منصة رقي️

كاين لي تتسلط على إنسانة ضعيفة
تهينها وتغتابها
تدور الأيام ويتحط في طريقها إنسان افعاله دنيئة وما تسواش

فكري ألف مرة قبل ما تظلمي غيرك
لأنو الدنيا تدور وبرجعلك فعلك
ولو حيوان
تخيلو بلي نطلب السماح من مينوش (قطي )
كي نتقلق منو ونحاوزو

لاحظتو انو كل ظالم يجي ظالم فوقو يستسلط عليه
شفتها فواقع بزاااف ناس
كل فرعون يجيبلو ربي لي يتفرعن عليه
سبحان الله

بصح للأمانة ماشي لعاد الدرجة
واطية نص نص

😉
😉
😉
😉
😉
خليكي واطية

تعلمي متشفقيش
🫶

وحتى مع الرحال
جاتني بزاااف استشارات وفاتو عليا حالات
كاين نساء تقبل بالرجل لأنو غاضها مسكين محبتش تجرحو بالرفض
شغل هي جمعية خيرية
فتلقى منو مالم تتوقعه
يربيها تاع الصح باش متزيدش تشفق عل حسابها
وآنت ثان

شحال من مرة صراتلك
الانسانة اللي تغيضك يجيك منها سم كبيييير
للأسف
كل ما تغيضك وحدة وتقولي نساعفها ونساعدها لأنها حالة خاصة هي بالذات
لي تكويك
(اتق شر من أحسنت اليه)