 yilga mo‘ljallangan strategik maqsadlardan biri rejalashtirilgan muddatdan avval bajarilganini ko‘rsatdi.
Kanalimiz:
👉
@Dr_Muxtorov

Kitob tumani “Varganza” mahallasida bir oilaning uch nafar a’zosida quturish kasalligi aniqlangani haqida xabarlar tarqaldi
Ijtimoiy tarmoqlarda tarqalgan mazkur xabarlar yuzasidan Sog‘liqni saqlash vazirligi munosabat bildirdi.
Joriy yilning 10 iyul kuni Kitob tumanida yashovchi, 1979 yilda tug‘ilgan fuqaro xavfli yuqumli kasallik gumoni bilan shifoxonaga yotqizilgan.
Epidemiologik surishtiruv davomida bemorni taxminan bir oy avval tulki bolasi tirnagani aniqlangan. Afsuski, u joriy yil 11 iyul kuni vafot etgan.
Hozirgi vaqtda vafot etgan fuqaroning o‘lim sababi yuzasidan sud-tibbiy ekspertiza tayinlangan.
Shuningdek, mazkur hududda yashovchi uch nafar fuqaro ehtiyot chorasi sifatida tibbiy ko‘rikdan o‘tkazildi. Ularda quturish kasalligining klinik belgilari aniqlanmadi. Ayni paytda ushbu fuqarolar shifokorlar nazoratiga olinib, zarur profilaktik emlash tadbirlari amalga oshirilmoqda.
Qolaversa, Kitob tumanida viloyat Sog‘liqni saqlash boshqarmasi, Sanitariya-epidemiologik osoyishtalik va jamoat salomatligi xizmati hamda veterinariya mutaxassislari hamkorligida epidemiologik vaziyat to‘liq nazoratga olingan.
Manba:
yuz.uz
Kanalimiz
👉
@Doctors_Uzbekistan

SSV jaziramadan saqlanish bo‘yicha o‘z tavsiyalarini berdi
Hafta davomida O‘zbekistonda jazirama issiq saqlanib qoladi. «O‘zgidromet» ma’lumotiga ko‘ra, yaqin kunlarda harorat
+41...+43 darajagacha, shimolda, janubda va cho‘l hududlarida esa +44...+46 darajagacha ko‘tarilishi kutilmoqda.
Issiq kunlarda inson organizmi qizishi, suvsizlanishi, qon bosimi o‘zgarishi, yurak-qon tomir tizimiga ortiqcha yuklama tushishi, issiq urishi holatlari yuzaga kelishi mumkin. Sog‘liqni saqlash vazirligi aholiga, ayniqsa, xavf guruhiga kiruvchi fuqarolarga ehtiyot choralariga qat’iy amal qilishni tavsiya qildi.
Xususan, 65 yoshdan oshgan keksalar, chaqaloqlar va yosh bolalar, homilador ayollar, yurak-qon tomir, qandli diabet, buyrak, nafas yo‘llari va boshqa surunkali kasalliklari bo‘lgan bemorlar, yuqori qon bosimi yoki yurak dorilarini, «suv haydovchi», allergiyaga qarshi yoki psixotrop preparatlarini qabul qiluvchilar issiqlik ta’siriga nisbatan, ayniqsa, zaif hisoblanadi.
«Bu insonlarda chanqoqlik hissi kech paydo bo‘lishi, tana haroratini nazorat qilish qobiliyati pasayishi yoki surunkali kasalliklar zo‘rayishi mumkin. Shuning uchun ularning holatidan muntazam xabar olib turish lozim», deyiladi SSV matbuot xizmati tavsiyasida.
Issiqda organizm terlash orqali ko‘p miqdorda suyuqlik va mineral moddalarni yo‘qotadi. Chanqoqni kutmasdan, kun davomida oz-ozdan va tez-tez suv ichish zarur. Katta yoshli sog‘lom insonlar uchun odatda kuniga 2–3 litr atrofida suyuqlik ichish tavsiya etiladi. Yurak, buyrak kasalliklari yoki shishga moyilligi bor bemorlar esa suyuqlik miqdorini shifokor tavsiyasiga ko‘ra belgilashi kerak.
Yengil, keng, havo o‘tkazuvchan va och rangli kiyimlar kiyish tavsiya etiladi. Paxta va zig‘ir kabi tabiiy matolar tananing nafas olishiga yordam beradi va terning bug‘lanishini yengillashtiradi. Ko‘chaga chiqqanda keng qirrali bosh kiyim, quyoshdan himoyalovchi ko‘zoynak va zarur hollarda oftobdan himoyalovchi kremdan foydalanish maqsadga muvofiq.
Og‘ir, yog‘li, qovurilgan, achchiq va hazm bo‘lishi qiyin ovqatlar organizmga ortiqcha yuklama beradi. Shuning uchun sabzavotli salatlar, yengil sho‘rvalar, qatiq, ayron, tvorog, tuxum, tovuq yoki baliq go‘shti, mevalar iste’mol qilish tavsiya etiladi. Kun davomida 5-6 marta oz-ozdan ovqatlanish maqsadga muvofiq.
Taxminan soat 11:00 dan 17:00 gacha ochiq quyosh ostida yurishni cheklash kerak. Zarur ishlarni ertalab yoki kechki salqin vaqtlarga qoldirish maqsadga muvofiq. Agar ko‘chaga chiqish zarur bo‘lsa, soya yo‘laklardan yurish, bosh kiyim kiyish, yoningizda suv olib yurish va har 15–20 daqiqada oz-ozdan suv ichish tavsiya etiladi.
«Hech qachon bolalarni, keksalarni yoki hayvonlarni avtomobil ichida yolg‘iz qoldirmang. Quyosh ostida turgan avtomobil ichida harorat bir necha daqiqada hayot uchun xavfli darajagacha ko‘tarilishi mumkin.
Esda tuting: issiq havoda eng muhim qoidalar — salqin joyda bo‘lish, yetarli suv ichish, yengil kiyinish, og‘ir ovqat va og‘ir jismoniy mehnatni cheklash, xavf guruhidagi yaqinlar holidan xabar olish va xavfli belgilarda tez tibbiy yordamga murojaat qilishdir», deyiladi tavsiyada.
Manba:
kun.uz
Kanalimiz
👉
@Doctors_Uzbekistan

#AFSONA_VA_HAQIQAT
❓
Qora sedana ming dardga davo bo'ladimi?
🗯
Afsona
Koʻpchilik qora sedanani ming dardni davolovchi moʻjizaviy dori sifatida e'tirof etadi. Uni muntazam isteʼmol qilish saraton, diabet, gipertoniya, infeksiyalar va boshqa koʻplab kasalliklarni butunlay yoʻqotadi, degan fikrlar ham keng tarqalgan.
✅
Haqiqat:
Qora sedana tarkibida timoxinon, antioksidantlar va biologik faol moddalar mavjud. Tadqiqotlar uning yalligʻlanishga qarshi, antioksidant va ayrim hollarda qondagi lipidlarni biroz yaxshilashi mumkinligini koʻrsatadi. Ammo mavjud ilmiy dalillar qora sedananing biror kasallikni mustaqil davolashi yoki
"ming dardga davo"
ekanini tasdiqlamaydi.
Hozirgi kunda Xalqaro tibbiy tashkilotlar(WHO, FDA, NIH, AAP, ADA, ESC, GINA) qora sedanani klinik standartlar yoki rasmiy davolash protokollariga tavsiya etilgan dori vositasi sifatida kiritgan emas.
Saraton, diabet, yurak-qon tomir kasalliklari, infeksiyalar yoki boshqa surunkali kasalliklarda qora sedana asosiy davolash usulining oʻrnini bosa olmaydi. Uni asosiy davoga qo'shimcha sifatida qo'llash mumkin. Qora seda moyi kapsulasini dori vositalari oʻrnida qoʻllash kasallikning ogʻirlashishiga olib kelishi mumkin. Bundan tashqari, ayrim odamlarda
allergik reaksiyalar
kuzatilishi ehtimoli ham bor.
❗️
Xulosamiz shunday:
Qora sedana foydali biologik faol qoʻshimcha boʻlishi mumkin, ammo u na ming va na biror bir dardga davo emas. Qora sedanani kim(qo'shiqchi, masalchi) va qanday usulda(odamlarning hissiyotlari bilan o'ynashib) reklama qilishidan qat'iy nazar afsona haqiqatga aylanib qolmaydi.
Kanalimiz:
👉
@Dr_Muxtorov

“Sog‘lig‘ining qadriga yetmaydi!” Gippokrat nima uchun odamlarni bepul davolashni maslahat bermagan?
Nahotki? Ammo faylasuf va tabib buni tushuntirgan. Quyida uning falsafiy qarashlari mohiyatini qisqacha bayon qilamiz.
Gippokrat tarixda “tibbiyotning otasi” sifatida qolgan. U yashagan davrda barcha kasalliklar la’natlardan kelib chiqadi, deb ishonishgan. Gippokrat esa bu masalada boshqacha fikrda edi.
U kasalliklarni afsun va sehr bilan davolash yetarli emas deb hisoblagan va ko‘p vaqtini kasalliklar, inson tanasi, xatti-harakati va turmush tarzini o‘rganishga bag‘ishlagan.
Va, albatta, u o‘z davrida shogirdlar yetishtirgan, shuningdek, turli mavzularda, jumladan, tibbiyot xodimlariga ish haqi to‘lash bilan bog‘liq bo‘lgan mavzularga bag‘ishlangan tibbiy asarlar yozgan.
Xususan, Gippokrat shunday degan edi:
“Har qanday ish adolat bilan taqdirlanishi kerak, bu hayotdagi barcha soha va kasblarga tegishli
.
Va yana:
“Tekin davolamang, chunki tekin davolanganlar o‘z sog‘lig‘ini, tekin davolaganlar esa mehnati natijasini qadrlamaydilar”.
Qadimgi Yunonistonda aholining barcha qatlami har qanday kasallik tufayli shifokorga borishga qodir emas edi. Shifokorlar ularga har doim ham yordam qo‘lini cho‘za olishmasdi. Tibbiyot hali nihoyatda zaif, inson tanasi o‘rganilmagan, kasalliklarning nomlari ma’lum bo‘lmagan va ular xalqona usullari bilan davolangan, ba’zan esa bemorlar umuman tuzalmasdi ham.
Gippokrat hech qachon shifokorlarga pul to‘lash haqidagi nuqtayi nazarini inkor etmagan, ammo muhtojlarga beg‘araz yordam berishdan ham bosh tortmagan.
U hayotda boylik yoki ortiqcha narsalarni qidirmang, ba’zan bepul davolang, buning uchun boshqalarning minnatdorligi va ehtiromiga sazovor bo‘lasiz degan umidda bunga jazm qilgan. Imkon topganingizda kambag‘allar va musofirlarga yordam qo‘lini cho‘zing. Zero, insonlarni sevgan kishi o‘z ilmi va mehnatini minnat kutmay ulashadi, kasbini esa sidqidildan sevadi.
Manba:
daryo.uz
Kanalimiz
👉
@Doctors_Uzbekistan

O‘zbekistonliklar sog‘liqni saqlash xizmatlariga 5 oyda 9 trln so‘mdan ziyod mablag‘ sarfladi
Milliy statistika qo‘mitasi ma’lumotlariga ko‘ra, 2026 yilning yanvar-may oylarida O‘zbekistonda sog‘liqni saqlash sohasidagi xizmatlar hajmi 9,1 trln so‘mni tashkil etgan.
Bu ko‘rsatkich o‘tgan yilning mos davriga nisbatan 14,7 foizga oshgan.
Sog‘liqni saqlash sohasidagi xizmatlarning 16,8 foizi tibbiy amaliyot va stomatologiya xizmatlariga, 20 foizi shifoxona muassasalari xizmatlariga hamda 63,2 foizi boshqa xizmatlar hissasiga to‘g‘ri kelgan.
Hududlar kesimida sog‘liqni saqlash xizmatlari hajmi quyidagicha:
Toshkent shahri — 4,2 trln so‘m
Toshkent viloyati — 862,1 mlrd so‘m
Samarqand viloyati — 694,1 mlrd so‘m
Farg‘ona viloyati — 593 mlrd so‘m
Andijon viloyati — 428,9 mlrd so‘m
Namangan viloyati — 415 mlrd so‘m
Buxoro viloyati — 353,9 mlrd so‘m
Xorazm viloyati — 335,9 mlrd so‘m
Qashqadaryo viloyati — 332,7 mlrd so‘m
Surxondaryo viloyati — 238,4 mlrd so‘m
Jizzax viloyati — 221,3 mlrd so‘m
Sirdaryo viloyati — 169,7 mlrd so‘m
Qoraqalpog‘iston Respublikasi — 158,6 mlrd so‘m
Navoiy viloyati — 157,9 mlrd so‘m
Manba:
nuz.uz
Kanalimiz
👉
@Doctors_Uzbekistan

❗️
Ayrim tibbiyot xodimlariga uy sotib olish uchun subsidiya berish tartibi belgilandi
Hukumat qarori bilan tasdiqlangan nizomga
ko‘ra
, fuqaro
ro‘yxatdan o‘tkazilgan hududidan qat’i nazar,
istalgan hududdan subsidiya dasturi doirasida
birlamchi uy-joy bozoridagi
xonadonlarni
ipoteka krediti
asosida sotib olishi mumkin.
Subsidiya olish uchun
Davlat xizmatlari markazi
yoki
my.gov.uz
orqali murojaat qilish mumkin. Ariza beruvchini baholashda
quyidagilar tasdiqlanishi
shart:
🔹
amalda davlat tibbiyot muassasasida faoliyat yuritayotgani;
🔹
davlat tibbiyot muassasalarida kamida 15 yil ish stajiga ega ekanligi.
Subsidiya
bir oilaga
(eri yoki xotiniga) faqat
bir marta
beriladi.
🗒
Tanlov
onlayn
tarzda o‘tkaziladi. Bunda mezonlarga to‘liq mos keladigan ishtirokchilar orasidan
har chorak
uchun belgilangan kvota doirasida
125 nafar g‘olib
avtomatik
tasodifiy tanlash
imkonini beruvchi maxsus veb-saytlar orqali aniqlab olinadi.
Kanalimiz
👉
@Doctors_Uzbekistan