Dr Hossam Mokhtar - د. حسام مختار

⚠️
تنبيه مهم جدًا بخصوص الاشتراك في كورس الطوارئ
⚠️
حابب أوضح نقطة مهمة جدًا بعد ما وصلتني في الفترة الأخيرة بعض المعلومات عن وجود أشخاص بيستفيدوا من الكورس بطرق غير رسمية، سواء من خلال مشاركة الحسابات أو تداولها أو بيعها، أو بأي طريقة تانية بتسمح بالوصول للمحتوى بدون اشتراك رسمي من خلالنا.
وأحب أكون واضح في النقطة دي:
أنا لا أسمح ولا أُسامح في الدخول أو الاستفادة من محتوى الكورس بأي طريقة غير رسمية، ومش مسامح أي شخص دخل أو استفاد من الكورس بدون اشتراك رسمي من خلالنا.
الكورس ده وراه مجهود كبير جدًا من ناس كتير، مش مني أنا بس. كورس أخد وقت طويل في التحضير والتسجيل والمراجعة والتنظيم، وناس كتير بتشتغل خلف الكواليس عشان الكورس يطلع بالشكل اللي حضراتكم شايفينه.
فكون إن حضرتك تقرر تدخل الكورس بطريقة غير رسمية، سواء من خلال مشاركة الحسابات أو تداولها أو بيعها، فحضرتك كده بتضيع تعب ومجهود ناس تانية بدون وجه حق.
وفي نفس الوقت، أنا عمري ما كنت ضد إن المعلومة توصل لأي حد، والدليل إن معظم المحتوى اللي بقدمه موجود بشكل مجاني وبدون مقابل، سواء من خلال المحاضرات الموجودة على قناتي على اليوتيوب أو المحتوى اللي بنزله هنا على الصفحة.
لأني مؤمن إن العلم لازم يوصل، والحمد لله مش ببخل بأي معلومة أقدر أفيد بيها حد.
لكن فيه فرق بين إن حضرتك تستفيد من محتوى مجاني بقدمه لحضرتك بكامل إرادتي، وبين إن حضرتك تدخل في محتوى مدفوع بطرق غير رسمية وتضيع تعب ومجهود ناس اشتغلت على المحتوى ده عشان يظهر بالشكل ده.
وأحب أكرر تاني وبكل وضوح:
الاشتراك في كورس الطوارئ لا يتم إلا من خلالنا، عن طريق التواصل مع التيم على رقم الواتساب الخاص بالكورس وهم هيردوا على حضرتك ويبعتولك خطوات الاشتراك بالتفصيل.
والاشتراك بيكون لشخص واحد فقط، ولا يُسمح بمشاركة الحساب مع أي شخص آخر.
أتمنى إن الرسالة تكون وصلت بشكل واضح، وإن كل واحد فينا يحافظ على حق غيره زي ما بيحب إن الناس تحافظ على حقه.
وشكرًا لتفهمكم، ولكل واحد بيحترم ويقدر مجهود غيره.
https://www.facebook.com/share/p/1BegXdf48r/