Egyptian misry

M 24
كل اللي شوفته ف حياتي حقيقي عبط ، اول ما جات لحظه اني عرفت ان امي اتشخصت كانسر مرحله 3 و انا اتدمرت ، مليش غيرها يجدعان والله ما ليا حد خالص غيرها من بعد موت ابويا عشنا سوا علي المره و الحلوه لحد ما بنينا نفسنا عشنا كل الصعب سوا انا و حبيبتي الوحيده، انا عاجز اوي يارب عاجز اوي يارب و تعبان لا فلوس ولا مستشفيات هتشفيها مفيش غيرك يارب والله معدتش قادر اعمل حاجه ف حياتي لمجرد فكره ان حبييتي تسيبني ، يارب الرحمه يارب يارب اشفيهالي

بيخاف وبقي ابن ليل

محدش هيحس ان اللي حواليه كله مش متقبله غير المريض نفسي
وخايف تطلع دي الحقيقه
ف الحالتين الموضوع صعب

ورجعت وحيد بدون اي حد ف حياتي. ب اختياري بوجع قلب ووجع اهل وواجع اصحاب

اللي حابب يفضفض مع حد ميعرفهوش او يبعت موقفه من باب انه خرج اللي جواه
ابعتو رسايلكم هنا
@Momo6352

Male - 29
مش عارف ابتدي منين بس أنا ربنا أنعم عليا باختبار كبير جدا وهو إنه رزقني بطفل مصاب بمرض جيني طبعا الموضوع كان في أوله صعب ومرهق بس بعدين ابتدينا نتعايش انا وزوجتي بس أوقات بكون مش قادر طاقتي خلصانه وأوقات بكون قادر ع الاختبار طبعا متابعين علاج طبيعي وتخاطب الحمل المادي كبير جدا بس ربنا كرمني بزيادة مرتب في الشغل مكنتش أحلم بيها، أوقات بحس إن الاختبار ده سببه إني سيبت خطيبتي القديمة فجأة بسبب مشكلة كبيرة وقبل فرحنا بأيام قليلة وكان بينا تجاوزات كبيرة حسيت إن ده عقاب ليا مع إني عارف إن مفيش علاقة وإن ربنا مش هياخد ذنبي من طفل ملهوش ذنب في أي حاجه بس ساعات نفسي بتتجه لإني بتعاقب ع اللي عملته وإني سيبتها وبدخل كل فترة أسوف خطيبتي القديمة هي خلفت واتبسط جدا وساعات بتخيل لو كنت كملت معاها وخلفت طفل سليم عارف ان ده غلط بس انا ساعات بكون ضعيف مع العلم علاقتي بزوجتي قوية جدا وبحبها وحبي ليها اتولد وكبر بعد الجواز انا مبقتش فاهم نفسي وأوقات بتمنى لو كنت مجتش الدنيا وأوقات بتقبل احتبار ربنا بصدر رحب بس هو ليه عاقبني أنا بس!!
أنا تعبان نفسيا وفكرت أروح لثيرابيست بس حتى لو حاولت أروح مفيش فلوس لده كل حاجه رايحه ع علاج طبيعي وتخاطب وأكل معين لابني
أوقات بفكر أنهي حياتي أو أهرب لأبعد مكان محدش يعرفني فيه
مش لاقي حل ومش عارف أعمل إيه يسكت الدوشه اللي جوه دماغي

Female 27
أنا تعبانة..
أنا بجد مش كويسة، أنا كنت في علاقة بحسد نفسي عليها عمري ما كنت أتخيل إني ألاقي الحب ده أو إني ممكن أتحب أصلًا
اكتشفت بعد ٤ سنين إنه بيخونني، برضه ما أعرفش ازاي ولما أنا اكتشفت سابني ولما سابني راح خطب واحدة تانية بعدها بشهر أو أقل أنا ما أعرفش امتى
أنا ضايعة أنا تايهة بقالي سنة مخبوطة على دماغي مش عارفة أفوق.. أنا حطيت نفسي في العلاقة دي ودلوقتي مش لاقياها
المشكلة إنه كان الدوا لكل جروحي، كان صاحبي وحبيبي، كان موجود عشاني وقت ما أحتاجه ومن قبل ما أطلبه، كان حنين أوي عليا، عمره ما زعلني أو جه عليا أو ضايقني ولو بكلمة، كان بيتمنى لي الرضا أرضى، أنا في يوم وليلة مرة واحدة اكتشفت إنه (بيحاول) يخونني لكن ما دخلش في علاقة مع حد
ما كنتش فاهمة ليه بيعمل كده ومش فاهمة ازاي دلوقتي هو مع حد تاني وسابني ونسيني.. ازاي؟ أنا كل ما أفتكر كنا بنحب بعض ازاي ببقى هتجنن
مش عارفة أساعد نفسي، حاسة إني محبوسة في نفق ضلمة مقفول عليا من كل حتة، لوحدي ومش عارفة أطلع..

Female 29
حاسه بإحباط رهيب بسبب اهلي الي مش عاجبهم حاجه
مش عاجبهم اني لسه متجوزتش
مش عاجبهم اني مش بعرف احوش فلوس من شغلي أو لسه مستقرتش
اضايقت من كتر ما هما دايما شايفين اني فاشله
وفي واحده قريبتي غلطت فيا قدام امي وبقيت اقاريبي وقدام اطفال صغيرين شايفيني قدوه وزعقت والكل قعد ساكت
حاسه اني مش عارفه اركز في شغلي وانا في وقت حساس دلوقتي ولو مركزتش ممكن يمشوني عشان لسه تحت الملاحظه
والجزء اليمين وجعني في رقبتي من امبارح ومش عارفه انام وحاسه اني ماليش ذنب في كل الي بيحصل مادام بسعي وبعمل الي عليا
ازاي اقدر اتفادي الاذي والضرر ده بجد ؟

مسا

M-23
المفروض اننا 4 صحاب في الكلية ونعرفوا بعض من قبل كده ومنهم واحد عشره عمري فوق ال 10 سنين مره واحده بقوا ينزلوا ومحدش يكلمني يعزموا بعض في رمضان ومحدش يقولي خطوبه اخت واحد فيهم يعزمهم وميقوليش رغم أن صاحب عمري ده كنت عامل عشانه مشكله معاهم عشان كانوا بيتكلموا عليه وقطعت معاهم فتره
مش هكدب علي نفسي أنا مش زعلان وخلاص أنا حاسس اني مقهور من كل السنين دي راحت كده الله اعلم كانوا بيقولوا عليا ايه بقا او ايه تاني معرفوش