Toshkent transport texnikumi
MILLIY QADRIYATLAR — YOSHLAR TARBIYASINING MUHIM ASOSI
2026-yil 12-iyun kuni Toshkent transport texnikumi oʻquvchi qizlari Kamoliddin Behzod nomidagi Milliy rassomlik va dizayn institutida “Mirobod milliylikni qadrlaydi – milliy Mirobod” shiori ostida tashkil etilgan tuman miqyosidagi targʻibot tadbirida faol ishtirok etdilar.
Mazkur tadbir milliy qadriyatlarimizni asrab-avaylash, yosh avlod qalbida milliy oʻzlikni anglash tuygʻusini mustahkamlash hamda milliy liboslarimizni keng targʻib etish maqsadida tashkil etildi.
Tadbir davomida oʻquvchi qizlar qadimiy atlas va adras matolaridan tikilgan an’anaviy liboslar, zamonaviy dizayn bilan uygʻunlashtirilgan milliy kiyimlar hamda yurtimizning turli hududlariga xos milliy liboslar namunalari bilan yaqindan tanishdilar. Mutaxassislar tomonidan har bir libosning yaratilish tarixi, unda aks etgan naqsh va bezaklarning ma’nosi, milliy kiyinish madaniyati hamda odob-axloq qoidalari haqida batafsil ma’lumotlar berildi.
Tadbir yoshlar, ayniqsa, oʻquvchi qizlarning milliy qadriyatlarimizga boʻlgan hurmatini yanada oshirish, ularda milliy gʻurur va vatanparvarlik tuygʻularini mustahkamlashga xizmat qildi.
Toshkent transport texnikumi yoshlarni milliy an’ana va qadriyatlar ruhida tarbiyalash, ularning ma’naviy-ma’rifiy dunyoqarashini boyitishga qaratilgan tadbirlarda faol ishtirok etishda davom etadi.
🕊
Telegram
|
📱
Instagram
|
📱
Facebook
🕊
Twitter
|
📺
Youtube
|
🇺🇿
Threads
YOSHLAR BILAN OCHIQ MULOQOT — KELAJAKKA DAXLDORLIK VA MAS’ULIYAT UCHRASHUVI
Yoshlar kuni munosabati bilan Toshkent transport texnikumida O‘zbekiston Respublikasi Oliy Majlisi Senati a’zosi, Senatning Fan, ta’lim va sog‘liqni saqlash masalalari qo‘mitasi a’zosi
Gulnora Mahmudovna Marufova
bilan yoshlar uchrashuvi tashkil etildi.
Uchrashuvda senator tomonidan mamlakatimizda yoshlarga oid davlat siyosatining ustuvor yo‘nalishlari, ta’lim sohasida amalga oshirilayotgan islohotlar, yoshlarning ilm olish, kasb egallash, tadbirkorlik bilan shug‘ullanish hamda o‘z salohiyatini ro‘yobga chiqarishi uchun yaratilayotgan imkoniyatlar haqida atroflicha ma’lumot berildi.
Muloqot davomida texnikum o‘quvchilari o‘zlarini qiziqtirgan savollar bilan faol ishtirok etib, kasbiy ta’lim bitiruvchilarining bandligi, oliy ta’limga o‘qishni davom ettirish imkoniyatlari, xalqaro ta’lim dasturlari, xorijiy stajirovkalar, zamonaviy kasblarga bo‘lgan ehtiyoj hamda yoshlarni qo‘llab-quvvatlashga qaratilgan davlat dasturlari yuzasidan fikr almashdilar.
Senator yoshlarni bugungi imkoniyatlardan unumli foydalanishga, zamonaviy bilim va ko‘nikmalarni egallashga, chet tillarini o‘rganishga hamda o‘z ustida muntazam ishlashga chaqirdi. Shuningdek, har bir yoshning muvaffaqiyati mamlakat taraqqiyoti bilan chambarchas bog‘liq ekanligini alohida ta’kidladi.
Samimiy va ochiq ruhda o‘tgan uchrashuv yoshlarning taklif va tashabbuslarini eshitish, ularni qiynayotgan masalalarni muhokama qilish hamda yoshlar va davlat organlari o‘rtasidagi muloqotni yanada mustahkamlashga xizmat qildi.
📌
Toshkent transport texnikumida yoshlar bilan ishlash, ularning manfaatlarini qo‘llab-quvvatlash va kelajakka ishonchini mustahkamlashga qaratilgan bunday uchrashuvlar izchil davom ettiriladi.
🕊
Telegram
|
📱
Instagram
|
📱
Facebook
🕊
Twitter
|
📺
Youtube
|
🇺🇿
Threads
Ishlab chiqarish amaliyotini o'tash yuzasidan murojaat
Direktorga murojaat:
@ttytdirektor_bot
O'quvchilarni kursda qoldirish masalasi:
VM-466-sonli qaror bilan tasdiqlangan Nizomning
58-bandi
.
🕊
Telegram
|
📱
Instagram
|
📱
Facebook
🕊
Twitter
|
📺
Youtube
|
🇺🇿
Threads
ISHLAB CHIQARISHDA O‘RGANILGAN HAR BIR KO‘NIKMA — KELAJAKKA SARMOYA
Texnikumning bugungi kunda 31 ta guruhida tahsil olayotgan 920 nafar o‘quvchisi amaliyot jarayonlarida faol ishtirok etmoqda.
Korxonalardagi ustozlar tomonidan o‘quvchilarga zamonaviy texnologiyalar, mehnat madaniyati va ishlab chiqarish intizomi bo‘yicha amaliy bilimlar berilmoqda. Yoshlar esa o‘z kasblarining nozik jihatlarini bevosita ish jarayonida o‘rganib bormoqdalar.
🕊
Telegram
|
📱
Instagram
|
📱
Facebook
🕊
Twitter
|
📺
Youtube
|
🇺🇿
Threads
🚆
🌍
RAIL BALTICA KELAJAK OPERATORLARI UCHUN MUHIM HUJJATNI TAQDIM
ETDI
Estoniya, Latviya va Litvaniyani Yevropa temir yo‘l tarmog‘i bilan bog‘laydigan yirik xalqaro loyiha — Rail Baltica bo‘yicha ilk bor yagona
Network Statement (Tarmoq deklaratsiyasi)
e’lon qilindi. Ushbu hujjat kelajakdagi yo‘lovchi va yuk tashuvchi kompaniyalar uchun liniyadan foydalanishning texnik, operatsion va kirish shartlarini belgilab beradi.
📋
Mazkur hujjat Rail Baltica loyihasining qurilish bosqichidan amaliy ekspluatatsiya bosqichiga o‘tayotganini ko‘rsatuvchi muhim qadam hisoblanadi. Kelgusida unda poyezd yo‘llarini taqsimlash, tariflar, xizmatlar va harakatni tashkil etish bo‘yicha batafsil qoidalar ham aks ettiriladi.
🚄
Rail Baltica — 1435 mm Yevropa standart izida qurilayotgan, Tallinn–Riga–Kaunas–Vilnyus–Polsha yo‘nalishini bog‘lovchi yuqori tezlikdagi temir yo‘l loyihasi bo‘lib, poyezdlar harakat tezligi 249 km/soatgacha yetishi rejalashtirilgan. Liniyada ERTMS Level 2 va FRMCS kabi zamonaviy boshqaruv tizimlari qo‘llaniladi.
🌍
Ushbu tajriba zamonaviy temir yo‘l infratuzilmasini qurish bilan bir qatorda, uning kelajakdagi ekspluatatsiyasini oldindan rejalashtirish va bozor ishtirokchilariga ochiq hamkorlik muhitini yaratish naqadar muhim ekanligini ko‘rsatmoqda.
🕊
Telegram
|
📱
Instagram
|
📱
Facebook
🕊
Twitter
|
📺
Youtube
|
🇺🇿
Threads
AMALIYOT MAYDONLARIDAN NAVBATDAGI FOTOLAVHALAR
Toshkent transport texnikumi o‘quvchilarining ishlab chiqarish amaliyotlari hamkor korxonalarda izchil davom etmoqda.
Bugungi kunda o‘quvchilar korxonalarning turli sex va uchastkalarida tajribali mutaxassislar rahbarligida amaliy topshiriqlarni bajarish, ishlab chiqarish uskunalari va texnologik jarayonlar bilan tanishish orqali kasbiy mahoratlarini oshirib bormoqdalar.
Har bir amaliyot kuni yoshlarning kelajakdagi kasbiy faoliyati uchun muhim tajriba maktabi bo‘lib xizmat qilmoqda.
🕊
Telegram
|
📱
Instagram
|
📱
Facebook
🕊
Twitter
|
📺
Youtube
|
🇺🇿
Threads
YOSH PEDAGOGLAR UCHUN O‘QUV SEMINARI TASHKIL ETILDI
2026-yil 10-iyun kuni Toshkent transport texnikumida yosh pedagoglarning kasbiy mahoratini oshirish, zamonaviy ta’lim texnologiyalarini amaliyotga samarali joriy etish hamda pedagogik faoliyatda innovatsion yondashuvlarni keng qo‘llashga bag‘ishlangan “Zamonaviy o‘quv jarayonini loyihalashning texnologik asoslari” mavzusida o‘quv seminari bo‘lib o‘tdi.
Seminarda texnikumning yosh pedagoglari bilan bir qatorda tajribali ustozlar Sh. Shermetov, D. Nazarova, R. Yusupova, E. Matkurbanova, shuningdek uslubchi M. Shodiyeva hamda ta’lim sifatini ta’minlash bo‘yicha bosh mutaxassis M. Rizayeva ishtirok etdilar.
Tadbir davomida maxsus fan o‘qituvchisi J. Solimuhammadov tomonidan taqdim etilgan prezentatsiya asosida zamonaviy ta’lim jarayonlarini tashkil etishning dolzarb masalalari muhokama qilindi. Xususan:
🔹
zamonaviy ta’limni tashkil etish shakllari va ularning ahamiyati;
🔹
ta’lim jarayonini samarali tashkil etish mexanizmlari;
🔹
ta’lim texnologiyalari, shakllari, metodlari va vositalarini tanlash omillari;
🔹
pedagoglarning innovatsion faoliyatini shakllantirish va rivojlantirish;
🔹
ta’lim menejeri tushunchasi, uning vazifalari va faoliyat yo‘nalishlari;
🔹
ta’lim menejmentida uchraydigan kamchiliklar hamda ularni bartaraf etish yo‘llari haqida atroflicha fikr yuritildi.
Seminarning amaliy qismida tajribali pedagoglar Sh. Shermetov, E. Matkurbanova, D. Nazarova va R. Yusupovalar o‘zlarining ko‘p yillik ish tajribalaridan misollar keltirib, yosh pedagoglar bilan fikr va tajriba almashdilar.
Tadbir yakunida o‘quv jarayoni samaradorligini oshirishga xizmat qiluvchi bir qator innovatsion pedagogik texnologiyalar va interaktiv usullar namoyish etildi. Bu esa ishtirokchilarning zamonaviy ta’lim sohasidagi bilim va ko‘nikmalarini yanada boyitishga xizmat qildi.
Toshkent transport texnikumida pedagog kadrlarning kasbiy rivojlanishiga qaratilgan bunday amaliy seminarlar muntazam ravishda tashkil etilib, ta’lim sifatini yanada yuksaltirishga xizmat qilmoqda.
🕊
Telegram
|
📱
Instagram
|
📱
Facebook
🕊
Twitter
|
📺
Youtube
|
🇺🇿
Threads
Texnikumlarga qabul (9-sinf bitiruvchilari uchun) video qo'llanma
🕊
Telegram
|
📱
Instagram
|
📱
Facebook
|
🕊
Twitter
|
📺
Youtube
|
🇺🇿
Threads
AMALIYOT MAYDONLARIDA FAOL ISH KUNI
Toshkent transport texnikumi o‘quvchilarining ishlab chiqarish amaliyotlari qizg‘in davom etmoqda.
920 nafar o‘quvchi 18 ta yirik korxona va tashkilot hamda 129 ta amaliyot obyektida o‘z mutaxassisliklari bo‘yicha amaliy ko‘nikmalarni egallamoqda. Korxonalardan tayinlangan rahbarlar tomonidan ularga ishlab chiqarish jarayonlari, uskunalar bilan ishlash tartibi va kasbiy faoliyatning muhim jihatlari o‘rgatilmoqda.
Texnikumning 28 nafar amaliyot rahbari tomonidan amalga oshirilayotgan monitoring ishlari amaliyotlarning sifatli va samarali tashkil etilishiga xizmat qilmoqda.
Yoshlarimizning kasbiy kelajagi bugungi amaliy mehnat jarayonlarida shakllanmoqda.
🕊
Telegram
|
📱
Instagram
|
📱
Facebook
|
🕊
Twitter
|
📺
Youtube
|
🇺🇿
Threads